LexUZ sharhi
Mazkur qaror Xorazm viloyati Yangiariq tumani hokimining 2014-yil 9-oktabrdagi 585q-sonli “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish o‘rinlarini band qilib qo‘yish to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasining “Aholini ish bilan ta’minlash to‘g‘risida”gi Qonunining 17-moddasiga hamda O‘zbekiston Respublikasi Vazirlar Mahkamasining 2008-yil 20-avgustdagi 186-sonli qarori bilan tasdiqlangan “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish o‘rinlarini band qilib qo‘yish tartibi to‘g‘risida”gi nizomga asoslanib qaror qilaman:
1. Yangiariq tumanida 2014-yil uchun ijtimoiy muhofazaga muhtoj va ish topishda qiynalayotgan shaxslarni ishga joylashtirish maqsadida, ish o‘rinlarini band qiladigan korxona, tashkilot va muassasalar ro‘yxati 1-ilovaga* muvofiq tasdiqlansin.
2. Korxona, tashkilot va muassasalarda xodimlarning, ro‘yxat bo‘yicha o‘rtacha sonidan kelib chiqqan holda 170 kishini tashkil etadigan 100 foiz miqdorida, shu jumladan:
o‘n to‘rt yoshgacha bolalari va nogiron bolalari bo‘lgan yolg‘iz ota, yolg‘iz ona va ko‘p bolali ota-onalar uchun 11 foiz (19 kishi);
bandlikka ko‘maklashish va aholini ijtimoiy muhofaza qilish markazida ish qidiruvchi sifatida hisobda turgan pensiya yoshiga yaqinlashib qolgan shaxslar uchun 10 foiz (17 kishi);
jazoni o‘tash muassasalaridan bo‘shatilgan, jazoni o‘tayotgan yoki sud qaroriga ko‘ra tibbiy xarakterdagi majburiy choralar ko‘rilgan shaxslar uchun 4 foiz (7 kishi);
ijtimoiy muhofazaga muhtoj shaxslarning boshqa toifalari uchun 13 foiz (22 kishi) miqdorida ish o‘rinlari zaxirasi belgilansin.
3. Ushbu toifa shaxslar uchun ish o‘rinlari xodimlar tomonidan o‘zlarining mehnat majburiyatlarini to‘siqlarsiz bajarishini ta’minlaydigan sanitariya va gigiyena normalari va mehnat sharoitlariga muvofiq bo‘lishi ta’minlansin. Shu jumladan:
o‘n to‘rt yoshgacha bolalari va nogiron bolalari bo‘lgan yolg‘iz ota, yolg‘iz ona va ko‘p bolali ota-onalar uchun bolalarni tarbiyalash va mehnat majburiyatlari bo‘yicha vazifalarni uyg‘unlashtirish imkonini beradigan, o‘zgaruvchan ish jadvaliga ega bo‘lgan ish o‘rinlari;
ta’lim muassasalarini tugatgan yoshlar uchun ularning kasb bo‘yicha tayyorgarligiga muvofiq bo‘lgan ish o‘rinlari;
muddatli harbiy xizmatdan bo‘shatilganlar uchun ularning kasb bo‘yicha tayyorgarligiga muvofiq bo‘lgan ish o‘rinlari;
nogironlar uchun mehnat sharoitlari bo‘yicha attestatsiyadan o‘tkazilgan hamda xodimga ish jarayonlarini to‘sqinliksiz bajarish imkonini (sog‘lig‘ining ahvoli va mehnat faoliyatiga nisbatan belgilangan zid ko‘rsatkichlarni hisobga olgan holda) beradigan ish o‘rinlari;
bandlikka ko‘maklashish va aholini ijtimoiy muhofaza qilish markazida ish qidiruvchi sifatida ro‘yxatda turgan pensiya yoshiga yaqinlashib qolgan shaxslar uchun maxsus malakani talab qilinmaydigan ish o‘rinlari;
jazoni o‘tash muassasalaridan ozod qilingan, jazoni o‘tayotgan yoki sud qaroriga ko‘ra tibbiy xarakterdagi majburiy choralar ko‘rilgan shaxslar uchun ularning kasb bo‘yicha tayyorgarligi hisobga olingan holdagi ish o‘rinlari muayyan kasb-hunarga va malakaga ega bo‘lmagan shaxslar uchun esa maxsus malakani talab qilmaydigan ish o‘rinlari tashkil qilinsin.
4. Korxona, tashkilot va muassasalarda ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun band qilingan kasb va lavozimlar ro‘yxati 2-ilovaga* muvofiq tasdiqlansin.
5. Korxona va tashkilotlar rahbarlari O‘zbekiston Respublikasi Vazirlar Mahkamasining 2008-yil 20-avgustdagi 186-sonli qarori bilan tasdiqlangan “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish o‘rinlarini band qilib qo‘yish tartibi to‘g‘risida”gi nizomga muvofiq, ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ko‘rsatilgan ish o‘rinlari tashkil qilinishini ta’minlasin.
6. Ushbu qarorning ijrosini ta’minlamagan korxona va tashkilotning mansabdor shaxslariga “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish o‘rinlarini band qilib qo‘yish tartibi to‘g‘risida”gi nizomning 15-bandiga muvofiq jarima qo‘llanilsin.
7. Bandlikka ko‘maklashish va aholini ijtimoiy muhofaza qilish tuman markazi (M. Atanazarov) bir hafta muddatda ushbu qarorni 1-ilovada ko‘rsatilgan tashkilot rahbarlari e’tiboriga yetkazsin.
8. Ushbu qaror 2014-yil 1-yanvardan kuchga kirishi munosabati bilan tuman hokimining 2012-yil 12-oktabrdagi 566-sonli qarori o‘z kuchini yo‘qotgan deb hisoblansin.