Olimpiya zaxiralarining sport salohiyatini yanada rivojlantirish, sportning eshkak eshish turlari bo‘yicha respublika terma jamoalarini tayyorlashni bosqichma-bosqich zarur darajada tashkil etish, iqtidorli bolalarni sport bilan muntazam shug‘ullanishga faol jalb qilish, ulardan mamlakat terma jamoalarining ishonchli zaxirasini shakllantirish maqsadida Vazirlar Mahkamasi qaror qiladi:
Keyingi tahrirga qarang.
1. Samarqand viloyati hokimligi, O‘zbekiston Respublikasi Madaniyat va sport ishlari vazirligining Samarqand viloyati, Samarqand tumani, “Qo‘shtamg‘ali” qishloq fuqarolar yig‘ini, Konigil qishlog‘ida joylashgan Samarqand viloyati Madaniyat va sport ishlari boshqarmasi huzuridagi sportning eshkak eshish turlari bo‘yicha bolalar-o‘smirlar sport maktabi negizida O‘zbekiston Respublikasi Madaniyat va sport ishlari vazirligi huzuridagi Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari maktabini tashkil etish to‘g‘risidagi taklifiga rozilik berilsin.
Keyingi tahrirga qarang.
Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabi o‘z faoliyatini Vazirlar Mahkamasining “Sport maktablari faoliyatini hamda sport maktablari trenerlari va mutaxassislari mehnatini moddiy rag‘batlantirish tizimini yanada takomillashtirish to‘g‘risida” 2010-yil 23-sentabrdagi 211-son qarori bilan tasdiqlangan O‘zbekiston Respublikasidagi Davlat budjetidan moliyalashtiriladigan sport maktablari to‘g‘risidagi Nizomga muvofiq amalga oshiruvchi maktabdan tashqari sport-ta’lim muassasasi hisoblanadi;
respublika va mintaqalar stajyorlar va asosiy terma jamoalar tarkiblarini to‘ldirishga qodir bo‘lgan yuqori malakali sportchilarni tayyorlash, sportning eshkak eshish turlarini – akademik eshkak eshish va baydarka va kanoeda eshkak eshish turlarini rivojlantirish Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari maktabi faoliyatining asosiy yo‘nalishlari hisoblanadi;
Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabiga o‘quvchi-sportchilarni qabul qilish sport maktablari va klublarida dastlabki tayyorgarlikdan o‘tgan, sportning eshkak eshish turlari bilan shug‘ullanish uchun sport ko‘rsatkichlariga va yuqori klassli sportchining tegishli salohiyatiga ega bo‘lgan iqtidorli bolalar orasidan amalga oshiriladi;
sport maktabida o‘quv yili 2-sentabrda boshlanadi. O‘quv yilining davomiyligi sport turining xususiyatiga, sport musobaqalari taqvimiga, sport tayyorgarligini davriylashtirishga bog‘liq bo‘ladi hamda sport maktabining rahbariyati tomonidan sportning har bir turi uchun yakka tartibda belgilanishi mumkin;
Keyingi tahrirga qarang.
Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabining o‘quvchi-sportchilari umumta’lim dasturlari bo‘yicha yaqin joylashgan umumta’lim maktablarida o‘qitiladi.
3. Quyidagilar Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabining asosiy vazifalari etib belgilansin:
respublikaning barcha mintaqalaridan sportning eshkak eshish turlari bilan shug‘ullanish uchun zarur sport ko‘rsatkichlariga, sport salohiyatiga, sportning tanlangan turi bo‘yicha professional ko‘nikmalarga va mahoratga ega bo‘lgan iqtidorli va istiqbolli bolalarni puxta tanlab olish;
sportning eshkak eshish turlari bo‘yicha eng yangi ilmiy-metodik tavsiyalar va yutuqlar asosida sport zaxiralarini va respublika terma jamoalari uchun yuqori klassli sportchilarni tayyorlash uchun o‘quv-mashq jarayonini tashkil etish;
Keyingi tahrirga qarang.
yuqori klassli sportchilarni tayyorlash bo‘yicha o‘quv-mashq jarayonini tashkil etish uchun zarur bo‘lgan zamonaviy moddiy-texnika bazasini va malakali trenerlar tarkibini yaratish;
nazariy tayyorgarlikni va texnik-taktik ko‘nikmalarni takomillashtirish, eshkakchilarning professional sifatlarini rivojlantirish, shuningdek sportning eshkak eshish turlarini rivojlantirishning xalqaro talablariga muvofiq O‘zbekiston terma jamoalarini tayyorlash darajasini oshirish;
Keyingi tahrirga qarang.
sportchilar va trenerlar tarkibining kasb mahoratini oshirish yuzasidan tajriba almashish sohasida sportning eshkak eshish turlari bo‘yicha xorijiy maktablar, akademiyalar va klublar bilan hamkorlikni rivojlantirish.
4. Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabining tuzilmasi ilovaga muvofiq tasdiqlansin.
Keyingi tahrirga qarang.
bir oy muddatda Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabining belgilangan tartibda davlat ro‘yxatidan o‘tkazilishini ta’minlasin.
O‘zbekiston “Rowing & Sanoe” federatsiyasi bilan birgalikda Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabini malakali mutaxassislar bilan ta’minlash, o‘quv-mashq jarayonini zarur darajada tashkil etish uchun zarur bo‘lgan o‘quv-metodik adabiyotlarni tanlab olgan holda o‘quv binolarini jihozlash chora-tadbirlarini ta’minlasin, shuningdek xorijiy sportchilar o‘quv-mashq yig‘inlarini, respublika va xalqaro musobaqalarni, regatalar hamda turnirlarni tayyorlash va o‘tkazish uchun Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabining moddiy-texnika bazasidan foydalanish tartibini ishlab chiqsin va tasdiqlasin;
Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabi o‘quvchi-sportchilarini tayyorlash sifati ustidan tizimli monitoringni hamda, zaruriyat bo‘lganda, o‘quv-mashq jarayonini takomillashtirish yuzasidan tegishli takliflar kiritilishini ta’minlasin.
O‘zbekiston “Rowing & Canoe” Federatsiyasi tomonidan “O‘zbekenergo” davlat-aksiyadorlik kompaniyasi mablag‘lari hisobiga Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabida olimpiya musobaqalarini o‘tkazish talablariga muvofiq yirik xalqaro musobaqalar, regatalar, turnirlar o‘tkazish uchun 1 020 000 (bir million yigirma ming) yevro qiymatidagi “Start-Finish” elektron axborot tizimi sotib olinganligi va o‘rnatilganligi;
Keyingi tahrirga qarang.
o‘rnatilgan “Start-Finish” elektron axborot tizimi O‘zbekiston “Rowing & Canoe” Federatsiyasi balansidan Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabi balansiga bepul o‘tkazilishi ma’lumot uchun qabul qilinsin.
7. Samarqand viloyati hokimligi, O‘zbekiston “Rowing & Canoe” Federatsiyasi xayriya ehsonlari mablag‘larini jalb etgan holda:
Jahon kanoe federatsiyasi standartlariga muvofiq Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabi obyektlarining qurilish-montaj va obodonlashtirish ishlarining 2013-yil III choragigacha tugallanishini;
Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabini 4 ta avtotransport vositasi, shu jumladan 1 ta xizmat va 3 ta maxsus avtotransport bilan ta’minlasinlar.
8. O‘zbekiston Respublikasi Davlat arxitektura va qurilish qo‘mitasi Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabi obyektlari bo‘yicha loyiha-smeta hujjatlarining belgilangan tartibda ekspertizadan o‘tkazilishini ta’minlasin hamda qurilish-montaj ishlarini bajarish sifati yuzasidan nazorat o‘rnatsin.
9. Belgilab qo‘yilsinki, Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabi faoliyatini moliyalashtirish:
2013-yil uchun Samarqand viloyati budjeti va O‘zbekiston Respublikasi respublika budjeti xarajatlar parametrlariga tegishli o‘zgartirishlar kiritsin, shuningdek 2014-yildan boshlab O‘zbekiston Respublikasi Davlat budjeti parametrlarini shakllantirishda Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabi ta’minoti uchun “Ta’lim” sohasiga ajratiladigan mablag‘lar doirasida zarur mablag‘larni nazarda tutsin;
Keyingi tahrirga qarang.
4 ta avtotransport vositasini, shu jumladan 1 ta xizmat va 3 ta maxsus avtostransportni saqlash uchun limit ajratsin.
11. Vazirlar Mahkamasining “O‘zbekiston Respublikasi Madaniyat va sport ishlari vazirligi to‘g‘risidagi Nizomni tasdiqlash haqida” 2005-yil 5-apreldagi 96-son qarorida (O‘zbekiston Respublikasi QT, 2005-y., 3-4-son, 20-modda):
“34. Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabi”;
b) 3-ilovada mutasaddilik qilinadigan tashkilotlar ro‘yxati blokiga quyidagi mazmundagi xatboshi qo‘shilsin:
“Sportning eshkak eshish turlari bo‘yicha Respublika ixtisoslashtirilgan bolalar-o‘smirlar olimpiya zaxiralari sport maktabi”.
Keyingi tahrirga qarang.
12. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.