O‘zbekiston Respublikasining “Adliya organlari va muassasalari faoliyati takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida” 2010-yil 14-sentabrdagi O‘RQ-255-son Qonuniga hamda “Sud hujjatlari va boshqa organlar hujjatlarini ijro etish to‘g‘risida”gi O‘zbekiston Respublikasi Qonunining 83-moddasiga, shuningdek O‘zbekiston Respublikasi adliya organlari va muassasalari xodimlariga maxsus unvonlar — martaba darajalari berish tartibini takomillashtirish maqsadida Vazirlar Mahkamasi qaror qiladi:
Keyingi tahrirga qarang.
1. O‘zbekiston Respublikasi adliya organlari va muassasalari xodimlarining martaba darajalari to‘g‘risidagi nizom ilovaga muvofiq tasdiqlansin.
2. Vazirlar Mahkamasining “O‘zbekiston Respublikasi Adliya vazirligi faoliyatini takomillashtirish masalalari to‘g‘risida” 1992-yil 12-noyabrdagi 523-son qarorining (O‘zbekiston Respublikasi QT, 1992-y., 11-son, 32-modda) 4-bandi va unga 4-ilova o‘z kuchini yo‘qotgan deb hisoblansin.
Keyingi tahrirga qarang.
3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi adliya vaziri R.A. Muhitdinov zimmasiga yuklansin.
1. Mazkur Nizom O‘zbekiston Respublikasi adliya organlari va muassasalari xodimlariga maxsus unvonlar — martaba darajalari berish tartibini belgilaydi.
2. O‘zbekiston Respublikasi adliya organlari va muassasalari xodimlarining maxsus unvonlari quyidagi martaba darajalaridan iborat bo‘ladi:
3. O‘zbekiston Respublikasi adliya organlari va muassasalari xodimlariga martaba darajalari ijobiy attestatsiya, malakasiga muvofiq oliy yuridik ma’lumot yoki boshqa oliy ma’lumot mavjud bo‘lgan taqdirda, egallab turgan lavozimi va ish stajiga, shuningdek, oldingi ish yoki xizmat joyida berilgan maxsus unvonlarni hisobga olgan holda izchil tartibda beriladi.
O‘rta maxsus yuridik ma’lumotga ega bo‘lgan sud ijrochilariga 1-darajali yuristgacha va 1-darajali yurist martaba unvoni berilishiga yo‘l qo‘yiladi.
Keyingi tahrirga qarang.
4. O‘zbekiston Respublikasi adliya organlari va muassasalari xodimlariga tegishli lavozimlarga muvofiq quyidagi martaba darajalari beriladi:
O‘zbekiston Respublikasi Haqiqiy davlat adliya maslahatchisi | — | O‘zbekiston Respublikasi adliya vaziriga |
1-darajali davlat adliya maslahatchisi | — | O‘zbekiston Respublikasi adliya vazirining birinchi o‘rinbosariga |
2-darajali davlat adliya maslahatchisi | — | O‘zbekiston Respublikasi adliya vazirining o‘rinbosarlariga |
3-darajali davlat adliya maslahatchisi | — | Qonunchilik bosh boshqarmasi boshlig‘iga, O‘zbekiston Respublikasi Adliya vazirligi hay’ati a’zolari bo‘lgan boshqarma boshliqlariga; Qoraqalpog‘iston Respublikasi adliya vaziriga, viloyatlar va Toshkent shahar adliya boshqarmalari boshliqlariga; O‘zbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy ta’minlash departamenti (keyingi o‘rinlarda Sud departamenti deb ataladi) direktorining o‘rinbosarlariga; Toshkent davlat yuridik instituti rektoriga. |
1-darajali adliya maslahatchisi | — | O‘zbekiston Respublikasi Adliya vazirligining boshqarmalari va mustaqil bo‘limlari boshliqlariga; Qoraqalpog‘iston Respublikasi adliya vaziri hamda viloyatlar va Toshkent shahar adliya boshqarmalari boshliqlarining birinchi o‘rinbosarlariga; Sud departamentining boshqarmalari va mustaqil bo‘limlari, Ichki xavfsizlik inspeksiyasi boshliqlariga; Sud departamenti hududiy boshqarmalari boshliqlariga; X.Sulaymonova nomidagi Respublika sud ekspertiza markazi boshlig‘iga; Respublika yuristlar malakasini oshirish markazi direktoriga; Toshkent davlat yuridik instituti prorektorlariga. |
2-darajali adliya maslahatchisi | — | O‘zbekiston Respublikasi Adliya vazirligi hamda Sud departamenti boshqarma boshliqlarining o‘rinbosarlariga, boshqarmalar bo‘limlari boshliqlariga; Qoraqalpog‘iston Respublikasi Adliya vazirining hamda viloyatlar va Toshkent shahar adliya boshqarmalari boshliqlarining o‘rinbosarlariga; Sud departamenti hududiy boshqarmalari boshliqlarining o‘rinbosarlariga; Toshkent yuridik kolleji direktoriga; Toshkent davlat yuridik instituti huzuridagi akademik litsey direktoriga; X.Sulaymonova nomidagi Respublika sud ekspertiza markazi boshlig‘ining o‘rinbosariga; Respublika yuristlar malakasini oshirish markazi direktorining o‘rinbosarlariga. |
3-darajali adliya maslahatchisi | — | O‘zbekiston Respublikasi Adliya vazirligining bosh konsultantlariga; Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari bo‘lim boshliqlariga; Sud departamentining bosh inspektorlariga; katta sud ijrochilariga; davlat notarial idoralarining katta notariuslariga; FHDY organlari mudirlariga; Toshkent yuridik kolleji direktorining o‘rinbosariga; Toshkent davlat yuridik instituti huzuridagi akademik litsey direktorining o‘rinbosariga. |
1-darajali yurist | — | O‘zbekiston Respublikasi Adliya vazirligining yetakchi konsultantlariga; Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalarining bosh konsultantlariga; Sud departamentining yetakchi inspektorlariga; Sud departamenti hududiy boshqarmalarining bosh inspektorlariga; sud ijrochilariga (martaba darajasida bo‘lish muddatiga qarab); davlat notarial idoralarining katta notariuslari o‘rinbosarlariga; notarial arxivlar mudirlariga; FHDY organlari mudirlarining o‘rinbosarlariga; FHDY organlari arxivlari mudirlariga. |
2-darajali yurist | — | O‘zbekiston Respublikasi Adliya vazirligining katta konsultantlariga; Qoraqalpog‘iston Respublikasi Adliya vazirligi hamda viloyatlar va Toshkent shahar adliya boshqarmalarining yetakchi konsultantlariga; Sud departamentining katta inspektorlariga; Sud departamenti hududiy boshqarmalarining yetakchi inspektorlariga; sud ijrochilariga (martaba darajasida bo‘lish muddatiga qarab); davlat notarial idoralarining notariuslariga; FHDY organlarining 1-toifali inspektorlariga. |
3-darajali yurist | — | Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalarining katta �onsultantlari va konsultantlariga; Sud departamenti hududiy boshqarmalarining katta inspektorlariga; sud ijrochilariga; notariuslar yordamchilariga; FHDY organlarining 2-toifali inspektorlariga. |
Keyingi tahrirga qarang.
Keyingi tahrirga qarang.
5. O‘zbekiston Respublikasi Haqiqiy davlat adliya maslahatchisi, 3, 2 va 1-darajali davlat adliya maslahatchilarining martaba darajalari O‘zbekiston Respublikasi Prezidenti tomonidan beriladi.
3, 2 va 1-darajali adliya maslahatchisi, shuningdek, 3, 2 va 1-darajali yurist martaba darajalari O‘zbekiston Respublikasi adliya vaziri tomonidan beriladi.
O‘zbekiston Respublikasi adliya vaziri O‘zbekiston Respublikasi adliya organlari va muassasalarining ushbu Nizomning 4-bandida ko‘rsatilmagan lavozimlarini 1-darajali adliya maslahatchisi va ungacha bo‘lgan martaba unvonlarini berish maqsadida mavjud lavozimlarga tenglashtirishga haqlidir.
Keyingi tahrirga qarang.
7. Mazkur Nizomning 5-bandiga muvofiq O‘zbekiston Respublikasi adliya organlari va muassasalari idoralari hamda davlat notariati xodimlariga 1-darajali davlat adliya maslahatchisigacha va 1-darajali davlat adliya maslahatchisi martabasini egallab turgan lavozimiga qaramasdan izchillikka va martabada bo‘lish muddatiga rioya qilmagan holda martaba darajasi berishga yo‘l qo‘yiladi.
a) ishda alohida o‘rnak ko‘rsatganligi yoki xizmat burchini namunali ijro etganligi uchun oldingi martaba darajasida xizmat qilishning belgilangan muddati tamom bo‘lgunga qadar martaba darajasi berishga;
b) izchillikka rioya qilmagan holda, lekin xodim yuqori lavozimga ko‘tarilayotganda ega bo‘lgan martabadan ikki daraja yuqori bo‘lmagan martaba darajasi berishga;
v) birinchi marta attestatsiyadan o‘tayotgan xodimlarga ular egallab turgan lavozim bo‘yicha nazarda tutilganidan bir daraja past martaba darajalari berishga haqlidir.
9. Tegishli malaka bo‘yicha ish tajribasiga ega bo‘lmagan shaxslarga martaba darajasi lavozimga tayinlangandan keyin kamida 6 oy o‘tgach beriladi.
10. O‘zbekiston Respublikasi adliya organlari va muassasalarining bir martaba darajasi belgilangan muddatda xizmat qilgan, lekin xizmat faoliyatida yoki xulq-atvorida jiddiy kamchiliklarga ega bo‘lgan xodimlariga navbatdagi martaba darajasi berilmaydi.
11. Martaba darajalari berilgan xodimlar ularda umrlarining oxirigacha bo‘ladilar hamda faqat O‘zbekiston Respublikasi adliya organlari va muassasalarida ishlash bilan muvofiq kelmaydigan xatti-harakatlari uchun ishdan bo‘shatilgan taqdirda ulardan mahrum qilinishi mumkin.
12. Xizmat burchini qo‘pol ravishda buzganligi, badnom qiluvchi nojo‘ya ish qilganligi yoki xizmat vazifalarini muntazam ravishda yetarlicha bajarmaganligi uchun xodimlarning martabasi pasaytirilishi mumkin, lekin ular ega bo‘lgan martaba darajasidan ikki daraja past bo‘lishi mumkin emas.
13. Martaba darajasidan mahrum qilish yoki uni pasaytirish martaba darajasi berish huquqiga ega bo‘lgan tegishli mansabdor shaxslar tomonidan amalga oshiriladi.
14. O‘zbekiston Respublikasi adliya organlari va muassasalari xodimlarini martaba darajalari bo‘yicha attestatsiyadan o‘tkazish tartibi O‘zbekiston Respublikasi Adliya vazirligi hay’ati tomonidan belgilanadi.
15. Adliya organlari va muassasalarining martaba darajalariga ega bo‘lgan xodimlarining lavozim maoshlariga O‘zbekiston Respublikasi Vazirlar Mahkamasi tomonidan belgilanadigan miqdorlarda qo‘shimcha haq to‘lanadi.
Adliya organlari va muassasalari xodimlarining lavozim maoshlariga qo‘shimcha haq Sudlar va adliya organlarini rivojlantirish jamg‘armasi mablag‘lari, shuningdek ularning faoliyatini moliyalashtirish uchun nazarda tutilgan boshqa manbalar hisobiga amalga oshiriladi.
Keyingi tahrirga qarang.
16. Martaba darajasiga ega bo‘lgan Sud departamenti xodimlari xizmat vazifalarini bajarishda belgilangan farqlash belgilari bo‘lgan formali kiyim-bosh kiyib yuradilar.
Martaba darajasiga ega bo‘lgan Sud departamenti xodimlarining formali kiyim-boshi va farqlash belgilari namunalari O‘zbekiston Respublikasi adliya vaziri tomonidan belgilanadi.
Keyingi tahrirga qarang.