O‘zbekiston Respublikasining “O‘zbekiston Respublikasining Markaziy banki to‘g‘risida”gi (O‘zbekiston Respublikasi Oliy Majlisining Axborotnomasi, 1995-y., 12-son, 247-modda), “Kredit axboroti almashinuvi to‘g‘risida”gi (O‘zbekiston Respublikasi qonun hujjatlari to‘plami, 2011-y., 40-son, 412-modda) qonunlariga asosan O‘zbekiston Respublikasi Markaziy banki Boshqaruvi qaror qiladi:
1. Kredit byurolari va kredit byurolariga kredit axborotini taqdim etuvchi organlar va tashkilotlar o‘rtasida kredit axboroti almashinuvi tartibi to‘g‘risida nizom ilovaga muvofiq tasdiqlansin.
2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
O‘zbekiston Respublikasi Markaziy banki Boshqaruvining 2012-yil 14-yanvardagi 1/1-son qaroriga
ILOVA
ILOVA
Mazkur Nizom O‘zbekiston Respublikasining “O‘zbekiston Respublikasining Markaziy banki to‘g‘risida”gi (O‘zbekiston Respublikasi Oliy Majlisining Axborotnomasi, 1995-y., 12-son, 247-modda) va “Kredit axboroti almashinuvi to‘g‘risida”gi (O‘zbekiston Respublikasi qonun hujjatlari to‘plami, 2011-y., 40-son, 412-modda) qonunlariga muvofiq kredit byurolari va kredit byurolariga kredit axborotini taqdim etuvchi organlar va tashkilotlar o‘rtasida kredit axboroti almashinuvi tartibini belgilaydi.
1. O‘zbekiston Respublikasining “Kredit axboroti almashinuvi to‘g‘risida”gi Qonunining 17-moddasiga muvofiq kredit byurolariga quyidagi organlar va tashkilotlar (bundan buyon matnda tegishli organlar va tashkilotlar deb yuritiladi) tomonidan kredit axboroti taqdim etiladi:
yuridik shaxslarni, yakka tartibdagi tadbirkorlarni davlat ro‘yxatidan o‘tkazuvchi organlar tomonidan — Yuridik shaxslarning davlat reyestriga va Yakka tartibdagi tadbirkorlarning davlat reyestriga kiritilgan ma’lumotlar hajmida;
ko‘chmas mulk obyektiga bo‘lgan huquqlarni va unga doir bitimlarni davlat ro‘yxatidan o‘tkazuvchi organlar tomonidan — Ko‘chmas mulkka bo‘lgan huquqlarning davlat reyestriga va ko‘chmas mulk haqidagi boshqa ochiq foydalaniladigan ma’lumotlar bazalariga kiritilgan ma’lumotlar hajmida;
davlat soliq xizmati organlari tomonidan — soliq to‘lovchilarni hisobga olish ma’lumotlari, shuningdek ularning moliyaviy hisoboti to‘g‘risida;
ichki ishlar organlari tomonidan — berilgan pasportlar to‘g‘risida, shu jumladan, yo‘qolgan yoki amal qilish muddati tugagan pasportlar o‘rniga berilgan pasportlar, shuningdek avtomototransport vositalarining ro‘yxatdan o‘tkazilganligi haqida hamda ularning mulkdorlari (egalari) to‘g‘risida;
Keyingi tahrirga qarang.
davlat notarial idoralari tomonidan — bitim predmeti bo‘lgan obyektni boshqa shaxsga o‘tkazishni taqiqlash yoki xatlov mavjud emasligi to‘g‘risida;
Keyingi tahrirga qarang.
litsenziya va (yoki) boshqa ruxsat etuvchi hujjatlarni beruvchi organlar tomonidan — ushbu hujjatlar berilganligi faktlari to‘g‘risida, litsenziyaning va (yoki) boshqa ruxsat etuvchi hujjatlarning amal qilishi to‘xtatib turilganligi yoki tugatilganligi haqida, shuningdek ularning bekor qilinganligi va qayta rasmiylashtirilganligi to‘g‘risida.
2. Kredit byurolari kredit axboroti subyektlarining kredit tarixini shakllantirish uchun tegishli organlar va tashkilotlardan o‘zaro tuzilgan kredit axboroti almashinuvi to‘g‘risidagi shartnoma (bundan buyon matnda shartnoma deb yuritiladi) asosida kredit axborotini olishga haqli.
3. Tegishli organlar va tashkilotlar kredit byurolari bilan qonun hujjatlari talablariga mos bo‘lgan shartnomani tuzishni asossiz ravishda rad etishga haqli emas.
Keyingi tahrirga qarang.
4. Kredit byurolari tegishli organlar va tashkilotlarga kredit axborotini olish uchun yozma yoki elektron shaklda so‘rov yuboradi. So‘rovda olinadigan kredit axborotining tarkibi ko‘rsatilishi lozim.
5. Kredit axboroti almashinuvida kredit axborotining butligini, ishonchliligini, maxfiyligini ta’minlash uchun Kredit byurolarining texnik va dasturiy vositalariga axborot xavfsizligi va muhofazasini ta’minlash bo‘yicha qo‘yiladigan talablar to‘g‘risidagi nizomga (ro‘yxat raqami 2318, 2012-yil 23-yanvar) (O‘zbekiston Respublikasi qonun hujjatlari to‘plami, 2012-y., 3-4-son, 35-modda) muvofiq xavfsizlik choralari ko‘rilishi lozim.
Keyingi tahrirga qarang.
6. Tegishli organlar va tashkilotlar kredit byurolariga qoida tariqasida kredit axborotini elektron shaklda taqdim etadi. Kredit axborotining qog‘ozda taqdim etilishi shartnomada belgilanadi.
7. Kredit byurolarida mavjud bo‘lgan kredit axborotiga zarar yetganda yoki ular yo‘qolganda kredit byurolari tegishli organlar va tashkilotlardan zarar yetgan yoki yo‘qolgan kredit axboroti hajmida qo‘shimcha so‘rov asosida kredit axborotini olishi lozim.
8. Kredit byurolari tegishli organlar va tashkilotlardan olinayotgan kredit axborotining maxfiyligini ta’minlash uchun undan foydalanish huquqiga ega bo‘lgan xodimlari doirasini belgilaydi.
9. Kredit byurolari tegishli organlar va tashkilotlardan olingan kredit axborotini yig‘adi, tahlil qiladi va undan kredit axboroti subyektining kredit tarixini shakllantiradi.
10. Tegishli organlar va tashkilotlar tomonidan kredit byurolariga taqdim etilgan kredit axborotining to‘g‘ri ekanligiga kredit byurolarida shubha tug‘ilsa, ular tegishli organlar va tashkilotlarga bu haqida so‘rov yuborishlari lozim. Kredit axborotining to‘g‘riligi yuzasidan tug‘ilgan shubha o‘z tasdig‘ini topgan taqdirda tegishli organlar va tashkilotlar kredit axborotini uch ish kuni muddatida tuzatib, bu haqda kredit byurolarini xabardor qilishlari lozim.
11. Tegishli organlar va tashkilotlardan olingan kredit axborotiga kredit byurolari tomonidan o‘zgartirish kiritish taqiqlanadi, mazkur Nizomning 10-bandi bundan mustasno.
12. Mazkur Nizom talablarini buzishda aybdor bo‘lgan shaxslar qonun hujjatlariga muvofiq javobgar bo‘ladilar.
Keyingi tahrirga qarang.
13. Mazkur Nizom O‘zbekiston Respublikasi Davlat soliq qo‘mitasi, Ichki ishlar vazirligi va Yer resurslari, geodeziya, kartografiya va davlat kadastri davlat qo‘mitasi bilan kelishilgan.