LexUZ sharhi
Mazkur qaror Xorazm viloyati Shovot tumani hokimining 2014-yil 23-yanvardagi 57-sonli “Shovot tumanida qishloq xo‘jaligi va meliorativ texnikalarni, mashina-traktor parklari, ustaxonalar va servis punktlarining asbob-uskunalarini majburiy texnik ko‘rikdan o‘tkazish to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Vazirlar Mahkamasining 2012-yil 6-dekabrdagi 345-sonli qaroriga, O‘zbekiston Respublikasi Qishloq va suv xo‘jaligi vazirining 2004-yil 15-noyabrdagi 248-sonli buyrug‘i bilan tasdiqlangan “Traktorlar, o‘zi yurar shassilar, meliorativ yo‘l-qurilish mashinalari va traktor tirkamalarini majburiy texnik ko‘rikdan o‘tkazish tartibi to‘g‘risida”gi nizomga muvofiq qaror qilaman:
1. Shovot tuman Qishloq xo‘jaligi bo‘yicha inspektori (X. Quranboyev), tumandagi yuridik va jismoniy shaxslarga tegishli bo‘lgan traktorlar, o‘zi yurar shassilar, meliorativ yo‘l-qurilish mashinalari va traktor tirkamalarining (keyingi o‘rinda “Mashinalar” deb yuritiladi) 2013-yilda (1-fevraldan 31-iyulgacha) texnik ko‘rikdan o‘tkazishni ta’minlansin.
Mashinalarni texnik ko‘rikdan o‘tkazishda ulardan foydalanish qoidalariga rioya etish ustidan samarali nazoratni tashkil etish, amalda mavjudligini, mashinalar sonini, ularning holatini, ro‘yxatdan o‘tkazish ma’lumotlarini aniqlashtirishga alohida e’tibor qaratilsin.
2. Tumandagi mashinalarni majburiy texnik ko‘rikdan o‘tkazish komissiyasi tarkibi 1-ilovaga* muvofiq tasdiqlansin.
birinchi texnik ko‘rikdan nosoz deb topilgan mashinalar takroriy texnik ko‘rikdan o‘tkazilganligi uchun belgilangan miqdorda yig‘im qayta undirilsin.
5. Tuman Davlat texnika nazorati bosh inspektori (M. Abdullayev)ga belgilangan tartibda ro‘yxatdan o‘tkazilmagan yoki majburiy texnik ko‘rikdan o‘tkazilmagan nosoz mashinalarni yo‘lga chiqarilishini oldini olish va ulardan foydalanish qoidalariga rioya etilishi yuzasidan nazorat kuchaytirilsin.