O‘zbekiston Respublikasining “Tashqi iqtisodiy faoliyat to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 2000-y., 5-6-son, 148-modda), O‘zbekiston Respublikasi Prezidentining 2000-yil 2-iyundagi PF–2612-son “Jamiyatning siyosiy, iqtisodiy va ma’naviy sohalarida islohotlarni erkinlashtirish va chuqurlashtirish, mamlakat xavfsizligini ta’minlash bo‘yicha dasturlarni amalga oshirish borasidagi chora-tadbirlar to‘g‘risida”gi Farmoni va O‘zbekiston Respublikasi Vazirlar Mahkamasining 2005-yil 9-avgustdagi 189-son “O‘zbekiston Respublikasining xo‘jalik yurituvchi subyektlari tomonidan xorijiy mamlakatlardagi ular tashkil etgan savdo uylari, vakolatxonalar, korxonalar orqali, shuningdek O‘zbekiston Respublikasi Savdo-sanoat palatasining xorijiy mamlakatlaridagi savdo-investitsiya uylari orqali olib chiqilayotgan tovarlarni bojxonada rasmiylashtirish tartibi to‘g‘risidagi nizomni tasdiqlash haqida”gi qaroriga (O‘zbekiston Respublikasi qonun hujjatlari to‘plami, 2005-y., 32-33-son, 246-modda) muvofiq O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Tashqi ishlar vazirligi, Davlat soliq qo‘mitasi va Davlat bojxona qo‘mitasi qaror qiladi:
1. O‘zbekiston Respublikasi yuridik shaxslari tomonidan chet elda tashkilotlar tashkil etish yoki ularning ustav fondi (kapitali)da ulush bilan ishtirok etish to‘g‘risida xabardor etish tartibi haqidagi nizom ilovaga muvofiq tasdiqlansin.
O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Tashqi ishlar vazirligi, Davlat soliq qo‘mitasi va Davlat bojxona qo‘mitasining 2013-yil 27-martdagi 9, 24, 12, 2013-22, 01-02/19-28-son qaroriga
ILOVA
ILOVA
Mazkur Nizom O‘zbekiston Respublikasining “Tashqi iqtisodiy faoliyat to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 2000-y., 5-6-son, 148-modda), O‘zbekiston Respublikasi Prezidentining 2000-yil 2-iyundagi PF–2612-son “Jamiyatning siyosiy, iqtisodiy va ma’naviy sohalarida islohotlarni erkinlashtirish va chuqurlashtirish, mamlakat xavfsizligini ta’minlash bo‘yicha dasturlarni amalga oshirish borasidagi chora-tadbirlar to‘g‘risida”gi Farmoni va O‘zbekiston Respublikasi Vazirlar Mahkamasining 2005-yil 9-avgustdagi 189-son “O‘zbekiston Respublikasining xo‘jalik yurituvchi subyektlari tomonidan xorijiy mamlakatlardagi ular tashkil etgan savdo uylari, vakolatxonalar, korxonalar orqali, shuningdek O‘zbekiston Respublikasi Savdo-sanoat palatasining xorijiy mamlakatlaridagi savdo-investitsiya uylari orqali olib chiqilayotgan tovarlarni bojxonada rasmiylashtirish tartibi to‘g‘risidagi nizomni tasdiqlash haqida”gi qaroriga (O‘zbekiston Respublikasi qonun hujjatlari to‘plami, 2005-y., 32-33-son, 246-modda) muvofiq O‘zbekiston Respublikasi yuridik shaxslari tomonidan chet elda tashkilotlar tashkil etish yoki ularning ustav fondi (kapitali)da ulush bilan ishtirok etish to‘g‘risida xabardor etish tartibini belgilaydi.
chet eldagi tashkilot — xorijiy mamlakatlarda yuridik shaxs sifatida yoki ta’sis etilgan davlat qonunchiligida nazarda tutilgan boshqa shaklda ta’sis etilgan tashkilot, shu jumladan savdo uyi, vakolatxona, filial, tashkilot;
chet elda tashkilot tashkil etish — ta’sischi tomonidan chet eldagi tashkilotni tashkil etish yoki chet eldagi tashkilotning ustav fondi (kapitali)da ulush bilan ishtirok etish;
vakolatli organ — O‘zbekiston Respublikasi Tashqi iqtisodiy aloqalar, investitsiyalar va savdo vazirligi.
2. Ta’sischilar tashqi iqtisodiy aloqalarni kengaytirish maqsadida, tashkil etilayotgan davlat va O‘zbekiston Respublikasining qonunchiligiga muvofiq, chet elda tashkilotlar tashkil etish huquqiga ega.
3. Ta’sischilar chet eldagi tashkilotni ta’sischining ta’sis hujjatlariga asosan, vakolatiga chet elda tashkilot tashkil etish to‘g‘risida qaror qabul qilish kiradigan boshqaruv organi qaroriga asosan tashkil etishadi.
Bunda, ta’sischi chet eldagi tashkilotning ustav fondi (kapitali)dagi o‘z ulushini tovarlar bilan shakllantirishda, bojxona organlariga quyidagilarni taqdim etgan holda, tovarlarni chet eldagi tashkilot ustav fondi (kapitali)dagi o‘z ulushini shakllantirish hisobiga “vaqtincha olib chiqish” bojxona rejimiga rasmiylashtiradi (tovarlarni olib o‘tishning xususiyatlari “tovarlarni investitsiya sifatida olib chiqish” sifatida ko‘rsatiladi):
Keyingi tahrirga qarang.
Keyingi tahrirga qarang.
davlat soliq xizmati organlarining ta’sischining budjet oldida soliqlar va boshqa majburiy to‘lovlar bo‘yicha qarzi bor yoki yo‘qligi to‘g‘risidagi ma’lumotnomasi.
Keyingi tahrirga qarang.
4. Ta’sischi chet eldagi tashkilotni tashkil etish davlati qonunchiligiga muvofiq tashkil etish davlatining ro‘yxatdan o‘tkazuvchi organida davlat ro‘yxatidan o‘tkazadi.
5. Davlat mulkchilik shaklidagi yuridik shaxslar tomonidan chet elda korxonalar tashkil etish, ustav fondida ishtirok etish, qayta tashkil etish va korxonalarni tugatish, chet ellardagi davlat mulkini sotib olish va tasarruf etish masalalarini kelishish hamda chet eldagi davlat mulkini saqlanishi va ularning samarali boshqarilishi ustidan monitoring olib borish tartibi to‘g‘risidagi nizomga (ro‘yxat raqami 1488, 2005-yil 6-iyul) (O‘zbekiston Respublikasi qonun hujjatlari to‘plami, 2005-y., 27-son, 195-modda) muvofiq davlat korxonasi O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi bilan kelishilgan holda chet elda tashkilot tashkil etishi mumkin.
6. Chet eldagi tashkilot davlat ro‘yxatidan o‘tkazilganidan keyin ta’sischi bir oy ichida vakolatli organni ushbu haqida chet elda tashkil etilgan tashkilotning tasdiqlangan, O‘zbekiston Respublikasining chet eldagi akkreditatsiyadan o‘tgan joyi bo‘yicha diplomatik vakolatxonasi yoki konsullik muassasasi yoxud O‘zbekiston Respublikasi Tashqi ishlar vazirligining Konsullik boshqarmasi tomonidan legalizatsiya qilingan ta’sis hujjatlarini tegishli tarjimasi bilan birga yuborgan holda xabardor qiladi.
O‘zbekiston Respublikasining xalqaro shartnomalarida, bir ahdlashuvchi tomonning hududida maxsus muassasa yoki vakolatli shaxs tomonidan tayyorlangan yoki guvohlantirilgan, ularning vakolati doirasida va belgilangan shaklda va gerbli muhr bilan tasdiqlangan bo‘lsa, boshqa ahdlashuvchi tomonning biron-bir maxsus guvohlantirishsiz qabul qilinishi belgilangan bo‘lsa, talab etilmaydi.
7. Vakolatli organ chet eldagi tashkilotning taqdim etilgan ta’sis hujjatlari asosida ta’sischilar tomonidan tashkil etilgan chet eldagi tashkilotlar reyestrini shakllantiradi va yuritadi.
8. O‘zbekiston Respublikasi Davlat bojxona qo‘mitasi har chorakda, hisobot davridan keyingi oyning 10-sanasidan kechikmay, vakolatli organga mazkur Nizomning ilovasiga muvofiq shaklda chet eldagi tashkilotlar manziliga tovarlar jo‘natgan ta’sischilar to‘g‘risida ma’lumotni taqdim etadi.
9. Vakolatli organ har chorakda, hisobot davridan keyingi oyning 20-sanasidan kechikmay, O‘zbekiston Respublikasi Iqtisodiyot vazirligi, Davlat soliq qo‘mitasi va Davlat bojxona qo‘mitasiga chet elda tashkilotlar tashkil etilganligi to‘g‘risida xabar yuborgan ta’sischilar ro‘yxatini (zarur bo‘lganda — elektron shaklda) taqdim etadi.
Keyingi tahrirga qarang.
10. Davlat bojxona xizmati organlari vakolatli organ tomonidan taqdim etilgan ma’lumotlarga asosan ustav fondi (kapitali)ni shakllantirish hisobiga olib chiqilgan tovarlarni “eksport” bojxona rejimiga qayta rasmiylashtiradilar.
11. Qayta rasmiylashtirish jarayonidan so‘ng ta’sischi chet eldagi tashkilotning ustav fondi (kapitali)ni shakllantirish uchun yuborilgan tovarlarni qaytarish majburiyatidan ozod etiladi.
12. Chet eldagi tashkilotning ta’sis hujjatlariga o‘zgartirish va qo‘shimchalar kiritilganda, u qayta tashkil etilganda yoki tugatilganda, shuningdek chet eldagi tashkilotning ta’sischilari, shu jumladan xorijiy ta’sischilari o‘zgarganda ta’sischi bir oy ichida vakolatli organni tegishli hujjatlarni yuborgan holda xabardor etadi.
Keyingi tahrirga qarang.
13. Ta’sischilar vakolatli organga chet eldagi tashkilotning u tashkil etilayotgan davlatdagi ro‘yxatdan o‘tkazish va uning ustav fondi (kapitali)da ulush bilan ishtirok etish tartibi to‘g‘risida ma’lumot olish maqsadida murojaat qilishga haqli.
O‘zbekiston Respublikasi yuridik shaxslari tomonidan chet elda tashkilotlar tashkil etish yoki ularning ustav fondi (kapitali)da ulush bilan ishtirok etish to‘g‘risida xabardor etish tartibi haqidagi nizomga
ILOVA
ILOVA
O‘zbekiston Respublikasi Davlat bojxona qo‘mitasi tomonidan vakolatli organga taqdim etiladigan chet eldagi tashkilotlar | |||||||||||||||
(20__ y. ________________ — ________________ davri uchun) | |||||||||||||||
№ | Ta’sischi (eksport qiluvchi) | Ta’sischining (eksport qiluvchi) STIRi | Chet eldagi tashkilot nomi | Import qiluvchining davlati | Kontrakt sanasi | Kontrakt raqami | Tovar nomi | Ustav fondi (kapitali) hisobiga | TIF TN kodi | O‘lchov birligi | Soni | Qiymati (AQSh dollarida) | Bojxona yuk deklaratsiyasi ma’lumot raqami | O‘zbekiston Respublikasi Tashqi iqtisodiy aloqalar, investitsiyalar va savdo vazirligining xabarnoma raqami | Chet eldagi tashkilot manziliga ushbu ta’sischi tomonidan oxirgi marta tovarni jo‘natish sanasi |