LexUZ sharhi
Ushbu Farmon O‘zbekiston Respublikasi Prezidentining 2004-yil 15-oktabrdagi PF-3502-sonli “O‘zbekiston Respublikasi yer resurslari, geodeziya, kartografiya va davlat kadastri davlat qo‘mitasini tashkil qilish to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasining Yer kodeksi qoidalarini ro‘yobga chiqarish, yerga oid munosabatlar sohasida yagona davlat siyosatini amalga oshirish, yer resurslarini boshqarish strukturasini takomillashtirish va yer fondidan oqilona foydalanishni ta’minlash maqsadida:
Qishloq va suv xo‘jaligi vazirligining yer tuzish va yerdan foydalanish Bosh boshqarmasi bilan yerdan foydalanishni nazorat qilish bo‘yicha Davlat inspeksiyasi negizida O‘zbekiston Pecpublikasi Yer resurslari davlat qo‘mitasi;
tegishli hududiy yer tuzish xizmatlari negizida Qoraqalpog‘iston Respublikasi yer resurslari boshqarmasi, yer resurslari viloyat boshqarmalari va tuman xizmatlari.
O‘zbekiston Respublikasi Yer resurslari davlat qo‘mitasi yerga oid munosabatlarni tartibga solish, yer tuzishni, yerlar monitoringini amalga oshirish, davlat yer kadastrini yuritish hamda yerlardan foydalanishni nazorat qilish va ularni muhofaza etish sohasida davlat boshqaruvi organi hisoblanadi va O‘zbekiston Respublikasi Vazirlar Mahkamasiga hisobot beradi;
yer resurslari bo‘yicha hududiy boshqarmalar va xizmatlar O‘zbekiston Respublikasi Yer resurslari davlat qo‘mitasiga bo‘ysunadilar hamda Qoraqalpog‘iston Respublikasi Vazirlar Kengashiga va viloyat hokimliklariga hisobot beradilar.
3. O‘zbekiston Respublikasi Yer resurslari davlat qo‘mitasi faoliyatining asosiy vazifalari va yo‘nalishlari quyidagilardan iborat qilib belgilansin:
yer resurslaridan oqilona foydalanishga qaratilgan yagona davlat siyosatini amalga oshirish, O‘zbekiston Respublikasining Yer kodeksiga va yerga oid qonunchilikning boshqa hujjatlariga rioya etilishini nazorat qilish, yerdan foydalanish, uni saqlash, tuproq unumdorligini oshirish va qayta tiklash sohasida davlat boshqaruvi organlarining, yuridik va jismoniy shaxslarning faoliyatini muvofiqlashtirish;
yer fondidan foydalanishni yaxshilash, tuproq unumdorligini saqlash, oshirish va qayta tiklash borasidagi Milliy dasturni ishlab chiqib, amalga oshirish hamda yer resurslarining holati to‘g‘risida yillik Milliy hisobotni tayyorlash;
bozor iqtisodiyotini rivojlantirish, qishloqda mulkdorlar sinfini shakllantirish talablariga muvofiq yerga oid munosabatlar tizimini takomillashtirish bo‘yicha takliflar tayyorlash;
yer tuzishni tashkil etishni, yerdan foydalanish va uni muhofaza qilishni, yer resurslariga beriladigan bahoni hisobga olishni takomillashtirishga qaratilgan chora-tadbirlar kompleksini ishlab chiqib, amalga oshirish, qulay ekologiya muhitini vujudga keltirish va tabiat manzaralarini yaxshilash;
yer fondining holatini kuzatib borish, o‘zgarishlarni o‘z vaqtida aniqlash, yerlarni baholash, yerga salbiy ta’sir o‘tkazish jarayonlari oqibatlarining oldini olish va bartaraf etish maqsadida yerlar monitoringini amalga oshirish;
davlat yer kadastrini tashkil etish va yuritish, yerga bo‘lgan huquqni ro‘yxatga olish, davlat hokimiyati organlarini, yuridik va jismoniy shaxslarni yerlarning tabiiy, xo‘jalik va huquqiy rejimi, ularning toifalari, sifat xususiyatlari, yer uchastkalarining qayerda joylashgani va hajmlari, ularning yer egalari, yerdan foydalanuvchilar, ijarachilar va mulkdorlar bo‘yicha taqsimlanishi to‘g‘risida haqqoniy ma’lumotlar va hujjatlar bilan ta’minlash;
yerdan foydalanish va uni muhofaza qilish ustidan davlat nazoratini tashkil qilish va amalga oshirish, yuridik va jismoniy shaxslar, boshqaruv organlari, mahalliy hokimiyat organlari qonun talablariga rioya etishlarini ta’minlash, yo‘l qo‘yiladigan buzilishlarni bartaraf etish va aybdor shaxslarni javobgarlikka tortish yuzasidan o‘z vaqtida choralar ko‘rish;
yer tuzishni tashkil etish borasidagi eng yangi jahon texnologiyalarini o‘rganish va joriy etish, yerdan foydalanish va tuproq unumdorligini oshirish sohasidagi ilmiy tadqiqotlarni ta’minlash;
yer tuzish, davlat yer kadastri va tuproqshunoslik sohasida band bo‘lgan mutaxassislar tayyorlashni va ularning malakasini oshirishni tashkil etish.
O‘zbekiston Respublikasi Yer resurslari davlat qo‘mitasi o‘z vakolati doirasida qabul qiladigan qarorlar barcha yuridik va jismoniy shaxslar tomonidan ijro etish uchun majburiydir;
O‘zbekiston Respublikasi Vazirlar Mahkamasi huzuridagi geodeziya, kartografiya va davlat kadastri Bosh boshqarmasi, shuningdek O‘zbekiston Respublikasi Kommunal xizmat ko‘rsatish vazirligi texnik inventarizatsiya respublika va hududiy kadastr byurolari yer tuzish, yerdan foydalanish, shaharlar hamda qishloqlarning yerlarini baholash va ularning monitoringi masalalari bo‘yicha O‘zbekiston Respublikasi Yer resurslari davlat qo‘mitasiga hisobot beradilar.
5. O‘zbekiston Respublikasi Qishloq va suv xo‘jaligi vazirligining yer tuzish bo‘yicha Davlat ilmiy-loyiha instituti “O‘zdaverloyiha” hamda O‘zbekiston Respublikasi Fanlar akademiyasining Tuproqshunoslik va agroximiya instituti O‘zbekiston Respublikasi Yer resurslari davlat qo‘mitasi tarkibiga o‘tkazilsin.
“O‘zdaverloyiha” ilmiy-loyiha instituti hamda Tuproqshunoslik va agroximiya instituti davlat budjeti mablag‘lari hisobidan bajaradigan yer-kadastr, yer tuzish, tuproq va geobotanika ishlari topografiya ishlariga tenglashtirilishi hamda qo‘shilgan qiymat solig‘idan ozod qilinishi belgilab qo‘yilsin.
6. Vazirlar Mahkamasi ikki hafta muddatda O‘zbekiston Respublikasi Yer resurslari davlat qo‘mitasi faoliyatini tashkil etish to‘g‘risida qaror qabul qilsin.