O‘zbekiston Respublikasi Prezidentining “To‘g‘ridan-to‘g‘ri xorijiy investitsiyalar jalb etilishini rag‘batlantirishga oid qo‘shimcha chora-tadbirlar to‘g‘risida” 2012-yil 10-apreldagi PF-4434-son Farmonini bajarish yuzasidan Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Vazirliklar va idoralar bir oy muddatda o‘z idoraviy normativ-huquqiy hujjatlarini ushbu qarorga muvofiqlashtirsinlar.
3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 1996-yil 21-noyabrdagi 408-son qarori bilan tasdiqlangan Xorijiy fuqarolarning va fuqaroligi bo‘lmagan shaxslarning O‘zbekiston Respublikasiga kelishlari va O‘zbekiston Respublikasidan ketishlari tartibining 6-bandiga quyidagi mazmundagi “g” kichik band qo‘shilsin:
“g) investitsiya loyihalarini amalga oshirishda qatnashayotgan xorijiy kompaniyalarning mansabdor shaxslari va mutaxassislariga. vizalar O‘zbekiston Respublikasi vazirliklari, idoralari va xo‘jalik birlashmalari rahbarlarining iltimosnomalari asosida beriladi”.
2. Vazirlar Mahkamasining “Past rentabelli, zarar ko‘rib ishlayotgan, iqtisodiy nochor davlat korxonalarini va obyektlarni xususiylashtirishni jadallashtirishga doir qo‘shimcha chora-tadbirlar to‘g‘risida” 2003-yil 26-avgustdagi 368-son qarorida (O‘zbekiston Respublikasi QT, 2003-y., 8-son, 78-modda):
Keyingi tahrirga qarang.
“xorijiy investorlarning buyurtmanomalari bo‘yicha xorijiy investitsiyalar ishtirokidagi korxonalarni barpo etish uchun mahalliy davlat hokimiyati organlarining balansida bo‘lgan past likvidli obyektlar aniq investitsiya majburiyatlari ostida investor bilan to‘g‘ridan to‘g‘rishartnomalar tuzish yo‘li bilan tanlov o‘tkazmasdan “nol” xarid qiymati bo‘yicha sotilsin”;
v) 3-bandning ikkinchi xatboshiga “ushbu qarorning 2-bandi to‘rtinchi xatboshida nazarda tutilgan holatlar bundan mustasno” so‘zlari qo‘shilsin;
g) 1-ilovada (“Past rentabelli, zarar ko‘rib ishlayotgan, iqtisodiy nochor davlat korxonalarini, past likvidli obyektlarni investor tomonidan investitsiya majburiyatlari qabul qilinishi sharti bilan investorlarga tanlov asosida bepul berish to‘g‘risidagi Nizom):
“Past rentabelli, zarar ko‘rib ishlayotgan, iqtisodiy nochor davlat korxonalarini va past likvidli obyektlarni investor tomonidan investitsiya majburiyatlari qabul qilinishi sharti bilan investorlarga (shu jumladan xorijiy investorlarga) “nol” xarid qiymati bo‘yicha sotish tanlov asosida amalga oshiriladi.
Davlat mulkini xorijiy investorlarga sotishda tender (tanlov) savdolarini o‘tkazish bo‘yicha Davlat komissiyasi xorijiy investorlarning buyurtmanomalari bo‘yicha xorijiy investitsiyalar ishtirokidagi korxonalarni tashkil etish uchun mahalliy davlat hokimiyati organlarining balansida bo‘lgan past likvidli obyektlarni aniq investitsiya majburiyati ostida investor bilan to‘g‘ridan to‘g‘rishartnomalar tuzish yo‘li bilan tanlov o‘tkazmasdan “nol” xarid qiymati bo‘yicha sotishi mumkin”;
“6. Sotuv obyektini “nol” xarid qiymati bo‘yicha sotish obyekt quyidagi mezonlardan biriga yoki bir nechasiga muvofiq bo‘lganda amalga oshiriladi:
obyekt ochiq savdolarga qo‘yilganda taklif etilgan narx pasayishi hisobga olingan holda sotuvning taklif etilayotgan narxi bo‘yicha investorlarning talabi mavjud emas;
korxona ishlamaydi, surunkali zarar ko‘rib ishlaydi, past rentabelli (5 foizdan yuqori emas), iqtisodiy nochor va to‘lovga qodir emas;
ko‘chmas mulk obyekti muhandislik kommunikatsiyalarining bir yoki bir necha turlari (gaz ta’minoti, elektr ta’minoti, suv ta’minoti, kanalizatsiya, kirish yo‘llari) mavjud emas;
xorijiy investorlardan xorijiy investitsiyalar ishtirokidagi korxonalarni tashkil etish uchun mahalliy davlat hokimiyati organlarining balansida bo‘lgan past likvidli obyektlarga aniq investitsiya majburiyatlari qabul qilish sharti bilan buyurtmanomalar berilgan”;
“201. Xorijiy investordan investitsiya majburiyatlarini qabul qilish bo‘yicha aniq takliflar tushganda Komissiya:
mahalliy davlat hokimiyati organlarining balansida bo‘lgan past likvidli obyektlarni xorijiy investorlarga “nol” xarid qiymati bo‘yicha sotish uchun aniqlaydi;
buyurtmanomani kelgusida samarali faoliyat ko‘rsatish, shuningdek modernizatsiya qilish hamda obyektning to‘lov qobiliyatini tiklash va uni barqaror rivojlantirish uchun investitsiyalarning yetarliligi va asoslanganligi yuzasidan ko‘rib chiqadi;
xorijiy investitsiyalar ishtirokidagi korxonalarni tashkil etish uchun obyektni aniq investitsiya majburiyatlari ostida xorijiy investor bilan to‘g‘ridan to‘g‘rishartnomalar tuzish yo‘li bilan tanlov o‘tkazmasdan xorijiy investorga “nol” xarid qiymati bo‘yicha sotishning maqsadga muvofiqligi to‘g‘risidagi xulosani Davlat mulkini xorijiy investorlarga sotishda tender (tanlov) savdolarini o‘tkazish bo‘yicha Davlat komissiyasining ko‘rib chiqishi uchun kiritadi.
Sotuvchi Davlat mulkini xorijiy investorlarga sotishda tender (tanlov) savdolarini o‘tkazish bo‘yicha Davlat komissiyasining qarori asosida tegishli buyruq chiqaradi va buyruq chiqqan paytdan boshlab 20 kundan ortiq bo‘lmagan muddat mobaynida xorijiy investor bilan qonun hujjatlarida belgilangan tartibda davlat mulki obyektining oldi-sotdi shartnomasini tuzadi.
Xorijiy investorlardan bir vaqtning o‘zida ikki yoki undan ortiq buyurtmanomalar tushgan taqdirda quyidagi mezonlardan:
kiritiladigan investitsiyalar summasidan kelib chiqib eng foydali taklifni bergan investor g‘olib deb e’tirof etiladi”;
Keyingi tahrirga qarang.