Qayd etib o‘tilsinki, respublikada Sog‘liqni saqlash tizimini isloh qilishning birinchi bosqichi umuman muvaffaqiyatli amalga oshirilmoqda. Kechiktirib bo‘lmaydigan tez tibbiy yordam tizimi — Respublika shoshilinch tibbiy yordam markazi, viloyat markazlari va tuman markaziy shifoxonalarida ixtisoslashtirilgan bo‘limlar tuzilgan bo‘lib, ular aholiga tezkor bepul shoshilinch tibbiy yordam ko‘rsatilishini ta’minlamoqda.
Kechiktirib bo‘lmaydigan tez tibbiy yordam muassasalari zamonaviy tashxis va davolash uskunalari bilan jihozlanmoqda.
Shifokorlarning malakasi hamda zamonaviy tibbiy texnika bilan jihozlashni hisobga olgan holda kechiktirib bo‘lmaydigan tez tibbiy yordam tizimi shifokorlari hamda tibbiyot xodimlarining mehnatini tashkil etish va moddiy rag‘batlantirish tizimi muttasil takomillashtirib borilmoqda.
Aholiga, eng avvalo qishloq joylardagi aholiga birlamchi tibbiy-sanitariya yordami tizimi isloh qilinmoqda. Respublikaning barcha tumanlarida zamonaviy tibbiy uskunalar va dori-darmonlar bilan ta’minlangan qishloq vrachlik punktlari tashkil etilmoqda.
Sog‘liqni saqlash tizimidagi islohotlarni yanada chuqurlashtirish, respublikada yuksak jahon talablari darajasidagi yuqori texnologiyali ixtisoslashtirilgan tibbiy markazlarni shakllantirish, Ilg‘or tibbiy texnologiyalarni keng joriy etishning tashkiliy, moliyaviy-iqtisodiy va huquqiy shart-sharoitlarini vujudga keltirish maqsadida:
1. Ilg‘or chet el tajribasini hisobga olgan holda yuqori malakali ixtisoslashtirilgan tibbiy yordamga muhtoj bemorlarni qabul qiluvchi hamda zamonaviy tashxis va davolash tibbiy uskunalaridan foydalanib davolaydigan maxsus klinikalar va tibbiy markazlarni tashkil etish O‘zbekistonda sog‘liqni saqlash tizimini isloh qilish ikkinchi bosqichining eng muhim vazifasi deb hisoblansin.
2. Belgilab qo‘yilsinki, maxsus klinikalar va tibbiy markazlar, qoida tariqasida, quyidagi talablarga mos kelishi lozim:
yaxshi tayyorgarlik ko‘rgan va o‘z tibbiyot sohasida tan olingan hamda yuksak obro‘-e’tibor qozongan shifokor-mutaxassislarga ega bo‘lish;
yuqori texnologiyali tashxis va davolash tibbiy uskunalari bilan jihozlangan zamonaviy moddiy-texnika bazasiga ega bo‘lish;
o‘z tibbiy amaliyotida yuksak jahon talablariga mos keladigan davolash va tashxisning murakkab usullarini joriy etish hamda keng qo‘llash.
3. O‘zbekiston Respublikasi Vazirlar Mahkamasi Ijtimoiy kompleksi, Sog‘liqni saqlash vazirligi va Moliya vazirligining tajriba tariqasida quyidagilarni tashkil etish to‘g‘risidagi taklifi qabul qilinsin:
Keyingi tahrirga qarang.
O‘zbekiston Respublikasi Sog‘liqni saqlash vazirligining Urologiya ilmiy markazi negizida Respublika ixtisoslashtirilgan urologiya markazi;
O‘zbekiston Respublikasi Sog‘liqni saqlash vazirligining akademik V. Vohidov nomidagi Jarrohlik ilmiy markazi negizida Respublika ixtisoslashtirilgan jarrohlik markazi;
Toshkent shahridagi Toshkent viloyat ko‘z mikroxirurgiyasi markazi negizida Respublika ixtisoslashtirilgan ko‘z mikroxirurgiyasi markazi;
Kardiologiya ilmiy-tadqiqot instituti va Toshkent shahridagi 15-shahar klinik shifoxonasi negizida Respublika ixtisoslashtirilgan kardiologiya markazi.
Keyingi tahrirga qarang.
4. Quyidagilar tashkil etilayotgan ixtisoslashtirilgan tibbiy markazlarning asosiy vazifalari etib belgilansin:
Markaz faoliyatining tegishli sohasi bo‘yicha zamonaviy tashxis usullarini joriy etish hamda aholiga yuqori malakali ixtisoslashtirilgan tibbiy yordam ko‘rsatish;
mavjud tibbiy texnika va apparatlarning doimiy yangilanib va zamonaviylashtirib borilishini ta’minlash, markazni ilg‘or jahon yutuqlari darajasida yuqori malakali ixtisoslashtirilgan tibbiy yordam ko‘rsatish imkonini beradigan zamonaviy tibbiy asbob-uskunalar bilan jihozlash;
Markazning o‘zini-o‘zi moliyalash va o‘zini-o‘zi qoplash shartlari asosida faoliyat ko‘rsatishini ta’minlash uchun moliyaviy va moddiy-texnikaviy resurslarni jalb etish borasidagi menejment va marketing ishlarini tashkil etish;
Markaz tibbiyot xodimlarining, shu jumladan mutaxassislarning yetakchi xorijiy tibbiyot o‘quv muassasalari va klinikalarda amaliy malaka orttirishlarini tashkil etish hisobiga kasb mahoratini doimiy oshirib borish va takomillashtirish;
bemorlarni davolashning o‘z ilg‘or usullari va texnologiyalarini ishlab chiqish hamda tibbiy amaliyotga joriy etishga qaratilgan ilmiy tadqiqotlar o‘tkazish;
sohaga aloqador ilg‘or xorijiy tibbiyot muassasalari va markazlari bilan xalqaro hamkorlikni kengaytirish hamda mustahkamlash, axborot, to‘plangan tajriba va mutaxassislarni keng ko‘lamda ayirboshlashni ta’minlash.
Keyingi tahrirga qarang.
davlat nomidan O‘zbekiston Respublikasi Davlat mulki qo‘mitasi va Moliya vazirligi hamda Markaz Kengashi timsolida Markazning mehnat jamoasi Respublika ixtisoslashtirilgan tibbiy markazlarning muassislari hisoblanadilar;
Keyingi tahrirga qarang.
davlatga tegishli mulk ishonchli boshqaruv huquqi bilan Markazning ustav jamg‘armasiga topshiriladi;
davlat tomonidan madadga muhtoj bo‘lgan shaxslar (imtiyozli toifadagi shaxslar)ga davlat budjeti mablag‘lari hisobidan yuqori malakali ixtisoslashtirilgan tibbiy yordam ko‘rsatiladi;
Markazning faoliyati davlat budjeti mablag‘lari, Markazning o‘z daromadlari va jalb etiladigan manbalar (grantlar, homiylarning mablag‘lari va boshqalar) hisobiga aralash asosda moliyalanadi. Bunda davlat budjeti mablag‘lari har bir Markazga O‘zbekiston Respublikasi Sog‘liqni saqlash vazirligi orqali xarajat moddalari bo‘yicha taqsimlanmagan holda alohida satr bilan ajratiladi.
6. O‘zbekiston Respublikasi Moliya vazirligi har yilgi respublika budjetlarini shakllantirish chog‘ida Sog‘liqni saqlash vazirligi bilan birgalikda 2004-yildan boshlab Respublika ixtisoslashtirilgan markazlarining uzog‘i bilan 2008-yilda o‘zini-o‘zi moliyalash va o‘zini-o‘zi qoplashga o‘tishini nazarda tutgan holda ushbu Markazlarni saqlashga budjet mablag‘larining joriy xarajatlari bosqichma-bosqich kamaytirib borilishini ko‘zda tutsin.
Keyingi tahrirga qarang.
7. O‘zbekiston Respublikasi Davlat mulki qo‘mitasi, Moliya vazirligi respublika ixtisoslashtirilgan markazlari faoliyatining natijalarini hisobga olgan holda 2006-yilning 1-yanvariga borib Markazlarning ustav jamg‘armasiga topshirilgan davlat mulkini imtiyozli shartlar bilan mehnat jamoasiga mulk sifatida sotish to‘g‘risidagi takliflarni Vazirlar Mahkamasiga taqdim etsin.
8. Markaz mehnat jamoasining umumiy yig‘ilishi tomonidan saylanadigan Markaz Kengashi Respublika ixtisoslashtirilgan tibbiy markazining yuqori boshqaruv organi deb hisoblanishi belgilab qo‘yilsin.
Keyingi tahrirga qarang.
Kengash a’zolari ichidan O‘zbekiston Respublikasi Sog‘liqni saqlash vazirligining taqdimnomasi bo‘yicha Hukumat qarori bilan tayinlanadigan direktor Markaz Kengashining raisi hisoblanadi.
lavozimlar ro‘yxatini mustaqil ravishda ishlab chiqish va tasdiqlash, Markaz xodimlarining mehnatiga haq to‘lash va moddiy rag‘batlantirish shartlarini bajariladigan ishlarning murakkablik darajasi, sifati va hajmiga nisbatan tabaqalashtirilgan tarzda belgilash.
Respublika ixtisoslashtirilgan tibbiy markazini barpo etish va uning faoliyatini tashkil qilish tartibi to‘g‘risida 1-ilovaga muvofiq Nizom;
Keyingi tahrirga qarang.
Respublika ixtisoslashtirilgan markazlari tomonidan davlat budjeti mablag‘lari hisobiga tibbiy yordam ko‘rsatiladigan imtiyozli toifadagi shaxslarning 2-ilovaga muvofiq ro‘yxati.
Keyingi tahrirga qarang.
11. O‘zbekiston Respublikasi Moliya vazirligi, Sog‘liqni saqlash vazirligi tashkil qilinayotgan ixtisoslashtirilgan markazlar bilan birgalikda bir oy muddatda belgilangan tartibda quyidagilarni ishlab chiqib, tasdiqlasin:
tashxis va davolash sifati standartlariga rioya etgan holda yuqori malakali ixtisoslashtirilgan tibbiy yordam ko‘rsatish bo‘yicha Respublika markazlari tomonidan aholiga pulli xizmat ko‘rsatish qoidalari;
LexUZ sharhi
O‘zbekiston Respublikasi Vazirlar Mahkamasining 2004-yil 8-iyundagi 264-sonli qarori bilan tasdiqlangan Respublika ixtisoslashtirilgan tibbiyot markazlari tomonidan tashxis qo‘yish va davolash sifati standartlariga rioya qilgan holda aholiga pulli asosda yuqori malakali ixtisoslashtirilgan tibbiy yordam ko‘rsatish qoidalariga qarang.
LexUZ sharhi
O‘zbekiston Respublikasi Vazirlar Mahkamasining 2004-yil 8-iyundagi 264-sonli qarori bilan tasdiqlangan Respublika ixtisoslashtirilgan markazlari daromadlarini shakllantirishning asosiy manbalari va ular faoliyatini moliyalashtirish tartibi to‘g‘risida nizomga qarang.
ixtisoslashtirilgan markazlar tomonidan pulli tibbiy yordam ko‘rsatish uchun tariflarni shakllantirish va tasdiqlash tartibi;
imtiyozli toifadagi bemorlarni davolash haqini davlat budjeti mablag‘lari hisobidan to‘lash tartibi.
LexUZ sharhi
O‘zbekiston Respublikasi Vazirlar Mahkamasining 2004-yil 8-iyundagi 264-sonli qarori bilan tasdiqlangan Imtiyozli toifaga kiruvchi bemorlarga order berish, ularni shifoxonaga joylashtirish va davlat budjeti mablag‘lari hisobiga davolash qiymatini to‘lash tartibiga qarang.
O‘zbekiston Respublikasi Moliya vazirligi Respublika ixtisoslashtirilgan markazlarining budjet mablag‘laridan, tasdiqlangan tariflardan maqsadli va qonuniy foydalanishi ustidan qat’iy nazorat o‘rnatsin.
Keyingi tahrirga qarang.
12. O‘zbekiston Respublikasi Sog‘liqni saqlash vazirligi Iqtisodiyot vazirligi, Moliya vazirligi bilan birgalikda bir oy muddatda mazkur Respublika ixtisoslashtirilgan markazlarini davolash va tashxis uskunalari, tibbiyot asboblari bilan jihozlash normativlarini ishlab chiqib, Vazirlar Mahkamasiga tasdiqlash uchun kiritsin, ana shu normativlar asosida 2003-yildan boshlab respublika investitsiya dasturlarida ularni zamonaviy tibbiyot uskunalari va asboblari bilan to‘liq ta’minlash uchun zarur kapital mablag‘lar ko‘zda tutilsin.
13. Davlat tomonidan qo‘llab-quvvatlash maqsadida ushbu Respublika ixtisoslashtirilgan markazlari o‘z ehtiyojlari uchun olib kelinadigan tibbiyot uskunalari va asboblari uchun 2003-yilning 1-martidan to 2012-yilning 31-dekabriga qadar 10 yil muddatga barcha turdagi soliqlar, bojxona to‘lovlari (bojxona rasmiylashtiruvi uchun yig‘imlardan tashqari) to‘lashdan ozod qilinsin, bo‘shaydigan mablag‘lar Markazlarni rivojlantirish va jihozlashga maqsadli tarzda yo‘naltirilsin.
14. O‘zbekiston Respublikasi Moliya vazirligi, Sog‘liqni saqlash vazirligi Respublika ixtisoslashtirilgan markazlari va boshqa manfaatdor tuzilmalar bilan birgalikda 2003-yilda amalga oshiriladigan tajriba tahlili natijalari bo‘yicha Markazlarning normativ bazasini, ular faoliyatini tashkil etish va moliyalash tizimini yanada takomillashtirish yuzasidan Vazirlar Mahkamasiga aniq takliflar kiritsin.
15. O‘zbekiston Respublikasi Adliya vazirligi tegishli vazirliklar va idoralar bilan birgalikda bir oy muddatda amaldagi qonunchilikka ushbu Farmondan kelib chiqadigan o‘zgartish va qo‘shimchalar kiritish to‘g‘risidagi takliflarni Vazirlar Mahkamasiga taqdim etsin.
16. O‘zbekiston Respublikasi Vazirlar Mahkamasi ikki hafta muddatda mazkur Farmonni ijro etish yuzasidan Hukumat qarorini qabul qilsin.
LexUZ sharhi
O‘zbekiston Respublikasi Vazirlar Mahkamasining 2003-yil 17-martdagi 140-sonli “Respublika ixtisoslashtirilgan tibbiyot markazlari faoliyatini tashkil etish masalalari to‘g‘risida”gi va O‘zbekiston Respublikasi Vazirlar Mahkamasining 2004-yil 8-iyundagi 264-sonli “Sog‘liqni saqlash tizimida eksperimentni tugallash va islohotlarni chuqurlashtirish chora-tadbirlari to‘g‘risida”gi qarorlariga qarang.
17. Ushbu Farmonning ijrosini nazorat qilish O‘zbekiston Respublikasi Bosh vaziri O‘. T. Sultonov zimmasiga yuklatilsin.
Ushbu Nizom Respublika ixtisoslashtirilgan tibbiy markazlar va klinikalarni (quyida — “Markaz” deb yuritiladi) barpo etish, faoliyatini tashkil qilish va moliyalash tartibini belgilab beradi.
1. Markaz Hukumat qarori asosida muayyan soha bo‘yicha davolash-profilaktika va ilmiy-metodik faoliyatni amalga oshiruvchi hamda aholiga yuqori malakali ixtisoslashtirilgan tibbiy yordam ko‘rsatuvchi mustaqil ixtisoslashtirilgan tibbiy muassasa sifatida barpo etiladi.
2. Markaz o‘z faoliyatida O‘zbekiston Respublikasining qonunlariga, O‘zbekiston Respublikasi Prezidentining farmon va farmoyishlariga, O‘zbekiston Respublikasi Vazirlar Mahkamasining qaror va farmoyishlariga, shuningdek ushbu Nizomga amal qiladi.
yaxshi tayyorgarlik ko‘rgan va o‘z tibbiyot sohasida tan olingan hamda yuksak obro‘-e’tibor qozongan shifokor-mutaxassislarga ega bo‘lish;
yuqori texnologiyali tashxis va davolash uskunalari bilan jihozlangan zamonaviy moddiy-texnika bazasiga ega bo‘lish;
o‘z tibbiy faoliyatida jahon standartlariga mos keladigan davolash va tashxisning murakkab usullarini joriy etish hamda keng qo‘llash.
yuksak sifatli va jahon standartlari darajasida ixtisoslashtirilgan tibbiy yordam ko‘rsatishi lozim bo‘lgan yuqori texnologiyali moddiy va ilmiy bazani hamda o‘z tibbiyot maktabini shakllantirish;
aholining tashxis, davolash va profilaktika bo‘yicha ixtisoslashtirilgan, yuqori texnologiyali tibbiy yordamga bo‘lgan talab-ehtiyojini qondirish.
a) zamonaviy tashxis usullarini joriy etish hamda quyidagilarga yuqori malakali ixtisoslashtirilgan tibbiy yordam ko‘rsatish:
davlat tomonidan madadga muhtoj bo‘lgan shaxslar (imtiyozli toifadagi shaxslarga) davlat budjeti mablag‘lari hisobidan poliklinikalarning mavjud o‘rin fondi va qabul qilish quvvatining 20 foiziga qadar hajmda;
O‘zbekiston Respublikasi fuqarolariga, shuningdek xorijiy fuqarolar va fuqaroligi bo‘lmagan shaxslarga asosan pulli tibbiy xizmat ko‘rsatish;
b) mavjud tibbiy texnika va apparatlarning doimiy yangilanib va zamonaviylashtirib borilishini ta’minlash, Markazni ilg‘or jahon yutuqlari darajasida yuqori malakali ixtisoslashtirilgan tibbiy yordam ko‘rsatish imkonini beradigan zamonaviy tibbiy asbob-uskunalar bilan jihozlash;
v) Markazning o‘zini-o‘zi to‘liq moliyalash va o‘zini-o‘zi qoplash shartlari asosida faoliyat ko‘rsatishini ta’minlash uchun moliyaviy va moddiy-texnikaviy resurslarni jalb etish borasidagi menejment va marketing ishlarini tashkil etish;
g) Markaz tibbiyot xodimlarining, shu jumladan mutaxassislarning yetakchi xorijiy tibbiyot o‘quv muassasalari va klinikalarda amaliy malaka orttirishlarini tashkil etish hisobiga kasb mahoratini doimiy oshirib borish va takomillashtirish;
d) bemorlarni davolashning o‘z ilg‘or usullari va texnologiyalarini ishlab chiqish hamda tibbiy amaliyotga joriy etishga qaratilgan ilmiy tadqiqotlar o‘tkazish;
e) Markaz yo‘nalishlari bo‘yicha kasalliklarni davolash va tashxis qo‘yishning patentlangan o‘z usullari hamda texnologiyalarini muttasil takomillashtirib borish va xalqaro miqyosda e’tirof etilishiga erishish;
j) tibbiyot sohasida respublika maqsadli dasturlarini ishlab chiqish va amalga oshirishda faol qatnashish;
z) sohaga aloqador ilg‘or xorijiy tibbiyot muassasalari va markazlari bilan xalqaro hamkorlikni kengaytirish hamda mustahkamlash, axborot, to‘plangan tajriba va mutaxassislarni keng ko‘lamda ayirboshlashni ta’minlash.
respublika aholisining jahon standartlari darajasida o‘z sohasi bo‘yicha kasalliklarga tashxis qo‘yish, ularni davolash va oldini olishning eng samarali, murakkab va yuqori texnologiyali usullariga bo‘lgan ehtiyojini ta’minlaydi;
tibbiyotning aniq bir sohasida kasalliklarga tashxis qo‘yish, ularni davolash va oldini olishning ilg‘or samarali usullari hamda texnologiyalarini ishlab chiqib, tadbiq etadi;
shifokor-mutaxassislarning o‘z maktabini shakllantiradi va rivojlantiradi hamda respublikaning boshqa muassasalarini o‘z sohasi bo‘yicha yuqori malakali mutaxassislar bilan ta’minlaydi;
Markaz yo‘nalishlari bo‘yicha dori-darmonlarni, tibbiy ahamiyatdagi vositalarni hamda kasalliklarga tashxis qo‘yish va ularni davolash usullarini ishlab chiqadi, tayyorlab chiqaradi va klinik sinovlarini amalga oshiradi;
o‘z sohasi bo‘yicha ilmiy-tadqiqot faoliyatini amalga oshiradi hamda Markaz tomonidan ishlab chiqilgan tashxis va davolash uslublarini respublikaning boshqa tibbiyot muassasalarida keng joriy etish bo‘yicha metodologik ishlarni olib boradi;
Oldingi tahrirga qarang.
Markazni ixtisoslashtirish asosida tibbiyot sohasidagi ilmiy-tadqiqotlarni rivojlantirishning ustuvor yo‘nalishlari bo‘yicha takliflarni O‘zbekiston Respublikasi Sog‘liqni saqlash vazirligiga ko‘rib chiqish uchun kiritadi;
(6-bandning yettinchi xatboshisi O‘zbekiston Respublikasi Prezidentining 2006-yil 4-oktabrdagi PF–3806-son Farmoni tahririda — O‘zbekiston Respublikasi qonun hujjatlari to‘plami, 2006-y., 40-son, 394-modda)
Markaz faoliyati sohalari bo‘yicha o‘zining ilmiy, o‘quv-uslubiy va axborot-ma’lumotnoma materiallarini tayyorlaydi hamda nashr etadi.
7. Markaz barcha faoliyat sohalaridagi o‘z munosabatlarini shartnoma, bitim, kontraktlar asosida tashkil etadi hamda ularni O‘zbekiston Respublikasi qonunchiligi, shuningdek Markaz faoliyati maqsad va mavzusi doirasida yuridik hamda jismoniy shaxslar bilan tuzadi.
Oldingi tahrirga qarang.
Keyingi tahrirga qarang.
8. Markaz ko‘rsatilayotgan barcha turdagi tibbiy xizmatlar, bajariladigan ishlar, ishlab chiqariladigan va sotiladigan mahsulotlarning tarif va narxlarini O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi hamda Moliya vazirligi bilan kelishilgan holda mustaqil belgilashga haqlidir.
(8-band O‘zbekiston Respublikasi Prezidentining 2010-yil 28-apreldagi PF-4215-sonli Farmoni tahririda — O‘R QHT, 2010-y., 17-son, 130-modda)
9. Markaz mo‘ljallangan maqsadlarga erishish va zimmasiga yuklangan vazifalarni bajarish uchun belgilangan tartibda quyidagi huquqlarga ega:
rivojlanish biznes-rejalarini, o‘z budjetini mustaqil ravishda shakllantirish, ularning hajmlari, xarajatlarni shakllantirish va yo‘naltirish manbalarini belgilash;
belgilangan tartibda asosiy vositalarni ijaraga olish, kreditlar, qarzlar, grantlarni va boshqa moliyaviy yordamni jalb etish;
amaldagi qonunchilikka muvofiq Markaz xodimlarining mehnatiga haq to‘lash va moddiy rag‘batlantirish miqdorlarini budjet mablag‘lari hamda pulli tibbiy xizmat ko‘rsatishdan olinadigan daromadlar doirasida mustaqil belgilash;
Markaz faoliyati yo‘nalishlari bo‘yicha ilmiy-tadqiqotlarni o‘tkazish uchun davlat budjetidan grantlar olish maqsadida tanlovlarda ishtirok etish;
xo‘jalik faoliyatini amalga oshirish jarayonida yaratilgan aqliy mulk obyektlariga nisbatan mualliflik huquqlarini olish va foydalanish;
O‘zbekiston Respublikasining qonunchiligiga hamda O‘zbekiston Respublikasining xalqaro shartnomalariga muvofiq xorijiy yuridik shaxslar bilan ilmiy va ilmiy-texnikaviy hamkorlikni hamda tashqi iqtisodiy faoliyatni amalga oshirish;
O‘zbekiston Respublikasining qonunchiligiga, Markaz faoliyatining maqsad va vazifalariga zid bo‘lmagan boshqa turdagi ishlarni amalga oshirish.
soha bo‘yicha yuqori malakali ixtisoslashtirilgan tibbiy yordamga muhtoj bemorlarga tashxis qo‘yish va ularni davolash sifati hamda standartlarini zamonaviy jahon talablari darajasida saqlash va rivojlantirishni ta’minlash;
tasdiqlangan tariflar bo‘yicha aholiga yuqori malakali ixtisoslashtirilgan tibbiy yordam ko‘rsatish;
imtiyozli toifadagi bemorlarga poliklinikalarning mavjud o‘rin fondi va qabul qilish quvvatining 20 foiziga qadar hajmda yuqori malakali ixtisoslashtirilgan bepul yordam ko‘rsatish;
Markaz xodimlarini tegishli sohadagi yetakchi xorijiy klinikalarda tor ixtisoslar bo‘yicha muntazam suratda qayta tayyorlash va malakasini oshirish;
Markaz xodimlariga mehnatni tashkil etish va unga haq to‘lashning qonunchilikda ko‘zda tutilgan shart-sharoitlarini, xavfsizlik texnikasini ta’minlash, ijtimoiy ta’minot va aniq ijtimoiy muhofazani kafolatlash;
Markazning moddiy-texnika bazasini o‘z mablag‘lari hisobiga zamonaviy tibbiy texnika va texnologiyalar bilan mustahkamlash hamda rivojlantirish;
11. Markaz direktori, shuningdek daxldor xodimlar Markaz xodimlarining aybi bilan inson sog‘ligiga ziyon yetkazilgan yoki nobud bo‘lgan hollar uchun to‘la moddiy, ma’muriy va jinoiy javobgarlikka tortiladilar.
12. Davlat nomidan O‘zbekiston Respublikasi Davlat mulki qo‘mitasi va Moliya vazirligi hamda Markazning mehnat jamoasi Markaz muassislari hisoblanadilar, Markaz Kengashi uning manfaatlarini ifoda etadi.
Keyingi tahrirga qarang.
asosiy vositalar (tibbiyot muassasasining binolari va inshootlari, tibbiy uskunalar, asboblar va anjomlar hamda boshqalar) holidagi davlat mulki va oborotdan tashqari aktivlar;
tibbiy xizmatlar, ishlar va mahsulotlarni sotishdan olinadigan, moddiy-texnika bazasini rivojlantirishga hamda tibbiy uskunalar va texnologiyalarni sotib olishga sarflanadigan daromadlar;
14. Markazning ustav jamg‘armasiga topshiriladigan davlat mulkining qiymati O‘zbekiston Respublikasi Davlat mulki qo‘mitasi tomonidan Markaz ta’sis etilgan paytda belgilanadi.
Keyingi tahrirga qarang.
Davlat mulki Markazga ishonchli boshqaruv huquqi bilan Markaz maqsadlari va vazifalariga qat’iy muvofiq ravishda foydalanish uchun topshiriladi.
15. Markazning moddiy-texnika bazasini rivojlantirish va zamonaviy tibbiy uskunalar sotib olishga yo‘naltiriladigan daromadlari mehnat jamoasining ulushi sifatida ustav jamg‘armasiga qo‘shiladi.
16. Markazning ustav jamg‘armasiga topshirilgan davlat mulki O‘zbekiston Respublikasi Vazirlar Mahkamasining qaroriga binoan imtiyozli shartlar bilan uning mehnat jamoasiga mulk sifatida sotilishi mumkin.
17. Markaz yuridik shaxs sifatida o‘zi joylashgan yer maydoniga O‘zbekiston Respublikasining Yer kodeksi va boshqa qonun hujjatlariga muvofiq doimiy egalik qilish hamda foydalanish huquqi bilan egalik qiladi.
18. Markazning davlat egaligidagi mulki O‘zbekiston Respublikasi Davlat mulki qo‘mitasi bilan kelishilgan holdagina garovga qo‘yilishi, ayirboshlanishi yoki sotilishi mumkin.
Keyingi tahrirga qarang.
19. Markazga ishonchli boshqaruv huquqi bilan biriktirilgan mulkdan maqsadga muvofiq foydalanilishi va uning saqlanishi ustidan nazoratni O‘zbekiston Respublikasi Davlat mulki qo‘mitasi qonunchilikda belgilangan tartibda amalga oshiradi.
Keyingi tahrirga qarang.
Markaz Kengashi Markaz direktoridan, Markazning yetakchi tibbiyot va ilmiy xodimlaridan tarkib topgan 7 kishidan iborat bo‘ladi. Markaz Kengashining ishida O‘zbekiston Respublikasi Davlat mulki qo‘mitasi va Moliya vazirligidan vakil qilingan shaxslar ishtirok etadilar.
Keyingi tahrirga qarang.
Markaz Kengashi to‘g‘risidagi nizom va uning shaxsiy tarkibi Markaz mehnat jamoasi umumiy yig‘ilishining qarori bilan tasdiqlanadi.
Markazning moliya-xo‘jalik va tibbiyot sohasidagi faoliyatini boshqarish, shuningdek Markazning ish samaradorligini oshirishga qaratilgan tavsiyalarni ishlab chiqish;
rivojlanish strategiyasini ishlab chiqish, Markaz investitsiya va fan-texnika siyosatining asosiy yo‘nalishlarini belgilash;
aholiga ko‘rsatiladigan pulli tibbiy yordam turlarining tariflarini belgilangan tartibda tasdiqlash;
Markaz tuzilmasini hamda Markaz ichidagi, shuningdek uning filiallari va vakolatxonalari munosabatlarini tartibga soluvchi normativ hujjatlarni tasdiqlash.
22. O‘zbekiston Respublikasi Sog‘liqni saqlash vazirligining taqdimnomasiga binoan O‘zbekiston Respublikasi Vazirlar Mahkamasi tomonidan lavozimga tayinlanadigan va ozod etiladigan direktor Markazning joriy faoliyatiga rahbarlik qiladi.
o‘z faoliyatini Markaz nomidan amalga oshiradi, Markazning joriy moliya-xo‘jalik faoliyatiga rahbarlik qiladi, Markaz nomidan shartnoma va kontraktlar tuzadi, Markazning joriy faoliyati bilan bog‘liq bo‘lgan boshqa masalalarni hal etadi;
Markaz Kengashida tasdiqlash uchun direktor o‘rinbosarlari lavozimiga nomzodlar bo‘yicha takliflar kiritadi va zarur hollarda ilmiy-uslubiy va tibbiy Kengashlarni tuzadi;
Markaz xodimlarining ishini tashkil qiladi va boshqaradi, o‘z vakolatlari doirasida Markaz xodimlari bajarishi uchun majburiy bo‘lgan buyruqlar chiqaradi, amaldagi qonunchilikka muvofiq Markaz xodimlarini ishga qabul qiladi va bo‘shatadi;
Markaz direktorining o‘rinbosarlari, filial va vakolatxonalarining rahbarlari Markaz direktorining taqdimnomasiga binoan Markaz Kengashi tomonidan lavozimga tayinlanadilar va ozod qilinadilar.
24. Markazning ushbu Nizomda belgilangan vazifalari amalga oshirilishini ta’minlaydigan asosiy funksional tarkibiy bo‘linmalari quyidagilardan iborat: qabul qilish bo‘limi; gospital bo‘limi; davolash-tashxis qo‘yish, patologoanatomiya, laboratoriya, shuningdek ma’muriy-xo‘jalik va texnik xizmatlar; ilmiy-tadqiqot qismi va boshqalar.
25. O‘zbekiston Respublikasi hududida va uning tashqarisida tashkil etiladigan filiallar hamda vakolatxonalar belgilangan tartibda Markazning tashkiliy tuzilmasiga kirishi mumkin.
Filiallar hamda vakolatxonalar yuridik shaxs hisoblanmaydi va ular o‘zi to‘g‘risidagi nizomga muvofiq faoliyat ko‘rsatadi. Filiallar va vakolatxonalar to‘g‘risidagi nizomlar hamda ularga kiritiladigan o‘zgartish va qo‘shimchalar amaldagi qonunchilikda va ushbu Nizomda belgilangan tartibda Markaz tomonidan tasdiqlanadi.
imtiyozli toifadagi bemorlarga poliklinikalarning mavjud o‘rin fondi va qabul qilish quvvatining 20 foiziga qadar hajmda yuqori malakali ixtisoslashtirilgan bepul yordam ko‘rsatishi uchun Markaz xarajatlarini qoplashga;
Keyingi tahrirga qarang.
O‘zbekiston Respublikasi Sog‘liqni saqlash tizimini isloh qilish davlat dasturi doirasida Markazni zamonaviy tibbiy uskuna va texnika bilan jihozlashga hamda yillik investitsiya dasturlariga;
tibbiy yordamning ayrim murakkab yuqori texnologiyali (qimmatli) turlariga belgilangan imtiyozli tariflar bo‘yicha aholiga tibbiy xizmat ko‘rsatish sarf-xarajatlarini qoplashga. Bunday tibbiy yordam turlarining ro‘yxati Moliya vazirligi bilan kelishilgan holda Sog‘liqni saqlash vazirligi tomonidan belgilanadi.
Keyingi tahrirga qarang.
Markaz xarajatlarini davlat budjeti mablag‘lari hisobidan moliyalash tartibi tibbiy xizmatning mazkur turiga bo‘lgan ehtiyojga qarab “O‘zbekiston Respublikasi Moliya vazirligi tomonidan Sog‘liqni saqlash vazirligi va Markaz bilan birgalikda belgilanadi.
Keyingi tahrirga qarang.
budjet mablag‘lari Markazga har oyda O‘zbekiston Respublikasi Sog‘liqni saqlash vazirligi orqali moddalar bo‘yicha taqsimlanmagan holda alohida satr bilan ajratiladi;
moliyaviy ta’minot mustahkamlanib, o‘zini-o‘zi moliyalash va o‘zini-o‘zi qoplashga erishila borgan sari davlat budjeti mablag‘laridan moliyalash hajmini bosqichma-bosqich kamaytirib borish ko‘zda tutiladi.
29. Markaz xodimlari soni, ularning mehnatiga haq to‘lash va moddiy rag‘batlantirish miqdori bajariladigan ishlarning murakkablik darajasiga, sifati va hajmiga qarab Markaz Kengashi tomonidan mustaqil belgilanadi.
Markaz xodimlari mehnatiga haq to‘lash va ularni moddiy rag‘batlantirish to‘g‘risidagi nizomni ishlab chiqib, tasdiqlaydi;
lavozimlar ro‘yxatini tasdiqlaydi hamda Yagona tarif setkasi bo‘yicha bazaviy maoshlar va miqdori cheklab qo‘yilmaydigan ustama haqdan kelib chiqqan holda mansab maoshlarini belgilaydi.
31. Markaz o‘z ehtiyojlari uchun olib kelinadigan tibbiyot uskunalari va asboblari uchun 2003-yilning 1-martidan to 2012-yilning 31-dekabriga qadar 10 yil muddatga barcha turdagi soliqlar va bojxona to‘lovlari, (bojxona rasmiylashtiruvi uchun yig‘imlardan tashqari) to‘lashdan ozod qilinadi, bo‘shaydigan mablag‘lar Markazlarni rivojlantirish va jihozlashga maqsadli tarzda yo‘naltiriladi.
32. Markaz xo‘jalik faoliyatidan olinadigan daromadlarni mustaqil ravishda tasarruf etadi. Markazning moliya-xo‘jalik faoliyati natijasida olgan foydasi tegishli majburiy to‘lovlar to‘langandan keyin Markaz ixtiyorida qoladi va belgilangan tartibda quyidagilar uchun foydalaniladi:
Markazning moddiy-texnika bazasini yangilash, zamonaviylashtirish va kengaytirish, zamonaviy tibbiy texnika, asbob-anjom va uskunalar sotib olish;
Bunda Markaz mazkur bandda ko‘rsatilgan sarf-xarajatlarning ustuvorligi tartibini, yo‘nalishlari va nisbatlarini mustaqil ravishda belgilaydi.
33. Markaz qonunchilikda belgilangan tartibda buxgalteriya hisob-kitobi va hisobotini yuritadi, zarur smeta-moliya hujjatlarini O‘zbekiston Respublikasi Moliya vazirligi va Sog‘liqni saqlash vazirligiga taqdim etadi, hujjatlarning asralishi hamda kelishilgan ro‘yxatga muvofiq davlat tomonidan saqlashga topshirilishi uchun javobgar bo‘ladi.
Keyingi tahrirga qarang.
4. 1941—1945-yillardagi urush nogironlari va qatnashchilari, shuningdek ularga tenglashtirilgan shaxslar.
9. Fuqarolarning o‘zini-o‘zi boshqarish organlaridan moddiy yordam oluvchi kam ta’minlangan oilalarga mansub shaxslar.
Keyingi tahrirga qarang.