Farg‘ona vodiysining transport-logistika infratuzilmasini zamonaviy talablarga muvofiq takomillashtirish, tadbirkorlik faoliyati subyektlari o‘rtasidagi kooperatsiya aloqalarini yanada kengaytirish, yuk tashishlar hajmlarini ko‘paytirish hamda yuklarni o‘z vaqtida va uzluksiz yetkazib berish uchun qulay shart-sharoitlar yaratish, shuningdek mintaqaning temir yo‘l infratuzilmasidan samarali foydalanish maqsadida Vazirlar Mahkamasi qaror qiladi:
1. O‘zbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi hamda “O‘zbekiston temir yo‘llari” davlat-aksiyadorlik kompaniyasining:
“O‘zbekiston temir yo‘llari” davlat-aksiyadorlik kompaniyasi huzurida “Pop logistika markazi” unitar korxonasining multimodal logistika markazini tashkil etish, yuklarni ishlash hajmlarini yiliga 4,0 mln tonnagacha yetkazish;
transportning har xil turlari bilan tashishning o‘zaro bog‘liq jarayonini, shu jumladan “Qamchiq” dovoni orqali yuklarni tashish uchun “Angren logistika markazi” yopiq aksiyadorlik jamiyatining avtotransport vositalari parkidan samarali foydalanish asosida tashkil etish to‘g‘risidagi takliflari qabul qilinsin.
2. Quyidagilar “Pop logistika markazi” unitar korxonasi faoliyatining asosiy vazifalari va yo‘nalishlari etib belgilansin:
Farg‘ona mintaqaviy temir yo‘l bog‘lanmasining ixtisoslashtirilgan stansiyalaridan foydalanib, “Angren logistika markazi” yopiq aksiyadorlik jamiyati bilan o‘zaro to‘liq bog‘liq holda Farg‘ona vodiysi hududida yuklarni yetkazib berishning yagona multimodal sxemasini ta’minlash;
transport-logistika va transport-ekspeditsiya xizmatlari ko‘rsatish, shuningdek yuklarni tashishning maqbul sxemalarini (maqbul logistika tizimlarini) ishlab chiqish bo‘yicha tadbirkorlik faoliyati subyektlarining ehtiyojlarini qondirish uchun samarali logistika tarmog‘ini shakllantirish.
3. “Pop” multimodal logistika markazi infratuzilmasini barpo etish chora-tadbirlari kompleksi ilovaga muvofiq tasdiqlansin.
“Qaqir” stansiyasini — ko‘mir, qurilish materiallari, yog‘och-taxta yuklarini saqlash uchun, “Qo‘qon” stansiyasini — mineral o‘g‘itlar va iste’mol tovarlarini saqlash uchun, “Marg‘ilon” stansiyasini — konteynerli yuklarni saqlash uchun (Farg‘ona viloyati);
“Raustan” stansiyasini — konteynerli ko‘mir va qurilish materiallari yuklarini saqlash uchun (Namangan viloyati);
“Axtachi” stansiyasini — konteynerli ko‘mir va qurilish materiallari yuklarini saqlash uchun (Andijon viloyati) ixtisoslashtirgan holda, Farg‘ona mintaqaviy temir yo‘l bog‘lanmasining bir yo‘la 91,7 ming tonna yukni saqlash quvvatiga ega bo‘lgan omborxonalaridan foydalanish to‘g‘risidagi taklifiga rozilik berilsin.
5. “Angren logistika markazi” yopiq aksiyadorlik jamiyati va “Pop logistika markazi” unitar korxonasi vazirliklar, idoralar va xo‘jalik boshqaruvi organlarining buyurtmanomalariga binoan “Qamchiq” dovoni orqali tashishlarning prognoz hajmlarini har yili 1-dekabrgacha shakllantirsinlar, bunda yuklarni Farg‘ona vodiysiga va u yerdan tashish nomenklaturasi va sxemalari aniqlanishini hisobga olsinlar.
6. “O‘zbekiston temir yo‘llari” davlat-aksiyadorlik kompaniyasi “Angren logistika markazi” yopiq aksiyadorlik jamiyati bilan birgalikda yuklarni jo‘natish stansiyasidan yetkazib berish stansiyasigacha yagona tashish hujjati bo‘yicha yetkazib berish uchun yagona tashish to‘lovini belgilasin, “O‘zbekiston temir yo‘llari” davlat-aksiyadorlik kompaniyasi tashuvlarning butun yo‘nalishida yuklarning but saqlanishini ta’minlasin.
“O‘zbekiston temir yo‘llari” davlat-aksiyadorlik kompaniyasining kapital qurilish bo‘yicha direksiyasi — “Pop” multimodal logistika markazi infratuzilmasini qurish bo‘yicha bosh buyurtmachi etib;
“O‘zbekiston temir yo‘llari” davlat-aksiyadorlik kompaniyasining o‘z mablag‘lari — “Pop” multimodal logistika markazi infratuzilmasi qurilishini moliyalashtirish manbalari etib belgilansin.
“Pop” multimodal logistika markazi infratuzilmasi qurilishini asosiy texnik-iqtisodiy ko‘rsatkichlarning va ishchi hujjatlarning tasdiqlanadigan qismi bilan birgalikda ishchi loyihani ishlab chiqqan holda 2013-yil 1-avgustgacha bir yo‘la amalga oshirishga;
9. O‘zbekiston Respublikasi Iqtisodiyot vazirligi, “O‘zmetkombinat” ochiq aksiyadorlik jamiyati “O‘zqurilishmateriallari” aksiyadorlik kompaniyasi va “O‘zbekneftgaz” milliy xolding kompaniyasi “O‘zbekiston temir yo‘llari” davlat-aksiyadorlik kompaniyasi hamda “O‘zavtoyo‘l” davlat-aksiyadorlik kompaniyasi buyurtmanomalariga binoan “Pop” multimodal logistika markazi qurilishi uchun metall prokati, sement va yonilg‘i-moylash materiallarining tartibga solinadigan narxlar bo‘yicha, to‘g‘ridan to‘g‘rishartnomalar asosida yetkazib berilishini ta’minlasinlar.
O‘zbekiston Respublikasida ishlab chiqarilmaydigan, O‘zbekiston Respublikasi Vazirlar Mahkamasi tomonidan tasdiqlanadigan ro‘yxatlar bo‘yicha chetdan olib kelinadigan tovarlar — bojxona to‘lovlaridan (bojxona yig‘imlaridan tashqari);
bajariladigan ishlar (xizmatlar) hajmlari — qo‘shilgan qiymat solig‘idan 2014-yil 1-yanvargacha bo‘lgan muddatga ozod qilinsin.
11. “Pop logistika markazi” unitar korxonasi 2017-yil 1-yanvargacha bo‘lgan muddatga soliqlarning barcha turlarini to‘lashdan, davlat maqsadli jamg‘armalariga hamda budjetdan tashqari Ta’lim va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy to‘lovlardan ozod qilinsin.
Keyingi tahrirga qarang.
12. Namangan viloyati hokimligi “Pop” multimodal logistika markazini, avtomobil va temir yo‘l kirish yo‘llarini qurish uchun qonun hujjatlarida belgilangan tartibda yer uchastkalari ajratilishini bir oy muddatda ta’minlasin.
13. “O‘zbekiston temir yo‘llari” davlat-aksiyadorlik kompaniyasi O‘zbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda:
qonun hujjatlariga ushbu qarordan kelib chiqadigan o‘zgartirishlar va qo‘shimchalar to‘g‘risida Vazirlar Mahkamasiga takliflar kiritsin;
14. Mazkur qarorning bajarilishini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
T/r | Tadbirlar nomi | Bajarish muddatlari | Moliyalashtirish manbai | Moliyalashtirish manbai | Pudrat tashkilotining nomi |
Pudrat tashkilotining nomi | |||||
1. | “Pop” multimodal logistika markazi infratuzilmasini qurish, shu jumladan: | 2013-yil sentyabr 2013-yil sentyabr 2013-yil sentyabr | “O‘zbekiston temir yo‘llari” DAKning o‘z mablag‘lari | “O‘zbekiston temir yo‘llari” DAK | “O‘zbekiston temir yo‘llari” DAK |
2. | “Pop” multimodal logistika markaziga kirish avtomobil yo‘lini qurish. | loyiha-smeta hujjatlari, qurilishni tashkil etish loyihasi tasdiqlangach | Respublika yo‘l jamg‘armasi mablag‘lari | “O‘zavtoyo‘l” DAK | Tender savdolari natijalari bo‘yicha |
II. Tashqi muhandislik-kommunikatsiya infratuzilmasini barpo etish | |||||
3. | Elektr ta’minotining tashqi yuqori voltli ta’minlovchi liniyasini qurish. | 2013-yil iyun | “O‘zbekenergo” DAKning o‘z mablag‘lari | “O‘zbekenergo” DAK | “O‘zbekenergo” DAK |
4. | Suv ta’minoti va kanalizatsiya obyektlarini qurish. | 2013-yil iyun | “O‘zbekiston temir yo‘llari” DAKning o‘z mablag‘lari | “O‘zbekiston temir yo‘llari” DAK | “O‘zbekiston temir yo‘llari” DAK |
5. | Tashqi aloqa tarmog‘ini barpo etish, “O‘zbektelekom” AKning mavjud telekommunikatsiya tarmoqlariga ulash. | 2013-yil iyun | “O‘zbektelekom” AKning o‘z mablag‘lari | “O‘zbektelekom” AK | “O‘zbektelekom” AK |
III. Normativ bazani ishlab chiqish | |||||
6. | Quyidagilar: yagona tashish hujjati bo‘yicha; jo‘natish stansiyasidan yetkazib berish stansiyasigacha yagona tashish to‘lovi bo‘yicha tashishlarning soddalashtirilgan tartibini ishlab chiqish. | 2013-yil sentyabr | “O‘zbekiston temir yo‘llari” DAKning o‘z mablag‘lari | “O‘zbekiston temir yo‘llari” DAK, |