Turizm faoliyatini litsenziyalash va amalga oshirish tartibini yanada takomillashtirish, kichik biznes subyektlarining tadbirkorlik faoliyati uchun qo‘shimcha shart-sharoitlar yaratish maqsadida Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Vazirlar Mahkamasining Turizm faoliyatini litsenziyalash komissiyasi va “O‘zbekturizm” milliy kompaniyasi uch oy muddatda:
ushbu qaror kuchga kirgunga qadar berilgan litsenziyalarni xatlovdan o‘tkazsinlar va ular yangi namunadagi litsenziyalar bilan almashtirilishini ta’minlasinlar;
turizm faoliyati subyektlari bilan birgalikda litsenziya bitimlarini Turizm faoliyatini litsenziyalash to‘g‘risidagi nizomga kiritilgan o‘zgartirish va qo‘shimchalarga muvofiqlashtirsinlar.
turizm tashkilotlarining xodimlariga va gidlarga (ekskursovodlarga) malaka sertifikati berish tartibi to‘g‘risidagi nizomni;
4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
Oldingi tahrirga qarang.
(1-band O‘zbekiston Respublikasi Vazirlar Mahkamasining 2017-yil 6-apreldagi 189-sonli qaroriga asosan o‘z kuchini yo‘qotgan — O‘R QHT, 2017-y., 14-son, 231-modda)
2. Vazirlar Mahkamasining 2011-yil 7-yanvardagi 6-son qarori (O‘zbekiston Respublikasi QT, 2011-y., 1-son, 3-modda) bilan tasdiqlangan Yakka tartibdagi tadbirkorlar yuridik shaxs tashkil etmasdan shug‘ullanishi mumkin bo‘lgan faoliyat turlari ro‘yxatiga quyidagi mazmundagi 75-pozitsiya qo‘shilsin: