LexUZ sharhi
Mazkur Farmon O‘zbekistan Respublikasi Prezidentining 2021-yil 30-dekabrdagi PF-45-sonli “O‘zbekiston Respublikasi Prezidentining ayrim farmonlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi Farmoniga asosan o‘z kuchini yo‘qotgan.
Kapital qurilishda iqtisodiy islohotlarni yanada chuqurlashtirish, tarmoqda bozor iqtisodiyoti tamoyillari va talablariga mos keladigan xo‘jalik munosabatlarini keng joriy etish, pudrat, loyiha ishlari va qurilish materiallarining rivojlangan bozorlarini shakllantirish, qurilishda narx belgilash mexanizmini takomillashtirish, loyihalarni amalga oshirishning pirovard natijalari va samaradorligi uchun investitsiya jarayoni barcha qatnashchilarining mas’uliyatini oshirish maqsadida:
1. Quyidagilar kapital qurilishda iqtisodiy islohotlarni yanada chuqurlashtirishning asosiy yo‘nalishlari etib belgilansin:
2003-2004-yillarda loyiha va pudrat qurilish tashkilotlarini davlat tasarrufidan chiqarish hamda xususiylashtirish jarayonlarini to‘liq tugallash, ularning negizida asosan xususiy va qo‘shma korxonalar tashkil etish, loyiha va qurilish ishlari bozorida raqobat muhitini yaratish;
LexUZ sharhi
Batafsil ma’lumot uchun O‘zbekiston Respublikasi Vazirlar Mahkamasining 2003-yil 12-sentabrdagi 395-sonli qarori bilan tasdiqlangan 2003-2004-yillarda to‘liq xususiylashtiriladigan loyiha-qidiruv tashkilotlarining ro‘yxatiga qarang.
kapital qurilishda boshqaruv va xo‘jalik munosabatlari tizimiga bozor tamoyillari hamda mexanizmlarini keng joriy etish, loyiha va qurilish ishlarini bajarishga buyurtmalar joylashtirishda tanlov savdolari (tenderlar)ni tashkil etish darajasini oshirish;
qurilishni tashkil qilishning asosiy shakli sifatida inshootlarni to‘liq qurib bitkazishga o‘tish, ishlarni yuqori sifatli bajarish hamda inshootlarning to‘liq qurib bitkazilib topshirilishini ta’minlaydigan injiniring kompaniyalari va loyiha-qurilish tashkilotlarini tuzish;
qurilish materiallari bozorini kengaytirish, ularning ilg‘or turlarini ishlab chiqarishni o‘zlashtirish, qurilish industriyasi korxonalarida zamonaviy texnologiyalarni tadbiq etish.
Oldingi tahrirga qarang.
2. Belgilansinki, markazlashtirilgan manbalar hisobidan, shuningdek Hukumat kafolati bilan jalb etiladigan investitsiyalar hisobidan yangi korxonalar qurish, ularni kengaytirish, rekonstruksiya qilish va texnik jihatdan qayta qurollantirish faqat tanlov (tender) savdolari asosida kontrakt tuzgan holda ishlarni to‘liq bajarish sharti bilan amalga oshiriladi. Bunda tanlov (tender) savdolarini o‘tkazish majburiyati bitta kontrakt bo‘yicha qiymati 100 ming AQSh dollaridan ortiq ekvivalentda amalga oshiriladigan tovarlar (ishlar, xizmatlar)ni xarid qilishga tatbiq etiladi.
(2-bandning birinchi xatboshisi O‘zbekiston Respublikasi Prezidentining 2017-yil 3-noyabrdagi PF-5228-sonli Farmoni tahririda — Qonun hujjatlari ma’lumotlari milliy bazasi, 04.11.2017-y., 06/17/5228/0210-son)
O‘zbekiston Respublikasi Iqtisodiyot vazirligi, Davlat arxitektura va qurilish qo‘mitasi, Moliya vazirligi, Adliya vazirligi bir oy muddatda inshootlarni to‘liq qurib bitkazishni tashkil etish to‘g‘risidagi yangi Nizomni va Inshootlarni to‘liq qurib bitkazishning namunaviy pudrat shartnomasini Vazirlar Mahkamasiga tasdiqlash uchun taqdim etsinlar.
LexUZ sharhi
O‘zbekiston Respublikasi Vazirlar Mahkamasining 2003-yil 12-sentabrdagi 395-sonli qarori bilan tasdiqlangan Obyektlarni foydalanishga tayyor holda qurishga doir Namunaviy pudrat shartnomasiga qarang.
buyurtmachi ishlar (xizmatlar) bajarilishini loyiha qiymatining 30 foiziga qadar miqdorda avans bilan ta’minlashi, kelishilgan jadval bo‘yicha avansni hisobga olgan holda 50 foizga qadar miqdorda joriy moliyalashni amalga oshirishi hamda inshoot qurib bitkazilib, foydalanishga topshirilgandan keyin uzil-kesil hisob-kitob qilishi shart;
pudratchi inshootning buyurtmachiga tasdiqlangan loyiha va kontraktda shart qilib qo‘yilgan talablarga muvofiq topshirilishini ta’minlaydi hamda investitsiya jarayonining barcha bosqichlarida jami ishlarni amalga oshirish bo‘yicha kontraktning bajarilishi uchun, qurilish sifati va inshootning o‘z vaqtida topshirilishi uchun buyurtmachi oldida iqtisodiy jihatdan javobgar bo‘ladi;
pudratchi inshootni to‘liq qurib bitkazish bo‘yicha shartnoma majburiyatlarini bajarish uchun tijorat banklarining kreditlarini jalb etishi mumkin;
qurilishning pirovard moliyaviy natijalari va kontraktda belgilangan shartnomaviy narxga rioya etilishi uchun mas’uliyat pudratchi zimmasiga yuklanadi, uning amaliy qiymatini pasaytirish natijasida tejab qolingan mablag‘ esa uning ixtiyorida qoladi.
3. O‘zbekiston Respublikasi Moliya vazirligi Markaziy bank, tijorat banklari bilan birga bir oy muddatda pudrat tashkilotlarining aylanma mablag‘larini ko‘paytirish chora-tadbirlari to‘g‘risidagi takliflarni o‘rganib, Vazirlar Mahkamasiga kiritsin. Bunda qurilishni boshqarish tizimidagi bo‘g‘inlarni qisqartirish ko‘zda tutsin va undan bo‘shaydigan aktivlar pudrat tashkilotlarining aylanma mablag‘larini to‘ldirishga yo‘naltirilsin.
LexUZ sharhi
To‘liq ma’lumot uchun O‘zbekiston Respublikasi Vazirlar Mahkamasining 2003-yil 12-sentabrdagi 395-sonli “Kapital qurilishda xo‘jalik munosabatlari mexanizmini takomillashtirish chora-tadbirlari to‘g‘risida”gi qarorga qarang.
Oldingi tahrirga qarang.
pudrat ishlariga bitta kontrakt bo‘yicha qiymati 100 ming AQSh dollaridan ortiq ekvivalentda buyurtmalarni joylashtirish faqat tanlov savdolarini o‘tkazish shartlari asosida amalga oshiriladi;
(4-bandning ikkinchi xatboshisi O‘zbekiston Respublikasi Prezidentining 2017-yil 3-noyabrdagi PF-5228-sonli Farmoni tahririda — Qonun hujjatlari ma’lumotlari milliy bazasi, 04.11.2017-y., 06/17/5228/0210-son)
tanlov savdolari (tenderlar)da ishtirok etishga faqat ishlar (xizmatlar) qiymatining kamida 20 foizi miqdorida aylanma mablag‘lariga yoki mazkur mablag‘larni berish uchun bank kafilligiga ega bo‘lgan pudrat tashkilotlarigina qo‘yilishi mumkin.
O‘zbekiston Respublikasi Iqtisodiyot vazirligi, Davlat arxitektura va qurilish qo‘mitasi, Adliya vazirligi bir oy muddatda O‘zbekiston Respublikasi hududida kapital qurilishdagi tanlov savdolari to‘g‘risidagi nizomga o‘zgartirish va qo‘shimchalar kiritish bo‘yicha takliflarni Vazirlar Mahkamasiga taqdim etsinlar va bunda tanlov savdolari (tenderlar) o‘tkazish borasida belgilangan tartibni buzganlik uchun javobgarlikni kuchaytirish choralarini ko‘zda tutsinlar.
LexUZ sharhi
O‘zbekiston Respublikasi Vazirlar Mahkamasining 2003-yil 3-iyuldagi 302-sonli “Kapital qurilishda tanlov savdolari tizimini takomillashtirish chora-tadbirlari to‘g‘risida”gi qaroriga qarang.
5. Belgilab qo‘yilsinki, buyurtmachi bilan bosh pudratchi o‘rtasidagi, bosh pudratchi, subpudratchi, loyiha tashkilotlari hamda qurilish materiallari va konstruksiyalari yetkazib beruvchilar o‘rtasidagi barcha munosabatlar oraliq bo‘g‘inlarining ishtirokisiz faqat shartnoma munosabatlari asosida kontrakt tuzgan holda amalga oshiriladi.
Oldingi tahrirga qarang.
O‘zbekiston Respublikasi Iqtisodiyot vazirligi, Qurilish vazirligi, Adliya vazirligi manfaatdor idoralar bilan birga bir oy muddatda qurilishni kontrakt asosida tashkil etish to‘g‘risidagi nizomni tubdan qayta ishlab chiqib, Vazirlar Mahkamasiga tasdiqlash uchun taqdim etsinlar. Bunda buyurtmachi va pudratchining javobgarlik choralari aniq belgilanib, quyidagilar ko‘zda tutilsin:
(5-bandning ikkinchi xatboshisi O‘zbekiston Respublikasi Prezidentining 2018-yil 18-iyuldagi PF-5483-sonli Farmoni tahririda — Qonun hujjatlari ma’lumotlari milliy bazasi, 31.07.2018-y., 06/18/5483/1594-son)
buyurtmachi yerlarning o‘z vaqtida ajratilishi, buyurtmachining formati berilishi, tender hujjatlari tayyorlanishi, pudrat ishlariga tanlov savdosi (tender) ni tashkil etish va o‘tkazish, tuzilgan kontrakt (shartnoma)ga muvofiq kelishilgan grafik bo‘yicha o‘z vaqtida moliyalash uchun javobgar bo‘ladi;
pudratchi loyihaning ish hujjatlari tayyorlanishi va ekspertizadan o‘tkazilishi, ishlarning kontraktda kelishib olingan grafikka qat’iy muvofiq ravishda bajarilishi va inshootning o‘z vaqtida foydalanishga topshirishi uchun, belgilangan qurilish me’yorlari va qoidalariga qatiy rioya etilishi uchun javobgar bo‘ladi;
Oldingi tahrirga qarang.
inshootni foydalanishga qabul qilib olish buyurtmachi tomonidan qurilish sohasidagi nazorat bo‘yicha hududiy Inspeksiyalar ishtirokida belgilangan sifat standartlarini hisobga olgan holda ta’minlanadi, nuqsonlar mavjud bo‘lgan taqdirda esa nazoratni amalga oshirishga vakil qilingan organlarning xulosasi bo‘yicha sifatsiz bajarilgan qurilish-montaj ishlari qiymati miqdoridagi ishlarning hajmi chiqarib tashlanadi yoki nuqsonlar aybdor tomonning mablag‘lari hisobidan bartaraf etiladi;
(5-bandning beshinchi xatboshisi O‘zbekiston Respublikasi Prezidentining 2018-yil 18-iyuldagi PF-5483-sonli Farmoni tahririda — Qonun hujjatlari ma’lumotlari milliy bazasi, 31.07.2018-y., 06/18/5483/1594-son)
kontrakt shartlarini buzish bilan bog‘liq barcha sarf-xarajatlar va ko‘rilgan zararlar aybdor tomon — buyurtmachi yoki pudratchi mablag‘lari hisobidan qoplanadi.
6. O‘zbekiston Respublikasi Iqtisodiyot vazirligi, Davlat arxitektura va qurilish qo‘mitasi boshqa manfaatdor idoralar bilan birgalikda bir oy muddatda bosh pudratchilar va subpudratchilar, pudrat tashkilotlari hamda qurilish materiallari va konstruksiyalari yetkazib beruvchilar o‘rtasidagi o‘zaro munosabatlarning yagona namunaviy tartibini ishlab chiqib, Vazirlar Mahkamasiga tasdiqlash uchun taqdim etsinlar. Bunda qurilish materiallari va ishlarning qiymati sun’iy ravishda qimmatlashuvini bartaraf etish maqsadida munosabatlar tizimidagi oraliq bo‘g‘inlari hamda vositachi tashkilotlar tugatilishi ko‘zda tutilsin.
7. O‘zbekiston Respublikasi Moliya vazirligi Iqtisodiyot vazirligi, Davlat arxitektura va qurilish qo‘mitasi bilan birga ikki oy muddatda davlat mablag‘lari hisobidan qurilish ishlarini amalga oshiruvchi buyurtmachilarning faoliyatini tubdan takomillashtirish, shu jumladan inshootlar qurilishining borishi ustidan texnik nazoratni kuchaytirish, ularning ta’minot, savdo-vositachi tashkilotlarini hamda buyurtmachi nomidan ish ko‘ruvchi oraliq tuzilmalarini tugatish bo‘yicha Vazirlar Mahkamasiga takliflar kiritsin.
Oldingi tahrirga qarang.
(8-band O‘zbekiston Respublikasi Prezidentining 2018-yil 6-martdagi PF-5370-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 29.06.2020-y., 06/20/5370/0975-son)
9. Investitsiya loyihalarini amalga oshirish chog‘ida kapital qurilishda joriy shartnomaviy narxlarga o‘tish maqsadga muvofiq deb hisoblansin.
tanlov savdolari (tenderlar) natijalariga ko‘ra yangi quriladigan inshootlarga doir tuziladigan shartnomalar (kontraktlar) bo‘yicha joriy narxlarga o‘tish shartnoma (kontrakt) tuzilgan paytdan boshlab, o‘tuvchi inshootlar bo‘yicha esa — 2004-yil 1-yanvardan boshlab amalga oshiriladi;
davlat kapital qo‘yilmalari hisobiga moliyalashtiriladigan qurilish inshootlari bo‘yicha tanlov savdosi (tender) g‘oliblari bilan qurilishning birinchi yilida o‘zgartirilmaydigan va keyingi yillarda moddiy-texnika hamda boshqa resurslarga narxlar darajasi hisobga olingan holda aniqlashtiriladigan shartnomaviy narx bo‘yicha tegishli kontraktlar (pudrat shartnomalari) tuziladi.
Vazirlar Mahkamasi ikki hafta muddatda investitsiya loyihalarini amalga oshirishda joriy narxlarga o‘tish to‘g‘risida qaror qabul qilsin.
LexUZ sharhi
O‘zbekiston Respublikasi Vazirlar Mahkamasining 2003-yil 11-iyundagi 261-sonli “Markazlashtirilgan kapital qo‘yilmalar hisobiga ro‘yobga chiqarilayotgan investitsiya loyihalarini amalga oshirishda shartnomaviy joriy narxlarga o‘tish to‘g‘risida”gi qaroriga qarang.
Oldingi tahrirga qarang.
(10-band O‘zbekiston Respublikasi Prezidentining 2018-yil 18-iyuldagi PF-5483-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 31.07.2018-y., 06/18/5483/1594-son)
11. Qurilish materiallari, buyumlari va konstruksiyalarini ishlab chiqarishga ixtisoslashgan korxona va tashkilotlar 2008-yilning 1-yanvariga qadar ularni ishlab chiqarish uchun asbob-uskunalar va ularning butlovchi buyumlarini olib kelish chog‘ida bojxona to‘lovlarini to‘lashdan ozod qilinsinlar (bojxona rasmiylashtirishi uchun yig‘imlar bundan mustasno).
12. O‘zbekiston Respublikasi Moliya vazirligi, Davlat arxitektura va qurilish qo‘mitasi, Iqtisodiyot vazirligi huzuridagi Iqtisodiy nochor korxonalar ishlari qo‘mitasi ikki oy muddatda Vazirlar Mahkamasiga kapital qurilishda ijara va lizing xizmatlari tizimini joriy etish to‘g‘risida takliflar kiritsinlar. Bunda quyidagilar nazarda tutilsin:
lizing shartlari asosida foydalaniladigan yangi yuqori unumli qurilish mashinalari, transport vositalari va kichik mexanizatsiya vositalari sotib olishni moliyalash manbalari to‘g‘risida takliflar tayyorlash;
tugatilayotgan iqtisodiy nochor korxonalarning qurilish texnikasi, transport vositalari va kichik mexanizatsiya vositalarini ularning budjet oldidagi qarzlarini qoplash hisobiga lizing kompaniyalarining ustav sarmoyasiga o‘tkazish.
LexUZ sharhi
O‘zbekiston Respublikasi Vazirlar Mahkamasining 2003-yil 23-oktabrdagi 462-sonli “Kapital qurilishda ijara va lizing xizmatlari tizimini joriy etish to‘g‘risida”gi qaroriga qarang.
13. O‘zbekiston Respublikasi Adliya vazirligi Iqtisodiyot vazirligi, Davlat arxitektura va qurilish qo‘mitasi, boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan o‘zgartirish va qo‘shimchalar kiritish to‘g‘risidagi takliflarni Vazirlar Mahkamasiga taqdim etsin.
14. Ushbu Farmonning bajarilishini nazorat qilish O‘zbekiston Respublikasi Bosh vazirining birinchi o‘rinbosari K. N. To‘laganov va O‘zbekiston Respublikasi Bosh vazirining o‘rinbosari R. S. Azimov zimmalariga yuklatilsin.