O‘zbekiston Respublikasi Prezidentining “O‘zbekiston Respublikasida pasport tizimini takomillashtirishga doir qo‘shimcha chora-tadbirlar to‘g‘risida” 2011-yil 5-yanvardagi PF-4262-son Farmonini bajarish yuzasidan Vazirlar Mahkamasi qaror qiladi:
1. O‘zbekiston Respublikasi fuqarosining biometrik pasportini va 16 yoshga to‘lmagan shaxslar uchun fuqaroligi bo‘lmagan shaxslarning harakatlanish hujjatini berish tartibi to‘g‘risidagi nizom 1-ilovaga muvofiq tasdiqlansin.
Keyingi tahrirga qarang.
2. Vazirlar Mahkamasining 2000-yil 30-dekabrdagi 519-son qarori bilan tasdiqlangan O‘zbekiston Respublikasining 16 yoshga to‘lmagan fuqarosi guvohnomasini rasmiylashtirish va berish tartibi to‘g‘risidagi Nizom 2015-yil 31-dekabrgacha amal qilishi ma’lumot uchun qabul qilinsin.
Keyingi tahrirga qarang.
3. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirish va qo‘shimchalar kiritilsin.
4. Vazirliklar va idoralar bir oy muddatda o‘z idoraviy normativ-huquqiy hujjatlarini ushbu qarorga muvofiqlashtirsinlar.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.N. Aripov va E.M. G‘aniyev zimmasiga yuklansin.
1. Ushbu Nizom O‘zbekiston Respublikasi Prezidentining 2011-yil 5-yanvardagi PF-4262-son Farmoni bilan tasdiqlangan O‘zbekiston Respublikasida pasport tizimi to‘g‘risidagi Nizomga muvofiq ishlab chiqilgan hamda O‘zbekiston Respublikasi fuqarosining biometrik pasportini (keyingi o‘rinlarda pasport deb ataladi) berish tartibini va 16 yoshga to‘lmagan shaxslar uchun fuqaroligi bo‘lmagan shaxslarning biometrik harakatlanish hujjatini (keyingi o‘rinlarda harakatlanish hujjati deb ataladi) berish tartibini va O‘zbekiston Respublikasi fuqarolariga chet elga chiqishi uchun va 16 yoshga to‘lmagan fuqaroligi bo‘lmagan shaxslarga ularning chet elga chiqishida ruxsatnomani rasmiylashtirishni tartibga soladi.
2. 16 yoshga to‘lmagan O‘zbekiston Respublikasi fuqarosi (keyingi o‘rinlarda fuqaro deb ataladi), shuningdek 16 yoshga to‘lmagan fuqaroligi bo‘lmagan shaxslar (keyingi o‘rinlarda fuqaroligi bo‘lmagan shaxs deb ataladi) chet elga chiqqanda ularning ota-onalari, vasiylari (homiylari), muassasalar va tashkilotlar vakillari ushbu Nizomning 15-bandida (“b” kichik band bundan mustasno) nazarda tutilgan hollarda fuqarolar va fuqaroligi bo‘lmagan shaxslar doimiy ro‘yxatdan o‘tgan joyidagi O‘zbekiston Respublikasi Ichki ishlar vazirligining Kirish va chiqish hamda fuqarolikni rasmiylashtirish boshqarmasining hududiy bo‘linmalariga (keyingi o‘rinlarda ma’lumotlarni yig‘ish punktlari deb ataladi) murojaat qiladilar.
Keyingi tahrirga qarang.
Keyingi tahrirga qarang.
Oldingi tahrirga qarang.
Fuqarolarning O‘zbekiston Respublikasining xalqaro shartnomalariga muvofiq ularga kirish uchun kirish vizalarini rasmiylashtirish talab etilmaydigan xorijiy davlatlarga chiqishida chet elga chiqish uchun ruxsatnoma yozuvi stikerini rasmiylashtirish talab etilmaydi.
(2-bandning ikkinchi xatboshisi O‘zbekiston Respublikasi Vazirlar Mahkamasining 2015-yil 22-oktabrdagi 301-sonli qarori tahririda — O‘R QHT, 2015-y., 42-son, 539-modda)
3. O‘zbekiston Respublikasining chet eldagi konsullik muassasalarida (keyingi o‘rinlarda ma’lumotlarni yig‘ish punkti deb ataladi) doimiy yoki vaqtincha konsullik hisobida turgan fuqarolar va fuqaroligi bo‘lmagan shaxslar pasportni yoki harakatlanish hujjatini rasmiylashtirish uchun ushbu Nizomning 15-bandida (“a” kichik band bundan mustasno) nazarda tutilgan hollarda chet eldagi konsullik hisobida turish joyidagi tegishli ma’lumotlarni yig‘ish punktiga murojaat qiladilar.
Bunda voyaga yetmagan shaxslar nomidan ularning ota-onalari, vasiylari (homiylari), muassasalar va tashkilotlar vakillari tegishli iltimosnomalar bilan murojaat qiladilar.
4. O‘zbekiston Respublikasining chet eldagi konsullik muassasalarida doimiy konsullik hisobida turgan va O‘zbekiston Respublikasiga vaqtincha kelayotgan fuqarolar va fuqaroligi bo‘lmagan shaxslar ushbu Nizomning 15-bandida (“b” kichik band bundan mustasno) nazarda tutilgan hollarda, pasport hamda harakatlanish hujjatini olish va almashtirish uchun O‘zbekiston Respublikasi Tashqi ishlar vazirligiga murojaat qiladilar.
Bunda voyaga yetmagan shaxslar nomidan ularning ota-onalari, vasiylari (homiylari), muassasalar va tashkilotlar vakillari tegishli iltimosnomalar bilan murojaat qiladilar.
5. O‘zbekiston Respublikasi hududida pasport va harakatlanish hujjati O‘zbekiston Respublikasi Vazirlar Mahkamasi huzuridagi Davlat personallashtirish markaziga (keyingi o‘rinlarda DPM deb ataladi) buyurtmanoma jo‘natilgandan keyin o‘n ish kuni mobaynida, chet elda — o‘n besh ish kuni mobaynida, belgilangan tartibda ma’lumotlarni yig‘ish punktida beriladi.
Pasport yoki harakatlanish hujjati yo‘qotib qo‘yilganda yangi pasport yoki harakatlanish hujjati yo‘qotib qo‘yilganlik to‘g‘risida ariza berilgan kundan boshlab bir oy mobaynida beriladi.
6. Pasport va harakatlanish hujjati ushbu hujjatlarni olish haqida iltimosnoma bergan ota-onalarga, vasiylarga (homiylarga), muassasalar va tashkilotlar vakillariga beriladi.
Bunda pasport va harakatlanish hujjatining amal qilish muddati fuqaro yoki fuqaroligi bo‘lmagan shaxsning 16 yoshidan ortiq bo‘lmasligi kerak.
Istisno hollarda fuqaroning pasporti, agar respublikadan tashqariga chiqish paytida uning yoshi 15 yoshdan katta bo‘lsa, o‘n yil muddatga berilishi mumkin. Bunda ota-onalar, vasiylar (homiylar), muassasalar va tashkilotlar vakillari fuqaroning bir yildan ortiq muddatga chiqishi holatini (o‘qish, davolanish, xalqaro sport musobaqalarida, madaniy va boshqa tadbirlarda qatnashish, doimiy yashash va shu kabilar) tasdiqlaydigan tegishli hujjatlarni taqdim etishlari kerak.
16 yoshga to‘lmagan shaxsning pasporti yoki harakatlanish hujjati amal qilish muddati tamom bo‘lgandan keyin bir oy muddatdan kechikmay ma’lumotlarni yig‘ish punktiga majburiy tartibda topshiriladi.
8. Pasport va harakatlanish hujjati fuqaroning va fuqaroligi bo‘lmagan shaxsning shaxsini tasdiqlaydigan hujjatlar hisoblanadi hamda jahonning istalgan mamlakatiga chiqish uchun haqiqiydir.
Pasport va harakatlanish hujjati blankalari “Davlat belgisi” davlat ishlab chiqarish birlashmasida tayyorlanadi, DPMda personallashtiriladi va yo‘q qilinadi, ma’lumotlarni yig‘ish punktlarida egalariga beriladi.
Keyingi tahrirga qarang.
10. Pasport va harakatlanish hujjati belgilangan namuna bo‘yicha tayyorlanadi hamda o‘zbek va ingliz tillarida, Qoraqalpog‘iston Respublikasi uchun esa — qoraqalpoq, o‘zbek va ingliz tillarida personallashtiriladi.
pasport yoki harakatlanish hujjati egasining ro‘yxatdan o‘tkazilganligi va ro‘yxatdan chiqarilganligi to‘g‘risidagi;
Ota-onalar, vasiylar (homiylar) roziligi bilan pasport yoki harakatlanish hujjatida hujjat egasi qoni guruhi va qaysi rezusga mansubligi to‘g‘risidagi ma’lumotlar qayd etiladi.
pasport yoki harakatlanish hujjati egasining ro‘yxatdan o‘tkazilganligi va ro‘yxatdan chiqarilganligi to‘g‘risidagi, xorijga chiqish uchun ruxsatnoma yozuvi to‘g‘risidagi, hamrohlik qilayotgan shaxslar to‘g‘risidagi, ilgari qo‘yilgan qaydlarni bekor qilish to‘g‘risidagi ma’lumotlarni — ichki ishlar organlari bo‘linmalari;
O‘zbekiston Respublikasining Davlat chegarasidan o‘tganlik va ilgari qo‘yilgan qaydlarni bekor qilish to‘g‘risidagi ma’lumotlarni — chegara nazorati bo‘linmalari;
hujjat egasining qon guruhi va qaysi rezusga mansubligi to‘g‘risidagi ma’lumotlarni — sog‘liqni saqlash muassasalari;
konsullik hisobiga olingani yoki konsullik hisobidan chiqarilgani to‘g‘risidagi, chet elga chiqish uchun ruxsatnoma yozuvi, hamrohlik qilayotgan shaxslar, ilgari qo‘yilgan qaydlarni bekor qilish to‘g‘risidagi ma’lumotlarni — O‘zbekiston Respublikasining konsullik muassasalari;
xorijiy davlatlarga kirish uchun ruxsatnoma (viza) to‘g‘risidagi ma’lumotlarni — xorijiy davlatlarning diplomatik vakolatxonalari va konsullik muassasalari kiritadilar.
Pasportlar yoki harakatlanish hujjatlariga ushbu Nizomda nazarda tutilmagan yozuvlar va qaydlarni kiritish taqiqlanadi.
e) ro‘yxatdan o‘tkazish (ro‘yxatdan chiqarish), alohida ma’lumotlar yoki vizalar uchun mo‘ljallangan sahifalari ishlatib bo‘linganda;
Familiyasi, ismi, otasining ismi, millati, tug‘ilgan sanasi o‘zgarganligi yoki yozuvlarda noaniqliklar mavjudligi aniqlanganligi munosabati bilan pasport yoki harakatlanish hujjati almashtirilgan hollarda ma’lumotlarni yig‘ish punktiga ushbu holatlarni tasdiqlovchi hujjatlar taqdim etiladi.
16. Pasport yoki harakatlanish hujjatini olish uchun ma’lumotlarni yig‘ish punktiga quyidagi hujjatlar taqdim etiladi:
b) ushbu muassasa yoki tashkilot orqali chet elga chiqilgan taqdirda muassasa yoki tashkilotning belgilangan namunadagi buyurtmanomasi;
d) pasport yoki harakatlanish hujjati yo‘qotilgan yoki o‘g‘irlangan hollarda fuqaro va fuqaroligi bo‘lmagan shaxs qonuniy vakillarining yozma arizasi;
e) pasport yoki harakatlanish hujjati yo‘qolganligi to‘g‘risida ma’lumotnoma (chet elda yo‘qolganda);
17. Taqdim etilgan hujjatlar asosida ma’lumotlarni yig‘ish punkti fuqaro yoki fuqaroligi bo‘lmagan shaxsning tarjimai holiga oid ma’lumotlarni to‘playdi, elektron shakldagi qo‘l barmoq izlarini oladi (15 yoshdan katta shaxslar uchun), shaxsni old tomonidan raqamli formatda suratga oladi va pasport yoki harakatlanish hujjatini rasmiylashtirish uchun buyurtmanoma tuzib, so‘ngra DPMga jo‘natadi.
18. Agar shaxs (15 yoshdan katta shaxslar uchun) qo‘l barmoq izlari olinishidan bosh tortsa va ko‘zoynakda yoki bosh kiyimda suratga tushish istagidan qaytmasa, ma’lumotlarni yig‘ish punkti unga pasport yoki harakatlanish hujjati rasmiylashtirishni rad etish huquqiga ega.
19. Ma’lumotlarni yig‘ish punkti yangi pasport yoki harakatlanish hujjati berish chog‘ida ilgari berilgan pasport yoki harakatlanish hujjatini olib qo‘yadi va uni yo‘q qilish uchun DPMga jo‘natadi.
Keyingi tahrirga qarang.
Oldingi tahrirga qarang.
20. Tayyor pasport yoki harakatlanish hujjatini DPM keyinchalik diplomatik kanallar bo‘yicha chet eldagi ma’lumotlarni yig‘ish punktiga berish uchun O‘zbekiston Respublikasi Axborot texnologiyalari va kommunikatsiyalarini rivojlantirish vazirligining Davlat feldyegerlik xizmati orqali pasport yoki harakatlanish hujjatini rasmiylashtirish uchun buyurtmanoma jo‘natgan ma’lumotlarni yig‘ish punktiga yoxud O‘zbekiston Respublikasi Tashqi ishlar vazirligiga beradi.
(20-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
21. Pasport yoki harakatlanish hujjatini rasmiylashtirish jarayonida bolaning millati ota-onalarning millati bo‘yicha aniqlanadi, agar ota-onalar turli millatlarga mansub bo‘lsalar, pasport yoki harakatlanish hujjatini berishda fuqaro yoki fuqaroligi bo‘lmagan shaxsning millati pasport yoki harakatlanish hujjatini oluvchining xohishiga ko‘ra otasi yoki onasining millati bo‘yicha yoziladi.
22. Fuqaro yoki fuqaroligi bo‘lmagan shaxs va ularning qonuniy vakillari pasport va harakatlanish hujjatini ehtiyotlab saqlashi kerak.
Pasport yoki harakatlanish hujjati yo‘qotib qo‘yilgan taqdirda fuqaro yoki fuqaroligi bo‘lmagan shaxs bu haqda doimiy ro‘yxatdan o‘tgan joydagi ma’lumotlarni yig‘ish punktiga yoki konsullik hisobiga qo‘yilgan joyga darhol xabar berishi shart, ular qonun hujjatlarida nazarda tutilgan tartib-qoidalar bajarilgandan keyin, ushbu Nizomda nazarda tutilgan tartibda ularga yangi pasport yoki harakatlanish hujjatini beradi.
Keyingi tahrirga qarang.
23. Vaqtincha chet elda bo‘lgan va konsullik hisobida turmagan fuqarolar va fuqaroligi bo‘lmagan shaxslar ushbu Nizomning 15-bandida nazarda tutilgan hollarda O‘zbekiston Respublikasiga qaytishga sertifikat olish uchun O‘zbekiston Respublikasining tegishli konsullik muassasasiga murojaat qiladilar.
Vaqtinchalik konsullik hisobiga olish o‘qish, davolanish, xalqaro sport musobaqalarida, madaniy va boshqa tadbirlarda qatnashish uchun xorijga chiqib ketgan va xorijga vaqtincha chiqishni belgilangan tartibda rasmiylashtirgan voyaga yetmagan shaxslarga rasmiylashtiriladi.
Vaqtinchalik konsullik hisobiga olish, agar shaxs mamlakatda ochiqchasiga turgan bo‘lsa va agar u mazkur mamlakatga olti oydan ortiq muddatga kelgan bo‘lsa rasmiylashtiriladi.
24. Vafot etgan fuqaro yoki fuqaroligi bo‘lmagan shaxsning pasporti yoki harakatlanish hujjati yo‘q qilish uchun keyinchalik DPMga topshirish uchun ma’lumotlarni yig‘ish punktiga topshiriladi.
Keyingi tahrirga qarang.
25. Topilgan pasport yoki harakatlanish hujjati ichki ishlar organiga yoxud O‘zbekiston Respublikasining xorijdagi konsullik muassasasiga topshirilishi kerak.
26. Pasport yoki harakatlanish hujjatini olib qo‘yish, O‘zbekiston Respublikasi qonun hujjatlarida nazarda tutilgan hollar bundan mustasno, shuningdek garovga topshirish va boshqa shaxslarga berish taqiqlanadi.
27. Ushbu Nizomni amalga oshirish uchun zarur bo‘lgan muhrlar, shtamplar va blankalar namunalari tegishli ravishda O‘zbekiston Respublikasi Ichki ishlar vazirligi, Tashqi ishlar vazirligi, Milliy xavfsizlik xizmati va Sog‘liqni saqlash vazirligi tomonidan belgilanadi.
Keyingi tahrirga qarang.
28. Pasport yoki harakatlanish hujjatini berganlik uchun O‘zbekiston Respublikasi Vazirlar Mahkamasi tomonidan belgilangan miqdorda davlat boji undiriladi. To‘liq davlat qaramog‘ida bo‘lgan shaxslar davlat boji to‘lashdan ozod qilinadi.
29. Xorijga vaqtincha chiqishga stikerni rasmiylashtirish uchun ma’lumotlarni yig‘ish punktiga quyidagi hujjatlar topshiriladi:
b) ushbu muassasa yoki tashkilot orqali chiqilgan taqdirda muassasa yoki tashkilotning belgilangan namunadagi buyurtmanomasi;
e) O‘zbekiston Respublikasi hududida birga yashaydigan ota-onalar, vasiylar (homiylar)ning fuqaro yoki fuqaroligi bo‘lmagan shaxsning xorijga chiqishiga notarial tasdiqlangan roziligi;
j) fuqaro yoki fuqaroligi bo‘lmagan shaxsga hamrohlik qilayotgan shaxsning notarial tasdiqlangan majburiyati;
Fuqaro yoki fuqaroligi bo‘lmagan shaxs ota-onalardan biri bilan xorijga vaqtincha chiqayotganda ota-onalardan ikkinchisining roziligi talab qilinmaydi.
30. Doimiy yashash maqsadida chet elga chiqish uchun stikerni rasmiylashtirishda ma’lumotlarni yig‘ish punktiga quyidagi hujjatlar topshiriladi:
b) 15 yoshdan 18 yoshgacha bo‘lgan chet elga chiqib ketayotgan fuqaro yoki fuqaroligi bo‘lmagan shaxsning notarial tasdiqlangan roziligi;
v) ota-onalardan biri vafot etgan taqdirda — uning vafoti to‘g‘risidagi guvohnomaning notarial tasdiqlangan nusxasi.
Keyingi tahrirga qarang.
Fuqarolar va fuqaroligi bo‘lmagan shaxslar ota-onalari bilan birgalikda doimiy yashash uchun xorijga chiqib ketayotganda 29-bandning “e” kichik bandida nazarda tutilgan rozilik talab qilinmaydi.
31. 15 yoshdan 18 yoshgacha bo‘lgan fuqarolar yoki fuqaroligi bo‘lmagan shaxslar ota-onalari, vasiylari (homiylari)ning voyaga yetmagan shaxsning mustaqil ravishda chet elga chiqishi uchun notarial tasdiqlangan roziligi mavjud bo‘lgan taqdirda xorijga hamrohlarsiz chiqishlari mumkin.
32. Fuqaro yoki fuqaroligi bo‘lmagan shaxsning xorijga vaqtincha chiqishiga ruxsatnomani rasmiylashtirish to‘g‘risidagi murojaati qondirilganda uning pasporti yoki harakatlanish hujjatiga ikki yil muddatga amal qiladigan stiker yopishtiriladi. Stikerning amal qilish muddati tugagach pasport yoki harakatlanish hujjatiga ushbu Nizomda nazarda tutilgan tartibda amal qilish muddati ikki yil bo‘lgan yangi stiker yopishtiriladi. Bunda stikerning amal qilish muddati tegishli pasport yoki harakatlanish hujjatining amal qilish muddatidan ortiq bo‘lmasligi kerak.
33. Doimiy yashash uchun xorijga chiqib ketayotgan fuqaroning pasportiga yoki fuqaroligi bo‘lmagan shaxsning harakatlanish hujjatiga amal qilish muddati noaniq bo‘lgan tegishli stiker yopishtiriladi, biroq bunda stiker berilgan sana majburiy tartibda ko‘rsatiladi.
pasport yoki harakatlanish hujjatining amal qilish muddati tamom bo‘lgandan keyin ularni o‘z vaqtida topshirmaslik;
pasport yoki harakatlanish hujjatini ataylab yaroqsizlantirish, shuningdek pasport yoki harakatlanish hujjati yo‘qolishiga sabab bo‘lgan — ularni ehtiyot qilib saqlamaslik;
16 yoshga to‘lmagan shaxslarning pasporti yoki harakatlanish hujjatidan g‘arazli maqsadlarda foydalanish, so‘ngra ularni yo‘qotib qo‘yganlik to‘g‘risida ariza berish, shuningdek boshqa shaxslarga tegishli bo‘lgan pasport yoki harakatlanish hujjatidan foydalanish;
fuqarodan va fuqaroligi bo‘lmagan shaxsdan pasport va harakatlanish hujjatini noqonuniy olib qo‘yish yoki ularni garov sifatida qabul qilish;
16 yoshga to‘lmagan shaxslarning pasporti yoki harakatlanish hujjatini g‘arazli yoki boshqa tuban maqsadlarda egallab olish, xuddi shuningdek ularni yo‘q qilish, yaroqsizlantirish, yashirish.
Keyingi tahrirga qarang.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “O‘zbekiston Respublikasi fuqarolarining chet elga borishlari tartibini va O‘zbekiston Respublikasining diplomatik pasporti to‘g‘risidagi Nizomni tasdiqlash haqida” 1995-yil 6-yanvardagi 8-son qarorida (O‘zbekiston Respublikasi QT, 1995-y., 1-son, 1-modda):
“O‘zbekiston Respublikasi fuqarolarining chet elga chiqishi va O‘zbekiston Respublikasi hududiga kirishi tartibi 1-ilovaga muvofiq”;
“1. O‘zbekiston Respublikasi fuqarolari, O‘zbekiston Respublikasining qonun hujjatlarida belgilangan cheklashlardan tashqari, chet elga erkin chiqish va ushbu Nizomda nazarda tutilgan tartibda O‘zbekiston Respublikasiga kelish huquqiga egadirlar.
2. Ushbu Tartib O‘zbekiston Respublikasi fuqarolarining xorijiy mamlakatlarga chiqishlariga tatbiq etiladi, kirish uchun kirish vizalari rasmiylashtirilishi talab qilinmaydigan MDH mamlakatlari bundan mustasno.
3. Chet elga vaqtincha chiqayotganda fuqarolarga chet elga borish uchun 2 yil mobaynida amal qiladigan ruxsatnoma yozuvi stikeri (keyingi o‘rinlarda stiker deb yuritiladi) rasmiylashtiriladi. Fuqarolar ko‘rsatilgan muddat mobaynida bir necha marta chet elga chiqishi mumkin. Stikerning amal qilish muddati pasportning amal qilish muddatidan oshmasligi kerak.
Doimiy yashash uchun chet elga chiqishda fuqarolarga amal qilish muddatisiz stiker rasmiylashtiriladi.
O‘zbekiston Respublikasi Qurolli Kuchlari harbiy xizmatchilarining chet elga chiqishi O‘zbekiston Respublikasining qonun hujjatlariga muvofiq rasmiylashtiriladi. Harbiy xizmatchilarga stiker harbiy qism (muassasa) joylashgan joy bo‘yicha rasmiylashtiriladi.
4. Diplomatik pasportlar bo‘yicha chet elga chiqish O‘zbekiston Respublikasining Diplomatik pasporti to‘g‘risidagi Nizomga muvofiq O‘zbekiston Respublikasi Tashqi ishlar vazirligi tomonidan rasmiylashtiriladi.
5. Xodimni xorijiy xizmat safariga yuborish to‘g‘risida taqdim etilgan hujjatlarning ishonchliligi yuzasidan javobgarlik, mulkchilik shakllaridan qat’i nazar, xizmat safariga yuborish haqida qaror qabul qilgan tashkilotlar va muassasalar rahbarlari zimmasiga yuklanadi.
6. Chet elga chiqish uchun ruxsatnoma yozuvi stikeri fuqarolarning doimiy ro‘yxatda turgan joylari (harbiy xizmatchilar uchun — harbiy qism (muassasa) joylashgan joy) bo‘yicha O‘zbekiston Respublikasi Ichki ishlar vazirligi, Qoraqalpog‘iston Respublikasi Ichki ishlar vazirligi, viloyatlar ichki ishlar boshqarmalari, Toshkent shahar ichki ishlar bosh boshqarmasining Kirish-chiqish va fuqarolikni rasmiylashtirish boshqarmasi, shuningdek Toshkent shahar ichki ishlar bosh boshqarmasining tuman bo‘linmalari (keyingi o‘rinlarda KChFR bo‘linmalari deb yuritiladi) tomonidan, shuningdek ushbu Tartibda nazarda tutilgan hollarda chet eldagi O‘zbekiston Respublikasi konsullik muassasalari tomonidan kirish-chiqish va fuqarolikni rasmiylashtirish bo‘linmalari bilan kelishgan holda rasmiylashtiriladi”;
“1. Chet elga bormoqchi bo‘lgan fuqarolar pasportini, belgilangan namunadagi anketa-arizani, davlat boji to‘langanligi to‘g‘risidagi kvitansiyani, 35 x 45 mm o‘lchamli 4 ta fotosuratni, harbiy guvohnomani (harbiy guvohnoma mavjud bo‘lmagan taqdirda chaqiruv yoshidagi shaxslar uchun mudofaa ishlari bo‘yicha bo‘limning belgilangan namunadagi ma’lumotnomasini) taqdim etgan holda doimiy ro‘yxatda turgan joydagi kirish-chiqish va fuqarolikni rasmiylashtirish bo‘linmalariga (harbiy xizmatchilar uchun harbiy qism (muassasa) joylashgan joy bo‘yicha) murojaat qiladilar.
2. Kirish-chiqish va fuqarolikni rasmiylashtirish bo‘linmalari fuqaroning murojaatini 15 ish kuni mobaynida ko‘rib chiqadi va chet elga chiqish huquqiga cheklovlar uchun asos bo‘lmagan taqdirda uning pasportiga stiker yopishtiradi.
Zarur tarzda rasmiylashtirilgan hujjatlar kirish-chiqish va fuqarolikni rasmiylashtirish bo‘linmalariga berilgan kun murojaat qilingan sana deb hisoblanadi.
Amal qiladigan stiker haqiqiy bo‘lmagan pasportdan yangi pasportga ko‘chirilgan hollarda, ushbu stikerni rasmiylashtirish muddati 7 ish kunidan oshmasligi kerak.
Chet elga xizmat safariga borayotgan fuqarolarga, ular ishlaydigan tashkilotlarning mulkchilik shakllaridan qat’i nazar, chet elga chiqish huquqini cheklashlar uchun asos bo‘lmagan taqdirda, stikerni rasmiylashtirish uchun hujjatlarni ko‘rib chiqish muddati 10 ish kunidan oshmasligi kerak.
O‘zbekiston Respublikasidan tashqariga chiqishni talab qiladigan shoshilinch davolanish zaruriyatini, og‘ir kasallik holatlarini yoki yaqin qarindoshi vafot etganligini tasdiqlovchi hujjatlar mavjud bo‘lganda fuqaroga va unga hamrohlik qiluvchi shaxslarga stikerni rasmiylashtirish muddati, chet elga chiqish huquqini cheklash uchun asos bo‘lmagan taqdirda, 5 ish kunidan oshmasligi kerak.
Chet elda doimiy yashash uchun chiqish hujjatlarini rasmiylashtirishda fuqarolarning doimiy ro‘yxatda turgan joylaridagi kirish-chiqish va fuqarolikni rasmiylashtirish bo‘linmalari arizachilarning murojaatini 15 ish kuni mobaynida ko‘rib chiqadi va fuqaroning chet elga chiqishiga to‘sqinlik qiluvchi holatlar bo‘lmagan taqdirda, uning pasportiga doimiy yashash uchun stikerni yopishtiradi. Qo‘shimcha tekshirishlar o‘tkazish zarur bo‘lganda hujjatlarni ko‘rib chiqish muddati 30 kungacha uzaytirilishi mumkin.
Doimiy yashash uchun chet elga chiqishda fuqarolar O‘zbekiston Respublikasi hududida doimiy yashaydigan o‘z ota-onasining va turmush o‘rtog‘ining (birgalikda chiqish holatlari bundan mustasno), shuningdek agar birgalikdagi nikohdan bolalar bo‘lsa, O‘zbekiston Respublikasida doimiy yashaydigan sobiq turmush o‘rtog‘ining notarial tasdiqlangan roziligini, ular vafot etgan yoki bedarak yo‘qolgan hollarda esa — vafot etganlik to‘g‘risidagi guvohnomaning yoki sudning shaxsni bedarak yo‘qolgan deb e’tirof etish haqidagi qarorining notarial tasdiqlangan nusxasini kirish-chiqish va fuqarolikni rasmiylashtirish bo‘linmalariga taqdim etadilar.
O‘zbekiston Respublikasi fuqarolari xorijiy davlat hududiga kirish vizasini olish uchun tegishli xorijiy davlatlarning diplomatik vakolatxonalariga yoki konsullik muassasalariga murojaat qiladilar.
3. Xususiy kontraktlar bo‘yicha mehnat faoliyati bilan shug‘ullanish uchun chet elga chiqishni rasmiylashtirish belgilangan tartibda amalga oshiriladi.
4. Chet elga ketayotgan va davlat siri bo‘lgan ma’lumotlardan xabardor bo‘lgan shaxsga nisbatan ketayotgan shaxsning ish joyi bo‘yicha tashkiloti tegishli organlarga davlat siri bo‘lgan ma’lumotlardan xabardorlik darajasi to‘g‘risidagi xulosani yuboradi.
5. Chet elga vaqtincha yashashga ketgan (xizmat safariga, o‘qishga, kontrakt bo‘yicha ishlashga va shu kabilar) O‘zbekiston Respublikasi fuqarolari muayyan yoshga to‘lganligi hamda pasportida belgilar va vizalar qo‘yish uchun varaqlar tugaganligi, shuningdek chet elga borish uchun stikerni rasmiylashtirish munosabati bilan pasport almashtirilgan hollarda O‘zbekiston Respublikasining chet eldagi konsullik muassasalariga pasport berish va chet elga chiqish uchun stikerni rasmiylashtirish to‘g‘risida belgilangan shakldagi ariza bilan murojaat qiladilar. Fuqarolarning arizalari belgilangan tartibda konsullik muassasalari tomonidan rasmiylashtiriladi hamda pasport va stikerni rasmiylashtirish uchun O‘zbekiston Respublikasi Tashqi ishlar vazirligi orqali Ichki ishlar vazirligiga jo‘natiladi. Rasmiylashtirilgan pasport egasiga berish uchun Tashqi ishlar vazirligi orqali O‘zbekiston Respublikasining tegishli konsullik muassasasiga yuboriladi. Pasportni rasmiylashtirishning to‘liq davriy muddati 30 ish kunidan oshmasligi kerak.
6. Vaqtincha yashash uchun chet elga ketgan, u yerga oshkora kelgan va chet elda doimiy yashashga qaror qilgan O‘zbekiston Respublikasi fuqarolari doimiy yashashga ruxsatnomani rasmiylashtirish uchun belgilangan shakldagi hujjatlar bilan O‘zbekiston Respublikasining tegishli konsullik muassasasiga murojaat qiladilar.
Konsullik muassasasi fuqarolarning chet elda doimiy yashash uchun qoldirish bo‘yicha hujjatlarini rasmiylashtiradi va masalani belgilangan tartibda kelishish uchun hujjatlarni Tashqi ishlar vazirligi orqali Ichki ishlar vazirligiga yuboradi”;
ruscha matnda ikkinchi xatboshidagi “gosudarstvennuyu taynu” so‘zlari “gosudarstvennie sekreti” so‘zlari bilan almashtirilmoqda;
“b) agar shaxsga nisbatan jinoiy ish qo‘zg‘atilgan bo‘lsa — ish bo‘yicha yakuniy qaror qabul qilingunga qadar”;
to‘rtinchi xatboshidagi “militsiyaning” so‘zi “ichki ishlar organlarining” so‘zlari bilan almashtirilsin;
“g) agar shaxsda sud tomonidan yuklangan ijro etilmagan majburiyatlar bo‘lsa — majburiyatlar ijro etilgunga qadar”;
“j) agar shaxs chaqiriq uchastkasida ro‘yxatga olingan va haqiqiy muddatli harbiy xizmatga chaqirilishi kerak bo‘lsa — haqiqiy muddatli xizmatni yoki safarbarlik chaqiruvi zaxirasidagi xizmatni o‘tagunga qadar O‘zbekiston Respublikasining qonun hujjatlariga muvofiq undan ozod qilingunga qadar”;
“z) agar shaxsga nisbatan Ichki ishlar vazirligida yoki Tashqi ishlar vazirligida vakolatli organlarning ushbu shaxsning chet elda bo‘lgan vaqtda kelgan mamlakati qonunlarini buzganligi (qonun buzilishlari ro‘yxati tegishli organlar tomonidan belgilanadi) to‘g‘risidagi axboroti, shuningdek borishi maqsadga muvofiq emasligini ko‘rsatadigan axboroti mavjud bo‘lsa — axborot hisobga olingan kundan boshlab ikki yil o‘tgunga qadar.
IV bo‘limdagi “III bo‘limning “b” va “j” kichik bandlarida ko‘rsatilgan” so‘zlari “III bo‘limning “a”, “b”, “j” va “z” kichik bandlarida ko‘rsatilgan” so‘zlari bilan almashtirilsin;
1. Chet elda vaqtincha yoki doimiy yashovchi O‘zbekiston Respublikasi fuqarolari O‘zbekiston Respublikasi fuqarosining amaldagi pasporti yoki O‘zbekiston Respublikasiga qaytib kelishga sertifikat mavjud bo‘lganda O‘zbekiston Respublikasi hududiga erkin kirish huquqiga egadir.
2. Pasportning amal qilish muddati chet elda tugagan, u yaroqsizlangan yoki yo‘qolgan hollarda, shuningdek qonun hujjatlarida nazarda tutilgan boshqa hollarda (familiyasi, ismi va otasining ismi, tug‘ilgan sanasi o‘zgargan, yozuvlarda noaniqliklar va xatolar aniqlangan, varaqlar ishlatib bo‘lingan va boshqa hollarda) chet elda doimiy yashaydigan O‘zbekiston Respublikasi fuqarosi yangi pasportni rasmiylashtirish uchun o‘zi turgan mamlakatdagi O‘zbekiston Respublikasining konsullik muassasasiga murojaat qiladi.
Agar fuqaro turgan mamlakatda O‘zbekiston Respublikasining konsullik muassasasi bo‘lmasa, fuqaro o‘zi turgan mamlakat konsullik okrugiga kiradigan O‘zbekiston Respublikasining konsullik muassasasiga murojaat qiladi.
3. Chet elda vaqtincha turgan va o‘zi turgan mamlakatdagi O‘zbekiston Respublikasining konsullik muassasasida konsullik hisobida turmagan fuqaro, ushbu bo‘limning 2-bandida ko‘rsatilgan hollarda, O‘zbekiston Respublikasiga qaytishga sertifikat olish uchun O‘zbekiston Respublikasining tegishli konsullik muassasasiga murojaat qiladi.
4. Chet elda doimiy yashaydigan va O‘zbekiston Respublikasiga vaqtincha kelgan O‘zbekiston Respublikasi fuqarolariga O‘zbekiston Respublikasida bo‘lgan vaqtda pasportning amal qilish muddati tugagan yoki u yo‘qolgan hollarda, shuningdek mazkur bo‘limning 2-bandida ko‘rsatilgan boshqa hollarda pasport berish yoki almashtirish hamda ruxsatnoma yozuvi stikerini rasmiylashtirish O‘zbekiston Respublikasi Tashqi ishlar vazirligi tomonidan amalga oshiriladi.
5. Chet elda doimiy yashaydigan va O‘zbekiston Respublikasiga doimiy yashash uchun qaytishni niyat qilgan fuqarolar O‘zbekiston Respublikasining chet eldagi konsullik muassasasidagi konsullik hisobidan chiqishlari lozim. Fuqarolar O‘zbekiston Respublikasi hududida turgan taqdirda, ular konsullik hisobidan chiqarish uchun Tashqi ishlar vazirligiga murojaat qiladilar”.
Keyingi tahrirga qarang.
2. Vazirlar Mahkamasining “Xorijiy fuqarolarning va fuqaroligi bo‘lmagan shaxslarning O‘zbekiston Respublikasiga kelishlari, ketishlari va bu yerda bo‘lishlari va ularning tranzit o‘tishlari tartibi to‘g‘risida” 1996-yil 21-noyabrdagi 408-son qarorida:
1) 1-ilovada (Xorijiy fuqarolarning va fuqaroligi bo‘lmagan shaxslarning O‘zbekiston Respublikasiga kelishlari va O‘zbekiston Respublikasidan ketishlari tartibi):
“2. Xorijiy fuqarolarga O‘zbekiston Respublikasiga kirish vizalari, shu jumladan tranzit kirish vizalari:
a) O‘zbekiston Respublikasining chet eldagi konsullik muassasalari tomonidan, bunday konsullik muassasalari mavjud bo‘lmagan taqdirda esa — O‘zbekiston Respublikasi Tashqi ishlar vazirligining ikki tomonlama bitimi mavjud bo‘lgan boshqa davlatlarning konsullik muassasalari tomonidan beriladi.
Bosh konsulliklar, konsulliklar, vitse-konsulliklar, konsullik agentliklari va elchixonalarning konsullik bo‘limlari O‘zbekiston Respublikasining chet ellardagi konsullik muassasalari hisoblanadi;
b) xalqaro aeroport maqomiga ega bo‘lgan O‘zbekiston aeroportlaridagi O‘zbekiston Respublikasi Tashqi ishlar vazirligining bo‘linmalari tomonidan beriladi.
Aeroportlarda Tashqi ishlar vazirligining konsullik muassasalari va bo‘linmalari tomonidan O‘zbekiston Respublikasiga kirish vizalari xorijiy fuqarolarning barcha toifalariga beriladi.
“O‘zbekiston Respublikasi Tashqi ishlar vazirligi va uning O‘zbekiston Respublikasi hududidagi bo‘linmalari vizalarning amal qilish muddatini uzaytirishni xorijiy fuqarolarning quyidagi toifalari uchun amalga oshiradi”;
“g) ushbu bandning “a” kichik bandida ko‘rsatilgan xorijiy fuqarolarning taklifi bo‘yicha kelganlarga, biroq ko‘pi bilan 2-marta kelganlarga.
Vizaning uzaytirilishi respublika hududida rasmiy bo‘lishga ruxsatnomaning uzaytirilishini anglatadi. Amaliy jihatdan vizani uzaytirish amal qilish muddati yangilangan yangi viza berish yo‘li bilan amalga oshiriladi, xorijiy fuqaro akkreditatsiya qilingan taqdirda esa vizaning turi ham o‘zgartiriladi”;
“4. Ko‘p marta foydalaniladigan vizalar ushbu Tartibning 3-bandi “a” kichik bandida ko‘rsatilgan xorijiy fuqarolarga ular akkreditatsiya qilingan muddatga, ushbu Tartibning 3-bandi “b”, “v” va “g” kichik bandlarida ko‘rsatilgan fuqarolarga bir yilgacha muddatga beriladi”;
12-bandning birinchi xatboshidagi “ikki nusxada” so‘zlari chiqarib tashlansin, “vaucher” so‘zi esa “taklifnoma” so‘zi bilan almashtirilsin;
“15. O‘zbekiston Respublikasida doimiy yashaydigan, chet elga bormoqchi bo‘lgan fuqaroligi bo‘lmagan shaxs yashash uchun hujjatni, belgilangan namunadagi anketa-arizani, davlat boji to‘langanligi to‘g‘risidagi kvitansiyani va 35 x 45 mm o‘lchamli 4 ta fotosuratni taqdim etgan holda, doimiy ro‘yxatda turgan joydagi kirish-chiqish va fuqarolikni rasmiylashtirish bo‘linmasiga murojaat qiladi.
Chet elga vaqtincha chiqishda fuqaroligi bo‘lmagan shaxsga chet elga chiqish uchun 2 yil mobaynida amal qiladigan ruxsatnoma yozuvi stikeri (keyingi o‘rinlarda stiker deb ataladi) rasmiylashtiriladi. Ko‘rsatilgan muddat mobaynida fuqaroligi bo‘lmagan shaxs bir necha marta chet elga chiqishi mumkin. Stikerning amal qilish muddati fuqaroligi bo‘lmagan shaxsning guvohnomasi yoki harakatlanish hujjatining amal qilish muddatidan oshmasligi kerak.
Doimiy yashash uchun chet elga chiqishda fuqaroligi bo‘lmagan shaxsga amal qilish muddatisiz stiker rasmiylashtiriladi”;
“16. Kirish-chiqish va fuqarolikni rasmiylashtirish bo‘linmalari fuqaroligi bo‘lmagan shaxsning murojaatini 15 ish kuni mobaynida ko‘rib chiqadi va chet elga chiqish huquqiga cheklovlar uchun asos bo‘lmagan taqdirda fuqaroligi bo‘lmagan shaxsning guvohnomasini rasmiylashtiradi hamda guvohnomaga yoki harakatlanish hujjatiga stikerni yopishtiradi.
O‘zbekiston Respublikasida doimiy yashaydigan fuqaroligi bo‘lmagan shaxs chet eldan qaytganidan keyin uch ish kuni mobaynida guvohnoma yoki harakatlanish hujjatini topshirish va o‘rniga O‘zbekiston Respublikasida yashashga ruxsatnoma olish uchun kirish-chiqish va fuqarolikni rasmiylashtirish bo‘linmasiga murojaat qilishlari kerak.
Amal qiladigan stiker fuqaroligi bo‘lmagan shaxsning haqiqiy bo‘lmagan guvohnomasidan yoki harakatlanish hujjatidan yangi guvohnoma yoki harakatlanish hujjatiga ko‘chirilgan hollarda, ushbu stikerni rasmiylashtirish muddati 7 ish kunidan oshmasligi kerak.
Chet elga xizmat safariga borayotgan fuqaroligi bo‘lmagan shaxslarga, ular ishlaydigan tashkilotlarning mulkchilik shakllaridan qat’i nazar, chet elga chiqish huquqini cheklashlar uchun asos bo‘lmagan taqdirda, stikerni rasmiylashtirish uchun hujjatlarni ko‘rib chiqish muddati 10 ish kunidan oshmasligi kerak.
O‘zbekiston Respublikasidan tashqariga chiqishni talab qiladigan shoshilinch davolanish zaruriyatini, og‘ir kasallik holatlarini yoki yaqin qarindoshi vafot etganligini tasdiqlovchi hujjatlar mavjud bo‘lganda fuqaroligi bo‘lmagan shaxsga va unga hamrohlik qiluvchi shaxslarga stikerni rasmiylashtirish muddati, chet elga chiqish huquqini cheklash uchun asos bo‘lmagan taqdirda, 5 ish kunidan oshmasligi kerak.
Doimiy yashash uchun chet elga chiqishda fuqaroligi bo‘lmagan shaxs O‘zbekiston Respublikasi hududida doimiy yashaydigan o‘z ota-onasining va turmush o‘rtog‘ining (birgalikda chiqish holatlari bundan mustasno), shuningdek agar birgalikdagi nikohdan bolalar bo‘lsa, O‘zbekiston Respublikasida doimiy yashaydigan sobiq turmush o‘rtog‘ining notarial tasdiqlangan roziligini, shuningdek ular vafot etgan yoki bedarak yo‘qolgan hollarda, vafot etganlik to‘g‘risidagi guvohnomaning yoki sudning shaxsni bedarak yo‘qolgan deb e’tirof etish haqidagi qarorining notarial tasdiqlangan nusxasini kirish-chiqish va fuqarolikni rasmiylashtirish bo‘linmasiga taqdim etadi”;
17-banddagi “xorijiy fuqarolar” so‘zlari “fuqaroligi bo‘lmagan shaxslar” so‘zlari bilan almashtirilsin;
“O‘zbekiston Respublikasi hududida doimiy yashaydigan xorijiy fuqarolar va fuqaroligi bo‘lmagan shaxslarning yashash uchun guvohnomasi va doimiy ro‘yxatdan o‘tkazilganligi:
xorijiy fuqarolar O‘zbekiston Respublikasidan tashqariga vaqtincha chiqqanda, agar ular uch yildan ortiq vaqt mobaynida uzrli sabablarsiz O‘zbekistondagi doimiy yashash joyiga qaytmasa;
O‘zbekiston Respublikasi hududidan vaqtincha tashqariga chiqqan fuqaroligi bo‘lmagan shaxslarning harakatlanish hujjatining amal qilish muddati tamom bo‘lgach, agar ular harakatlanish hujjatini almashtirmasa yoxud uzrli sabablarsiz uni almashtirishni rad etsa;
bekor qilish to‘g‘risida shaxsan murojaat qilsa yoxud notarial tasdiqlangan ishonchnoma bo‘yicha boshqa shaxs murojaat qilsa yoki chet eldagi tegishli organlarning so‘rovi bo‘yicha bekor qilinadi”.
2) 2-ilovada (Xorijiy fuqarolar va fuqaroligi bo‘lmagan shaxslarning O‘zbekiston Respublikasida bo‘lishlari qoidalari):
“Vaqtincha ro‘yxatdan o‘tkazish uchun xorijiy fuqarolar o‘zi turgan joydagi ichki ishlar organlariga quyidagi hujjatlarni taqdim etadilar:
uy-joy egasining vaqtincha ro‘yxatdan o‘tkazishga yozma roziligi va uy-joyga bo‘lgan huquqni belgilovchi hujjatlar;
Xorijiy fuqarolar vaqtincha ro‘yxatdan o‘tkazish muddatini uzaytirish uchun ichki ishlar organlariga vaqtincha ro‘yxatdan o‘tkazish muddati tamom bo‘lishigacha uch ish kunidan kechikmay murojaat qilishlari kerak”;
“32. Xorijiy fuqarolar O‘zbekiston Respublikasi hududi bo‘ylab faqat xorijiy fuqarolar borishiga ruxsat berilgan joylarda harakat qilishlari shart.
Xorijiy fuqarolar vaqtincha bo‘lish joyiga kelishgach O‘zbekiston Respublikasi ichki ishlar organlarida vaqtincha ro‘yxatdan o‘tishlari yoki mehmonxonalarda hisobga turishlari shart.
O‘zbekiston Respublikasi hududida doimiy yashaydigan va yashash ruxsatnomasiga ega bo‘lgan xorijiy fuqarolar uchun vaqtincha ro‘yxatdan o‘tkazish muayyan yashash joyida bo‘lgan davr uchun amalga oshiriladi. Uch kundan olti oygacha bo‘lgan davrda vaqtincha ro‘yxatdan o‘tkazish shaxsni doimiy yashash joyidan ro‘yxatdan chiqarmasdan amalga oshiriladi. 6 oydan ortiq muddatga vaqtincha ro‘yxatdan o‘tkazish, xizmat safariga, ta’tilga, dam olish yoki davolanishga borayotgan shaxslardan tashqari, shaxsni doimiy yashash joyidan ro‘yxatdan chiqargan holda amalga oshiriladi”.