LexUZ sharhi
Mazkur qaror O‘zbekiston Respublikasi Vazirlar Mahkamasining 2015-yil 10-avgustdagi 237-sonli “Keksalar va nogironlarni manzilli ijtimoiy himoya qilish va qo‘llab-quvvatlashni yanada kuchaytirish chora-tadbirlari to‘g‘risida”gi qaroriga asosan 2016-yil 1-yanvardan boshlab o‘z kuchini yo‘qotadi.
O‘zbekiston SSJ Prezidentining “O‘zgalar parvarishiga muhtoj yolg‘iz pensionerlarni ijtimoiy himoyalash yuzasidan qo‘shimcha chora-tadbirlar haqida”gi Farmonini bajarish yuzasidan Vazirlar Mahkamasi qaror qiladi:
1. O‘zgalar parvarishiga muhtoj yolg‘iz pensionerlarga imtiyozlar berish tartibi to‘g‘risida ilova qilinayotgan Nizom (1-ilova) va ularni belgilangan normada bepul ta’minlash uchun eng zarur mollar ro‘yxati (2-ilova) tasdiqlansin.
2. 1-ilovada ko‘rsatilgan imtiyozlarni berish bilan bog‘liq xarajatlar jumhuriyat va mahalliy budjetlar, shuningdek, O‘zSSJning tegishli vazirliklari, idoralari, korxonalar va tashkilotlar mablag‘lari hisobiga amalga oshirilsin.
3. O‘zSSJ Moliya vazirligi pensiya guvohnomalariga maxsus qo‘shimcha varaqlar tayyorlash uchun O‘zSSJ Ijtimoiy ta’minot vazirligiga mablag‘ ajratsin.
4. Qoraqalpog‘iston MSSJ Vazirlar Kengashi, viloyat ijroiya qo‘mitalari va Toshkent shahar ijroiya qo‘mitasi, O‘zSSJ Moliya vazirligi, O‘zSSJ Ijtimoiy ta’minot vazirligi, O‘zSSJ Sog‘liqni saqlash vazirligi, O‘zSSJ Savdo vazirligi, O‘zSSJ Uy-joy-kommunal xo‘jaligi vazirligi, O‘zSSJ Avtomobil transporti vazirligi va O‘zbekbirlashuv 1991-yilning 1-iyulidan boshlab yuqorida ko‘rsatilgan Farmonda ko‘zda tutilgan imtiyozlarning yolg‘iz pensionerlarga o‘z vaqtida va to‘la hajmda berilishini ta’minlasinlar.
5. Qoraqalpog‘iston MSSJ Vazirlar Kengashi, viloyat ijroiya qo‘mitalari va Toshkent shahar ijroiya qo‘mitasi o‘ta muhtoj yolg‘iz pensionerlar va nogironlarni uy bilan ta’minlash uchun ularga davlat uy-joy fondidagi bo‘shayotgan uylardan birinchi navbatda turarjoy maydoni ajratishni nazarda tutsinlar.
1. O‘zbekiston SSJ Prezidentining 1991-yil 27-maydagi Farmonida belgilangan imtiyozli huquqlardan o‘zgalar parvarishiga muhtoj yolg‘iz pensionerlar, shu jumladan, nogironlar ham foydalanadilar.
2. Mazkur Farmonga muvofiq imtiyozli huquqlardan foydalanuvchilarning nomma-nom ro‘yxati nohiya (shahar) ijtimoiy ta’minot bo‘limi tomonidan xalq deputatlari nohiya (shahar) Sovetining ijroiya qo‘mitalari bilan birgalikda tuziladi.
Keyingi tahrirga qarang.
3. Pensiya guvohnomasidagi maxsus qo‘shimcha varaq yuqoridagi Farmonda belgilangan imtiyozlardan foydalanish huquqini beruvchi hujjat hisoblanadi. Bu qo‘shimcha varaq nohiya, shahar ijtimoiy ta’minot bo‘limining muhri va mas’ul shaxsi imzosi bilan tasdiqlangan bo‘ladi.
Keyingi tahrirga qarang.
4. 2-bandda ko‘rsatilgan pensionerlar pensiya guvohnomasining qo‘shimcha varag‘i asosida nohiya, shahar ijroiya qo‘mitasining yoki korxonaning (uy idoraga qarashli bo‘lsa) uy-joydan foydalanish tashkiloti tomonidan kvartira va kommunal xizmat uchun haq to‘lashdan ozod qilinadilar. Bu haqda kvartirani ijaraga oluvchining shaxsiy schyotiga yozib qo‘yiladi.
Nohiya, shahar ijroiya qo‘mitasining uy-joylardan foydalanish tashkiloti bir oylik muddat tugagach, tushmaydigan daromadlarni kompensatsiyalash uchun tegishli nohiya, shahar moliya bo‘limiga hisob-kitoblarni taqdim etadi. Nohiya, shahar moliya bo‘limi 10 kun muddat ichida taqdim etilgan hisob-kitoblarni ko‘rib chiqadi va uy-joylardan foydalanish tashkilotining hisob-kitob schyotiga tegishli summalarni o‘tkazadi.
Keyingi tahrirga qarang.
5. Pensiya guvohnomasi va unga qo‘shimcha varaq jamoat transportida (taksidan tashqari) bepul yurish huquqini beruvchi hujjat hisoblanadi.
6. Qo‘shimcha varaq va pensiya guvohnomasi asosida dori-darmonlar yozib beriladi, ular esa SSSR Sog‘liqni saqlash ministrligining 1989-yil 22-dekabrdagi 673-son buyrug‘i bilan tasdiqlangan 148-01/u-88-sonli forma bo‘yicha sog‘liqni saqlash muassasasi tomonidan maxsus blankaga yozilgan retsept bo‘yicha olinadi.
Ko‘rsatilgan toifadagi bemorlarni ambulatoriya sharoitida davolashda dorixona muassasalarida dori-darmonlarni bepul berishni hisobga olish SSSR Sog‘liqni saqlash ministrligi tomonidan tasdiqlangan “Ba’zi toifadagi bemorlarni ambulatoriya sharoitida davolashni tashkil etish va dori-darmonlarni bepul berishni hisobga olish tartibi to‘g‘risida” 1965-yil 9-avgustdagi 02-15/10-son Yo‘riqnomaga muvofiq amalga oshiriladi.
Keyingi tahrirga qarang.
7. Pensiya guvohnomasi va unga qo‘shimcha varaq asosida yashash joyi bo‘yicha birkitilgan yolg‘iz pensionerlarga xizmat ko‘rsatuvchi do‘konda tasdiqlangan ro‘yxatdagi mollarni belgilangan miqdorda bepul berish uchun ular ro‘yxatga olinadilar va shu maqsadlar uchun tutilgan maxsus daftarga yozib qo‘yiladilar.
Bir oy o‘tishi bilan savdo tashkiloti ko‘rsatilgan toifadagi pensionerlarga berilgan mollarning haqiqiy qiymati to‘g‘risida, ularning qiymatini qoplash uchun, tegishli nohiya, shahar moliya bo‘limiga yig‘ma ro‘yxat taqdim etadi.
Nohiya, shahar moliya bo‘limlari taqdim etilgan ro‘yxatlarni 10 kun muddat ichida ko‘rib chiqadilar va tegishli summalarni tegishli korxonalarning schyotlariga o‘tkazadilar.
№ | Mollarning nomi | O‘lchov birligi | 1 birlikning (so‘m, tiyin) | Bir oyda 1 kishiga beriladigan minimal | Summasi (so‘m, tiyin) |
1. | Un | kg | o‘rtacha 0-34 | 3,0 | 1-02 |
2. | O‘simlik moyi | l | 2-80 | 0,5 | 1-40 |
3. | Makaron mahsulotlari | kg | 0-84 | 0,25 | 0-21 |
4. | Guruch | kg | 2-20 | 0,8 | 1-76 |
5. | Choy | kg | 12-00 | 0,1 | 1-20 |
6. | Tuxum | dona | 0-26 | 10,0 | 2-60 |
7. | Qand-shakar | kg | 2-00 | 0,8 | 1-40 |
8. | Sintetik va yuvish vositalari | g | — | 200 | 0-43 |
Jami | 11 -00 gacha |