LexUZ sharhi
Mazkur Farmon O‘zbekiston Respublikasi Prezidentining 2019-yil 14-yanvardagi PF-5630-sonli “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Qimmatli qog‘ozlar bozorining ishlash samaradorligini oshirish va uni davlat yo‘li bilan tartibga solish, uning qatnashchilari faoliyatini muvofiqlashtirish, sarmoyadorlarning huquq va manfaatlari ishonchli himoya qilinishini ta’minlash maqsadida:
1. O‘zbekiston Respublikasi Moliya vazirligi huzuridagi qimmatli qog‘ozlar va fond birjalari bo‘yicha Davlat komissiyasi negizida O‘zbekiston Respublikasi Davlat mulki qo‘mitasi huzuridagi qimmatli qog‘ozlar bozori ishlashini muvofiqlashtirish va nazorat qilish Markazi hamda uning joylarda O‘zbekiston Respublikasi Davlat mulki qo‘mitasi tuzilmalari tarkibida hududiy bo‘linmalari tashkil qilinsin.
Keyingi tahrirga qarang.
Keyingi tahrirga qarang.
2. O‘zbekiston Respublikasi Davlat mulki qo‘mitasi huzuridagi qimmatli qog‘ozlar bozori ishlashini muvofiqlashtirish va nazorat qilish Markazi faoliyatining asosiy vazifalari hamda yo‘nalishlari quyidagilardan iborat qilib belgilansin:
qimmatli qog‘ozlar bozorini shakllantirish, rivojlantirish, nazorat qilish va tartibga solish sohasida davlat siyosatini amalga oshirish;
respublikada ro‘yxatga olingan qimmatli qog‘ozlar chiqarilishi va bozor qatnashchilarining yagona reyestrlarini yuritish, qimmatli qog‘ozlar bozorining strukturasi va rivojlanishi to‘g‘risidagi ma’lumotlar bankini tashkil etish, qimmatli qog‘ozlar muomalasini tartibga solish, hisob-kitob va hisobotini yo‘lga qo‘yish;
barcha davlat organlari va xo‘jalik yurituvchi subyektlar tomonidan qimmatli qog‘ozlar to‘g‘risidagi qonunlar qanday bajarilayotganini nazorat qilish va ularning ijrosini ta’minlash;
o‘zbek va xorijiy emitentlarning qimmatli qog‘ozlar chiqarishlari hamda ularning milliy va xalqaro qimmatli qog‘ozlar bozorida samarali muomalada bo‘lishi uchun zarur huquqiy shart-sharoitlarni ta’minlovchi normativ hujjatlarni ishlab chiqish;
qimmatli qog‘ozlar bilan operatsiyalarni amalga oshiruvchi yuridik va jismoniy shaxslar — sarmoyadorlarning huquq va manfaatlarini himoya qilish;
qimmatli qog‘ozlar bozorining holati hamda uning qatnashchilari to‘g‘risida sarmoyadorlarni va jamoatchilikni keng xabardor qilish.
Keyingi tahrirga qarang.
O‘zbekiston Respublikasi Davlat mulki qo‘mitasi huzuridagi qimmatli qog‘ozlar bozori ishlashini muvofiqlashtirish va nazorat qilish Markazining o‘z vakolatlari doirasida qabul qilingan qarorlari davlat va mahalliy boshqaruv organlari, xo‘jalik yurituvchi subyektlar, qimmatli qog‘ozlar bozorining professional va noprofessional qatnashchilari, ularning birlashmalari (uyushmalari), shuningdek, O‘zbekiston Respublikasi va xorijiy davlatlarning O‘zbekiston Respublikasi hududida operatsiyalarni amalga oshiruvchi fuqarolari ijro etishlari uchun majburiy hisoblanadi;
qimmatli qog‘ozlar bozori ishlashini muvofiqlashtirish va nazorat qilish Markazining rahbari O‘zbekiston Respublikasining Vazirlar Mahkamasi tomonidan tayinlanadi va ayni vaqtda O‘zbekiston Respublikasi Davlat mulki qo‘mitasi raisining birinchi o‘rinbosari hisoblanadi;
Keyingi tahrirga qarang.
qimmatli qog‘ozlar bozori ishlashini muvofiqlashtirish va nazorat qilish Markazi huzurida shikoyat arizalarini ko‘rib chiqish bo‘yicha Kengashi tuziladi, uning shaxsiy tarkibi O‘zbekiston Respublikasining Vazirlar Mahkamasi tomonidan tasdiqlanadi.
Keyingi tahrirga qarang.
4. O‘zbekiston Respublikasi Davlat mulki qo‘mitasining, Respublika “Toshkent” fond birjasining qimmatli qog‘ozlar bozori qatnashchilariga maslahat-auditorlik va axborot xizmatlarini ko‘rsatuvchi nohukumat Agentligini tashkil qilish to‘g‘risidagi taklifi ma’qullansin.
O‘zbekiston Respublikasi Davlat mulki qo‘mitasi qimmatli qog‘ozlar bozori qatnashchilariga maslahat-auditorlik va axborot xizmatlarini ko‘rsatuvchi Agentlikka xususiylashtirishdan tushayotgan mablag‘lar hisobidan 20 million so‘m miqdorida qaytarib olinmaydigan bir yo‘la moliyaviy yordam bersin.
O‘zbekiston Respublikasi Davlat mulki qo‘mitasi, Moliya vazirligi, Adliya vazirligi manfaatdor tashkilotlar bilan birgalikda bir oy muddat ichida mazkur Agentlikni tuzish to‘g‘risidagi zarur takliflarni kiritsinlar.
LexUZ sharhi
Qarang: O‘zbekiston Respublikasi Vazirlar Mahkamasining 1996-yil 25-apreldagi 161-sonli “O‘zbekiston Respublikasida qimmatli qog‘ozlar bozori qatnashchilariga maslahat-auditorlik va axborot xizmatlari ko‘rsatish Agentligini tashkil etish va uning faoliyati masalalari to‘g‘risida”gi qarori.
5. O‘zbekiston Respublikasining Vazirlar Mahkamasi O‘zbekiston Respublikasi Davlat mulki qo‘mitasi huzuridagi qimmatli qog‘ozlar bozori ishlashini muvofiqlashtirish va nazorat qilish Markazining faoliyatini tashkil etish to‘g‘risida bir hafta muddat ichida qaror qabul qilib, Markazning strukturasini va uning to‘g‘risidagi Nizomni tasdiqlasin.
6. O‘zbekiston Respublikasi Prezidentining “Qimmatli qog‘ozlar bozorini rivojlantirishga oid qo‘shimcha chora-tadbirlar to‘g‘risida” 1995-yil 7-sentabrdagi Farmonining 1 — 4-bandlari o‘z kuchini yo‘qotgan deb hisoblansin.
Keyingi tahrirga qarang.