LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasidagi diplomatiya vakolatxonalari va ularga tenglashtirilgan xalqaro tashkilotlarning faoliyati uchun zarur shart-sharoitlarni yaratib berish maqsadida:
1. Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga vakolatxonalarni, shu jumladan vakolatxona boshlig‘i qarorgohini joylashtirishda foydalaniladigan binolarni yoki binolarning bir qismini ular joylashgan yer uchastkalari bilan birga, shuningdek mazkur vakolatxonalarning binolarini qurish uchun yer uchastkalarining respublikadagi diplomatiya vakolatxonalari va ularga tenglashtirilgan xalqaro tashkilotlarga ularning o‘z mulki qilib sotishga ruxsat berilsin.
2. O‘zbekiston Respublikasining Adliya vazirligi ikki hafta muddat ichida Tashqi ishlar vazirligi va Davlat mulki qo‘mitasi bilan birgalikda amaldagi qonunchilikni hamda tegishli me’yoriy hujjatlarni o‘zgartirish va ularga qo‘shimchalar kiritish bo‘yicha takliflarni belgilangan tartibda Vazirlar Mahkamasiga taqdim etsin.
3. Mazkur Farmon bajarilishini nazorat qilish O‘zbekiston Respublikasining Vazirlar Mahkamasi zimmasiga yuklansin.