LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Respublika iste’mol bozorida muvozanat saqlanishini va uning barqaror to‘ldirilishini ta’minlash, aholining ijtimoiy muhofazasini kuchaytirish, shuningdek, tovarlarning ayrim turlarini qonunga xilof ravishda olib ketilishining oldini olish maqsadida:
1. Yuridik shaxslar tomonidan O‘zbekiston Respublikasi bojxona hududiga belgilangan tartibda olib kelinayotgan tovarlardan (ilovaga muvofiq) import boj to‘lovlari undirish 1999-yil 1-yanvardan bekor qilinsin.
Keyingi tahrirga qarang.
2. “O‘zdavstandart”, O‘zbekiston Respublikasi Sog‘liqni saqlash vazirligi, Qishloq va suv xo‘jaligi vazirligi keltirilayotgan iste’mol tovarlari sifati ustidan qattiq nazorat o‘rnatib, ularga tegishli sertifikatlar va ruxsatnomalar o‘z vaqtida berilishini ta’minlasin.
Keyingi tahrirga qarang.
3. O‘zbekiston Respublikasi Davlat bojxona qo‘mitasi, Ichki ishlar vazirligi eksport qilish taqiqlab qo‘yilgan tovarlarni qonunga xilof ravishda olib chiqib ketish hollariga chek qo‘yish yuzasidan qat’iy choralar ko‘rsin.
Belgilab qo‘yilsinki, eksport qilish taqiqlangan tovarlarni yuridik va jismoniy shaxslar (rezidentlar va norezidentlar) qonunga xilof ravishda olib chiqib ketish hollari aniqlangan taqdirda aybdor shaxslar amaldagi qonunlarga muvofiq ma’muriy yoki jinoiy javobgarlikka tortiladi.
4. Davlat bojxona qo‘mitasi O‘zbekiston Respublikasi Ichki ishlar vazirligi, Milliy xavfsizlik xizmati bilan birgalikda O‘zbekiston Respublikasi bojxona xizmatining ko‘chma bojxona postlari sonini ko‘paytirib, qo‘shni davlatlar bilan chegaralardagi dala yo‘llari va aylanma yo‘llar orqali tovarlarni qonunga xilof ravishda olib chiqib ketish ustidan nazoratni kuchaytirsin.
Keyingi tahrirga qarang.
manfaatdor vazirliklar va idoralar bilan birgalikda iste’mol tovarlarini O‘zbekiston Respublikasining bojxona hududidan qonunga xilof ravishda olib chiqib ketganlik, shuningdek, import qilinadigan tovarlarni sotishning belgilab qo‘yilgan tartibini buzganlik uchun yuridik va jismoniy shaxslarning javobgarligini kuchaytirish yuzasidan O‘zbekiston Respublikasining Ma’muriy javobgarlik to‘g‘risidagi kodeksiga va O‘zbekiston Respublikasi Jinoyat kodeksiga o‘zgartishlar kiritish to‘g‘risida belgilangan tartibda takliflar kiritsin;
6. Eksport qilish taqiqlangan tovarlarni qonunga xilof ravishda olib ketish hollariga chek qo‘yishda huquqni muhofaza qilish organlariga ko‘maklashish maqsadida Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari fuqarolarning o‘zini o‘zi boshqarish organlari va ommaviy axborot vositalarini jalb etib, aholi orasida keng tushuntirish ishlarini olib borsin.
7. O‘zbekiston Respublikasi Prezidentining “Tovarlar (ishlar, xizmatlar) eksportini rag‘batlantirish bo‘yicha qo‘shimcha chora-tadbirlar to‘g‘risida” 1997-yil 10-oktabrdagi PF-1871-son Farmoniga 5-ilova matnidagi “sionizm” so‘zi chiqarib tashlansin.
8. Ushbu Farmonning ijrosini nazorat qilish O‘zbekiston Respublikasi Bosh vaziri O‘.Sultonov zimmasiga yuklansin.
T/r | Tovar guruhi | Tovarning nomi | Tashqi iqtisodiy faoliyat TN bo‘yicha kod |
1. | 01 | Chorva mollari, parranda | 0101-0106 (0106 00 990 dan tashqari |
2. | 02 | Go‘sht va uning oziqbop qo‘shimcha mahsulotlari | 0201-0210 |
3. | 03 | Baliq va baliq mahsulotlari | 0301-0305 (030110 dan tashqari) |
4. | 04 | Sut va sut mahsulotlari | 0401,0402, 0404-0406 |
5. | 09 | Choy xomashyosi, choy | 0902 |
6. | 10 | G‘alla: bug‘doy, javdar, arpa, suli, guruch, makkajo‘xori, qorabug‘doy | 10 |
7. | 11 | Un, yorma | 1101-1106 |
8. | 15 | O‘simlik va mol yoglari hamda moylari, tayyorlangan oziqbop yog‘lar | 1502,1507,1509,1512, 1516,1517(150200100, 150710100,150790100, 150910100, 151211100, 151219100,151221100. 151229100 (dan tashqari) |
9. | 16 | Go‘sht, baliq va qisqichbaqasimonlardan tayyorlangan mahsulotlar�� | 1601,1602,1604,1605 (160430 dan tashqari) |
10. | 17 | Qand-shakar | 1701-1702 |
11. | 19 | Bolalar taomi | 190110000 |
12. | 29 | Provitaminlar va vitaminlar, tabiiy va sintez qilingan gormonlar, antibiotiklar | 2936,2937, 2941 |
13. | 30 | Farmatsevtika mahsulotlari*) | 3002-3005 |
14. | 34 | Xo‘jalik sovuni | 340119000 |
15. | 41 | Teri xomashyosi va terilar | 41 |
Keyingi tahrirga qarang.