O‘zbekiston Respublikasining “Ta’lim to‘g‘risida” (O‘zbekiston Respublikasi Oliy Majlisining Axborotnomasi, 1997-y., 9-son, 225-modda) va “Kadrlar tayyorlash milliy dasturi to‘g‘risida”gi (O‘zbekiston Respublikasi Oliy Majlisining Axborotnomasi, 1997-y., 11-12-son, 295-modda) qonunlariga muvofiq O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’limi markazi, Sog‘liqni saqlash vazirligi, Madaniyat va sport ishlari vazirligi hamda O‘zbekiston Badiiy akademiyasi qaror qiladi:
1. O‘zbekiston Respublikasi o‘rta maxsus, kasb-hunar ta’limi muassasalari o‘quvchilariga akademik ta’til berish to‘g‘risidagi nizom ilovaga muvofiq tasdiqlansin.
2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’limi markazi, Sog‘liqni saqlash vazirligi, Madaniyat va sport ishlari vazirligi, O‘zbekiston Badiiy akademiyasining 2012-yil 27-dekabrdagi 68/QQ, 20, 21/QQ, 05/QQ-son qaroriga
ILOVA
ILOVA
Mazkur Nizom O‘zbekiston Respublikasining “Ta’lim to‘g‘risida” va “Kadrlar tayyorlash milliy dasturi to‘g‘risida”gi qonunlariga muvofiq o‘rta maxsus, kasb-hunar ta’lim muassasalari (bundan buyon matnda ta’lim muassasasi deb yuritiladi) o‘quvchilariga (bundan buyon matnda o‘quvchilar deb yuritiladi) akademik ta’til berish tartibini belgilaydi.
O‘zbekiston Respublikasi hududida nodavlat ta’lim muassasalari faoliyatini amalga oshirish huquqini beruvchi litsenziyaga ega bo‘lmagan nodavlat ta’lim muassasalari, boshqa mamlakatlar ta’lim muassasalarining filiallari (markaz, bo‘lim, o‘quv-maslahat punkti va shu kabilar)ga ushbu Nizom tatbiq etilmaydi.
1. Akademik ta’til o‘quv yili mobaynida o‘quvchining salomatligini tiklash maqsadida 12 oy muddatgacha beriladi.
3. Akademik ta’til olish uchun o‘quvchining ota-onasi (yoki ularning o‘rnini bosuvchi shaxslar) ta’lim muassasasi direktori nomiga ariza bilan murojaat qiladi.
Akademik ta’til olishni so‘rab murojaat qilingan arizaga o‘quvchi doimiy tibbiy nazoratda turgan tibbiyot muassasasi komissiyasining xulosasi ilova qilinishi lozim.
4. Surunkali kasalligi sababli bir oydan ortiq vaqt davomida darslarga qatnasha olmagan o‘quvchining ota-onasi (yoki ularning o‘rnini bosuvchi shaxslar) tomonidan yozilgan arizaga asosan akademik ta’til berilishi mumkin. Bunda akademik ta’til muddati o‘tishining boshlanishi o‘quvchi darslarga qatnasha olmayotgan kundan boshlab hisoblanadi.
5. Salomatligini tiklash maqsadida o‘quvchiga akademik ta’tilning berilishi mazkur Nizomning ilovasida keltirilgan Ta’lim muassasalari o‘quvchilariga tibbiy ko‘rsatmalar bo‘yicha akademik ta’til berishga oid kasalliklar ro‘yxatiga muvofiq amalga oshiriladi.
6. Ta’lim muassasasi Pedagogik kengashi qarori asosida direktor raisligida tashkil etilgan O‘quvchiga akademik ta’til berish to‘g‘risidagi murojaatlarni ko‘rib chiqish komissiyasi (keyingi o‘rinlarda Komissiya deb yuritiladi) tomonidan o‘rnatilgan tartibda ko‘rib chiqiladi.
7. O‘quvchiga akademik ta’til berish to‘g‘risidagi murojaat bir hafta muddatda Komissiya tomonidan ko‘rib chiqiladi.
Komissiyaning xulosasi hududiy o‘rta maxsus, kasb-hunar ta’lim boshqarmasiga jo‘natiladi va hududiy o‘rta maxsus, kasb-hunar ta’lim boshqarmasining rasmiy javob xati olingandan so‘ng, ta’lim muassasasi direktori tomonidan o‘quvchiga akademik ta’til berish to‘g‘risidagi buyruq rasmiylashtiriladi. Ushbu buyruqda akademik ta’tilning boshlanish va tugash sanasi hamda buyruqqa asos ko‘rsatilishi shart.
8. O‘quvchi akademik ta’tilga chiqqan kundan boshlab bir oy muddatgacha o‘quvchining ota-onasi (yoki ularning o‘rnini bosuvchi shaxslar) akademik ta’tilni bekor qilish va uni o‘qishga qaytarishni so‘rab ta’lim muassasasi direktoriga ariza bilan murojaat qilganda, ariza ko‘rib chiqilishi mumkin.
9. O‘quvchining ota-onasi (yoki ularning o‘rnini bosuvchi shaxslar) akademik ta’tilning muddati tamom bo‘lgandan so‘ng o‘quvchining o‘qishga qaytishi bo‘yicha ta’lim muassasasining direktori nomiga ariza bilan murojaat qilishi kerak.
10. Agar akademik ta’til davrida o‘quvchi o‘qigan ta’lim yo‘nalishi (mutaxassisligi) tugatilgan bo‘lsa, o‘quvchini shu ta’lim muassasasi yoki boshqa ta’lim muassasasiga o‘qishini mos va turdosh yo‘nalishi (mutaxassisligi) bo‘yicha ko‘chirish masalasi ham ariza bilan birga ko‘rib chiqilishi va hal etilishi lozim.
11. Akademik ta’tildan qaytish bo‘yicha o‘quvchining murojaati bir haftalik muddatda ko‘rib chiqilishi va uning ta’lim muassasasiga o‘qishga qaytishi to‘g‘risida ta’lim muassasasi direktorining buyrug‘i chiqarilishi lozim.
Ushbu buyruqda o‘quvchi akademik ta’tildan qaytgandan so‘ng o‘qiydigan o‘quv kursi, yo‘nalishi va guruh raqami ko‘rsatilishi shart.
Oldingi tahrirga qarang.
12. Mazkur Nizom talablarining buzilishida aybdor shaxslar qonunchilik hujjatlarida belgilangan tartibda javobgarlikka tortiladilar.
(12-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
O‘zbekiston Respublikasi o‘rta maxsus, kasb-hunar ta’limi muassasalari o‘quvchilariga akademik ta’til berish to‘g‘risidagi nizomga
ILOVA
ILOVA
1. Sil kasalligining ochiq formalari (aktiv rivojlanuvchi o‘pka sili, traxeobronxial, ichki va periferik limfa tugunlari, yirik suyaklar, bo‘g‘imlar faol sili yoki kichik suyak va bo‘g‘imlarning sildan ko‘p jarohatlanishi, tomoq, kekirdak, halqum, qizil o‘ngach, ichak, ko‘z, teri va boshqa ichki a’zolar aktiv sili).
2. Silga aloqador bo‘lmagan, yurak-o‘pka faoliyatlari yetishmovchiligi (III daraja) bilan kechuvchi o‘pkaning surunkali kasalliklari.
3. Barcha bosqichdagi xavfli o‘sma kasalliklari, ikki yil oldin radikal davolanganlar bundan mustasno.
4. II va III darajali qon aylanishining buzilishi bilan kechuvchi yurak klapanlarining va mushaklarning organik o‘zgarishlari (tug‘ma va orttirilgan).
5. II va III darajali qon bosimining oshishi, tez rivojlanuvchi qon bosim oshishi kasalligi—xavfli gipertoniya.
8. Statsionar sharoitida bir oy muddatdan ortiq davolash va reabilitatsiya qilish lozim bo‘lgan og‘ir shikastlanishlar, o‘tkir va surunkali kasalliklar.
9. Statsionar sharoitida bir oy muddatdan ortiq davolash va reabilitatsiya qilish zarur bo‘lgan turli etiologiyalik jigar kasalliklari, jigar tsirrozi, parazitar kasalliklari va boshqalar.
10. Endokrin kasalliklarning aniq shakllari (akromegaliya, Bazedov kasalligi, Addison kasalligi, miksedema, qandli diabetning og‘ir shakli, Itsenko-Kushinga kasalligi).
11. Qon tizimi kasalliklari: o‘tkir va surunkali leykozlar (limfa leykozlar bundan mustasno), aplastik anemiya.
12. Asab sistemasining surunkali organik asab kasalliklari, shuningdek bo‘lib o‘tgan kasalliklarning og‘ir asoratlari (ensefalit, meningit, araxnoidit, bosh suyakning va orqa miyaning yopiq holda shikastlanishi, bosh suyakning ochiq holda shikastlanishi va boshqalar) natijasida aql-zakovatning chuqur va turg‘un buzilishlari, psixopatik buzilishi (o‘zini axloqiy jihatdan tuta olmaslik yoki tajanglik urinishdagi holatlar), nevrologik belgilar yoki psixopatik xulq-atvor asoratlari bilan o‘tkaziladigan kasalliklar.
13. To‘xtovsiz rivojlanish bilan kechuvchi shizofreniyaning (oddiy, gebefrenik, paranoid turlari) quyidagi ko‘rinishlari:
a) xurujsimon rivojlanish bilan kechuvchi shizofreniya (katotonik, galyutsinator, paranoid turlari);
b) to‘lqinsimon kechuvchi shizofreniya (sirkulyator, depressiv-paranoid, oneyroid-katotonik) tez-tez xurujlanuvchi va qisqa remissiyali holatlar;
14. Tez-tez takrorlanuvchi tutqanoqli, tutqanoqsiz va psixomator xurujlari bilan, shuningdek hushning xiralashuvi va og‘ir disforiya bilan kechuvchi epilepsiya:
a) kam takrorlanuvchi xurujlar bilan, shaxsning chuqur o‘zgarishi va aql-zakovat buzilishi bilan kechuvchi epilepsiya;
15. Tez-tez xurujlanuvchi siklotimiya, maniakal depressiv psixoz, tez-tez takrorlanuvchi maniakal depressiv holatlar.
16. Shaxsda patologik rivojlanishning har xil turlari, mehnatga qobiliyati pasayishi bilan, psixopatiyaning yaqqol turi yoki tez-tez dekompensatsiyalanishi bilan kechuvchi turlari.
17. Og‘ir, surunkali kechuvchi, takrorlanuvchi teri kasalliklarining nogironlikka olib keluvchi turlari.