O‘zbekiston Respublikasi qonun hujjatlariga o‘zgartish va qo‘shimchalar kiritilganligi munosabati bilan O‘zbekiston Respublikasi Oliy xo‘jalik sudi Plenumi “Sudlar to‘g‘risida”gi Qonunning 47-moddasiga asoslanib qaror qiladi:
I. O‘zbekiston Respublikasi Oliy xo‘jalik sudi Plenumining “Xo‘jalik sudining qonuniy kuchga kirgan hujjatlarini yangi ochilgan holatlar bo‘yicha qayta ko‘rishda O‘zbekiston Respublikasi Xo‘jalik protsessual kodeksining qo‘llanilishi haqida” 2003-yil 25-iyuldagi 111-sonli qarori 1-bandining birinchi xatboshisidagi “218” raqami chiqarib tashlansin.
II. O‘zbekiston Respublikasi Oliy xo‘jalik sudi Plenumining “Qishloq xo‘jaligida qonuniylikni ta’minlash va yerdan foydalanishdagi suiiste’molchiliklarning oldini olishda xo‘jalik sudlarining rolini oshirish to‘g‘risida” 2004-yil 12-martdagi 115-sonli qarorining 14-bandi quyidagi tahrirda bayon etilsin:
“Xo‘jalik sudlari shuni e’tiborga olsinlarki, O‘zbekiston Respublikasi Soliq kodeksi 330-moddasining 2-bandiga muvofiq qishloq xo‘jalik mahsulotlarini ishlab chiqaruvchilar tayyorlov va xizmat ko‘rsatish tashkilotlariga nisbatan shartnoma majburiyatlarining bajarilmasligi yuzasidan beriladigan da’vo arizalari bo‘yicha, 16-bandiga muvofiq tuman qishloq va suv xo‘jaligi bo‘limlari qishloq xo‘jalik mahsulotlarini yetishtiruvchilar manfaatlarini ko‘zlab kiritiladigan da’vo arizalari bo‘yicha davlat bojini to‘lashdan ozod etilganlar”.
III. O‘zbekiston Respublikasi Oliy xo‘jalik sudi Plenumining “Bankrotlik to‘g‘risida”gi O‘zbekiston Respublikasi Qonunini xo‘jalik sudlari tomonidan qo‘llashning ayrim masalalari haqida” 2006-yil 27-yanvardagi 142-sonli qaroriga quyidagi o‘zgartish va qo‘shimchalar kiritilsin:
1) 2-bandning birinchi xatboshisi va 34-bandning beshinchi xatboshisidagi “O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi” degan so‘zlar “O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi” degan so‘zlar bilan almashtirilsin;
“Sudlarga tushuntirilsinki, Qonunning 52 va 53-moddalariga muvofiq e’lon qilinishi lozim bo‘lgan ma’lumotlar rasmiy nashr etib belgilangan “Birja” va (yoki) “Soliq info” gazetalarida chop etiladi”.
IV. O‘zbekiston Respublikasi Oliy xo‘jalik sudi Plenumining “Birinchi instansiya sudida ishlarni ko‘rishda O‘zbekiston Respublikasi Xo‘jalik protsessual kodeksining qo‘llanilishi to‘g‘risida” 2007-yil 15-iyundagi 162-sonli qaroriga quyidagi o‘zgartishlar kiritilsin:
1) 21-bandidagi “soliqlar, yig‘imlar va davlat budjetiga majburiy to‘lovlar” va “soliqlar, yig‘imlar va majburiy to‘lovlar” degan so‘zlar tegishincha “soliqlar va boshqa majburiy to‘lovlar” degan so‘zlar bilan almashtirilsin;
“XPK 67-moddasining birinchi qismiga muvofiq ishni ko‘rish vaqtida kelib chiqadigan, fan, texnika, san’at yoki hunar sohasida maxsus bilimlarni talab qiladigan savollarni tushuntirib berish uchun xo‘jalik sudi ishda ishtirok etuvchi shaxsning iltimosiga ko‘ra ekspertiza tayinlaydi”;
ikkinchi xatboshisining ikkinchi, uchinchi va to‘rtinchi jumlalari quyidagi tahrirdagi ikkinchi jumla bilan almashtirilsin:
“Sudlar shuni hisobga olishlari lozimki, qo‘shimcha yoki qayta ekspertiza tayinlanganda ishda ishtirok etuvchi shaxslarning iltimosnomasi mavjudligi talab etilmaydi”.
V. O‘zbekiston Respublikasi Oliy xo‘jalik sudi Plenumining “Apellatsiya instansiyasi sudida ishlarni ko‘rishda O‘zbekiston Respublikasi Xo‘jalik protsessual kodeksini qo‘llash haqida” 2007-yil 28-dekabrdagi 173-sonli qarori 5-bandining birinchi xatboshisi quyidagi tahrirda bayon etilsin:
“XPKning 158-moddasiga muvofiq apellatsiya shikoyati (protesti) xo‘jalik sudi tomonidan hal qiluv qarori qabul qilingandan keyin bir oy ichida, xo‘jalik sudining huquqiy ta’sir chorasini qo‘llash to‘g‘risidagi ish bo‘yicha hal qiluv qarori ustidan apellatsiya shikoyati (protesti) esa - u qabul qilinganidan keyin o‘n kun ichida beriladi”.
VI. O‘zbekiston Respublikasi Oliy xo‘jalik sudi Plenumining “Xo‘jalik sudlari tomonidan davlat boji to‘g‘risidagi qonun hujjatlarini qo‘llashning ayrim masalalari haqida” 2008-yil 18-apreldagi 180-sonli qarorining 27-bandi quyidagi tahrirda bayon etilsin:
““O‘zbekiston Respublikasi Savdo-sanoat palatasi to‘g‘risida”gi O‘zbekiston Respublikasi Qonuni 13-moddasining birinchi qismiga va SK 330-moddasining 6-bandiga muvofiq O‘zbekiston Respublikasi Savdo-sanoat palatasi va uning hududiy boshqarmalari davlat boji to‘lamasdan sudga Palata a’zolari manfaatlarini ko‘zlab da’vo taqdim etish, shuningdek davlat va xo‘jalik boshqaruvi organlarining qarorlari, ular mansabdor shaxslarining harakatlari (harakatsizligi) ustidan shikoyat berish huquqiga ega, bunda ushbu huquq ular tomonidan tashkil etilgan korxona va tashkilotlarga o‘tkazilishi mumkin emas”.
VII. O‘zbekiston Respublikasi Oliy xo‘jalik sudi Plenumining “Xo‘jalik sudlari tomonidan bojxona haqidagi qonun hujjatlarini qo‘llashning ayrim masalalari to‘g‘risida” 2009-yil 24-apreldagi 197-sonli qaroriga quyidagi o‘zgartishlar kiritilsin:
1) 16-banddagi “Adliya vazirligi tomonidan 1998-yil 8-aprelda 423-son bilan ro‘yxatga olingan “Xorijiy investitsiyali korxonalar o‘z ehtiyojlari uchun import qiladigan mahsulotlarni belgilash qoidalari” va O‘zbekiston Respublikasi Adliya vazirligi tomonidan 2000-yil 19-avgustda 960-son bilan ro‘yxatga olingan “O‘z ehtiyojlari uchun xorijiy investor tomonidan import qilinadigan mahsulotni sertifikatlashning o‘tkazilish tartibi to‘g‘risida”gi Nizomga” degan so‘zlar “Vazirlar Mahkamasining 2011-yil 16-maydagi 136-sonli qarori bilan tasdiqlangan “Xorijiy investorlar va xorijiy investitsiyalar ishtirokidagi korxonalar tomonidan o‘z ishlab chiqarish ehtiyojlari uchun olib kelinayotgan mol-mulkni aniqlash tartibi to‘g‘risida”gi Nizomga” degan so‘zlar bilan almashtirilsin;
2) 21.4-banddagi ““Ishlab chiqarishni modernizatsiyalash, texnik va texnologik qayta jihozlashni amalga oshiruvchi xo‘jalik yurituvchi subyektlar tomonidan imtiyozlarni qo‘llash tartibi to‘g‘risida”gi” degan so‘zlar ““Ishlab chiqarishni modernizatsiyalash, texnik va texnologik qayta jihozlash, ishlab chiqarishni yangi qurilish shaklida kengaytirish, ishlab chiqarish ehtiyojlari uchun foydalaniladigan binolar va inshootlarni rekonstruksiya qilishni amalga oshiruvchi xo‘jalik yurituvchi subyektlar tomonidan imtiyozlarni qo‘llash tartibi to‘g‘risida”gi” degan so‘zlar bilan almashtirilsin.
VIII. O‘zbekiston Respublikasi Oliy xo‘jalik sudi Plenumining “Xo‘jalik sudlari tomonidan O‘zbekiston Respublikasi Soliq kodeksi umumiy qismini qo‘llashning ayrim masalalari haqida” 2010-yil 18-iyundagi 210-sonli qarori 28-bandining to‘rtinchi xatboshisidagi “u jo‘natilgan kundan e’tiboran uch kun o‘tgach, soliq to‘lovchiga topshirilgan hisoblanadi” degan so‘zlar “shu paytdan e’tiboran soliq tekshiruvi tugallangan hisoblanadi” degan so‘zlar bilan almashtirilsin.