Yer uchastkalari berish tartibini yanada takomillashtirish, yuridik va jismoniy shaxslarning yer uchastkalariga bo‘lgan huquqlari himoya qilinishini ta’minlash, respublika aholi punktlarining arxitektura qiyofasini yaxshilash, O‘zbekiston Respublikasining Yer kodeksi va Shaharsozlik kodeksiga muvofiq ularning yerlaridan qurilish uchun oqilona foydalanish maqsadida Vazirlar Mahkamasi qaror qiladi:
Shaharsozlik faoliyatini amalga oshirish hamda qishloq xo‘jaligiga oid bo‘lmagan boshqa ehtiyojlar uchun yer uchastkalari berish tartibi to‘g‘risidagi nizom 1-ilovaga muvofiq;
Keyingi tahrirga qarang.
Yer uchastkalari egalari, foydalanuvchilari ijarachilari va mulkdorlarining ko‘rgan zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash tartibi to‘g‘risidagi nizom 2-ilovaga muvofiq tasdiqlansin.
Keyingi tahrirga qarang.
aholi punktlarining bosh rejalari va hududlarni rivojlantirish hamda boshqa shaharsozlik hujjatlari talablariga qat’iy rioya etilishini;
Keyingi tahrirga qarang.
yer uchastkalari berish to‘g‘risidagi qarorlarning qat’iyan o‘z vakolatlari doirasida, tasdiqlangan shaharsozlik hujjatlari asosida qabul qilinishini;
yakka tartibdagi uy-joy va tadbirkorlik subyektlari obyektlari qurilishi uchun ajratiladigan hududlarda muhandislik infratuzilmasi jadal shakllantirilishini ta’minlasinlar.
Aholi punktlarining bosh rejalar va batafsil rejalashtirish loyihalari, shuningdek qishloq aholi punktlarining bosh rejalari sxemalari bilan birgalikda hududlarni me’moriy rejalashtirishni tashkil etish loyihalari bilan ta’minlanishi, ularni amalga oshirish va moliyalashtirish bo‘yicha kechiktirib bo‘lmaydigan chora-tadbirlar ko‘rilishi yuzasidan shaxsiy mas’uliyat Qoraqalpog‘iston Respublikasi Vazirlar Kengashi Raisiga, viloyatlar va Toshkent shahar hokimlariga yuklansin.
3. O‘zbekiston Respublikasi “Davarxitektqurilish” qo‘mitasi va “Yergeodezkadastr” davlat qo‘mitasi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan ushbu qaror bilan tasdiqlangan nizomlarga rioya etilishi yuzasidan tizimli monitoring o‘rnatsinlar hamda har yarim yillik yakunlari bo‘yicha monitoring natijalari to‘g‘risida Vazirlar Mahkamasiga tegishli chora-tadbirlar ko‘rish uchun axborot berib borsinlar.
4. O‘zbekiston Respublikasi Hukumatining 3-ilovaga muvofiq ayrim qarorlari o‘z kuchini yo‘qotgan deb hisoblansin va ba’zilariga o‘zgartirishlar kiritilsin.
Vazirliklar va idoralar bir oy muddatda o‘z idoraviy normativ-huquqiy hujjatlarini ushbu qarorga muvofiqlashtirsinlar.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.A. Xo‘jayev zimmasiga yuklansin.
1. Ushbu Nizom O‘zbekiston Respublikasining Yer va Shaharsozlik kodekslariga muvofiq shaharsozlik faoliyati hamda qishloq xo‘jaligiga oid bo‘lmagan boshqa ehtiyojlar uchun yuridik va jismoniy shaxslarga yer uchastkalari berish tartibini belgilaydi.
shaharsozlik normalari va qoidalariga, atrof muhitni, tarixiy va madaniy meros obyektlarini, shaharsozlik faoliyati bilan alohida tartibga solinadigan hududlarni muhofaza qilish sohasidagi qonun hujjatlari talablariga muvofiq qurilish uchun yer uchastkalaridan foydalanishni;
korxonalar, binolar va inshootlar (keyingi o‘rinlarda obyektlar deb ataladi) qurish uchun yer uchastkalari olishdan manfaatdor bo‘lgan yuridik va jismoniy shaxslarning huquqlari va qonuniy manfaatlariga rioya etilishini;
boshqa yuridik va jismoniy shaxslarga yer uchastkalari berilayotganda huquqlari va qonuniy manfaatlari buzilishi mumkin bo‘lgan yuridik va jismoniy shaxslarning huquqlari amalga oshirilishini;
yer uchastkalarining aholi punktlaridagi qurilishlarning kompleksliligini, yaxlitligini va uyg‘unligini hamda atrof landshaftini saqlab qolgan holda berilishini ta’minlash maqsadida ishlab chiqilgan.
aholi punktlarining yerlari — shaharlar va posyolkalar, shuningdek qishloq aholi punktlari doirasidagi yerlar;
yer uchastkasi — belgilangan chegaraga, maydonga, manzilga, huquqiy rejimga va davlat yer kadastrida aks ettiriladigan boshqa tavsiflarga ega bo‘lgan yer fondining bir qismi;
davlat yer kadastri — yerlarning tabiiy, xo‘jalik va huquqiy rejimi, ularning toifalari, sifat tavsifi va qimmati, yer uchastkalarining manzili va o‘lchamlari, ularning yer egalari, foydalanuvchilari, ijarachilari va mulkdorlari bo‘yicha taqsimlanishi to‘g‘risidagi ma’lumotlar va hujjatlar tizimi;
yer uchastkasini yuridik va jismoniy shaxslarga berish (realizatsiya qilish) — yer uchastkasini joylashtirish, uni tanlash va ajratish materiallarini tayyorlash, shaharsozlik faoliyati hamda qishloq xo‘jaligiga oid bo‘lmagan boshqa ehtiyojlar uchun yer uchastkasi berish yuzasidan davlat hokimiyati tegishli organi tomonidan qaror qabul qilish bo‘yicha chora-tadbirlar kompleksi;
yer uchastkasini ijaraga berish — ijara shartnomasi shartlarida yer uchastkasiga muddatli, haq evaziga egalik qilish va undan foydalanish;
yer uchastkasini auksionda realizatsiya qilish — shaharlar (tumanlar) davlat hokimiyati organlari tasarrufidagi yer uchastkalariga umrbod meros qilib qoldiriladigan holda egalik qilish huquqini fuqarolarga kimoshdi savdosi asosida realizatsiya qilish;
yuridik va jismoniy shaxslarning yer uchastkalariga bo‘lgan huquqi — yuridik va jismoniy shaxslarga beriladigan yer uchastkasiga egalik qilish, undan foydalanish va uni ijaraga olish huquqi;
yer uchastkasining rejasi — qabul qilingan shartli belgilarga muvofiq yer uchastkasining belgilangan chegaralari ko‘rsatilgan topografik rejasi;
yer uchastkasini olib qo‘yish — yuridik va jismoniy shaxslarning yer uchastkasiga yoki uning bir qismiga bo‘lgan huquqlarini to‘xtatish bo‘yicha qonun hujjatlarida belgilangan tartibda davlat hokimiyati organlari tomonidan amalga oshiriladigan yuridik harakat;
aholi punktlarining chegarasi — shahar, shahar posyolkasi, qishloq aholi punkti yerlarining shaharsozlik va yer tuzish hujjatlariga muvofiq belgilangan tartibda tasdiqlanadigan tashqi chegaralari;
aholi punktining bosh rejasi — hayot faoliyati muhitini shakllantirishning kompleks shartlarini, aholi punktlarini hududiy rivojlantirishning asosiy yo‘nalishlarini belgilovchi shaharsozlik hujjati;
qishloq (ovul) fuqarolari yig‘ini hududini me’moriy rejalashni tashkil etish loyihasi — aholining yashash sharoitlarini ta’minlashni, qishloq xo‘jaligi ishlab chiqarishini yanada rivojlantirishni, atrof muhitni muhofaza qilishni, tabiiy, odam va moddiy resurslardan foydalanishni ta’minlaydigan qishloq aholi punktlarining rejali tuzilmasini, to‘la qimmatli arxitektura qiyofasini yaratgan holda qishloq (ovul) fuqarolari yig‘ini hududini kompleks rivojlantirish va zonalashtirishdan iborat asosiy shaharsozlik vazifalari yechimlarini ta’minlaydigan kompleks shaharsozlik hujjati;
loyiha-smeta hujjatlari — hajmiy-rejali, konstruktiv va texnik yechimlarni, binolar, inshootlar va boshqa obyektlarni qurish, rekonstruksiya qilish va ta’mirlash, shuningdek obodonlashtirish ishlari qiymatini belgilaydigan, obyektni qurishga ruxsat berish uchun asos hisoblanadigan hujjatlar;
shaharsozlik — kompleks ijtimoiy-iqtisodiy, qurilish-texnika, arxitektura-badiiy va sanitariya-gigiyenik yechimlarni ta’minlaydigan aholi punktlari, qishloqlararo hududlarni rejalashtirish hamda qurish nazariyasi va amaliyoti;
shaharsozlik faoliyati — tegishli davlat hokimiyati organlarining, yuridik va jismoniy shaxslarning fuqarolar, ijtimoiy va davlat manfaatlari, shuningdek hududlar va aholi punktlarining milliy, tarixiy-madaniy, ekologik, tabiiy xususiyatlari hisobga olingan holda hududlarni, aholi punktlarini rivojlantirishni shaharsozlik jihatidan rejalashtirish, yer uchastkalaridan foydalanish, qurilish materiallari va buyumlar ishlab chiqarish turlarini belgilash, binolar, inshootlar va boshqa obyektlarni loyihalash, qurish hamda rekonstruksiya qilish sohasidagi faoliyati;
shaharsozlik hujjatlari — hududlarni, aholi punktlarini va qurilishlarni rivojlantirishni shaharsozlik jihatidan rejalashtirish to‘g‘risidagi belgilangan tartibda tasdiqlangan hujjatlar;
davlat shaharsozlik kadastri — davlat shaharsozlik kadastri obyektlari, ularning geografik holati, huquqiy maqomi, miqdor va sifat tavsiflari hamda iqtisodiy bahosi to‘g‘risidagi yangilab boriladigan ishonchli ma’lumotlar tizimi.
3. Yer uchastkalarini joylashtirishda shaharsozlik, iqtisodiy, ekologik, sanitariya va boshqa talablar qonun hujjatlarida belgilanadi.
4. Yuridik yoki jismoniy shaxslar egalik qilayotgan, foydalanayotgan, ijaraga olgan yoki ularning mulki bo‘lgan yer uchastkasini (keyingi o‘rinlarda yer uchastkasi deb ataladi) shaharsozlik faoliyati va qishloq xo‘jaligi ehtiyojlariga oid bo‘lmagan boshqa ehtiyojlar uchun berish faqat ushbu uchastka ulardan belgilangan tartibda olingandan (haq to‘lab olingandan) keyin amalga oshiriladi.
5. Yer uchastkalarini joylashtirish va u bo‘yicha materiallar tayyorlash tuman (shahar) arxitektura va qurilish bo‘limi (boshqarmasi) tomonidan amalga oshiriladi.
6. Aholi punktlarida yer uchastkasini joylashtirish materiallari asosida yer uchastkasini tanlash va ajratish bo‘yicha materiallarni tayyorlash tuman (shahar) arxitektura va qurilish bo‘limi (boshqarmasi) tomonidan, qolgan hududlarda esa — tuman (shahar) yer tuzish va ko‘chmas mulk kadastri xo‘jalik hisobidagi xizmati tomonidan amalga oshiriladi.
Keyingi tahrirga qarang.
Yer uchastkalarini joylashtirish, yer uchastkalarini tanlash va ajratish bo‘yicha materiallarni tayyorlash ishlari yuridik yoki jismoniy shaxs bilan tuzilgan shartnoma asosida bajariladi.
Ishlarning qiymati O‘zbekiston Respublikasi “Davarxitektqurilish” qo‘mitasi va “Yergeodezkadastr” davlat qo‘mitasi tomonidan, Moliya vazirligi bilan kelishgan holda belgilanadi.
7. Aholi punktlarining chegaralarini belgilash ularning tasdiqlangan bosh rejalari hamda shahar, posyolka chizig‘i loyihalari, shuningdek tegishli yer tuzish hujjatlari asosida, qonun hujjatlarida nazarda tutilgan tartibda amalga oshiriladi.
Aholi punktlari chegaralarini belgilagan holda shahar (shahar posyolkasi) va qishloq aholi punkti chizig‘i loyihasi tasdiqlangandan keyin qishloq xo‘jaligi maqsadidagi yerlar aholi punktining tegishli yerlari tarkibiga kiritiladi va yer uchastkasi shaharsozlik faoliyati hamda qishloq xo‘jaligiga oid bo‘lmagan boshqa ehtiyojlar uchun ajratilgungacha vaqtincha qishloq xo‘jaligi tashkilotlarining tasarrufida, foydalanishida va ijarasida qoladi.
8. Qishloq xo‘jaligi va o‘rmon xo‘jaligi tashkilotlari hududidagi qishloq aholi punktlari yerlari, ular shahar va shahar posyolkasi chegarasiga kirgan taqdirda, qonun hujjatlarida belgilangan tartibda shahar va shahar posyolkasining tegishli yerlari tarkibiga kiritiladi.
9. Yer uchastkalari berish bilan bog‘liq bo‘lgan shaharsozlik faoliyati aholi punktlari va aholi punktlariaro hududlarni rivojlantirish va qurish bo‘yicha quyidagi shaharsozlik hujjatlariga (keyingi o‘rinlarda shaharsozlik hujjatlari deb ataladi) asoslanadi:
qishloqlar (ovullar) fuqarolar yig‘inlari hududlarini me’moriy rejalashtirishni tashkil etish loyihalari (QFY HMRTL);
10. Aholi punktining bosh rejasisiz, qishloqlar (ovullar) fuqarolar yig‘inlari hududlarini me’moriy rejalashtirishni tashkil etish loyihasisiz va aholi punkti hududi qismlarining batafsil rejalashtirish loyihasisiz aholi punktlari hududida va aholi punktlariaro hududlarda yer uchastkalari berish taqiqlanadi, ushbu Nizomda nazarda tutilgan holatlar bundan mustasno.
11. Yer uchastkalari berish yuridik va jismoniy shaxslarning arizalari asosida, ikki bosqichda amalga oshiriladi:
birinchi bosqichda — yer uchastkasini joylashtirish, obyektni loyihalashtirish uchun yer uchastkasi tanlash materiallarini rasmiylashtirish, ularni manfaatdor tashkilotlar bilan kelishish va yer uchastkasi tanlashni tegishli davlat hokimiyati organi qarori bilan tasdiqlash amalga oshiriladi;
ikkinchi bosqichda — yuridik yoki jismoniy shaxslar tomonidan taqdim etilgan, belgilangan tartibda kelishilgan loyiha-smeta hujjatlari (keyingi o‘rinlarda qurilish loyihasi deb ataladi) asosida yer uchastkasini ajratish materiallarini rasmiylashtirish va yer uchastkasi ajratishni tegishli davlat hokimiyati organining obyektni qurishga ruxsatnoma berish uchun asos hisoblanadigan qarori bilan tasdiqlash amalga oshiriladi.
Keyingi tahrirga qarang.
Keyingi tahrirga qarang.
Keyingi tahrirga qarang.
12. Yer uchastkasi berilishidan manfaatdor bo‘lgan yuridik va jismoniy shaxslar so‘ralayotgan yer uchastkasi joylashgan joydagi tuman (shahar) hokimiga ariza beradilar.
Toshkent shahrida yuridik va jismoniy shaxslar yer uchastkasi berish to‘g‘risidagi ariza bilan shahar hokimiga murojaat qiladilar.
Yer uchastkasi joylashtirilishi kerak bo‘lgan tumanni (ma’muriy birlikni) oldindan aniqlash zarur bo‘lganda, shuningdek obyektlar ikki va undan ko‘p viloyatlar yoki tumanlar hududida joylashtiriladigan yer uchastkalarida quriladigan taqdirda yer uchastkasi berish to‘g‘risidagi ariza tegishli ravishda Qoraqalpog‘iston Respublikasi Vazirlar Kengashiga va viloyat hokimiga yuboriladi.
Yer uchastkasi berish to‘g‘risidagi arizada yer uchastkasining qanday maqsadlar uchun va qancha muddatga zarurligi, uning taxminiy joylashish joyi va o‘lchami, talab qilinadigan maydonning asoslanishi, qurilish ishlarini boshlash va tugallashning taxminiy muddatlari, yuridik shaxsning pochta manzili, rekvizitlari, jismoniy shaxsning pasporti ma’lumotlari mavjud bo‘lishi kerak.
13. Tuman (shahar) hokimligi uch ish kuni mobaynida yuridik yoki jismoniy shaxsning yer uchastkasi berish to‘g‘risidagi arizasini obyektni qurish uchun yer uchastkasini joylashtirish bo‘yicha takliflar kiritish uchun tuman (shahar) arxitektura va qurilish bo‘limi (boshqarmasi)ga yuboradi.
14. Tuman (shahar) arxitektura va qurilish bo‘limi (boshqarmasi) o‘n ish kuni mobaynida yer uchastkasini joylashtirish to‘g‘risida taklif tayyorlaydi.
Yer uchastkasini joylashtirishda uning umumiy maydoni, bino va inshootlarning mavjudligi, muhandislik infratuzilmasining joylashishi aniqlanadi.
Yer uchastkasi berish to‘g‘risidagi arizada yuridik va jismoniy shaxs tomonidan yer uchastkasining aniq joylashgan joyi ko‘rsatilmagan taqdirda, shuningdek uni joylashtirish uchun muayyan zarurat paydo bo‘lganda yer uchastkalari bir necha variantlarda tanlanishi mumkin.
Yer uchastkasini joylashtirish variantlarini taqqoslash uchun muhandislik qidiruvlari materiallaridan, zarur maydonning o‘lchamini asoslovchi ma’lumotlardan va boshqa texnik-iqtisodiy ko‘rsatkichlardan foydalaniladi.
Tuman (shahar) arxitektura va qurilish bo‘limi (boshqarmasi) tomonidan obyektni qurish uchun yer uchastkasini joylashtirish materiallari quyidagi tarkibda tayyorlanadi:
tuman (shahar) hokimining qurilish masalalari bo‘yicha o‘rinbosari, tumanlar (shaharlar)ning arxitektura va qurilish bo‘yicha, yer resurslari va davlat kadastri bo‘yicha, tabiatni muhofaza qilish, sanitariya-epidemiologiya xizmati, davlat yong‘in nazorati bo‘yicha organlarining vakolatli vakillari bilan kelishilgan, yer uchastkalari qo‘riqlanadigan tabiiy hududlarning, magistral quvurlarning, temir yo‘l va avtomobil yo‘llarining, elektr quvvati uzatish va aloqa liniyalarining, madaniy meros obyektlarining qo‘riqlanadigan, suv muhofazasi va sanitariya-himoya zonalarida, shuningdek aerodromlar va chiqindilar hamda zaharli moddalar ko‘miladigan joylar yaqinida tanlangan taqdirda — ushbu hududlar va inshootlardan foydalanadigan va ularni ishlatadigan tashkilotlar vakillari bilan kelishilgan yer uchastkasini joylashtirish rejasi (tegishli aholi punktining M 1:2000 masshtabli navbatchi rejasidan yoki M 1:10 000 masshtabli, ko‘rib chiqilayotgan hududning vaziyat rejasi aks ettirilgan M 1:10000 masshtabli qishloq xo‘jaligi xaritasidan nusxa);
obyektning arxitektura-reja nuqtai nazaridan baholash imkonini beradigan erkin masshtabdagi obyektning fasadlari va bosh rejasi eskizi;
yer uchastkasining kamida ikki tomonidan o‘rab turgan obyektlari bilan birgalikdagi fotosurati (15 x 20).
15. Tuman (shahar) arxitektura va qurilish bo‘limi (boshqarmasi) yer uchastkasini joylashtirish bo‘yicha materiallarni tuman (shahar) hokimining ilova xati bilan birga Qoraqalpog‘iston Respublikasi “Davarxitektqurilish” qo‘mitasiga, viloyat yoki Toshkent shahar arxitektura va qurilish bosh boshqarmasiga, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzuridagi yer uchastkalari berish (sotish) masalalarini ko‘rib chiqish komissiyasining (keyingi o‘rinlarda viloyat komissiyasi deb ataladi) hamda Qoraqalpog‘iston Respublikasi “Davarxitektqurilish” qo‘mitasi, viloyat yoki Toshkent shahar arxitektura va qurilish bosh boshqarmasi huzuridagi arxitektura-shaharsozlik kengashining qo‘shma majlisida kelishish uchun yuboradi.
16. Qoraqalpog‘iston Respublikasi “Davarxitektqurilish” qo‘mitasi, viloyat yoki Toshkent shahar arxitektura va qurilish bosh boshqarmasi yer uchastkasini joylashtirish bo‘yicha materiallar olgandan keyin ikki ish kuni mobaynida viloyat komissiyasini qo‘shma majlis o‘tkaziladigan kun to‘g‘risida xabardor qiladi.
Qo‘shma majlisda kelishilgan yer uchastkasini joylashtirish bo‘yicha materiallar besh ish kuni mobaynida Qoraqalpog‘iston Respublikasi “Davarxitektqurilish” qo‘mitasi, viloyat yoki Toshkent shahar arxitektura va qurilish bosh boshqarmasi tomonidan bosh loyiha-qidiruv tashkilotlariga kelishish uchun yuboriladi.
Ko‘rib chiqish natijalari viloyat komissiyasining hamda Qoraqalpog‘iston Respublikasi “Davarxitektqurilish” qo‘mitasi, viloyat yoki Toshkent shahar arxitektura va qurilish bosh boshqarmasi huzuridagi arxitektura va shaharsozlik kengashining qo‘shma protokoli bilan rasmiylashtiriladi.
17. Yer uchastkasini joylashtirish bo‘yicha materiallar yetti ish kuni mobaynida Toshkent, Samarqand shaharlarida, Toshkent viloyatining shaharlari, tumanlarning ma’muriy markazlari va shahar posyolkalarida — “ToshkentboshplanLITI” davlat unitar korxonasi bosh loyiha-qidiruv tashkiloti bilan, Qoraqalpog‘iston Respublikasi hamda boshqa viloyatlarning shaharlari, tumanlarning ma’muriy markazlari va shahar posyolkalarida — “O‘zshaharsozlikLITI” davlat unitar korxonasi bosh loyiha-qidiruv tashkiloti bilan, qishloq aholi punktlarida va aholi punktlariaro hududlarda — “Qishloqqurilishloyiha” mas’uliyati cheklangan jamiyati bosh loyiha-qidiruv tashkiloti bilan kelishiladi.
Bosh loyiha-qidiruv tashkilotlari bilan kelishish bosh loyiha-qidiruv tashkiloti ilmiy-texnik kengashining kelishuv bayoni, vakolatli mansabdor shaxsning imzosi va muhri bilan tasdiqlangan yer uchastkasini joylashtirish topografik rejasini Qoraqalpog‘iston Respublikasi “Davarxitektqurilish” qo‘mitasiga viloyat yoki Toshkent shahar arxitektura va qurilish bosh boshqarmasiga yuborgan holda amalga oshiriladi.
Materiallarni bosh loyiha-qidiruv tashkiloti bilan kelishish joriy qurilishning mualliflik nazoratini va aholi punktlarining bosh rejalarini amalga oshirish monitoringini yuritish uchun tushadigan mablag‘lar hisobiga ular tomonidan yuridik shaxslar (mahalliy davlat hokimiyati organlari) bilan tuzilgan shartnomalar asosida amalga oshiriladi.
18. Toshkent shahrida va Toshkent viloyatida belgilangan tartibda tayyorlangan obyektlarni joylashtirish bo‘yicha materiallar Vazirlar Mahkamasining tegishli ravishda 2008-yil 22-avgustdagi 189-son va 2009-yil 22-yanvardagi 16-son qarorlari bilan tashkil etilgan komissiyalar tomonidan ko‘rib chiqish va ular bilan kelishish uchun yuboriladi.
Keyingi tahrirga qarang.
19. Qoraqalpog‘iston Respublikasi “Davarxitektqurilish” qo‘mitasi, viloyat yoki Toshkent shahar arxitektura va qurilish bosh boshqarmasi yer uchastkasini joylashtirish bo‘yicha materiallar olingandan keyin bir ish kun mobaynida ularni ushbu Nizomning 6-bandiga muvofiq yer uchastkasi tanlash bo‘yicha materiallarni tayyorlash uchun tegishli ravishda tuman (shahar) arxitektura va qurilish bo‘limi (boshqarmasi)ga yoki tuman (shahar) yer tuzish va ko‘chmas mulk kadastri xo‘jalik hisobidagi xizmatiga yuboradilar.
Keyingi tahrirga qarang.
20. Tuman (shahar) arxitektura va qurilish bo‘limi (boshqarmasi) yoki tuman (shahar) yer tuzish va ko‘chmas mulk kadastri xo‘jalik hisobidagi xizmati o‘n bir ish kunigacha bo‘lgan muddatda yer uchastkasini tanlash bo‘yicha materiallarni loyihalashtirish uchun tayyorlaydilar.
shaharsozlik va yer tuzish hujjatlari, yer va shaharsozlik kadastrlari ma’lumotlari hamda, zarurat bo‘lganda, tadqiqotlarning boshqa turlari amalga oshiriladi;
obyektlar qurish uchun yer uchastkasini, birinchi navbatda, qishloq xo‘jaligi uchun mo‘ljallanmagan yerlardan yoki qishloq xo‘jaligini yuritish uchun yaroqsiz yoxud sifati yomon qishloq xo‘jaligi yerlaridan tanlash imkoniyati o‘rganiladi;
yer uchastkalari qishloq xo‘jaligi maqsadidagi va o‘rmon fondi yerlaridan tanlangan hollarda alohida qimmatli, unumdor sug‘oriladigan yerlarni, hududning mavjud arxitekturaviy rejalashtirish va ichki xo‘jaligi tashkil etilishini eng to‘liq darajada saqlab qolish, ekologik vaziyatni yaxshilash va saqlash, eroziya jarayonlarini, yerlarning botqoqlanishini to‘xtatish zarurligi hisobga olinadi;
yer uchastkalarini tanlashda binolar va inshootlarning, ayniqsa uy-joylarning asossiz ravishda buzib tashlanishiga yo‘l qo‘ymaslik, suv xo‘jaligi obyektlaridan, muhandislik infratuzilmasidan foydalanishda noqulayliklar yaratmaslik imkoniyati qidiriladi;
tanlanayotgan yer uchastkasida binolar, inshootlar va uy-joylarning, shu jumladan o‘zboshimchalik bilan qurilgan uy-joylarning, yer osti muhandislik tarmoqlarining mavjudligi, qishloq xo‘jaligi yerlarining tarkibi aniqlanadi;
yer uchastkalarining egalari, foydalanuvchilari, ijarachilari va mulkdorlarining ulardan yerlarning olinishi (haq to‘lab olinishi) munosabati bilan ko‘rgan zararlarining miqdori hamda ko‘rilgan qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdori belgilangan tartibda aniqlanadi;
yer uchastkasini (qishloq, o‘rmon, baliqchilik xo‘jaligida yoki boshqa maqsadlarda foydalanish uchun) unumdor qilishning zarurligi va yo‘nalishi, tuproqning unumdor qatlamini ko‘chirib olish kerakligi aniqlanadi;
yer uchastkasini uning egalari, foydalanuvchilari, ijarachilari va mulkdorlaridan olib qo‘yish shartlari belgilanadi.
21. Yer uchastkasini tanlash bo‘yicha hujjatlar va uni olish shartlari ular (tuman) shahar hokimi tomonidan tasdiqlash uchun taqdim etilgungacha tegishli ravishda tuman (shahar) arxitektura va qurilish bo‘limi (boshqarmasi) yoki tuman (shahar) yer tuzish va ko‘chmas mulk kadastri xo‘jalik hisobidagi xizmati tomonidan:
yer uchastkalari olib qo‘yilayotgan tashkilotlarning yuqori boshqaruv organlari bilan (mavjud bo‘lsa);
yer resurslari va davlat kadastri, tabiatni muhofaza qilish, davlat sanitariya va yong‘in nazorati organlari bilan, agar yer uchastkasi sug‘oriladigan yerlarda joylashgan bo‘lsa — qishloq va suv xo‘jaligi organlari bilan;
yer uchastkalari qo‘riqlanadigan, suv muhofazasi hamda qo‘riqlanadigan tabiiy hududlar, magistral quvurlar, temir yo‘l va avtomobil yo‘llari, elektr energiyasi uzatish va aloqa liniyalari, madaniy meros obyektlarining sanitariya-himoya zonalarida, shuningdek aerodromlar hamda chiqindilar va boshqa zaharli moddalar ko‘miladigan joylar yaqinida tanlangan taqdirda — ushbu hududlar va inshootlardan foydalanadigan va ularni ishlatadigan tashkilotlar bilan kelishiladi.
22. Yer uchastkasini tanlash bo‘yicha materiallarni kelishib beradigan tashkilotlar materiallar olingandan keyin yetti ish kuni mobaynida ularni ko‘rib chiqadilar hamda o‘zlarining asoslangan xulosalarini tuman (shahar) arxitektura va qurilish bo‘limi (boshqarmasi)ga yoki tuman (shahar) yer tuzish va ko‘chmas mulk kadastri xo‘jalik hisobidagi xizmatiga taqdim etadilar.
23. Tuman (shahar) arxitektura va qurilish bo‘limi (boshqarmasi) yoki tuman (shahar) yer tuzish va ko‘chmas mulk kadastri xo‘jalik hisobidagi xizmati yer uchastkasini tanlash materiallarini quyidagi tarkibda tayyorlaydilar hamda tuman (shahar) yer uchastkalari berish (realizatsiya qilish) masalalarini ko‘rib chiqish komissiyasi (keyingi o‘rinlarda tuman (shahar) komissiyasi deb ataladi) bilan kelishadilar:
oilalari bilan ko‘chiriladigan fuqarolarning yangi yer uchastkalari yoki kvartira olishni xohlovchilari ko‘rsatilgan ro‘yxati, shuningdek, zarurat bo‘lganda — ajratilgan yer uchastkasida joylashgan uy-joylari va boshqa imoratlari buzilishi kerak bo‘lgan tegishli yuridik va jismoniy shaxslarning ro‘yxati;
yer uchastkalari mulkdorlari, egalari, foydalanuvchilari va ijarachilarining ko‘rgan boshqa zararlari, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdorini aniqlash dalolatnomasi (zarurat bo‘lganda);
yer uchastkasi o‘rmon xo‘jaligi korxonalari tasarrufidagi yerlardan olingan taqdirda ajratilayotgan yer uchastkasining texnik o‘rganish dalolatnomasi (zarurat bo‘lganda);
O‘zbekiston Respublikasi Davlat tabiatni muhofaza qilish qo‘mitasi Davlat ekologiya ekspertizasining xulosasi;
tuman (shahar) yer resurslari va davlat kadastri bo‘limining tanlangan yer uchastkasining yer qonunchiligi talablariga muvofiqligi to‘g‘risidagi xulosasi;
o‘zlaridan yer uchastkasi olinayotgan yuridik va jismoniy shaxslar bilan materiallarni kelishish hujjatlari.
24. Yer uchastkasini tanlash bo‘yicha materiallar kiritilgandan keyin uch ish kuni mobaynida tuman (shahar) komissiyasi tomonidan ko‘rib chiqiladi. Ko‘rib chiqish natijalari bayon bilan rasmiylashtiriladi, unda quyidagilar aks ettiriladi:
yer uchastkalarida binolar va inshootlar, sug‘orish va kollektor-drenaj tarmoqlari, muhandislik infratuzilmasi, ko‘p yillik o‘simliklar mavjudligi yoki yo‘qligi to‘g‘risidagi ma’lumotlar;
yer uchastkalari egalari, foydalanuvchilari, ijarachilari va mulkdorlarining ko‘rgan zararlari, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdorining hisob-kitobi (mavjud bo‘lganda);
yer uchastkasining ekin maydonlari (mavjud bo‘lsa) bo‘yicha tavsifi. Qishloq xo‘jaligi maqsadidagi yerlarda yer egalari, foydalanuvchilari, ijarachilari va mulkdorlari bo‘yicha tuproq boniteti ballari ko‘rsatiladi;
jismoniy shaxslar ko‘chirilgan taqdirda uy-joylar va boshqa imoratlar qurish uchun ularni yer uchastkalari bilan ta’minlash to‘g‘risidagi ma’lumotlar (zarurat bo‘lganda);
atrof muhitni, madaniy meros obyektlarini muhofaza qilish talablarini hisobga olgan holda yer uchastkalari berish shartlari;
Tuman (shahar) komissiyasi yer uchastkasini tanlash materiallarini ko‘rib chiqadi va, kelishilgan taqdirda, ularni ushbu band talablariga muvofiq rasmiylashtirilgan tanlov hujjatlarini tasdiqlash uchun kelishish bayoni bilan birga tuman (shahar) hokimiga tasdiqlash uchun yoki tegishli materiallarni tasdiqlash vakolatiga kiradigan tegishli davlat hokimiyati organlariga yuborish uchun taqdim etadi.
O‘zbekiston milliy avtomagistrali bo‘yida yer uchastkasi ajratish bo‘yicha materiallar Qoraqalpog‘iston Respublikasi Vazirlar Kengashi va viloyat hokimi iltimosnomasiga binoan, tegishli ravishda O‘zbekiston milliy avtomagistrali bo‘yicha yo‘l atrofi infratuzilmasi obyektlarini joylashtirishni ko‘rib chiqish va kelishish bo‘yicha komissiyaga kelgusida kelishish uchun kiritiladi.
25. Tuman (shahar)hokimi o‘z vakolati doirasida ushbu Nizomning 49 va 50-bandlariga muvofiq uch ish kuni mobaynida loyihalashtirish uchun yer uchastkasi tanlashni tasdiqlaydi va o‘z qarorini yer uchastkasi tanlash bo‘yicha yig‘majildni shakllantirishni tashkil etish uchun tegishli ravishda tuman (shahar) arxitektura va qurilish bo‘limi (boshqarmasi)ga yoki tuman (shahar) yer resurslari va davlat kadastri bo‘limiga yuboradi.
Yer uchastkasi tanlash bo‘yicha yig‘majild uch nusxada shakllantiriladi, ulardan bittasi — o‘ziga yer uchastkasi tanlangan yuridik va jismoniy shaxsga, u tuman (shahar) arxitektura va qurilish bo‘limi (boshqarmasi)ga yoki tuman (shahar) yer tuzish va ko‘chmas mulk kadastri xo‘jalik hisobidagi xizmatiga tomonlarning shartnomadagi majburiyatlariga muvofiq yer uchastkasini joylashtirish va yer uchastkasini tanlash bo‘yicha materiallarni tayyorlash bo‘yicha ishlari uchun haq to‘lagandan keyin beriladi, ikkinchi nusxasi — tuman (shahar) arxitektura va qurilish bo‘limi (boshqarmasi)ga, uchinchi nusxasi — tuman (shahar) yer resurslari va davlat kadastri bo‘limiga beriladi.
26. Shaharsozlik hujjatlari bo‘lmagan taqdirda, obyektni loyihalash (yer uchastkasini joylashtirish va uni tanlash bo‘yicha materiallarni tayyorlash va tasdiqlash) uchun yer uchastkasini tanlash sxemasi ushbu Nizomga 1-ilovada keltirilgan.
27. Yer uchastkasini tanlashni tasdiqlash Qoraqalpog‘iston Respublikasi Vazirlar Kengashi yoki viloyat hokimi vakolatiga kiradigan hollarda yer uchastkasini tanlash bo‘yicha hujjatlar tuman (shahar) hokimi tomonidan Qoraqalpog‘iston Respublikasi Vazirlar Kengashiga yoki viloyat hokimiga yuboriladi.
28. Qoraqalpog‘iston Respublikasi Vazirlar Kengashi yoki viloyat hokimi yer uchastkasini tanlash bo‘yicha materiallarni ko‘rib chiqadilar va o‘z vakolati doirasida ushbu Nizomning 51-bandiga muvofiq besh ish kuni mobaynida materiallarni tasdiqlaydi hamda yer uchastkasi tanlash bo‘yicha yig‘majildni shakllantirishni tashkil etish uchun tuman (shahar) hokimiga qaytaradi.
29. Yer uchastkalarini tanlashni tasdiqlash O‘zbekiston Respublikasi Vazirlar Mahkamasi vakolatiga kiradigan hollarda yer uchastkasini tanlash bo‘yicha materiallar Qoraqalpog‘iston Respublikasi Vazirlar Kengashi, viloyat va Toshkent shahar hokimi tomonidan O‘zbekiston Respublikasi Vazirlar Mahkamasiga yuboriladi.
30. O‘zbekiston Respublikasi Vazirlar Mahkamasi yer uchastkasini tanlash bo‘yicha materiallarni besh ish kuni mobaynida Vazirlar Mahkamasi huzuridagi Yer uchastkalari berish (realizsiya qilish) masalalarini ko‘rib chiqish bo‘yicha respublika komissiyasiga (keyingi o‘rinlarda Respublika komissiyasi deb ataladi) ko‘rib chiqish uchun yuboradi. Respublika komissiyasi o‘n ish kuni mobaynida yer uchastkasini tanlash bo‘yicha materiallarni ko‘rib chiqadi va bayon bilan rasmiylashtirilgan xulosa beradi, uni materiallar bilan birga Vazirlar Mahkamasiga loyihalashtirish uchun yer uchastkasini tanlash bo‘yicha materiallarni o‘n ish kuni mobaynida tasdiqlash uchun kiritadi.
31. Tegishli davlat hokimiyati organlarining tanlangan yer uchastkasini tasdiqlash to‘g‘risidagi qarori o‘zi uchun yer uchastkasi tanlangan yuridik va jismoniy shaxs tomonidan ko‘rsatib o‘tilgan yer uchastkasidan foydalanishni boshlash uchun asos hisoblanmaydi.
32. Obyekt qurilishini loyihalash uchun tanlangan yer uchastkasi uni ushbu Nizomga va qonun hujjatlariga muvofiq olish (haq to‘lab olish) amalga oshirilgungacha yuridik va jismoniy shaxslarning tasarrufida, foydalanishida, ijarasida va mulkida qoladi.
33. Yer uchastkasini tanlash bo‘yicha materiallar tasdiqlangandan keyin yer uchastkasi egalari, foydalanuvchilari, ijarachilari va mulkdorlari tomonidan amalga oshirilgan bino va inshootlar qurilishiga qilingan xarajatlar qoplanmaydi.
Yer uchastkalarini tanlash bo‘yicha materiallarni tasdiqlash yoki ularni tasdiqlashni rad etish to‘g‘risida qabul qilingan qaror haqida yerlarini olish (haq to‘lab olish) mo‘ljallangan yer uchastkalari egalari, foydalanuvchilari, ijarachilari va mulkdorlari xabardor qilinadilar.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
34. Yer uchastkasini tanlash bo‘yicha materiallar tasdiqlangandan keyin yuridik yoki jismoniy shaxsning arizasi hamda tegishli boshlang‘ich-ruxsat beruvchi hujjatlar asosida loyihalash tashkiloti tomonidan qurilish loyihasi ishlab chiqiladi.
Keyingi tahrirga qarang.
35. Qurilish loyihasining arxitektura qismi Qoraqalpog‘iston Respublikasi “Davarxitektqurilish” qo‘mitasi huzuridagi yoki viloyat va Toshkent shahar arxitektura va qurilish bosh boshqarmasi huzuridagi arxitektura-shaharsozlik kengashi bilan kelishiladi.
Qurilish loyihasini kelishish arxitektura-shaharsozlik kengashi tomonidan, to‘lov undirilmasdan yetti ish kuni mobaynida amalga oshiriladi.
36. Obyektni loyihalashtirish uchun uning uchun yer uchastkasi tanlangan yuridik yoki jismoniy shaxs ikki oy mobaynida qurilish loyihasini ishlab chiqishni boshlamagan hollarda, tegishli davlat hokimiyati organi qurilish loyihasi ishlab chiqish monitoringini olib boruvchi tuman (shahar) arxitektura va qurilish bo‘limi (boshqarmasi) taqdimnomasiga asosan yer uchastkasini tanlash to‘g‘risidagi o‘z qarorini bekor qilishi mumkin.
Ko‘rsatilgan ikki oylik muddatga rioya qilish imkoni bo‘lmaganda yuridik yoki jismoniy shaxs muddatni uzaytirish to‘g‘risida tuman (shahar) hokimiga o‘z vaqtida iltimosnoma kiritishi kerak. Agar iltimosnoma ikki oylik muddat tugagunga qadar taqdim etilmasa, u holda tegishli davlat hokimiyati organi yer uchastkasini tanlash to‘g‘risidagi o‘z qarorini bekor qiladi.
37. Mazkur Nizomning 36-bandida belgilangan muddat tugaganda tuman (shahar) arxitektura va qurilish bo‘limi (boshqarmasi) bu to‘g‘rida tuman (shahar) hokimini xabardor qiladi, u ushbu xabarnoma asosida uch kun muddatda yer uchastkasini tanlash to‘g‘risidagi o‘z qarorini bekor qiladi va bu haqda yuridik yoki jismoniy shaxsga xabar beradi.
38. Qurilish loyihasini ishlab chiqishning borishi monitoringini tuman (shahar) arxitektura va qurilish bo‘limi (boshqarmasi) yuritadi.
Yuridik yoki jismoniy shaxs qurilish loyihasini ishlab chiqish boshlangan vaqtdan boshlab uch ish kuni mobaynida tuman (shahar) arxitektura va qurilish bo‘limi (boshqarmasi)ni loyihalashtirishning borishi to‘g‘risida quyidagi ma’lumotlarni taqdim etgan holda majburiy tartibda yozma ravishda xabardor qiladi:
39. Obyektni qurish loyihasi kelishilgan va tasdiqlangandan keyin yuridik va jismoniy shaxs yer uchastkalarini ushbu tuman (shahar)da joylashtirishda — tuman (shahar) hokimiga yoki yer uchastkalarini bir nechta tumanlar (shaharlar)da joylashtirishda — Qoraqalpog‘iston Respublikasi Vazirlar Kengashiga va viloyat hokimiga yer uchastkasi ajratish to‘g‘risida ariza beradi.
qurilish loyihasini qonun hujjatlarida belgilangan tartibda vakolatli davlat organlari bilan kelishish to‘g‘risidagi hujjatlar;
qurilish loyihasini Qoraqalpog‘iston Respublikasi “Davarxitektqurilish” qo‘mitasi, viloyat yoki Toshkent shahar arxitektura va qurilish bosh boshqarmasi huzuridagi arxitektura-shaharsozlik kengashi bilan kelishish bayoni nusxasi;
Yer uchastkasini ajratish va uning materiallarini tayyorlash jarayoni ushbu Nizomga 2-ilovaga muvofiq sxemada keltirilgan.
40. Tuman (shahar) hokimi uch ish kuni mobaynida yuridik yoki jismoniy shaxsning yer uchastkasi ajratish to‘g‘risidagi arizasini yer uchastkasi ajratish bo‘yicha materiallarni tayyorlash uchun: yer uchastkasini aholi punktlarida ajratishda — tuman (shahar) arxitektura va qurilish bo‘limi (boshqarmasi)ga, shuningdek yer uchastkasini qolgan hududda ajratishda — tuman (shahar) yer tuzish va ko‘chmas mulk kadastri xo‘jalik hisobidagi xizmatiga yuboradi.
41. Tuman (shahar) arxitektura va qurilish bo‘limi (boshqarmasi) yoki tuman (shahar) yer tuzish va ko‘chmas mulk kadastri xo‘jalik hisobidagi xizmati o‘n besh ish kunigacha bo‘lgan muddatda yer uchastkasi ajratish bo‘yicha hujjatlarni yuridik yoki jismoniy shaxs bilan shartnoma asosida tayyorlaydi.
42. Yer uchastkasi ajratish bo‘yicha materiallarni rasmiylashtirish yer uchastkasini tanlash bo‘yicha materiallar hamda belgilangan tartibda kelishilgan va tasdiqlangan obyektni qurish loyihasi asosida amalga oshiriladi.
Qishloq xo‘jaligida foydalaniladigan yerlarni qishloq xo‘jaligidan boshqa maqsadlar uchun ajratish ularning amalda zarurligiga qarab, qoidaga ko‘ra, ularda yetishtirilgan hosil yig‘ishtirib olingandan keyin amalga oshiriladi.
43. Yer uchastkasini vaqtincha foydalanishga (qurilish davriga) berishda qarorda yer uchastkasi berilayotgan aniq muddat nazarda tutiladi. Foydali qazilma konlarini qazish, qurilish va boshqa ishlar uchun berilgan qishloq xo‘jaligi, o‘rmon va baliqchilik yerlari ularga bo‘lgan ehtiyoj tugagach, ushbu yer uchastkalaridan vaqtincha foydalangan yuridik va jismoniy shaxslar ularni qishloq xo‘jaligi, o‘rmon yoki baliqchilik xo‘jaligida foydalanish uchun o‘z hisobidan yaroqli holatga, ushbu ishlarni boshqa yerlarda bajarishda esa — ulardan belgilangan maqsadlarda foydalanish uchun yaroqli holatga keltiradilar.
Vaqtincha foydalanishga berilgan yer uchastkalari belgilangan muddatda yuridik va jismoniy shaxslar tomonidan qaytarilmaganda, tegishli davlat hokimiyati organlari mazkur Nizomda nazarda tutilgan tartibda, yer uchastkasini uning olib qo‘yilgan (haq to‘lab olingan) egasi, foydalanuvchi, ijarachisi va mulkdoriga yoki ularning huquqiy vorisiga, huquqiy vorisi bo‘lmagan taqdirda esa — yer zaxirasi tarkibiga qaytarilishi mumkin.
Foydalanish muddati uzaytirilganda qishloq xo‘jaligi va o‘rmon xo‘jaligi nobudgarchiligi qo‘shimcha ravishda qoplanadi, shundan keyin uzaytirilgan muddatda vaqtincha foydalanishga ajratilgan yer uchastkasidan foydalanishga yo‘l qo‘yiladi.
44. Yer uchastkasini mavjud korxonalar, binolar va imoratlarni kengaytirish uchun ajratishda, shuningdek yer uchastkasini ochiq usulda foydali qazilmalarni qazib olish uchun ajratishda ilgari ajratilgan yerlar tekshiruvdan o‘tkaziladi, ulardan belgilangan maqsadda foydalanganligi, shuningdek buzilgan yerlarning unumdor qilish ishlarining ahvoli tekshiriladi.
Yer uchastkasini qo‘shimcha ravishda ajratish, qoidaga ko‘ra, vaqtincha foydalanish uchun ilgari ajratilgan yer uchastkasi belgilangan maqsadda foydalanishga yaroqli holatga keltirilgandan keyin amalga oshiriladi.
45. Yer uchastkasi ajratish bo‘yicha materiallarni ishlab chiqish jarayonida yer uchastkalarining egalari, foydalanuvchilari, ijarachilari va mulkdorlari ko‘rishi mumkin bo‘lgan zararlar miqdori, shuningdek qishloq xo‘jaligi va o‘rmon xo‘jaligi ishlab chiqarishlari nobudgarchiliklari miqdori qonun hujjatlarida belgilangan tartibda aniqlanadi.
46. Loyihalangan obyekt va yer uchastkasi xususiyatlariga muvofiq tayyorlangan yer uchastkasi ajratish bo‘yicha materiallar tuman (shahar) arxitektura va qurilish bo‘limi (boshqarmasi) yoki tuman (shahar) yer tuzish va ko‘chmas mulk kadastri xo‘jalik hisobidagi xizmati tomonidan tuman (shahar) komissiyasiga ko‘rib chiqish uchun kiritiladi.
Tuman (shahar) komissiyasi yer uchastkasi ajratish bo‘yicha materiallarni uch ish kuni mobaynida ko‘rib chiqadi va kelishilgan taqdirda ularni ko‘rib chiqish uchun tuman (shahar) hokimiga quyidagi tarkibda kiritadi:
tuman (shahar) komissiyasi a’zolari tomonidan imzolangan yer uchastkasi ajratish bo‘yicha materiallarning kelishish bayoni;
obyektni qurish loyihasini Qoraqalpog‘iston Respublikasi “Davarxitektqurilish” qo‘mitasi, viloyat yoki Toshkent shahar arxitektura va qurilish bosh boshqarmasi huzuridagi arxitektura-shaharsozlik kengashi bilan kelishish bayoni;
tuman (shahar) arxitektura va qurilish bo‘limi (boshqarmasi) yoki “Yergeodezkadastr” davlat qo‘mitasining tuman shahar) yer tuzish va ko‘chmas mulk kadastri xo‘jalik hisobidagi xizmati bilan kelishilgan, yer uchastkasi chegarasini aniq ko‘rsatish imkonini beradigan masshtabdagi yer uchastkasi chegaralari rejasi;
fuqarolarning ko‘chiriladigan oilalari ro‘yxati, yangi yer uchastkalari yoki kvartiralar olishni xohlovchilari ko‘rsatilgan holdagi (mavjud bo‘lganda);
yer uchastkalari mulkdorlari, egalari, foydalanuvchilari va ijarachilarining boshqa zararlari miqdorini, shuningdek qishloq xo‘jaligi va o‘rmon xo‘jaligi ishlab chiqarishlari nobudgarchiliklari miqdorini (mavjud bo‘lganda) aniqlash dalolatnomasi;
yer uchastkasi o‘rmon xo‘jaligi korxonalari tasarrufidan chiqarilgan taqdirda ajratilgan yer uchastkasining texnik tekshirish dalolatnomasi;
obyekt loyihasini qonun hujjatlarida belgilangan tartibda tegishli tashkilotlar bilan kelishish to‘g‘risidagi hujjatlar;
47. Tuman (shahar) hokimi o‘z vakolati doirasida uch ish kuni mobaynida yer uchastkasi ajratish to‘g‘risida qaror qabul qiladi va uni yer uchastkasini ajratish va uning chegaralarini naturada ko‘rsatish bo‘yicha yig‘majildni shakllantirish uchun, yer uchastkasi ajratish bo‘yicha materiallar nusxalarini ilova qilgan holda, ushbu Nizomning 6-bandiga muvofiq tuman (shahar) arxitektura va qurilish bo‘limi (boshqarmasi)ga yoki tuman (shahar) yer tuzish va ko‘chmas mulk kadastri xo‘jalik hisobidagi xizmatiga taqdim etadi.
Tuman (shahar) hokimining yer uchastkasi ajratish to‘g‘risidagi qarori keyinchalik belgilangan tartibda, tegishli Xalq deputatlari kengashi qarori bilan tasdiqlanadi.
48. Tuman (shahar) hokimining yer uchastkasi ajratish bo‘yicha materiallarni tasdiqlash to‘g‘risidagi qarorida quyidagi masalalar aks ettirilishi kerak:
yer uchastkasi kimga, qanday maqsadlar uchun va qancha muddatga (er vaqtincha foydalanishga va ijaraga berilganda aniq muddati ko‘rsatiladi) beriladi, shuningdek yerlari olib qo‘yiladigan (haq to‘lab olinadigan) yer mulkdorlari, egalari, foydalanuvchilari va ijarachilari nomi;
yer uchastkalari mulkdorlari, egalari, foydalanuvchilari va ijarachilarining yerlari bo‘yicha (mavjud bo‘lganda) berilayotgan yer uchastkasining umumiy maydonlari, shuningdek olinayotgan qishloq xo‘jaligi yerlarining sifati (bonitet ballari);
yer uchastkalari mulkdorlari, egalari, foydalanuvchilari va ijarachilarining qoplanishi kerak bo‘lgan (mavjud bo‘lganda) ko‘rilgan zararlari miqdori;
qishloq xo‘jaligi va o‘rmon xo‘jaligi ishlab chiqarishlari nobudgarchiliklari miqdori (mavjud bo‘lganda);
yer uchastkasini unumdor qilishning zarurligi, olib qo‘yilgan yer uchastkasini mulkdorlari, egalari, foydalanuvchilari va ijarachilariga qaytarish shartlari;
Tuman (shahar) hokimining yer uchastkasi ajratish to‘g‘risidagi qaroriga, uning ajralmas qismi sifatida, ajratilayotgan yer uchastkasining chegaralari rejasi ilova qilinadi.
Yer uchastkasining chegaralari rejasi umumiy qabul qilingan shartli belgilarda, joyning chegarasini zarur belgilash bilan aniqlash imkonini beradigan masshtabda tuziladi. Yer uchastkasining chegaralari rejasida yer uchastkasining chegaralari chiziladi, agar bir nechta yuridik va jismoniy shaxslar yerlaridan uchastkalar ajratilsa, u holda ushbu yer uchastkalarining chegaralari ham chiziladi, joyning topografik elementlari, burilish nuqtalari koordinatalari bo‘yicha chegaralarning tavsifi beriladi. Chegaralar rejasi tuman (shahar) arxitektura va qurilish bo‘limlari (boshqarmalari) va tuman (shahar) yer resurslari va davlat kadastri bo‘limlari rahbarlari tomonidan imzolanadi.
49. Shahar hokimining (Toshkent shahar hokimi bundan mustasno) vakolatiga, yer uchastkasi maydonidan qat’i nazar, shahar chegaralari doirasida yer uchastkalarini ajratish kiradi, qishloq xo‘jaligi va o‘rmon xo‘jaligi yerlari bundan mustasno.
Yer uchastkasi qishloq xo‘jaligi va o‘rmon xo‘jaligi yerlaridan ajratilgan hollarda yer uchastkalari ajratish bo‘yicha materiallar shahar hokimi tomonidan uch kun muddatda tegishli ravishda Qoraqalpog‘iston Respublikasi Vazirlar Kengashiga yoki viloyat hokimiga tasdiqlash uchun yuboriladi.
50. Tuman hokimining vakolatiga bir nafar yer egasi va yerdan foydalanuvchiga quyidagilardan o‘n gektargacha o‘lchamda yer uchastkasi ajratish kiradi:
qishloq xo‘jaligi uchun mo‘ljallangan yerlardan, ularni tubdan yaxshilash bo‘yicha ishlar olib borilgan sug‘oriladigan yerlar, pichanzorlar va yaylovlar bundan mustasno, o‘rmon fondi yerlaridan, o‘rmon o‘simliklari bilan qoplangan yerlar bundan mustasno;
Tuman hokimining vakolatiga, yer uchastkasi o‘lchami va yerlarning turlaridan qat’i nazar, zaxira yerlardan yer uchastkasi ajratish ham kiradi.
51. Yer uchastkasi ajratish tuman (shahar) hokimining vakolatiga kirmaydigan hollarda, yer uchastkasi ajratish bo‘yicha materiallar tegishli iltimosnoma bilan uch ish kuni mobaynida tegishli ravishda Qoraqalpog‘iston Respublikasi Vazirlar Kengashiga va viloyat hokimiga ko‘rib chiqish uchun yuboriladi.
Qoraqalpog‘iston Respublikasi Vazirlar Kengashi va viloyatlar hokimlari yer uchastkasi ajratish bo‘yicha tushgan materiallarni viloyat komissiyasiga yuboradilar.
Viloyat komissiyasi taqdim etilgan materiallar va hujjatlarni ko‘rib chiqib, besh ish kuni mobaynida taqdim etilgan materiallarning yer va shaharsozlik qonun hujjatlariga muvofiqligi yoki nomuvofiqligi to‘g‘risida o‘z xulosasini beradi.
Qoraqalpog‘iston Respublikasi Vazirlar Kengashi va viloyatlar hokimlari tegishli komissiyalarning ijobiy xulosasi asosida yer uchastkasi ajratish to‘g‘risida o‘z vakolatlari doirasida besh ish kuni mobaynida qaror qabul qiladi.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimlari vakolatiga barcha yerlardan yer uchastkalari ajratish kiradi, quyidagilar bundan mustasno:
alohida qimmatli, unumdor sug‘oriladigan yerlar — kadastr bahosi o‘rtacha tuman bonitet ballidan 20 foizdan oshadigan qishloq xo‘jaligi yerlari;
alohida muhofaza qilinadigan hududlardagi yerlar (tabiatni muhofaza qilish, sog‘lomlashtirish joylari, rekreatsion va tarixiy-madaniy joylar);
Qoraqalpog‘iston Respublikasi Vazirlar Kengashi, viloyatlar va Toshkent shahar hokimlari yer uchastkalari ajratish bo‘yicha materiallarni tegishli tuman (shahar) hokimiga qaytaradi, u yer uchastkasi chegaralarini naturaga ko‘chirish uchun tuman (shahar) arxitektura va qurilish bo‘limi (boshqarmasi)ga yoki tuman (shahar) yer tuzish va ko‘chmas mulk kadastri xo‘jalik hisobidagi xizmatiga beradi.
Yer uchastkalaridan foydalanish huquqiga hujjatlar tuman (shahar) yer tuzish va ko‘chmas mulk kadastri xo‘jalik hisobidagi xizmati tomonidan, tegishli davlat hokimiyati organining yer uchastkasi ajratish to‘g‘risidagi qarori asosida tayyorlanadi.
52. Yer uchastkasi ajratish Qoraqalpog‘iston Respublikasi Vazirlar Kengashi, viloyatlar va Toshkent shahar hokimlari vakolatiga kirmaydigan hollarda yer uchastkasi ajratish bo‘yicha materiallar uch ish kuni mobaynida Respublika komissiyasiga yuboriladi.
Respublika komissiyasi yer uchastkasi ajratish bo‘yicha materiallarni ko‘rib chiqadi, o‘z xulosasini bayon bilan rasmiylashtiradi, yer uchastkasi ajratish to‘g‘risida tegishli Hukumat qarori loyihasini tayyorlaydi va Vazirlar Mahkamasiga belgilangan tartibda kiritadi.
53. O‘zbekiston Respublikasi Vazirlar Mahkamasi Respublika komissiyasining ijobiy xulosasi asosida o‘n ish kuni mobaynida yer uchastkasi ajratish to‘g‘risida qaror qabul qiladi.
davlat mulkida bo‘lgan barcha yerlardan yer ajratish, shu jumladan mahalliy davlat organlari vakolatiga kiradigan yer uchastkalaridan;
alohida muhofaza qilinadigan hududlardagi yerlar (tabiatni muhofaza qilish, sog‘lomlashtirish joylari, rekreatsion va tarixiy-madaniy joylar)dan;
yer uchastkalari ijaraga berilganda — xorijiy investitsiyalar ishtirokidagi korxonalar, xalqaro birlashmalar va tashkilotlar, xorijiy yuridik va jismoniy shaxslarga yer uchastkalari ajratish kiradi.
Qaror qabul qilingandan keyin yer uchastkalari ajratish bo‘yicha materiallar tegishli ravishda Qoraqalpog‘iston Respublikasi Vazirlar Kengashiga, viloyatlar va Toshkent shahar hokimlariga qaytariladi, ular materiallarni yer uchastkasi chegaralarini naturaga ko‘chirishni va obyektni qurish uchun tuman (shahar) arxitektura va qurilish bo‘limi (boshqarmasi)ga yoki tuman (shahar) yer tuzish va ko‘chmas mulk kadastri xo‘jalik hisobidagi xizmatiga berishadi.
Yer uchastkalaridan foydalanish huquqiga hujjatlar tuman (shahar) yer tuzish va ko‘chmas mulk kadastri xo‘jalik hisobidagi xizmati tomonidan, tegishli davlat hokimiyati organining qurilish uchun yer uchastkasi ajratish to‘g‘risidagi qaroriga asosan tayyorlanadi.
54. Yer egalari, foydalanuvchilari, ijarachilar va mulkdorlar tegishli davlat hokimiyati organlarining yerlarni olib qo‘yish (haq to‘lab olish) to‘g‘risidagi qaroridan yoki yerlarni olib qo‘yish (haq to‘lab olish) shartlaridan norozi bo‘lishganda ular yuzasidan qonun hujjatlarida belgilangan tartibda shikoyat qilishlari mumkin.
55. Tasdiqlangan shaharsozlik hujjatlari mavjud bo‘lganda yer uchastkasini tanlash, ajratish ushbu Nizomning 12—14, 20—30-bandlariga muvofiq amalga oshiriladi.
Keyingi tahrirga qarang.
Obyektni loyihalashtirish uchun yer uchastkasini aholi punktining tasdiqlangan bosh rejasiga, arxitektura-rejalashtirish tashkilotining qishloq (ovul) fuqarolar yig‘ini hududi loyihasiga va mufassal rejalashtirish loyihasiga to‘liq muvofiq holda joylashgan aholi punktida tanlashda yer uchastkasini joylashtirishni Qoraqalpog‘iston Respublikasi “Davarxitektqurilish” qo‘mitasi, viloyatlar shahar arxitektura va qurilish bosh boshqarmasi bilan kelishish amalga oshirilmaydi.
56. Tasdiqlangan shaharsozlik hujjatlari mavjud bo‘lganda obyektni loyihalashtirish uchun yer uchastkasini tanlash sxemasi ushbu Nizomga 3-ilovada keltirilgan.
57. Aholi punktida aholi punktining tasdiqlangan bosh rejasiga, qishloq (ovul) fuqarolar yig‘ini hududining me’moriy-rejalashtirishni tashkil etish loyihasiga va batafsil rejalashtirish loyihasiga to‘liq muvofiq holda joylashgan obyektni qurish uchun yer uchastkasini ajratish ushbu Nizomning 39—54-bandlarida nazarda tutilgan tartibga muvofiq amalga oshiriladi.
58. Yer uchastkasini tanlash va ajratish bo‘yicha materiallarni ko‘rib chiqishda tegishli davlat hokimiyati organlari, tuman (shahar) arxitektura va qurilish bo‘limlari (boshqarmalari) yoki tuman (shahar) yer tuzish va ko‘chmas mulk kadastri xo‘jalik hisobidagi xizmati, tuman (shahar), viloyat, Toshkent shahar komissiyasi, Respublika komissiyasi o‘z vakolatlari doirasida quyidagi hollarda obyektni qurish uchun yer uchastkasi joylashtirilishini rad etish huquqiga ega:
yong‘inga qarshi, sanitariya va tabiatni muhofaza qilish normalari buzilishi mumkin bo‘lgan hollarda;
yer uchastkalari olib qo‘yilayotgan yer egalari, foydalanuvchilari, ijarachilari yoki mulkdorlari huquqlari va qonuniy manfaatlari kamsitilganda.
Yer uchastkasini tanlash va ajratish bo‘yicha materiallar belgilangan ro‘yxatga muvofiq taqdim etilmaganda qaytarilishi mumkin.
Rad etilgan taqdirda davlat hokimiyati organlari, tuman (shahar), viloyat, Toshkent shahar komissiyalari, Respublika komissiyasi materiallar tegishli asoslar bilan tegishli ravishda tuman (shahar) arxitektura va qurilish bo‘limi (boshqarmasi)ga yoki tuman (shahar) yer tuzish va ko‘chmas mulk kadastri xo‘jalik hisobidagi xizmatiga qaytaradilar, u ariza bergan yuridik va jismoniy shaxsni ikki ish kuni mobaynida rad etish to‘g‘risida xabardor qiladi.
59. Yer uchastkalari ajratish bilan bog‘liq holda paydo bo‘ladigan nizolar qonun hujjatlarida belgilangan tartibda ko‘rib chiqiladi.
60. Ushbu Nizom massivlar uchun (ikki va undan ortiq yakka tartibda uy-joy qurishga yer uchastkalari majmui) yakka tartibda uy-joy qurilishi uchun yer uchastkalari berish tartibini belgilaydi, ularda fuqarolarga yer uchastkalari berish qonun hujjatlarida belgilangan tartibda amalga oshiriladi.
Fuqarolarga yakka tartibda uy-joy qurish uchun yer uchastkalari berish tartibi O‘zbekiston Respublikasi Vazirlar Mahkamasining 2006-yil 30-dekabrdagi 272-son qarori bilan tasdiqlangan Yakka tartibda uy-joy qurilishi to‘g‘risidagi nizom bilan belgilanadi.
61. Yakka tartibda uy-joy qurish uchun yer uchastkalariga meros qilib qoldiriladigan umrbod egalik qilish huquqini kim oshdi savdolarida sotish qonun hujjatlarida belgilangan tartibda amalga oshiriladi.
62. Kim oshdi savdolarida sotish uchun yer uchastkasi tanlash bo‘yicha materiallarni tayyorlashda obyektning fasadlari eskizi va bosh rejasi talab qilinmaydi.
63. Yer uchastkalarini ajratish bo‘yicha kim oshdi savdosi tashkilotchilari kim oshdi savdosini o‘tkazish uchun shartnoma asosida tuman (shahar) arxitektura va qurilish bo‘limi (boshqarmasi)ga realizatsiya qilinadigan yer uchastkasida yer massivini joylashtirish bo‘yicha qurilishning maqsadi, maydoni, kirish yo‘llari, ko‘kalamlashtirish zonalari va boshqa shaharsozlik talablar ko‘rsatilgan shaharsozlik topshirig‘ini tayyorlash yuzasidan buyurtma beradi, bu kim oshdi savdosini o‘tkazishning majburiy talabi hisoblanadi.
Shaharsozlik topshirig‘i tuman (shahar) arxitektura va qurilish bo‘limi (boshqarmasi) tomonidan yetti ish kuni mobaynida bajariladi va kim oshdi savdosi tashkilotchilari tomonidan uning qatnashchilariga tanishish uchun beriladi.
Shaharsozlik hujjatlari (bosh reja, QFY HMRTL, BRL) mavjud bo‘lmaganda obyektni joylashtirish bo‘yicha shaharsozlik topshirig‘i belgilangan tartibda bosh loyiha-qidiruv tashkiloti bilan kelishiladi.
64. Tuman (shahar) arxitektura va qurilish bo‘limi (boshqarmasi) tomonidan tayyorlangan shaharsozlik topshirig‘i qiymati yer uchastkasiga bo‘lgan sotiladigan huquq qiymatiga qo‘shiladi va xaridorlardan mablag‘lar tushgandan keyin qoplanadi.
65. Kim oshdi savdosi o‘tkazilgandan keyin obyektni qurish loyihasini ishlab chiqish va yer uchastkasi ajratish to‘g‘risida qaror qabul qilish ushbu Nizomda nazarda tutilgan tartibda amalga oshiriladi.
66. Kim oshdi savdosida sotib olingan yer uchastkasidan boshqa maqsadlar uchun foydalanish, shuningdek yer uchastkasida qurilishni shaharsozlik topshirig‘ida nazarda tutilgandan boshqacha tartibda amalga oshirish taqiqlanadi.
Kim oshdi savdosida sotib olingan yer uchastkasida amalga oshiriladigan qurilish loyihasini ishlab chiqishda, shaharsozlik topshirig‘ida nazarda tutilgan shaharsozlik talablari o‘zgargan taqdirda xaridor (yuridik yoki jismoniy shaxs) loyihalash tashkiloti bilan birgalikda majburiy tartibda ushbu o‘zgartirishlarni mazkur topshiriqni ishlab chiqqan hududiy arxitektura organi bilan kelishadi.
67. Tegishli davlat hokimiyati organining yer uchastkasi ajratish to‘g‘risidagi qarori olingandan keyin yuridik va jismoniy shaxslar tuman (shahar) arxitektura va qurilish bo‘limi (boshqarmasi)ga yoki tuman (shahar) yer tuzish va ko‘chmas mulk kadastri xo‘jalik hisobidagi xizmatiga tasdiqlangan va kelishilgan loyiha hujjatlarining talab qilingan ro‘yxatini taqdim etadi, ular tomonidan uch ish kuni mobaynida yer uchastkasi chegaralarini naturaga ko‘chirish amalga oshiriladi.
Tuman (shahar) arxitektura va qurilish bo‘limi (boshqarmasi) aholi punktlarida yer uchastkasi chegaralarini naturaga ko‘chirishda qizil chiziq va qurilish loyihasining tahliliy hisoblash, shaharsozlik normalari va qoidalarida belgilangan tartibda yer uchastkasi chegaralarini, qizil chiziq, qurilish chizig‘i va boshqa bo‘lish elementlarini naturaga ko‘chirish va biriktirish ishlarini bajarish uchun shartnoma asosida “O‘zGAShKLITI” davlat unitar korxonasining tumanlar (shaharlar)dagi loyiha-qidiruv tashkiloti vakolatxonalarini jalb etadi.
Aholi punktlaridan tashqarida yer uchastkasi chegaralarini naturaga ko‘chirish tuman (shahar) yer tuzish va ko‘chmas mulk kadastri xo‘jalik hisobidagi xizmati tomonidan tuman (shahar) arxitektura va qurilish bo‘limi (boshqarmasi)ning vakolatli vakili ishtirokida amalga oshiriladi.
Yer uchastkasi chegaralarini naturaga ko‘chirish bo‘yicha ishlar qiymati ushbu Nizomning 6-bandiga asosan yer uchastkasi ajratish bo‘yicha ishlar qiymatiga qo‘shiladi.
68. Yer uchastkasi chegaralarini naturaga ko‘chirish dalolatnoma bilan rasmiylashtiriladi va dalolatnoma ishlarning ijrochisi, o‘ziga yer uchastkasi ajratilayotgan yuridik yoki jismoniy shaxs, tuman (shahar) arxitektura va qurilish bo‘limlari (boshqarmalari) hamda tuman (shahar) yer resurslari va davlat kadastri bo‘limlari rahbarlari tomonidan imzolanadi.
69. Yer uchastkasini ajratish bo‘yicha yig‘majild uch nusxada shakllantiriladi, ulardan biri o‘ziga yer uchastkasi ajratilgan jismoniy yoki yuridik shaxsga, u tomonlarning shartnomaviy majburiyatlariga muvofiq yer uchastkasi ajratish bo‘yicha materiallarni tayyorlash ishlari uchun tuman (shahar) arxitektura va qurilish bo‘limi (boshqarmasi)ga tuman (shahar) yer tuzish va ko‘chmas mulk kadastri xo‘jalik hisobidagi xizmatiga to‘lovni amalga oshirgandan keyin, ikkinchi nusxasi — tuman (shahar) arxitektura va qurilish bo‘limi (boshqarmasi)ga, uchinchisi — tuman (shahar) yer resurslari va davlat kadastri bo‘limiga beriladi.
70. Yuridik va jismoniy shaxslar qurilish tugallangandan keyin yetti ish kuni mobaynida obyektni foydalanishga topshirish uchun “Davarxitektqurilish” qo‘mitasining vakolatli bo‘linmalari bilan ijro hujjatlari tarkibida binolar va imoratlarning, yer osti muhandislik kommunikatsiyalarining ijro s’yomkalari amalga oshirilishini ta’minlaydi.
71. Yer uchastkalarini ijaraga berish uchun yer uchastkasini joylashtirish, yer uchastkasini tanlash va ajratish bo‘yicha materiallarni tayyorlash ushbu Nizomda nazarda tutilgan tartibda amalga oshiriladi.
72. Yuridik va jismoniy shaxslar tomonidan mazkur Nizomda nazarda tutilgan tartibni buzgan holda band qilingan yer uchastkalari o‘zboshimchalik bilan band qilib olingan yer uchastkalari hisoblanadi.
O‘zboshimchalik bilan band qilingan yer uchastkasini yer uchastkasining egasiga, foydalanuvchisiga, ijarachisiga va mulkdoriga qaytarish tegishli tuman, shahar, viloyat hokimining qaroriga binoan yoxud qonun hujjatlarida belgilangan tartibda sud qarori bo‘yicha amalga oshiriladi.
73. Mahalliy davlat hokimiyati organlarining, “Davarxitektqurilish” qo‘mitasi hududiy bo‘linmalarining hamda “Yergeodezkadastr” davlat qo‘mitasining yer tuzish va ko‘chmas mulk kadastri xizmatlarining, yer uchastkalarini tanlash va ajratish bo‘yicha materiallarni kelishishni amalga oshiradigan tashkilotlarning mansabdor shaxslari ushbu Nizom talablarini buzganligi uchun mehnat qonunchiligiga (O‘zbekiston Respublikasi Mehnat kodeksining 181-moddasiga) muvofiq intizomiy javobgarlikka tortiladilar.
74. Mahalliy davlat hokimiyati organlarining, “Davarxitektqurilish” qo‘mitasi hududiy bo‘linmalarining hamda “Yergeodezkadastr” davlat qo‘mitasining yer tuzish va ko‘chmas mulk kadastri xizmatlarining, yer uchastkalarini tanlash va ajratish bo‘yicha materiallarni kelishishni amalga oshiradigan tashkilotlarning mansabdor shaxslari O‘zbekiston Respublikasining Ma’muriy javobgarlik to‘g‘risidagi kodeksining 66-moddasiga muvofiq ma’muriy javobgarlikka tortilishi mumkin.
75. Qurilish loyihasini tayyorlashni amalga oshiradigan tashkilotlar shartnoma majburiyatlarini bajarmagan yoki zarur darajada bajarmagan taqdirda, tuzilgan shartnomalarga, shuningdek O‘zbekiston Respublikasining Fuqarolik kodeksiga, “Xo‘jalik yurituvchi subyektlar faoliyatining shartnomaviy-huquqiy bazasi to‘g‘risida”gi O‘zbekiston Respublikasi Qonuniga (24—34-moddalar), shuningdek boshqa qonun hujjatlariga muvofiq javob beradilar.
Shaharsozlik faoliyatini amalga oshirish hamda qishloq xo‘jaligiga oid bo‘lmagan boshqa ehtiyojlar uchun yer uchastkalari berish tartibi to‘g‘risidagi nizomga
1-ILOVA
1-ILOVA
Shaharsozlik hujjatlari mavjud bo‘lmaganda obyektni loyihalashtirish uchun yer uchastkasini tanlashning (yer uchastkasini joylashtirish, uni tanlash va tasdiqlash bo‘yicha materiallarni tayyorlash) umumiy muddati — 44 ish kuni.
Shaharsozlik faoliyatini amalga oshirish hamda qishloq xo‘jaligiga oid bo‘lmagan boshqa ehtiyojlar uchun yer uchastkalari berish tartibi to‘g‘risidagi nizomga
2-ILOVA
2-ILOVA
Obyektni qurish uchun yer uchastkasi ajratishning umumiy muddati (yer uchastkasini tanlash bo‘yicha materiallarni tayyorlash va tasdiqlash) — 27 ish kuni.
Shaharsozlik faoliyatini amalga oshirish hamda qishloq xo‘jaligiga oid bo‘lmagan boshqa ehtiyojlar uchun yer uchastkalari berish tartibi to‘g‘risidagi nizomga
3-ILOVA
3-ILOVA
Shaharsozlik hujjatlari mavjud bo‘lganda obyektni loyihalashtirish uchun yer uchastkasini tanlashning (yer uchastkasini joylashtirish, uni tanlash bo‘yicha materiallarni tayyorlash va tasdiqlash) umumiy muddati — 30 ish kuni.
Keyingi tahrirga qarang.
Keyingi tahrirga qarang.
1. Ushbu Nizom O‘zbekiston Respublikasining Yer kodeksiga va Fuqarolik kodeksiga muvofiq yer uchastkalari egalari, foydalanuvchilari, ijarachilari va mulkdorlarining ko‘rgan zararlari, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdorini aniqlash va ularning o‘rnini qoplash tartibini belgilaydi.
Keyingi tahrirga qarang.
Turar joylar, imoratlar va inshootlar buzilishi bilan bog‘liq zararlarni fuqarolar va yuridik shaxslarga qoplash Vazirlar Mahkamasining “Davlat va jamoat ehtiyojlari uchun yer uchastkalarining olib qo‘yilishi munosabati bilan fuqarolarga va yuridik shaxslarga yetkazilgan zararlarni qoplash tartibi to‘g‘risidagi Nizomni tasdiqlash haqida” 2006-yil 29-maydagi 97-son qaroriga muvofiq amalga oshiriladi.
Keyingi tahrirga qarang.
2. Yer uchastkalari egalari, foydalanuvchilari, ijarachilari va mulkdorlarining zararlarini, shu jumladan boy berilgan foydani, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash yer uchastkasi beriladigan (ajratiladigan), yoki faoliyati yer uchastkasiga huquqlar cheklanishiga va erning sifati yomonlashishiga olib keladigan yuridik va jismoniy shaxslar tomonidan amalga oshiriladi.
Keyingi tahrirga qarang.
Davlat budjeti mablag‘lari hisobiga moliyalashtiriladigan obyektlarni qurishda yer uchastkalari egalari, foydalanuvchilari, ijarachilari va mulkdorlarining ko‘rgan zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarini qoplash loyiha-smeta hujjatlarida nazarda tutilgan mablag‘lar hisobiga amalga oshiriladi.
3. Yer uchastkalari egalari, foydalanuvchilari, ijarachilari va mulkdorlarining ko‘rgan zararlari, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdori o‘zini o‘zi moliyalashtirish asosida faoliyat ko‘rsatadigan va yer ajratib berish loyihasini tuzadigan “Yergeodezkadastr” davlat qo‘mitasining yer tuzish va ko‘chmas mulk kadastri xizmatlari hamda “Davarxitektqurilish” qo‘mitasi arxitektura va qurilish bo‘lim (boshqarma)lari tomonidan baholash tashkilotini jalb etgan holda yer uchastkasini tanlash bosqichida aniqlanadi. Yer uchastkalari egalari, foydalanuvchilari, ijarachilari va mulkdorlarining ko‘rgan zararlari, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdori tegishli ravishda Vazirlar Mahkamasi, Qoraqalpog‘iston Respublikasi Vazirlar Kengashi, viloyatlar, Toshkent shahar, tumanlar va shaharlar hokimliklari huzuridagi yer uchastkalari berish (realizatsiya qilish) masalalarini ko‘rib chiquvchi komissiyalar tomonidan ko‘rib chiqiladi hamda yer uchastkalarini tanlash va ajratish materiallari bilan birgalikda davlat hokimiyati organlari tomonidan tasdiqlanadi.
Keyingi tahrirga qarang.
Yer uchastkalari zaruriyatga ko‘ra, qismlarga bo‘lib berilgan hollarda, yer uchastkasini ajratish loyihasini tuzishda qishloq xo‘jaligi va o‘rmon xo‘jaligi ishlab chiqarishi zararlari va nobudgarchiliklari miqdori ajratiladigan yer uchastkasi maydoniga, ekin maydoni tarkibiga, unda turar joylar, boshqa binolar va inshootlar mavjudligiga qarab qayta aniqlanadi.
Keyingi tahrirga qarang.
Yer uchastkalari egalari, foydalanuvchilari, ijarachilari va mulkdorlarining ko‘rgan zararlari, shuningdek qishloq xo‘jaligi va o‘rmon xo‘jaligi ishlab chiqarishi zararlari va nobudgarchiliklari yer uchastkasiga bo‘lgan huquqni tasdiqlaydigan hujjatlar yangi egaga, foydalanuvchiga va ijarachiga topshirilguniga qadar qoplanadi.
Keyingi tahrirga qarang.
4. Yer uchastkasi olib qo‘yiladigan va yer uchastkasi ajratiladigan yer uchastkalari egalari, foydalanuvchilari, ijarachilari va mulkdorlari qishloq xo‘jaligi va o‘rmon xo‘jaligi ishlab chiqarishi zararlari va nobudgarchiliklarining aniqlangan miqdorlariga rozi bo‘lmagan hollarda sudga murojaat qilishlari mumkin.
II. Yer uchastkalari egalari, foydalanuvchilari, ijarachilari va mulkdorlarining zararlarini qoplash
5. Yer uchastkalari egalari, foydalanuvchilari, ijarachilari va mulkdorlarining ko‘rgan zararlari quyidagi hollarda aniqlanadi va to‘liq hajmda (shu jumladan boy berilgan foyda) qoplanadi:
davlat qo‘riqxonalari, zakazniklar, milliy tabiiy bog‘lar, tabiat yodgorliklari, madaniy-tarixiy haykallar, suv havzalari, suv ta’minoti manbalari, kurortlar tevaragida, daryolar, kanallar, suv tashlamalari, yo‘llar, quvurlar, aloqa liniyalari va elektr uzatish liniyalari bo‘ylab muhofaza qilish, sanitariya va himoya zonalari o‘rnatilishi munosabati bilan yer uchastkalari egalari, foydalanuvchilari, ijarachilari va mulkdorlarining yer uchastkasiga bo‘lgan huquqlarini cheklash;
suv havzalari, kanallar, kollektorlar va qishloq xo‘jaligi ekinlari va dov-daraxtlar uchun zararli moddalar ajratadigan boshqa obyektlar qurilishi va ulardan foydalanilishi, hosilning pasayishiga hamda yuridik va jismoniy shaxslarning qishloq xo‘jaligi mahsulotlari sifati yomonlashishiga olib keladigan boshqa xatti-harakatlari ta’siri natijasida yer sifatining yomonlashishi.
6. Yer uchastkalarini yoki ularning bir qismini olib qo‘yishda, haq to‘lab olishda yoki vaqtincha egallab turilganda:
turar joylar, imoratlar va inshootlar, shu jumladan qurilishi tugallanmagan obyektlar, shuningdek, agar yer olib qo‘yilishi munosabati bilan ulardan bundan keyin foydalanish mumkin bo‘lmasa, ajratiladigan uchastkadan tashqaridagi obyektlar qiymati;
Keyingi tahrirga qarang.
7. O‘zboshimchalik bilan egallab olingan yer olib qo‘yilishi bilan bog‘liq ushbu Nizomning 6-bandida nazarda tutilgan zararlar qoplanmaydi.
8. Yuridik va jismoniy shaxslarning xususiy mulki bo‘lgan yer uchastkasi qiymati erni olib qo‘yish to‘g‘risida qaror qabul qilingan paytda uning bozor qiymatidan kelib chiqib baholash tashkilotlari tomonidan aniqlanadi.
Keyingi tahrirga qarang.
9. Turar joylar, imoratlar va inshootlar, shu jumladan qurilishi tugallanmagan, shuningdek, agar yer olib qo‘yilishi munosabati bilan ulardan bundan keyin foydalanish mumkin bo‘lmasa, ajratiladigan uchastkadan tashqaridagi obyektlar qiymatini baholash Vazirlar Mahkamasining “Davlat va jamoat ehtiyojlari uchun yer uchastkalarining olib qo‘yilishi munosabati bilan fuqarolarga va yuridik shaxslarga yetkazilgan zararlarni qoplash tartibi to‘g‘risidagi Nizomni tasdiqlash haqida” 2006-yil 29-maydagi 97-son qaroriga muvofiq amalga oshiriladi.
Keyingi tahrirga qarang.
10. Meva beradigan meva-rezavor daraxtlari, shuningdek ihota daraxtlari va boshqa ko‘p yillik daraxtlarni baholash ko‘chatlarning qiymati hamda ularni ekish va meva bergunga yoki shox-shabbalarning tutashib ketishiga qadar yetishtirish xarajatlari baholash davridagi joriy narxlari bo‘yicha amalga oshiriladi.
Meva bermaydigan meva-rezavor daraxtlari, shuningdek shoxlari tutashmagan ihota daraxtlari va boshqa ko‘p yillik daraxtlarni baholash amaldagi xarajatlar bo‘yicha amalga oshiriladi.
11. Sarflangan materiallar (urug‘lik, mineral va organik o‘g‘itlar, zaharli dorilar, gerbitsidlar va hokazolar) qiymatini hamda amalda bajarilgan ishlar qiymatini (tuproqni ekishga tayyorlash, tozalash va drenaj tarmog‘ini tozalash, urug‘ ekish, sug‘orish, qishloq xo‘jaligi ekinlariga ishlov berish va boshqalarni) o‘z ichiga oladigan tugallanmagan qishloq xo‘jaligi ishlab chiqarishi qiymati birlamchi buxgalteriya hujjatlari bo‘yicha qabul qilinadi.
12. Yer uchastkalaridagi binolar va inshootlar buzilgan holda yer uchastkalari olib qo‘yilishi bilan bog‘liq yuridik shaxslarning boy berilgan foydasi qiymati tegishli yillar uchun moliyaviy faoliyat to‘g‘risidagi hisobotdan qabul qilinadigan oxirgi uch yildagi yillik o‘rtacha sof foydadan va yangi joyda faoliyatni tiklash uchun zarur bo‘lgan davrdan kelib chiqib aniqlanadi. Yangi joyda faoliyatni tiklash uchun zarur bo‘lgan davr yer uchastkasini olish uchun vaqt, buzilishi kerak bo‘lgan bunday obyektni loyihalashtirish va qurilishning normativ muddatlari hisoblanadi.
Yerni qishloq xo‘jaligi ishlab chiqarishidan chiqarishda boy berilgan foyda miqdori qishloq xo‘jaligi ishlab chiqarishidan chiqariladigan yer uchastkasidan olinadigan oxirgi uch yildagi o‘rtacha yillik sof daromad miqdorining yangi yerlarni sug‘orish va o‘zlashtirish, ularni madaniylashtirish ishlari va tuproq unumdorligini oshirish bo‘yicha boshqa ishlar loyihalashtiriladigan, bajariladigan to‘rt yilga ko‘paytirilgan summasi sifatida aniqlanadi.
Bir yildagi sof foyda summasi 1 ga sug‘oriladigan erga oxirgi 3 yildagi o‘rtacha yillik sof daromaddan kelib chiqib va olib qo‘yiladigan qishloq xo‘jaligi yer maydoniga ko‘paytirish yo‘li bilan aniqlanadi.
Keyingi tahrirga qarang.
Qishloq xo‘jaligi yerlarini olib qo‘yishda yuridik va jismoniy shaxslarga teng qiymatli yer uchastkalari berilgan hollarda boy berilgan foyda qoplanmaydi.
Keyingi tahrirga qarang.
13. Yer uchastkalarining bir qismi olib qo‘yilishi yoki vaqtincha egallab turilishi natijasida sug‘orish, quritish va yo‘l tarmoqlari, eroziyaga qarshi va selga qarshi obyektlar va inshootlar (tizimlar) ishi qisman yoki to‘liq buzilganda yer uchastkasi ajratiladigan yuridik va jismoniy shaxslar yangi obyektlar va inshootlar (tizimlar)ni qurishga yoki mavjudlarini rekonstruksiya qilishga majburdir.
14. Yer uchastkalari egalari, foydalanuvchilari, ijarachilari va mulkdorlarining huquqlari cheklanishi munosabati bilan yuridik shaxslarning ishlab chiqarish-xo‘jalik faoliyati ko‘rgan zararlari, agar muhofaza, sanitariya va ihota zonalari o‘rnatilishi munosabati bilan binolar va inshootlarni buzish (ko‘chirish) yoki erni qishloq xo‘jaligi ishlab chiqarishidan chiqarish mo‘ljallanayotgan taqdirda qoplanadi.
Binolar va inshootlarni buzish (ko‘chirish) bilan bog‘liq holda ko‘rilgan zararlar miqdori ushbu Nizomning 9-bandida belgilangan tartibda aniqlanadi.
Korxonalar, binolar va inshootlar qurish uchun yer uchastkalari ajratish loyihasini ishlab chiqish jarayonida, zaruriyat bo‘lganda, ularning muhofaza, sanitariya va ihota zonalari, qishloq xo‘jaligi va o‘rmon xo‘jaligi yer maydonlari, turi va sifati, ushbu zonalarda erdan bundan keyin foydalanish rejimi, shuningdek ushbu zonalarga yer uchastkalariga bo‘lgan huquq cheklanishi bilan yetkazilgan zararlar miqdori aniqlanadi.
15. Suv havzalari, kanallar, kollektorlar, shuningdek qishloq xo‘jaligi ekinlari va dov-daraxtlar uchun zararli moddalar chiqaradigan boshqa obyektlar qurish va ulardan foydalanishning ta’siri hamda yuridik va jismoniy shaxslarning hosil kamayishiga va qishloq xo‘jaligi mahsulotlarining sifati yomonlashuviga olib boradigan boshqa xatti-harakatlari oqibatida yuzaga kelgan ta’sir natijasida qishloq xo‘jaligi yerlari va o‘rmonzorlarning sifati yomonlashuvi bilan bog‘liq bo‘lgan zararlar miqdori qishloq xo‘jaligi yerlarining sifati yomonlashuviga olib keladigan sabablarni tugatish bo‘yicha tadbirlari va ushbu yerlarning ilgarigi sifat holatini tiklash bo‘yicha tadbirlari qiymati sifatida aniqlanadi.
Qishloq xo‘jaligi ekin maydonlarining yomonlashgan sifatini tiklash uchun zarur bo‘lgan xarajatlarga tuproq, agrokimyo va boshqa maxsus tekshirishlar hamda qidirishlar, shuningdek loyiha-smeta hujjatlariga muvofiq ushbu ekin maydonlarining sifatini tiklashni ta’minlaydigan tadbirlarni amalga oshirish xarajatlari kiritiladi.
Keyingi tahrirga qarang.
16. Yer uchastkalarini olib qo‘yish, haq to‘lab olish yoki vaqtincha egallab turish, shuningdek yuridik va jismoniy shaxslarning yer uchastkalariga bo‘lgan huquqlari cheklanishi yoxud qishloq xo‘jaligi yerlarining sifati yomonlashuvi tufayli ularning ko‘rgan zararlarini shu jumladan boy berilgan foydani qoplash uchun mo‘ljallangan mablag‘lar ularga yer uchastkasi ajratiladigan tegishli yuridik va jismoniy shaxslar tomonidan zarar yetkazilgan yuridik va jismoniy shaxslarning hisob-kitob (joriy) hisob raqamlariga o‘tkaziladi.
Keyingi tahrirga qarang.
17. Qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini yer uchastkalari egalari, foydalanuvchilari, ijarachilari va mulkdorlarining zararlarini qoplashdan tashqari yangi yerlarni o‘zlashtirish yoki mavjud yerlarning mahsuldorligini oshirish uchun melioratsiya va agromelioratsiya tadbirlarini amalga oshirish yo‘li bilan qishloq xo‘jaligi yerlari va o‘rmonzorlar ishlab chiqarish faoliyatidan chiqarilishi munosabati bilan tarmoqda ishlab chiqarilmaydigan qishloq xo‘jaligi va o‘rmon xo‘jaligi mahsulotlari ishlab chiqarishni tiklash maqsadida qoplanadi.
Olinmagan mahsulotni tiklash bo‘yicha davr sifatida to‘rt yil qabul qilinadi, shu davr ichida yangi yerlarni o‘zlashtirish yoki mavjud sug‘oriladigan yerlarni meliorativ jihatdan yaxshilash uchun yer uchastkasi tanlanishi, loyihalashtirish, qurilish va melioratsiya ishlari, shuningdek agromelioratsiya tadbirlari amalga oshirilishi kerak.
Keyingi tahrirga qarang.
18. Qishloq xo‘jaligi va o‘rmon xo‘jaligi ishlab chiqarishi nobudgarchiliklari quyidagi hollarda aniqlanadi va qoplanadi:
qishloq xo‘jaligi va o‘rmon yerlari, shu jumladan dehqon xo‘jaligini yuritish uchun jismoniy shaxslarga berilgan yer uchastkalaridagi qishloq xo‘jaligi yerlarini olib qo‘yish, haq to‘lab olish yoki vaqtincha egallab turish; qishloq va o‘rmon xo‘jaligini yuritish bilan bog‘liq bo‘lmagan maqsadlar uchun;
qishloq xo‘jaligi va o‘rmon yerlarini muomaladan chiqargan yoki ularni kamroq qiymatli er-suvga o‘tkazgan holda qurilayotgan suv omborlari, suv ta’minoti manbalari, kurortlar, magistral kanallar va kollektorlar, yo‘llar, suv quvurlari, elektr energiyasi uzatish va aloqa liniyalari, shuningdek boshqa obyektlar atrofidagi qo‘riqlash, sanitariya va himoya tegralarini belgilagan holda yer uchastkalari egalari, foydalanuvchilari, ijarachilari va mulkdorlarining huquqlarini cheklash;
Keyingi tahrirga qarang.
19. Qishloq xo‘jaligi ishlab chiqarishi nobudgarchiliklari miqdori olib qo‘yilayotgan ekin yerlari, ko‘p yillik dov-daraxtlar (bog‘lar, uzumzorlar, tutzorlar, meva ko‘chatlari, mevazorlar va boshqalar), bo‘z yerlar, pichanzorlar va yaylovlar, shu jumladan dehqon xo‘jaligini yuritish uchun berilgan yer uchastkalaridagi yerlarning maydonidan kelib chiqib hisoblanadi.
20. Qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdori “Yergeodezkadastr” davlat qo‘mitasining o‘zini o‘zi moliyalashtirish asosida faoliyat ko‘rsatadigan yer tuzish va ko‘chmas mulk kadastri xizmatlari tomonidan aniqlanadi.
Keyingi tahrirga qarang.
Keyingi tahrirga qarang.
21. Qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash bo‘yicha mablag‘lar yer uchastkalari berilayotgan yuridik va jismoniy shaxslar tomonidan Qoraqalpog‘iston Respublikasi, viloyatlar va Toshkent shahar yer resurslari va davlat kadastri boshqarmalarining maxsus hisob raqamlariga o‘tkaziladi.
Keyingi tahrirga qarang.
Hududiy dasturlarni va tuproq unumdorligini oshirish tadbirlarini amalga oshirish, yerlardan oqilona va samarali foydalanish va ularni muhofaza qilish uchun qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash hisobiga tushgan mablag‘larning 10 foiz miqdoridagi qismi “Yergeodezkadastr” davlat qo‘mitasining maxsus hisob raqamlariga o‘tkaziladi.
Keyingi tahrirga qarang.
22. “Yergeodezkadastr” davlat qo‘mitasi va uning hududiy boshqarmalari ushbu mablag‘larning o‘z vaqtida tushishini va hisobga olinishini, obyektlar rejalashtirilishi, loyihalashtirilishi va qurilishini hamda ishlar belgilangan tartibda qabul qilinishini ta’minlaydi.
Keyingi tahrirga qarang.
Keyingi tahrirga qarang.
23. Yer uchastkalari beriladigan yuridik va jismoniy shaxslar yer uchastkasi berish to‘g‘risida davlat hokimiyati vakolatli organining qarori qabul qilinganidan hamda qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdorlari tasdiqlangandan keyin bir oy muddatda ko‘rsatib o‘tilgan mablag‘larni o‘tkazib berishga majburdir. Mablag‘larni o‘tkazib berishning belgilangan muddati buzilgan taqdirda to‘lash kunini ham o‘z ichiga olgan to‘lashning belgilangan muddatidan keyingi kundan boshlab har bir kechiktirilgan kun uchun 0,05 foiz miqdorida, biroq to‘lanmagan summaning 50 foizidan ortiq bo‘lmagan miqdorda penya hisoblanadi.
Keyingi tahrirga qarang.
“Yergeodezkadastr” davlat qo‘mitasi va uning hududiy boshqarmalari o‘zining maxsus hisob raqamlariga tushgan summalar doirasida ushbu Nizomning 24-bandida nazarda tutilgan ishlarning buyurtmachilari hisoblanadi, ishlar rejalarini tasdiqlaydi, moliyalashtirishni boshlaydi va ishlarni tashkil etadi.
Keyingi tahrirga qarang.
24. Qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash hisobiga tushgan mablag‘lardan:
kollektor-drenaj tarmog‘i qurish va qayta qurish, kapital rejalashtirish va sug‘oriladigan yerlarni suv bilan ta’minlashni oshirish;
Qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash hisobiga tushgan mablag‘lar hisobiga Qoraqalpog‘iston Respublikasi va viloyatlar yer resurslari va davlat kadastri boshqarmalarida zimmasiga yuqorida ko‘rsatib o‘tilgan ishlarni bajarishni tashkil etish, shu jumladan tashkiliy texnika, inventar va asbob-uskunalar sotib olish kiradigan shtatdagi bittadan xodim ishlashi ta’minlanadi.
Yer resurslari va davlat kadastri boshqarmalari tomonidan mablag‘larni sarflash “Yergeodezkadastr” davlat qo‘mitasi tomonidan tasdiqlanadigan smeta bo‘yicha amalga oshiriladi.
Qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash hisobiga tushgan mablag‘lardan boshqa maqsadlarda foydalanishga yo‘l qo‘yilmaydi.
Keyingi tahrirga qarang.
Keyingi tahrirga qarang.
Keyingi tahrirga qarang.
25. Qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash tartibida tushgan mablag‘lardan ushbu Nizomning 24-bandida belgilangan tadbirlarni amalga oshirish uchun, qoidaga ko‘ra, qishloq xo‘jaligi ekin maydonlari va o‘rmonzorlar olib qo‘yilgan tumanlarda foydalaniladi.
Keyingi tahrirga qarang.
26. Qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash tartibida tushgan mablag‘larning foydalanilmagan qoldiqlari hisobot yilida olib qo‘yilmaydi, keyingi yilga o‘tadi va ulardan ushbu Nizomning 24-bandiga muvofiq ishlarni bajarish uchun foydalaniladi.
27. Yer ajratish loyihasini naturaga ko‘chirish va yer uchastkalariga bo‘lgan huquqni tasdiqlaydigan hujjatlarni tayyorlash faqat yer uchastkalari beriladigan yuridik va jismoniy shaxslar tomonidan qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rni qoplangandan keyin amalga oshiriladi.
28. Ilgari berilgan yerlar uchun qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash bo‘yicha majburiyatlarni bajarmagan yuridik va jismoniy shaxslarga yangi (qo‘shimcha) yer berilmaydi, qarzlar esa qonun hujjatlarida belgilangan tartibda undiriladi.
Keyingi tahrirga qarang.
29. Qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdori olib qo‘yilayotgan qishloq xo‘jaligi yerlarining sifati, unumdorligi, joylashgan joyi va foydalanish samaradorligi hisobga olingan holda, shuningdek yangi yerlarni o‘zlashtirish ishlarini bajarish davrida yo‘qotilgan qishloq xo‘jaligi mahsulotlari qiymati hisobga olingan holda ularning o‘rniga teng qiymatli yangi yerlarni sug‘orish va o‘zlashtirish zarurligidan kelib chiqib belgilanadi.
Keyingi tahrirga qarang.
30. Doimiy foydalanish uchun yer berishda qishloq xo‘jaligi ishlab chiqarishi nobudgarchiligi miqdori quyidagi formula bo‘yicha aniqlanadi.
Keyingi tahrirga qarang.
Nq/xm — qishloq xo‘jaligi ekin maydonlarini doimiy foydalanish uchun olib qo‘yishda qishloq xo‘jaligi ishlab chiqarishi nobudgarchiligi, ming so‘m;
Csug‘. — sug‘oriladigan qishloq xo‘jaligi ekin maydonlarining (sug‘oriladigan bo‘z yerlar bundan mustasno) olib qo‘yiladigan 1 gektari o‘rniga teng qiymatli yangi yerlarni sug‘orish va o‘zlashtirish qiymati ushbu Nizomning 31-bandiga muvofiq qabul qilinadi, ming so‘m;
Clal. — olib qo‘yiladigan 1 ga lalmi shudgor va sug‘orilmaydigan ko‘p yillik daraxtlar o‘rniga teng qiymatli yangi yerlarni sug‘orish va o‘zlashtirish qiymati ushbu Nizomning 32-bandiga muvofiq qabul qilinadi, ming so‘m;
Cp.ya. — olib qo‘yiladigan 1 ga pichanzor va yaylovlar o‘rniga teng qiymatli yangi yerlarni sug‘orish va o‘zlashtirish qiymati ushbu Nizomning 34-bandiga muvofiq qabul qilinadi, ming so‘m;
Keyingi tahrirga qarang.
Ssug‘. — olib qo‘yiladigan sug‘oriladigan qishloq xo‘jaligi ekinlari maydoni (sug‘oriladigan bo‘z yerlar bundan mustasno), ga;
Kjoy — olib qo‘yiladigan yer uchastkasining joylashgan joyini hisobga oladigan koeffitsiyent ushbu Nizomning 36-bandiga muvofiq qabul qilinadi;
Keyingi tahrirga qarang.
Ki — ushbu Nizomning 48-bandiga muvofiq qabul qilinadigan qishloq xo‘jaligi ishlab chiqarishi nobudgarchiliklari summasini indeksatsiya qilish koeffitsiyenti;
SF — oxirgi to‘rt yilda olib qo‘yilgan yer uchastkasida olinadigan sof foyda summasi, ushbu Nizomning 35-bandiga muvofiq aniqlanadi, ming so‘m.
Keyingi tahrirga qarang.
31. Olib qo‘yiladigan sug‘oriladigan qishloq xo‘jaligi yerlarining sifati tuproq bonitirovkasi ma’lumotlari bonitet ballarida qabul qilinadi. U haqida ma’lumotlar mavjud bo‘lmagan yangidan o‘zlashtiriladigan yer uchastkalari bo‘yicha bonitet ballari qonun hujjatlariga muvofiq yer ajratish loyihalarini ishlab chiqish jarayonida aniqlanadi.
Keyingi tahrirga qarang.
Olib qo‘yiladigan sug‘oriladigan qishloq xo‘jaligi ekin maydonlari (sug‘oriladigan bo‘z yerlar bundan mustasno) o‘rniga teng qiymatli yangi yerlarni sug‘orish va o‘zlashtirish qiymati bonitet ballari bo‘yicha ushbu Nizomning 1-ilovasiga muvofiq qabul qilinadi.
Keyingi tahrirga qarang.
Keyingi tahrirga qarang.
32. Olib qo‘yiladigan 1 ga lalmi ekin yeri va sug‘orilmaydigan ko‘p yillik daraxtlar o‘rniga teng qiymatli yangi yerlarni sug‘orish va o‘zlashtirish qiymati tabiiy zonalarda joylashishiga qarab quyidagi miqdorlarda qabul qilinadi:
33. Olib qo‘yiladigan sug‘oriladigan va lalmi bo‘z yerlar o‘rniga teng qiymatli yangi yerlarni sug‘orish va o‘zlashtirish qiymati olib qo‘yiladigan sug‘oriladigan yerlar (30-bandga muvofiq) va lalmi ekin yeri (32-bandga muvofiq) o‘rniga teng qiymatli yangi yerlarni sug‘orish va o‘zlashtirish qiymatiga 0,1 koeffitsiyentni qo‘llagan holda aniqlanadi.
34. Pichanzorlar va yaylovlar olib qo‘yilishi munosabati bilan qishloq xo‘jaligi ishlab chiqarishi nobudgarchiliklari miqdori ozuqaning yo‘qotiladigan hajmini qoplash uchun pichanzorlar va yaylovlarning tegishli maydonlarini tubdan yaxshilash zarurligidan kelib chiqib aniqlanadi.
Pichanzorlar va yaylovlarning mahsuldorligi u bilan bog‘liq bo‘lgan balandlik mintaqalariga qarab pichanzorlar va yaylovlarni tubdan yaxshilash qiymati ushbu Nizomning 2-ilovasiga muvofiq qabul qilinadi.
35. Qishloq xo‘jaligi ishlab chiqarishi nobudgarchiliklariga yangi yerlarni sug‘orish va o‘zlashtirish, ularni madaniylashtirishni va boshqa madaniylashtirish - texnik ishlarni loyihalashtirish, bajarish davrida nobudgarchiliklarni qoplash uchun zarur bo‘lgan to‘rt yil davr uchun olib qo‘yiladigan yer uchastkasida olinadigan sof foyda summasi qo‘shimcha ravishda qo‘shiladi.
Bir xil bonitet balli sug‘oriladigan yerlarda xo‘jalik faoliyati sharoitida bir yil uchun bir gektarga to‘g‘ri keladigan sof foyda summasi oxirgi uch yilda xo‘jalik bo‘yicha o‘rtacha yillik foydani sug‘oriladigan yer maydoniga bo‘lish yo‘li bilan aniqlanadi.
Tashkilotda bir necha bonitet balli sug‘oriladigan yerlar mavjud bo‘lganda, aynan bonitet balli 1 ga sug‘oriladigan erga to‘g‘ri keladigan sof foydaning o‘rtacha summasi aniqlanadi.
Keyingi tahrirga qarang.
1 bonitet ball/ga to‘g‘ri keladigan xo‘jalikning sof foydasi summasi quyidagi formula bo‘yicha aniqlanadi:
1 ga olib qo‘yiladigan yer uchastkasi uchun o‘rtacha yillik sof foyda summasi quyidagi formula bo‘yicha aniqlanadi:
Qishloq xo‘jaligi ishlab chiqarishi nobudgarchiliklariga qo‘shimcha ravishda qo‘shiladigan sof foyda summasi 1 ga olib qo‘yiladigan yer uchastkasi uchun o‘rtacha yillik sof foydani 4 ga (yillar soni) va olib qo‘yiladigan maydonga ko‘paytirish yo‘li bilan aniqlanadi.
Qishloq xo‘jaligi ishlab chiqarishi lalmi dehqonchilikka yoki yaylov ozuqalariga asoslangan tashkilotlar bo‘yicha 1 ga lalmi ekin yerlari yoki yaylov uchun o‘rtacha yillik sof foyda summasi o‘rtacha yillik sof foydaning umumiy summasini xo‘jalik bo‘yicha lalmi ekin yerlari yoki yaylovlarning umumiy maydoniga bo‘lish yo‘li bilan aniqlanadi.
Keyingi tahrirga qarang.
Keyingi tahrirga qarang.
36. Qishloq xo‘jaligi ishlab chiqarishi nobudgarchiliklari miqdorini aniqlashda olib qo‘yiladigan yer uchastkasining erdan samaraliroq foydalanish imkonini beradigan muhandislik kommunikatsiyalari va energiya manbalari mo‘lligi bilan farqlanadigan ma’muriy va sanoat markazlariga nisbatan joylashgan joyi hisobga olinadi.
Olib qo‘yiladigan yer uchastkalarining joylashgan joyini hisobga oladigan koeffitsiyentlar ushbu Nizomning 3-ilovasiga muvofiq qabul qilinadi.
37. Qishloq xo‘jaligi yerlari qishloq xo‘jaligini yuritish bilan bog‘liq bo‘lmagan ehtiyojlar uchun vaqtincha foydalanish uchun yoki ijaraga olib qo‘yilgan va berilgan holatda qishloq xo‘jaligi ishlab chiqarishi nobudgarchiliklari miqdori qishloq xo‘jaligi ekin maydonlarini doimiy foydalanish uchun olib qo‘yishda qishloq xo‘jaligi ishlab chiqarishi nobudgarchiliklari miqdoriga foiz nisbatida hisoblab chiqiladi.
Vaqtincha foydalanish uchun erni olib qo‘yishda qishloq xo‘jaligi ishlab chiqarishi nobudgarchiliklari miqdorlari quyidagi formula aniqlanadi:
Keyingi tahrirga qarang.
Nq/x vaqt. — vaqtincha foydalanish uchun erni olib qo‘yishda qishloq xo‘jaligi ishlab chiqarishi nobudgarchiliklari miqdori, ming so‘m;
Keyingi tahrirga qarang.
Nq/xn — qishloq xo‘jaligi yerlari doimiy foydalanish uchun olib qo‘yilganda qishloq xo‘jaligi ishlab chiqarishi nobudgarchiliklari miqdori, ming so‘m;
F — yer uchastkasini vaqtincha olib qo‘yish davriga bog‘liq ravishda qishloq xo‘jaligi ekin maydonlarini doimiy foydalanish uchun olib qo‘yishda qishloq xo‘jaligi ishlab chiqarishi nobudgarchiliklari summasiga qo‘llaniladigan foiz miqdori;
Keyingi tahrirga qarang.
Keyingi tahrirga qarang.
Foiz miqdori qishloq xo‘jaligi yerlari olib qo‘yilgan har bir yil uchun 10 yilgacha 4 foiz, 11 yildan 30 yilgacha — 2 foiz va 31 yildan 50 yilgacha — 1 foiz miqdorida qabul qilinadi.
Yer uchastkalari berish (realizatsiya qilish) masalalarini ko‘rib chiqish bo‘yicha tuman (shahar) Komissiyalarining xulosasi bo‘yicha vaqtincha berilgan erni qishloq xo‘jaligini yuritish uchun yaroqli holatga keltirish maqsadga muvofiq bo‘lmagan yoki buzilgan yerlar qishloq xo‘jaligidan boshqa sohada foydalanish uchun yaroqli holatga keltiriladigan tarzda tuproq qatlami buzilgan taqdirda, qishloq xo‘jaligi ishlab chiqarishi nobudgarchiliklari miqdori to‘liq hajmda qoplanadi.
38. O‘rmonzorlarni saqlash va o‘rmon xo‘jaligi ishlab chiqarishining zarur darajasini ta’minlash maqsadida o‘rmon xo‘jaligi ishlab chiqarishi nobudgarchiliklari miqdori yerlarni madaniylashtirish va tuproqning unumdorligini oshirish tadbirlarini amalga oshirish, yangi xo‘jaliklar tashkil etish va olib qo‘yilgan o‘rmonlarni tiklash zarurligi hisobga olingan holda teng qiymatli yangi yerlarni o‘zlashtirish xarajatlari zarurligidan kelib chiqib aniqlanadi. Bundan tashqari, sug‘oriladigan dehqonchilik zonasida sug‘orish qiymati, tog‘li zonada — supa olish yoki oddiy gidrotexnika inshootlari o‘rnatish qiymati, cho‘l zonasida — ko‘chma qumlarni mustahkamlash qiymati hisobga olinadi.
39. O‘rmonzorlarni o‘rmon xo‘jaligi yuritish bilan bog‘liq bo‘lmagan ehtiyojlar uchun muddatli (vaqtincha) foydalanish uchun olib qo‘yish va berishda o‘rmon xo‘jaligi ishlab chiqarishi nobudgarchiliklari ushbu Nizomning 37-bandida belgilangan tartibda aniqlanadi.
40. O‘rmon bilan qoplangan va daraxti siyrak yerlar, shuningdek o‘rmon o‘simliklari, urug‘likli, tugunchali va sanoat plantatsiyalari bo‘lgan yong‘oq mevali, mevali va boshqa qimmatli turlar bilan band bo‘lgan yerlar olib qo‘yilganda o‘rmon xo‘jaligi nobudgarchiliklari summasi yangi yerlarni o‘zlashtirish va monand daraxtzorlar barpo etish bo‘yicha ishlarni bajarish davrida o‘rmon mahsulotlarini sotishdan olinadigan foyda va qo‘shimcha foydalaniladigan mahsulotlar nobudgarchiligi hisobga olingan holda quyidagi formula bo‘yicha aniqlanadi:
No‘/x — o‘rmon bilan qoplangan maydonlar olib qo‘yilganda o‘rmon xo‘jaligi ishlab chiqarishi nobudgarchiliklari miqdori, ming so‘m;
Ssug‘. — olib qo‘yiladigan yerlar o‘rniga teng qiymatli yangi yerlarni sug‘orish va o‘zlashtirish zarurligidan kelib chiqib aniqlanadigan o‘rmon xo‘jaligi ishlab chiqarishi nobudgarchiliklarining solishtirma miqdori 31-bandga muvofiq hisoblab chiqiladi;
tabiiy zonalar bo‘yicha o‘rmon yerlarning joylashishiga qarab sug‘orilmaydigan o‘rmon yerlari olib qo‘yilganda — ushbu Nizomning 32-bandiga muvofiq lalmi ekin yerlari olib qo‘yilishi uchun stavkalar qo‘llangan holda — ming so‘m/ga;
T — yangi yerlarni o‘zlashtirish ishlarini loyihalashtirish va bajarish uchun zarur bo‘lgan vaqt, yil (o‘rtacha to‘rt yilda qabul qilinadi);
Fo‘r.mah. — 1 gektardan o‘rmon mahsulotlarini (yog‘och-taxta, yong‘oq, meva, urug‘lik, rezavor meva) realizatsiya qilishdan olingan o‘rtacha uch yildagi foyda (xo‘jalikning hisobot ma’lumotlari bo‘yicha qabul qilinadi), yilda /ga ming so‘m;
Fo‘r.qo‘sh. — 1 gektar o‘rmonga qayta hisoblaganda qo‘shimcha mahsulotlarni (dorivor va boshqa foydali o‘simliklar, pichan, asalarichilik mahsulotlari va boshqa mahsulotlar)ni realizatsiya qilishdan olingan o‘rtacha uch yildagi foyda (xo‘jalikning hisobot ma’lumotlari bo‘yicha qabul qilinadi), yilda/ga ming so‘m.
41. Yongan, nobud bo‘lgan o‘rmon o‘simliklari o‘rni, o‘rmonning daraxt kesish uchun ajratilgan daraxtzorga aylanmagan joylari olib qo‘yilganda o‘rmon xo‘jaligi ishlab chiqarishi nobudgarchiliklarini qoplashning bazis stavkalari ushbu Nizomning 3-bandiga muvofiq lalmi ekin yerlari olib qo‘yilgandagi bazis stavkalarga, bo‘sh yotgan yer va yalanglik olib qo‘yilganda — lalmi bo‘z yerlar olib qo‘yilganligi uchun bazis stavkalarga tenglashtiriladi.
42. Olib qo‘yiladigan yer uchastkasidan aholi punktigacha bo‘lgan masofaga hamda muhandislik kommunikatsiyalari va energiya manbalari mo‘lligiga qarab nobudgarchiliklar miqdoriga ushbu Nizomning 3-ilovasida keltirilgan koeffitsiyentlar qo‘llaniladi.
Keyingi tahrirga qarang.
43. Yer uchastkalari egalari, foydalanuvchilari, ijarachilari va mulkdorlarining huquqlari cheklanishi munosabati bilan qishloq xo‘jaligi va o‘rmon xo‘jaligi ishlab chiqarishi nobudgarchiliklari, agar qurilayotgan obyektlarning muhofaza, sanitariya va himoya zonalaridagi o‘rmonzorlarni qishloq xo‘jaligi va o‘rmon xo‘jaligi ishlab chiqarishidan chiqarish yoki ularni kamroq qiymatli erga o‘tkazish mo‘ljallanayotgan taqdirda qoplanadi.
44. Qurilayotgan obyektlarning muhofaza, sanitariya va himoya zonalaridagi o‘rmonzorlar muomaladan chiqarilgan taqdirda qishloq xo‘jaligi va o‘rmon xo‘jaligi ishlab chiqarishi nobudgarchiliklari ushbu Nizomning II va III bo‘limlariga muvofiq to‘liq hajmda aniqlanadi.
45. Sug‘oriladigan qishloq xo‘jaligi va o‘rmon yerlari boshqa sug‘orilmaydigan qishloq xo‘jaligi va o‘rmon yerlariga o‘tkazilganda qishloq xo‘jaligi va o‘rmon xo‘jaligi ishlab chiqarishi nobudgarchiliklari miqdori sug‘oriladigan qishloq xo‘jaligi va o‘rmon yerlari olib qo‘yilishidan nobudgarchiliklar miqdori bilan sug‘oriladigan qishloq xo‘jaligi va o‘rmon yerlari olib qo‘yilishi nobudgarchiliklari miqdori o‘rtasidagi tafovut sifatida aniqlanadi.
46. Qurilayotgan obyektlardan foydalanishda kelib chiqadigan qishloq xo‘jaligi va o‘rmon yerlar sifati yomonlashishi holatlari obyektlarni qurish loyihalarida nazarda tutilishi va yer ajratishda hisobga olinishi kerak.
47. Yerning sifati yomonlashishi munosabati bilan qishloq xo‘jaligi va o‘rmon xo‘jaligi ishlab chiqarishi nobudgarchiliklari ushbu Nizomning II va III bo‘limlariga muvofiq zamonaviy holatida o‘rmonzorlarni olib qo‘yishdan nobudgarchiliklar va yerlarning kutilayotgan yomonlashishidan keyingi miqdori o‘rtasidagi tafovut sifatida aniqlanadi.
48. Yangi yerlarni sug‘orish va o‘zlashtirish qiymati, ushbu qiymat hisobga olingan holda lalmi ekin yerlari va sug‘orilmaydigan ko‘p yillik daraxtlar olib qo‘yilganda qishloq xo‘jaligi ishlab chiqarishi nobudgarchiliklari miqdorini, shuningdek mazkur Nizomning 32-bandi 1 va 2-ilovalarida nazarda tutilgan pichanzorlar va yaylovlarni tubdan yaxshilash qiymati O‘zbekiston Respublikasi Davlat statistika qo‘mitasi ma’lumotlari bo‘yicha oldingi yilda qurilish materiallari narxlari indeksi o‘zgarishi darajasidan kelib chiqib tayyorlangan “Yergeodezkadastr” davlat qo‘mitasining takliflari bo‘yicha Vazirlar Mahkamasining qarorlariga muvofiq indeksatsiya qilinadi.
Keyingi tahrirga qarang.
49. Yer uchastkalari egalari, foydalanuvchilari, ijarachilari va mulkdorlarining zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarini aniqlash ishlarini bajarish tartib-qoidasi mazkur Nizomning 4-ilovasida keltirilgan.
Keyingi tahrirga qarang.
50. Ushbu Nizomda nazarda tutilgan yer uchastkalari egalari, foydalanuvchilari, ijarachilari va mulkdorlarining zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarini aniqlash tartibini buzgan shaxslar qonun hujjatlariga muvofiq javobgarlikka tortiladi.
Keyingi tahrirga qarang.
Keyingi tahrirga qarang.
Keyingi tahrirga qarang.
Yer uchastkalari egalari, foydalanuvchilari ijarachilari va mulkdorlarining ko‘rgan zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash tartibi to‘g‘risidagi nizomga
1-ILOVA
1-ILOVA
Keyingi tahrirga qarang.
Keyingi tahrirga qarang.
Mintaqalar | Bonitet ballari bo‘yicha 1 gektar teng qiymatli yangi yerlarni sug‘orish va o‘zlashtirish qiymati, ming so‘m | |||||||||
100 | 90 | 80 | 70 | 60 | 50 | 40 | 30 | 20 | 10 | |
Qoraqalpog‘iston Respublikasi | 25095 | 22590 | 20080 | 17570 | 15060 | 12550 | 10040 | 7530 | 5020 | 2510 |
Viloyatlar: | ||||||||||
Andijon | 43020 | 38718 | 34416 | 30114 | 25812 | 21510 | 17208 | 12906 | 8604 | 4302 |
Buxoro | 35850 | 32265 | 28680 | 25095 | 21510 | 17925 | 14340 | 10755 | 7170 | 3585 |
Jizzax | 28680 | 25812 | 22944 | 20076 | 17208 | 14340 | 11472 | 8604 | 5736 | 2868 |
Qashqadaryo | 28680 | 25812 | 22944 | 20076 | 17208 | 14340 | 11472 | 8604 | 5736 | 2868 |
Navoiy | 28680 | 25812 | 22944 | 20076 | 17208 | 14340 | 11472 | 8604 | 5736 | 2868 |
Namangan | 39435 | 35496 | 31552 | 27608 | 23664 | 19720 | 15776 | 11832 | 7888 | 3944 |
Samarqand | 43020 | 38718 | 34416 | 30114 | 25812 | 21510 | 17208 | 12906 | 8604 | 4302 |
Surxondaryo | 46605 | 41940 | 37280 | 32620 | 27960 | 23300 | 18640 | 13980 | 9320 | 4660 |
Sirdaryo | 28680 | 25812 | 22944 | 20076 | 17208 | 14340 | 11472 | 8604 | 5736 | 2868 |
Toshke�t | 43020 | 38718 | 34416 | 30114 | 25812 | 21510 | 17208 | 12906 | 8604 | 4302 |
Farg‘ona | 39435 | 35496 | 31552 | 27608 | 23664 | 19720 | 15776 | 11832 | 7888 | 3944 |
Xorazm | 35850 | 32265 | 28680 | 25095 | 21510 | 17925 | 14340 | 10755 | 7170 | 3585 |
Toshkent shahri | 43020 | 38718 | 34416 | 30114 | 25812 | 21510 | 17208 | 12906 | 8604 | 4302 |
Yer uchastkalari egalari, foydalanuvchilari ijarachilari va mulkdorlarining ko‘rgan zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash tartibi to‘g‘risidagi nizomga
2-ILOVA
2-ILOVA
Keyingi tahrirga qarang.
Keyingi tahrirga qarang.
Balandlik mintaqalari | 1 gektar pichanzor va yaylovlarni tubdan yaxshilash qiymati, ming so‘m | Ulardan | |
tubdan yaxshilash qiymati | qoplanadigan mahsulot qiymati | ||
“Cho‘l” mintaqasi | 137,2 | 28,3 | 108,9 |
“Adir” mintaqasi | 160,4 | 50,2 | 110,2 |
“Tog‘” mintaqasi | 225,2 | 37,6 | 187,6 |
Keyingi tahrirga qarang.
Yer uchastkalari egalari, foydalanuvchilari ijarachilari va mulkdorlarining ko‘rgan zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash tartibi to‘g‘risidagi nizomga
3-ILOVA
3-ILOVA
Aholi punktlari | Aholi punktlari chegaralarigacha bo‘lgan masofa, km | Oshiruvchi koeffitsiyent |
Toshkent shahri | 20 kilometrgacha | 2,0 |
Viloyat markazlari | 10 kilometrgacha | 1,5 |
Boshqa shaharlar va posyolkalar, shuningdek tuman markazlari bo‘lgan qishloq aholi punktlari | 5 kilometrgacha | 1,3 |
Keyingi tahrirga qarang.
Yer uchastkalari egalari, foydalanuvchilari ijarachilari va mulkdorlarining ko‘rgan zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash tartibi to‘g‘risidagi nizomga
4-ILOVA
4-ILOVA
Keyingi tahrirga qarang.
Keyingi tahrirga qarang.
1. Vazirlar Mahkamasining “O‘zbekiston Respublikasida yer uchastkalarini olib qo‘yish va ularni qishloq xo‘jaligiga oid bo‘lmagan ehtiyojlar uchun berishga doir materiallarni rasmiylashtirish tartibi to‘g‘risidagi Nizomni tasdiqlash haqida” 1992-yil 27-maydagi 248-son qarori.
2. Vazirlar Mahkamasining “O‘zbekiston Respublikasida yerlarning qishloq va o‘rmon xo‘jaligini yuritish bilan bog‘liq bo‘lmagan ehtiyojlar uchun olinishi munosabati bilan qishloq xo‘jaligi va o‘rmon xo‘jaligi ishlab chiqarishi nobudgarchiligi hajmlarini aniqlash hamda ularning o‘rnini qoplash tartibi to‘g‘risidagi Nizomni tasdiqlash haqida” 1992-yil 15-iyundagi 282-son qarori (O‘zbekiston Respublikasi QT, 1992-y., 6-son, 21-modda).
3. Vazirlar Mahkamasining “O‘zbekiston Respublikasida yerlarning qishloq xo‘jaligi va o‘rmon xo‘jaligini yuritish bilan bog‘liq bo‘lmagan ehtiyojlar uchun olib qo‘yilishi munosabati bilan qishloq xo‘jaligi va o‘rmon xo‘jaligi ishlab chiqarishi ko‘rgan zararning o‘rnini qoplash miqdorlarini tasdiqlash to‘g‘risida” 1995-yil 16-iyundagi 223-son qarori.
Keyingi tahrirga qarang.
1. Vazirlar Mahkamasining 2006-yil 29-maydagi 97-son qarori bilan tasdiqlangan Davlat va jamoat ehtiyojlari uchun yer uchastkalarining olib qo‘yilishi munosabati bilan fuqarolarga va yuridik shaxslarga yetkazilgan zararlarni qoplash tartibi to‘g‘risidagi nizomda (O‘zbekiston Respublikasi QT, 2006-y., 5-son, 37-modda):
a) 9-banddagi “miqdorini belgilash uchun” so‘zlari “miqdori masalasini ko‘rib chiqish uchun” so‘zlari bilan almashtirilsin;
“10. Uylar (kvartiralar), imoratlar va inshootlarni, shuningdek olib qo‘yilayotgan yer uchastkalaridagi ko‘p yillik dov-daraxtlarni baholash baholovchi tashkilotlar tomonidan ariza beruvchining mablag‘lari hisobiga amalga oshiriladi.