LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Tasdiqlangan standartlarga muvofiq alkogolli mahsulot ishlab chiqarishni tartibga solish, uning tegishli texnologiyasi va sifatini ta’minlash, shuningdek uni sotish ustidan nazoratni kuchaytirish maqsadida:
(1-band O‘zbekiston Respublikasi Prezidentining 2019-yil 5-fevraldagi PF-5656-sonli Farmoni tahririda — Qonun hujjatlari ma’lumotlari milliy bazasi, 06.02.2019-y., 06/19/5656/2586-son)
(2-band O‘zbekiston Respublikasi Prezidentining 2019-yil 5-fevraldagi PF-5656-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 06.02.2019-y., 06/19/5656/2586-son)
3. “O‘zmevasabzavotuzumsanoat” va “O‘zkimyosanoat” uyushmalari “O‘zdavstandart” hamda boshqa tegishli idoralar bilan birgalikda bir hafta muddatda oziqabop spirt, aroq va boshqa alkogolli mahsulotlar ishlab chiqarish huquqini olish uchun xo‘jalik yurituvchi subyektlarga nisbatan, shu jumladan korxonalar amaldagi standartlarga muvofiq ishlab chiqariladigan mahsulotlarning texnologiyasi va sifatini, shuningdek ularni sotish yuzasidan belgilangan tartibni ta’minlashlariga nisbatan qo‘yiladigan talablar ro‘yxatini tuzib, Vazirlar Mahkamasiga tasdiqlash uchun kiritilsin.
korxonalar, shu jumladan xorijiy sarmoyani jalb etgan korxonalar alkogolli mahsulotlar ishlab chiqarish huquqini olishlari uchun ularga ruxsatnomalar berish tartibini ikki hafta muddatda ishlab chiqib, tasdiqlasin;
alkogolli mahsulotlar ishlab chiqarish bilan band bo‘lgan xo‘jalik yurituvchi subyektlarni 1997-yilning 1-sentabriga qadar sinchiklab hisobga olsin hamda korxonalarga alkogolli mahsulot ishlab chiqarish huquqini olishga ruxsatnomalar berish uchun ushbu Farmon talablariga muvofiq ularning ro‘yxatini belgilasin.
O‘zbekiston Respublikasining Soliq kodeksiga muvofiq, 1998-yil 1-yanvardan boshlab amalga kiritiladigan vino-aroq mahsulotlarini sotish huquqi uchun litsenziya yig‘imining qat’iy belgilab qo‘yilgan stavkalarini bir oy muddatda ishlab chiqib, tasdiqlasin.
LexUZ sharhi
Qarang: O‘zbekiston Respublikasi Vazirlar Mahkamasining 1997-yil 14-avgustdagi 398-sonli “O‘zbekiston Respublikasi Prezidentining “Alkogolli mahsulot ishlab chiqarishga davlat monopoliyasini joriy etish to‘g‘risida”gi Farmonini bajarishga oid chora-tadbirlar haqida”gi qarori.
5. O‘zbekiston Respublikasi Adliya vazirligi ikki hafta muddatda amaldagi qonunchilikka mazkur Farmondan kelib chiqadigan o‘zgartish va qo‘shimchalar to‘g‘risida takliflar kiritsin.
6. Ushbu Farmonning bajarilishini nazorat qilish O‘zbekiston Respublikasi Vazirlar Mahkamasi zimmasiga yuklansin.