LexUZ sharhi
Mazkur Farmon O‘zbekiston Respublikasi Prezidentining 2009-yil 17-iyundagi PF-4116-sonli “Soliq imtiyozlari tartibga solinishi munosabati bilan O‘zbekiston Respublikasi Prezidentining ayrim qarorlariga o‘zgartishlar kiritish hamda ba’zilarini o‘z kuchini yo‘qotgan deb hisoblash to‘g‘risida”gi Farmoniga asosan o‘z kuchini yo‘qotgan.
Qishloq xo‘jalik ekinzorlaridan foydalanish samaradorligini oshirish, qishloq xo‘jaligi tovar ishlab chiqaruvchilarining pirovard mehnat natijalaridan iqtisodiy manfaatdorligini kuchaytirish, soliqqa tortish tizimini soddalashtirish va bir xil qilish maqsadida:
1. 1999-yilning 1-yanvaridan boshlab qishloq xo‘jaligi tovar ishlab chiqaruvchilari uchun yagona yer solig‘i joriy etilsin.
2. Belgilab qo‘yilsinki, yagona yer solig‘i amaldagi barcha umumdavlat soliqlari (aksiz solig‘idan tashqari) hamda qishloq xo‘jaligi tovar ishlab chiqaruvchilari uchun belgilangan quyidagi mahalliy soliqlar va yig‘imlarni to‘lash o‘rniga joriy etiladi:
Oldingi tahrirga qarang.
(2-bandning to‘rtinchi xatboshi O‘zbekiston Respublikasi Prezidentining 2006-yil 7-iyuldagi PF-3771-sonli Farmoniga asosan chiqarilgan — O‘R QHT, 2006-y., 28-29-son, 262-modda)
Yagona yer solig‘i to‘lovchilari bo‘lmish qishloq xo‘jaligi tovar ishlab chiqaruvchilari uchun boj to‘lovi, davlat boji, litsenziya yig‘imlari, davlatning maqsadli jamg‘armalariga ajratmalar to‘lashning amaldagi tartibi saqlab qolinsin.
(2-band O‘zbekiston Respublikasi Prezidentining 2004-yil 8-yanvardagi PF-3376-sonli Farmoni tahririda — O‘R QHT, 2004-y., 1-2-son, 9-modda)
qishloq xo‘jaligi kooperativlari (shirkatlari), fermer xo‘jaliklari, agrofirmalar, shuningdek boshqa qishloq xo‘jalik mahsulotlari ishlab chiqaruvchilar yagona yer solig‘ini to‘lovchilar hisoblanadilar, dehqon xo‘jaliklari bundan mustasnodir. Dehqon xo‘jaliklariga O‘zbekiston Respublikasining “Dehqon xo‘jaligi to‘g‘risida”gi Qonunida ko‘zda tutilgan soliqqa tortish shartlari tadbiq etiladi;
qishloq xo‘jaligini yuritish uchun egalik qilish, foydalanishga yoki ijaraga berilgan yer maydoni yagona yer solig‘iga tortish obyekti hisoblanadi;
yagona yer solig‘i miqdori yer maydonining qayerda joylanganligini, sifati (ball-boniteti)ni va suv bilan ta’minlanganligini hisobga oluvchi bazaviy stavkalar hamda tuzatish koeffitsiyentlaridan kelib chiqqan xolda aniqlanadigan yer maydoni birligiga qayd etib qo‘yilgan to‘lov holida belgilanadi. Yagona yer solig‘ining miqdori qishloq xo‘jaligi tovar ishlab chiqaruvchilarining xo‘jalik faoliyati natijalariga bog‘liq bo‘lmaydi;
Oldingi tahrirga qarang.
(4-band O‘zbekiston Respublikasi Prezidentining 2000-yil 19-sentabrdagi PF-2714-sonli Farmoniga asosan o‘z kuchini yo‘qotgan — Oliy Majlis Axborotnomasi, 2000-y., 9-10-son, 270-modda)
shu yilning 15-noyabriga qadar yerlar joylashishining tafovutlari, sifati (ball-boniteti)ni va suv bilan ta’minlanganligini hisobga olgan holda Qoraqalpog‘iston Respublikasi va viloyatlar bo‘yicha qishloq xo‘jalik ekinzorlariga mutlaq miqdorda 1999-yilga mo‘ljallangan yagona yer solig‘ining muvaqqat bazaviy stavkalarini, shuningdek yagona yer solig‘i muvaqqat bazaviy stavkalarining tuzatish koeffitsiyentlarini tasdiqlasin;
yagona yer solig‘ining muvaqqat bazaviy stavkalaridan kelib chiqib, O‘zbekiston Respublikasining 1999-yilgi Davlat budjetini tasdiqlash chog‘ida tumanlar va shaharlar bo‘yicha yagona yer solig‘i stavkalarini tasdiqlasin;
1999-yilgi ish yakunlari bo‘yicha, Respublika komissiyasining takliflarini hisobga olgan holda yagona yer solig‘ining muvaqqat bazaviy stavkalari va tuzatish koeffitsiyentlarini qayta ko‘rib chiqsin.
ushbu Farmon amalga kiritilgunga qadar ayrim qishloq xo‘jaligi tovar ishlab chiqaruvchilariga yer solig‘i, shuningdek daromad (foyda) solig‘ini to‘lashda imtiyozlar qancha muddatga berilgan bo‘lsa shu muddat to‘lagunga qadar bunday imtiyoz yagona yer solig‘i to‘lashga tadbiq etiladi;
yagona yer solig‘ini hisoblash chog‘ida O‘zbekiston Respublikasining Soliq kodeksiga muvofiq yer solig‘iga tortilmaydigan yer maydonlari soliqqa tortish bazasidan mustasno qilinadi;
yangi tashkil etilgan qishloq xo‘jaligi tovar ishlab chiqaruvchilari davlat ro‘yxatidan o‘tgan paytdan boshlab ikki yil muddatga yagona yer solig‘i to‘lashdan ozod qilinadilar.
Oldingi tahrirga qarang.
tugatilayotgan shirkatlar negizida barpo etiladigan bog‘dorchilik va uzumchilik fermer xo‘jaliklari ularni davlat ro‘yxatidan o‘tgan paytdan boshlab yagona yer solig‘i to‘lashdan 5 yil muddatga ozod qilinadi. Soliq solishdan bo‘shaydigan mablag‘lar maqsadli tartibda meva-sabzavot mahsulotlarini qayta ishlashni rivojlantirishga, bog‘ va uzumzorlar barpo etish hamda ularni kengaytirishga yo‘naltiriladi.
(6-band O‘zbekiston Respublikasi Prezidentining 2006-yil 17-apreldagi PF-3741-sonli Farmoni asosida beshinchi xatboshi bilan to‘ldirilgan — O‘R QHT, 2006-y., 16-son, 131-modda)
tadbirkorlik subyektlari — yuridik shaxslar ixtiyoriy tugatilganda yuridik shaxslarni davlat ro‘yxatidan o‘tkazgan organ ixtiyoriy tugatish to‘g‘risida qabul qilingan qaror haqida xabardor qilingan kundan boshlab yagona yer solig‘ini hisoblab yozish tugatiladi.
Ixtiyoriy tugatish, shuningdek tadbirkorlik subyekti — yuridik shaxs faoliyatini ixtiyoriy tugatish va faoliyatini tiklash tartib-taomillari qonun hujjatlarida belgilangan muddatlarda tugallanmagan taqdirda soliq imtiyoz qo‘llanadigan butun davr uchun to‘liq hajmda olinadi.
(6-band O‘zbekiston Respublikasi Prezidentining 2007-yil 19-iyundagi PF-3886-sonli Farmoni asosida xatboshilar bilan to‘ldirilgan — O‘R QHT, 2007-y., 25-26-son, 259-modda)
7. O‘zbekiston Respublikasi Moliya vazirligi Davlat soliq qo‘mitasi bilan birgalikda bir oy muddatda qishloq xo‘jaligi tovar ishlab chiqaruvchilari uchun yagona yer solig‘ini hisoblash va to‘lash tartibini ishlab chiqib, tasdiqlasin.
8. Ushbu Farmonning bajarilishini nazorat qilish O‘zbekiston Respublikasi Bosh vaziri O‘. T. Sultonov zimmasiga yuklansin.