O‘zbekiston SSJ Prezidentining “O‘zbekiston SSJ Fanlar akademiyasining maqomi to‘g‘risida” 1991-yil 5-martdagi Farmonini ijro etish uchun hamda yirik tadqiqotlarning ko‘lamlarini ancha kengaytirish, jumhuriyat ilmiy potensialini saqlab qolish va ko‘paytirish uchun O‘zSSJ Fanlar akademiyasining mas’uliyatini oshirish maqsadida ilm-fanni davlat tomonidan moddiy va moliyaviy qo‘llab-quvvatlash, ilmiy jamoalarning mustaqilligini mustahkamlash zarurligini e’tiborga olib, Vazirlar Mahkamasi qaror qiladi:
fan-texnika taraqqiyotining ustun yo‘nalishlari bo‘yicha muhim amaliy tadqiqotlar dasturlarini shakllantirish hamda ko‘lamdorlik darajasi va natijasi uchun javobgarlik, ilmiy kadrlarni tayyorlash;
o‘ziga qarashli institutlar, bo‘limlar, laboratoriyalar va boshqa bo‘linmalarning samarali ishlashini tashkil etish, olingan natijalardan jumhuriyat xalq xo‘jaligi tarmoqlarida tezroq foydalanishga yordam berish;
jumhuriyatdagi ijtimoiy-iqtisodiy, ilmiy-texnikaviy va madaniy rivojlanish jarayonlarini, shuningdek, mintaqadagi ekologik ahvolni tahlil qilish va baholash asosida Vazirlar Mahkamasiga, O‘zbekiston SSJning boshqa rahbar idoralariga kiritish uchun tegishli takliflar va tavsiyanomalar ishlab chiqish vazifalari yuklansin.
2. O‘zSSJ Iqtisodiyot qo‘mitasi O‘zSSJ Moliya vazirligi bilan birgalikda O‘zSSJ Fanlar akademiyasining takliflaridan kelib chiqqan holda ko‘rsatilgan maqsadlar uchun budjetdan har yili ajratmalar hajmini aniqlasin, shuningdek, ish haqi fondini shakllantirish normativini belgilasin.
Belgilansinki, jumhuriyat uchun ustun yo‘nalishlar bo‘yicha muhim tadqiqotlarni moliyaviy ta’minlash jumhuriyat budjeti mablag‘lari hisobiga amalga oshiriladi.
xalq xo‘jaligini rivojlantirish manfaatlaridan kelib chiqqan holda akademiya, tarmoq ilmiy-tadqiqot muassasalarida, tashkilotlarida va jumhuriyat oliy o‘quv yurtlarida o‘tkaziladigan ko‘lamdor tadqiqotlarni dasturiy-maqsadli amalga oshirishga qaratilgan choralarni ishlab chiqish va ro‘yobga chiqarish;
ilmiy-tashkilotlarning kuchlarini jumhuriyatni ilmiy-texnikaviy va ijtimoiy-iqtisodiy rivojlantirishning birinchi galdagi vazifalarini hal qilishga jamlash. Jumhuriyat ilmiy-texnikaviy dasturlarini shakllantirish va ro‘yobga chiqarishga oid ishlarga boshchilik qilib, ushbu yo‘nalishda tarmoq institutlari va oliy o‘quv yurtlarining faol ishtirokini ta’minlash;
SSJI Fanlar akademiyasining dasturiy ko‘lamdor tadqiqotlarida, davlat fan-texnika dasturlarida va tarmoqlararo fan-texnika komplekslari ishlarida, jumhuriyat vazirliklari, idoralari, konsernlar va korxonalarining buyurtmalari bo‘yicha tadqiqotlar hamda ishlanmalarni kengaytirishda ilmiy muassasalarning ishtirokini rag‘batlantirish va faollashtirish tavsiya qilinsin.
ko‘lamdor tadqiqotlarning muhim yo‘nalishlarini va mavzusini belgilaydi, ularga muvofiq moliyaviy, moddiy-texnikaviy va tashkiliy ta’minlash sistemasini shakllantiradi;
o‘z muassasalari, korxonalari va tashkilotlarining rahbar va ilmiy kadrlarini tayyorlash, tanlash va joy-joyiga qo‘yish sohasidagi ishlarni amalga oshiradi, tegishli kasaba uyushmasi qo‘mitasi bilan kelishib xodimlarning mehnatiga haq to‘lash shartlarini va miqdorlarini belgilaydi;
belgilangan budjet ajratmalari doirasida o‘z ilmiy-tadqiqot, loyihalashtirish-konstruktorlik muassasalarini, tashkilotlari va korxonalarini barpo etadi, ilmiy, ilmiy-ommabop nashrlarni ta’sis qiladi.
5. O‘zSSJ Fanlar akademiyasi Rayosatiga, uning tashkilotlari va korxonalariga o‘z mablag‘laridan, shu jumladan, tejalgan budjet ajratmalaridan foydalanish hisobiga ijtimoiy muammolarni hal qilish, ilmiy-texnikaviy, innovatsion va tijorat faoliyatini rivojlantirish uchun maxsus fondlar tuzish huquqi berilsin.
6. O‘zSSJ Fanlar akademiyasiga xalqaro iqtisodiy, ilmiy, ilmiy-texnikaviy, ijtimoiy aloqalarning qatnashchisi huquqlari berilsin. O‘zSSJ Fanlar akademiyasiga xorijiy sheriklar bilan qo‘shma ilmiy markazlar va tashkilotlar tuzish, chet ellarda kadrlar tayyorlashni amalga oshirish, olimlarni ayirboshlash, xalqaro hamkorlikning boshqa shakllaridan foydalanish huquqi berilsin.
7. O‘zSSJ Fanlar akademiyasi institutlariga jumhuriyat oliy va o‘rta maxsus o‘quv yurtlarini bitiradigan yosh mutaxassislarni tanlashda ustun huquq berilsin.
8. O‘zSSJ Fanlar akademiyasining Rayosati uch oy muddat ichida o‘z muassasalari, tashkilotlari va korxonalarida foydalanishda bo‘lgan mol-mulkni ro‘yxatdan o‘tkazsin. O‘zSSJ Iqtisodiyot qo‘mitasi, O‘zSSJ Moliya vazirligi va O‘zSSJ Adliya vazirligi bilan birgalikda ro‘yxatdan o‘tkazishning yig‘ma aktini hamda jumhuriyat Fanlar akademiyasiga mulk qilib beriladigan asosiy fondlar va boshqa davlat mulkining ro‘yxatini tayyorlasin hamda Vazirlar Mahkamasining tasdig‘iga kiritsin.
9. O‘zSSJ Iqtisodiyot qo‘mitasi, O‘zSSJ Moddiy-texnika ta’minoti davlat-kooperativ qo‘mitasi, jumhuriyatning boshqa vazirliklari va idoralari 1992-yildan boshlab har yili O‘zSSJ Fanlar akademiyasining ish hajmlari doirasida biriktirilgan nomenklatura va tuzilgan shartnomalarga muvofiq asoslangan ehtiyojlar bo‘yicha O‘zSSJ Fanlar akademiyasiga birinchi navbatda asboblar, uskunalar, boshqa moddiy-texnika resurslari ajratishni va yetkazib berishni nazarda tutsinlar.
10. Jumhuriyat valyuta komissiyasi, O‘zSSJ Iqtisodiyot qo‘mitasi 1992-yildan boshlab har yili zamonaviy ilmiy asbob-uskunalar, adabiyotlar sotib olish va chet ellarda ilmiy kadrlar tayyorlash uchun O‘zSSJ Fanlar akademiyasiga erkin almashiladigan valyuta ajratishni nazarda tutsinlar.
11. Qoraqalpog‘iston MSSJ Vazirlar Kengashi, viloyat ijroiya qo‘mitalari amaldagi qonunlarda ko‘zda tutilgan shartlarda O‘zSSJ Fanlar akademiyasining ehtiyojlari uchun yer ajratishni ta’minlasinlar.
12. O‘zSSJ Iqtisodiyot qo‘mitasi, O‘zSSJ Moddiy-texnika ta’minoti davlat-kooperativ qo‘mitasi, O‘zbekiston SSJ Davlat matbuot qo‘mitasi O‘zSSJ Fanlar akademiyasining noshirlik faoliyatini kengaytirish, matbaa negizini mustahkamlash, ilmiy kitoblar va jurnallarni chop etish muddatlarini qisqartirish maqsadlarida O‘zSSJ Fanlar akademiyasining buyurtmalari bo‘yicha “Fan” nashriyoti va uning bosmaxonasi uchun belgilangan tartibda asbob-uskunalar, qog‘oz va boshqa moddiy-texnika resurslari ajratishni nazarda tutsinlar.
13. O‘zSSJ Sog‘liqni saqlash vazirligi O‘zSSJ Fanlar akademiyasi bilan birgalikda O‘zSSJ Fanlar akademiyasining tibbiyot-sanitariya qismining moddiy-texnika bazasini mustahkamlash va jihozlash, uning ilmiy-tadqiqot muassasalari va tashkilotlari xodimlariga tibbiy, kurort-davolash xizmatlari ko‘rsatish darajasini oshirish bo‘yicha zarur tadbirlarni ishlab chiqsin va amalga oshirsin.
14. O‘zSSJ Adliya vazirligi O‘zSSJ Fanlar akademiyasi, O‘zSSJ Iqtisodiyot qo‘mitasi, O‘zSSJ Moliya vazirligi, O‘zbekiston SSJning boshqa vazirliklari va idoralari bilan birgalikda ikki oy muddat ichida O‘zbekiston SSJ Prezidentining “O‘zbekiston SSJ Fanlar akademiyasining maqomi to‘g‘risida” 1991-yil 5-martdagi Farmoniga va mazkur qarorga muvofiq O‘zSSJ Fanlar akademiyasining faoliyatini boshqarib turuvchi normativ aktlarni moslashtirish to‘g‘risida Vazirlar Mahkamasiga takliflar kiritsin.