LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 6-apreldagi 189-sonli “Turizm faoliyatini litsenziyalash tartibi to‘g‘risidagi Nizomni tasdiqlash haqida”gi qaroriga asosan o‘z kuchini yo‘qotgan.
Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida (O‘zbekiston Respublikasi Prezidentining “O‘zbekiston Respublikasi Vazirlar Mahkamasining tuzilmasiga o‘zgartirishlar kiritish to‘g‘risida” 2012-yil 7-avgustdagi PQ-1798-son hamda “O‘zbekiston Respublikasi Vazirlar Mahkamasining ijro etuvchi tuzilmasini qisman o‘zgartirish to‘g‘risida” 2012-yil 7-avgustdagi PQ-1799-son qarorlari)” 2012-yil 6-sentabrdagi 261-son qarorining 2-bandiga muvofiq Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasining turizm faoliyatini litsenziyalash komissiyasi tarkibi ilovaga* muvofiq tasdiqlansin.
2. Vazirlar Mahkamasining 2003-yil 11-noyabrdagi 497-son qarori (O‘zbekiston Respublikasi QT, 2003-y., 11-son, 113-modda) bilan tasdiqlangan Turizm faoliyatini litsenziyalash to‘g‘risidagi Nizom 8-bandining oltinchi xatboshidagi “miqdori to‘g‘risidagi bank ma’lumotnomasi” so‘zlari “miqdorini tasdiqlovchi hujjat nusxasi” so‘zlari bilan almashtirilsin.
3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.