Respublikaga noqonuniy olib kirilgan va qalbakilashtirilgan tovarlarni sotishga qarshi kurashni tashqi savdo faoliyatini tartibga solishning xalqaro amaliyotda umume’tirof etilgan usullarini qo‘llash asosida yanada kuchaytirish, mamlakatimiz korxonalari tomonidan ichki va tashqi bozorlarda raqobatdoshli bo‘lgan, yuqori sifatli iste’mol tovarlari ishlab chiqarishni kengaytirish uchun qulay shart-sharoitlar yaratish maqsadida:
1. O‘zbekiston Respublikasi Bosh vazirining birinchi o‘rinbosari R.S.Azimov Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Davlat bojxona qo‘mitasi bilan birgalikda bir oy muddatda import bo‘yicha olib kirilayotgan iste’mol tovarlari ro‘yxati va nomenklaturasini tanqidiy ko‘rib chiqib, qabul qilingan maqsadli dasturlar doirasida mamlakatimiz korxonalari tomonidan oziq-ovqat va nooziq-ovqat tovarlarini ishlab chiqarish ko‘lamlari va assortimentini kengaytirishni nazarda tutgan holda, bunday tovarlarni olib kirish hajmi va ro‘yxatini keskin qisqartish bo‘yicha 1-martgacha Vazirlar Mahkamasiga takliflar kiritsin.
2. O‘zbekiston Respublikasi Davlat bojxona qo‘mitasi Davlat soliq qo‘mitasi hamda boshqa manfaatdor vazirlik va idoralar bilan birgalikda ikki hafta muddatda Vazirlar Mahkamasiga maxsus nazorat identifikatsiya belgilari qo‘yilgan iste’mol tovarlari ro‘yxatini qo‘shimcha ravishda kengaytirish bo‘yicha takliflar kiritsin.
2013-yil 1-apreldan boshlab O‘zbekiston Respublikasining bojxona chegarasi orqali tovarlarni olib kirayotgan yoki tranzitini amalga oshirayotgan yuk tashuvchilar chegarani kesib o‘tgan joyidagi bojxona organlariga o‘tkazilayotgan tovarlar to‘g‘risidagi ma’lumotni, shu jumladan ularning nomi, miqdori, vazni va yuklar qiymati, shuningdek Tovarlarni tavsiflash va kodlashning uyg‘unlashtirilgan tizimiga muvofiq ularning kodlari haqidagi ma’lumotni taqdim etishlari shart;
Oldingi tahrirga qarang.
(3-bandning uchinchi xatboshisi O‘zbekiston Respublikasi Prezidentining 2019-yil 6-martdagi PF-5684-sonli Farmoniga asosan chiqarilgan — Qonun hujjatlari ma’lumotlari milliy bazasi, 06.03.2019-y., 06/19/5684/2708-son)
Oldingi tahrirga qarang.
(4-band O‘zbekiston Respublikasi Prezidentining 2017-yil 18-dekabrdagi PF-5287-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 19.12.2017-y., 06/17/5287/0425-son)
5. O‘zbekiston Respublikasi Davlat bojxona qo‘mitasi avtomobil va temir yo‘l transportida tashiladigan yuklarni puxta bojxona tekshiruvidan o‘tkazishni hamda respublika hududiga tovarlar va qalbakilashtirilgan mahsulotlarni noqonuniy olib kirishga chek qo‘yishni ta’minlagan holda bojxona chegarasi orqali iste’mol tovarlari olib kirilishi ustidan bojxona nazoratini kuchaytirsin.
Bojxona postlarining rahbarlari ogohlantirib qo‘yilsinki, kelgusida respublika hududiga tovarlarni noqonuniy olib kirish faktlari aniqlangan hollarda ularga nisbatan qonun hujjatlariga muvofiq qat’iy javobgarlik choralari qo‘llaniladi.
6. O‘zbekiston Respublikasi Davlat soliq qo‘mitasi, Bosh prokuratura huzuridagi Soliq, valyutaga oid jinoyatlar va jinoiy daromadlarning legallashtirilishiga qarshi kurashish departamenti Davlat bojxona qo‘mitasi bilan birgalikda bir oy muddatda qalbakilashtirilgan va noqonuniy olib kirilgan tovarlarning chakana savdoda sotilishiga yo‘l qo‘ymaslik yuzasidan aniq qo‘shimcha chora-tadbirlar kompleksini ishlab chiqsin va tasdiqlasin.
Tovarlarni noqonuniy olib kirish hamda qalbakilashtirilgan va noqonuniy olib kirilgan mahsulotlarni sotish faktlari aniqlangan taqdirda huquqbuzarlarni qonun hujjatlariga muvofiq javobgarlikka tortish bo‘yicha belgilangan tartibda taqdimnomalar kiritilsin.
Oldingi tahrirga qarang.
(7-band O‘zbekiston Respublikasi Prezidentining 2017-yil 1-noyabrdagi PF-5223-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 01.11.2017-y., 06/17/5223/0198-son)
Oldingi tahrirga qarang.
(8-band O‘zbekiston Respublikasi Prezidentining 2017-yil 1-noyabrdagi PF-5223-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 01.11.2017-y., 06/17/5223/0198-son)
9. O‘zbekiston Respublikasi Vazirlar Mahkamasining komplekslari Tashqi iqtisodiy aloqalar, investitsiyalar va savdo vazirligi, “O‘zstandart” agentligi bilan birgalikda mamlakatimizning iste’mol tovarlari ishlab chiqaruvchi ishlab chiqarish korxonalarida ISO — 9001 standartlariga muvofiq sifatni boshqarish tizimlarini joriy etish grafiklarini ishlab chiqsin va tasdiqlash uchun 2013-yil 1-martgacha Vazirlar Mahkamasiga kiritsin.
10. O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Davlat bojxona qo‘mitasi O‘zbekiston Respublikasi Moliya vazirligi, Iqtisodiyot vazirligi, Markaziy banki hamda boshqa manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.
11. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.