LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Ishlab chiqarilayotgan mahsulot uchun hisob-kitoblar tizimini mustahkamlash, tijorat banklari, korxonalar va tashkilotlarning to‘lov intizomiga rioya qilish uchun javobgarligini oshirish, o‘zaro qarzlarni qisqartirishni ta’minlash maqsadida:
1. O‘zbekiston Respublikasi Tashqi iqtisodiy faoliyat milliy banki, “O‘zsanoatqurilishbank”, “Paxta bank”, “G‘alla-bank”, “Mevasabzavotbank” va boshqa tijorat banklari korxonalar va tashkilotlar tomonidan kafolatlangan to‘lovlarsiz mahsulot yetkazib berilishiga yo‘l qo‘ymagan holda, ularning o‘zaro hisob-kitoblari tizimi ustidan qattiq nazorat o‘rnatsinlar.
Belgilab qo‘yilsinki, xo‘jalik yurituvchi subyektlarning muddati o‘tkazib yuborilgan debitorlik va kreditorlik qarzlari hosil bo‘lganligi uchun tijorat banklarning rahbarlari korxonalar va tashkilotlarning rahbarlari bilan birgalikda shaxsan javob beradilar.
Keyingi tahrirga qarang.
2. Vazirliklar, idoralar, konsernlar, korporatsiyalar, uyushmalar, mulkchilik shakllaridan qat’i nazar, korxonalar va tashkilotlar:
respublika iste’molchilariga mahsulotlarni yetkazib berish hajmining kamida 15 foiziga oldindan haq to‘langan holdagina yuklab jo‘natsinlar;
Keyingi tahrirga qarang.
Oldingi tahrirga qarang.
xaridorlarga xizmat ko‘rsatuvchi vakolatli banklarning kafolatlari mavjud bo‘lganda, eksportga mahsulot yetkazib berish (xizmat ko‘rsatish) yuzasidan kontraktlar tuzsinlar va ularni bajarsinlar.
(2-bandning uchinchi xatboshisi O‘zbekiston Respublikasi Prezidentining 1998-yil 16-apreldagi PF-1988-sonli Farmoni tahririda)
Oldingi tahrirga qarang.
3. O‘zbekiston Respublikasi Davlat bojxona qo‘mitasi xaridorlarga xizmat ko‘rsatuvchi banklarning kafolati olingani to‘g‘risida vakolatli bankning tasdiqlovchi hujjatlari mavjud bo‘lmagan taqdirda tovar-moddiy boyliklarning respublikadan tashqariga chiqarilishiga yo‘l qo‘ymasin.
(3-band O‘zbekiston Respublikasi Prezidentining 1998-yil 16-apreldagi PF-1988-sonli Farmoni tahririda)
4. O‘zbekiston Respublikasi Moliya vazirligi, Davlat bojxona qo‘mitasi 1996-yil 1-fevraldan boshlab buxgalteriya hisobi tizimiga korxona va tashkilotlar balanslarida to‘lov muddati o‘tib ketgan debitorlik va kreditorlik qarzlarni ajratib ko‘rsatish joriy etilsin.
Oldingi tahrirga qarang.
5. O‘zbekiston Respublikasi Adliya vazirligi Moliya vazirligi, Markaziy bank va Davlat bojxona qo‘mitasi bilan birgalikda bir oy muddatda amaldagi qonunchilikka ushbu Farmondan kelib chiqadigan o‘zgartirishlar va qo‘shimchalarni kiritish yuzasidan takliflar tayyorlasin.
(5-band O‘zbekiston Respublikasi Prezidentining 1998-yil 16-apreldagi PF-1988-sonli Farmoni tahririda)