LexUZ sharhi
Mazkur qaror O‘zbekiston Respublikasi Prezidentining 2017-yil 19-maydagi PQ-2981-sonli “O‘zbekiston Respublikasi Prezidentining ayrim qarorlarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
Mahalliy ijro etuvchi hokimiyat organlari faoliyatining samaradorligini yanada oshirish, ijtimoiy sheriklikni mustahkamlash asosida ijtimoiy-iqtisodiy rivojlanish, gumanitar muammolarni hal etish, mamlakat aholisi turli qatlamlarining huquqlari, erkinliklari va manfaatlarini himoya qilishni ta’minlash dasturlarini amalga oshirish bo‘yicha jamoat tashkilotlari hamda diniy tashkilotlar bilan o‘zaro hamkorlikning tashkiliy-huquqiy mexanizmlarini takomillashtirish maqsadida:
1. Qoraqalpog‘iston Respublikasi Joqarg‘i Kengesi, viloyatlar hokimliklari, manfaatdor vazirliklar va idoralarning Qoraqalpog‘iston Respublikasi Vazirlar Kengashi, Buxoro, Jizzax, Qashqadaryo, Navoiy, Samarqand, Surxondaryo, Sirdaryo, Toshkent va Xorazm viloyatlari hokimliklari apparati tuzilmasiga Qoraqalpog‘iston Respublikasi Vazirlar Kengashi raisining hamda viloyat hokimining jamoat tashkilotlari va diniy tashkilotlar bilan aloqalar bo‘yicha o‘rinbosari, shuningdek ularning kotibiyat mudirlari lavozimlarini kiritish to‘g‘risidagi taklifi qabul qilinsin.
2. Qoraqalpog‘iston Respublikasi Vazirlar Kengashi raisining, viloyatlar hamda Toshkent shahar hokimlarining jamoat tashkilotlari va diniy tashkilotlar bilan aloqalar bo‘yicha o‘rinbosarlari zimmasiga quyidagilarni ta’minlash vazifasi yuklansin:
millatlararo totuvlikni, diniy bag‘rikenglikni ta’minlash va yanada mustahkamlash hamda diniy-ekstremistik mafkuraning tarqalishiga yo‘l qo‘ymaslik bo‘yicha chora-tadbirlarni amalga oshirishda tegishli mahalliy davlat hokimiyati organlari, jamoat tashkilotlari va diniy tashkilotlarning faoliyati va bahamjihat harakatini muvofiqlashtirish;
madaniy meros obyektlarini saqlash masalalarida tegishli mahalliy davlat hokimiyati organlari, jamoat tashkilotlari va diniy tashkilotlarning birgalikdagi harakati;
O‘zbekiston Respublikasi Adliya vazirligi bilan hamkorlikda jamoat tashkilotlari va diniy tashkilotlarning O‘zbekiston Respublikasi qonun hujjatlari talablariga rioya etishi.
3. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari apparati boshqaruv xodimlarining cheklangan soni 1-ilovaga* muvofiq tasdiqlansin.
4. O‘zbekiston Respublikasi Prezidentining va O‘zbekiston Respublikasi Hukumatining ayrim qarorlariga 2-ilovaga muvofiq o‘zgartish va qo‘shimchalar kiritilsin.
5. Mazkur Qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev va O‘zbekiston Respublikasi Prezidentining Davlat maslahatchisi I.B. Abdullayev zimmasiga yuklansin.
1. O‘zbekiston Respublikasi Prezidentining “Toshkent viloyati hokimligi tuzilmasini yanada takomillashtirish va uning faoliyat samaradorligini oshirish to‘g‘risida” 2006-yil 21-dekabrdagi PQ-536-sonli Qarorining:
hokimga bo‘ysunuvchi “Hokimning jamoat tashkilotlari va diniy tashkilotlar bilan aloqalar bo‘yicha o‘rinbosari – 1” katagi bilan to‘ldirilsin;
hokimning jamoat tashkilotlari va diniy tashkilotlar bilan aloqalar bo‘yicha o‘rinbosariga bo‘ysunuvchi “Kotibiyat mudiri – 1” katagi bilan to‘ldirilsin;
2. O‘zbekiston Respublikasi Prezidentining “Samarqand viloyati hokimligi boshqaruv apparati tuzilmasiga o‘zgartishlar kiritish to‘g‘risida” 2008-yil 3-oktabrdagi PQ-970-sonli Qarorining:
hokimga bo‘ysunuvchi “Hokimning jamoat tashkilotlari va diniy tashkilotlar bilan aloqalar bo‘yicha o‘rinbosari – 1” katagi bilan to‘ldirilsin;
hokimning jamoat tashkilotlari va diniy tashkilotlar bilan aloqalar bo‘yicha o‘rinbosariga bo‘ysunuvchi “Kotibiyat mudiri – 1” katagi bilan to‘ldirilsin;
3. Vazirlar Mahkamasining “Davlat boshqaruvi hududiy organlari tuzilmasini takomillashtirish to‘g‘risida” 2004-yil 5-yanvardagi 2-sonli qarorida:
hokimga bo‘ysunuvchi “Hokimning jamoat tashkilotlari va diniy tashkilotlar bilan aloqalar bo‘yicha o‘rinbosari – 1” katagi bilan to‘ldirilsin;
hokimning jamoat tashkilotlari va diniy tashkilotlar bilan aloqalar bo‘yicha o‘rinbosariga bo‘ysunuvchi “Kotibiyat mudiri – 1” katagi bilan to‘ldirilsin;