Xorijiy rasmiy hujjatlarni legallashtirish talabini bekor qiluvchi konvensiya (Gaaga, 1961-yil 5-oktabr) qoidalarini amalga oshirish maqsadida:
1. Quyidagilar O‘zbekiston Respublikasida apostil qo‘yish vakolatiga ega bo‘lgan organlar etib belgilansin:
O‘zbekiston Respublikasi Adliya vazirligi — sudlar, adliya organlari va muassasalaridan chiqadigan rasmiy hujjatlarga;
Oldingi tahrirga qarang.
O‘zbekiston Respublikasi Bosh prokuraturasi — prokuratura, tergov va surishtiruv va tergovga qadar tekshiruvni amalga oshiruvchi organlaridan chiqadigan rasmiy hujjatlarga;
(1-bandning uchinchi xatboshisi O‘zbekiston Respublikasi Prezidentining 2017-yil 30-noyabrdagi PF-5269-sonli Farmoni tahririda — Qonun hujjatlari ma’lumotlari milliy bazasi, 01.12.2017-y., 06/17/5269/0340-son)
O‘zbekiston Respublikasi Vazirlar Mahkamasi huzuridagi Davlat test markazi — fan va ta’lim sohasi tashkilotlaridan chiqadigan rasmiy hujjatlarga;
Keyingi tahrirga qarang.
2. O‘zbekiston Respublikasi Tashqi ishlar vazirligi Konvensiya depozitariysi — Niderlandiya Tashqi ishlar vazirligiga apostil qo‘yish vakolatiga ega bo‘lgan organlar haqida bildirishnoma yo‘llasin.
3. O‘zbekiston Respublikasi Adliya vazirligi Tashqi ishlar vazirligi, manfaatdor vazirliklar va idoralar bilan birgalikda bir oy muddatda Vazirlar Mahkamasiga:
qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida takliflar kiritsin.
4. Mazkur qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.