LexUZ sharhi
Mazkur qaror O‘zbekiston Respublikasi Vazirlar Mahkamasining 2013-yil 29-martdagi 90-sonli “2013 — 2015-yillarda O‘zbekiston Respublikasiga donor mamlakatlar, xalqaro va xorijiy hukumat va nohukumat tashkilotlarining beg‘araz texnik ko‘mak mablag‘larini (grantlarini) jalb etish chora-tadbirlari to‘g‘risida” qaroriga asosan o‘z kuchini yo‘qotgan.
O‘zbekiston Respublikasiga iqtisodiyot tarmoqlari va ijtimoiy sohani rivojlantirish bo‘yicha ustuvor loyihalarni amalga oshirish uchun 2010-yilda xalqaro moliyaviy va iqtisodiy institutlar, donor mamlakatlarning beg‘araz texnik ko‘magini (grantlarini) jalb etish ishlarini tizimli tashkil etish maqsadida Vazirlar Mahkamasi qaror qiladi:
iqtisodiyot tarmoqlari va ijtimoiy sohani rivojlantirish uchun beg‘araz texnik ko‘makni (grantlar)ni puxta ishlab chiqish va O‘zbekiston Respublikasiga jalb etishni tashkil qilishning, shuningdek ajratiladigan grant mablag‘laridan maqsadli va samarali foydalanish uchun hisob va nazoratning yaxlit tizimi yaratilganligi;
grantlarni jalb etish, ulardan maqsadli va samarali foydalanish ishlari tizimli asosda tashabbus ko‘rsatib va samarali olib borilganligi uchun vazirliklar, idoralar, xo‘jalik birlashmalari va tashkilotlarning rahbarlari va mutaxassislarini rag‘batlantirish mexanizmi shakllantirilganligi ma’lumot uchun qabul qilinsin.
xalqaro moliyaviy va iqtisodiy institutlar, donor mamlakatlar bilan oldindan kelishilgan 2010-yil uchun beg‘araz texnik ko‘mak (grantlar) loyihalari ro‘yxati 1-ilovaga* muvofiq;
xalqaro moliyaviy va iqtisodiy institutlar, donor mamlakatlar bilan puxta ishlab chiqiladigan 2010-yil uchun beg‘araz texnik ko‘mak (grantlar) loyihalari ro‘yxati 2-ilovaga* muvofiq tasdiqlansin.
3. Xalqaro moliyaviy institutlarda O‘zbekiston Respublikasi nomidan boshqaruvchilar — O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi, Tashqi ishlar vazirligi manfaatdor vazirliklar va idoralar bilan birgalikda ushbu qarorga 1-ilovaga kiritilgan loyihalar bo‘yicha hujjatlar uzil-kesil kelishilishi, ma’qullanishi va rasmiylashtirilishi bo‘yicha zarur tartib-qoidalar amalga oshirilishini ta’minlasinlar.
4. O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Tashqi ishlar vazirligi, Moliya vazirligi, Iqtisodiyot vazirligi, 2-ilovaga kiritilgan loyihalar tashabbuskori bo‘lgan vazirliklar va idoralar tegishli loyihalar moliyalashtirilishi bilan bog‘liq barcha masalalarni hal etish yuzasidan xalqaro moliyaviy va iqtisodiy institutlar, donor mamlakatlar bilan olib boriladigan ishlarni faollashtirsinlar.
5. 1 va 2-ilovalarga kiritilgan vazirliklar va idoralarning rahbarlariga loyiha takliflari o‘z vaqtida va sifatli ishlab chiqilishi, ushbu qaror bilan tasdiqlangan loyihalarni amalga oshirishni boshlashni ta’minlash bo‘yicha zarur tayyorgarlik tadbirlari o‘tkazilishi, shuningdek loyihalar o‘z vaqtida va samarali amalga oshirilishi uchun shaxsiy javobgarlik yuklansin.
6. O‘zbekiston Respublikasi Vazirlar Mahkamasi huzuridagi Xalqaro moliyaviy institutlar, tashkilotlar va donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari bo‘yicha idoralararo kengash (R.S.Azimov):
respublika iqtisodiyoti tarmoqlari va ijtimoiy sohaga beg‘araz texnik ko‘mak (grantlar)ni jalb etish bo‘yicha xalqaro moliyaviy va iqtisodiy institutlar, donor mamlakatlar bilan ish olib borishni, respublika vazirliklari, idoralari, xo‘jalik birlashmalari va tashkilotlari ulardan maqsadli va samarali foydalanishini muntazam ko‘rib chiqishni kuchaytirsin;
Vazirlar Mahkamasining 2009-yil 20-oktabrdagi 275-son qaroriga muvofiq grantlarni jalb etish, ulardan maqsadli va samarali foydalanish yuzasidan olib borilayotgan ishlar uchun vazirliklar, idoralar, xo‘jalik birlashmalari va tashkilotlarning rahbarlari va mutaxassislarini rag‘batlantirish masalalariga alohida e’tibor qaratsin;
xalqaro moliyaviy va iqtisodiy institutlar, donor mamlakatlar bilan oldindan kelishilgan va puxta ishlab chiqiladigan Beg‘araz texnik ko‘mak (grantlar) loyihalari ro‘yxatini vazirliklar, idoralar, xo‘jalik birlashmalari, korxonalar va tashkilotlarning takliflari hisobga olingan holda har yili ishlab chiqsin va tasdiqlash uchun Vazirlar Mahkamasiga kiritsin.
7. O‘zbekiston Respublikasi Moliya vazirligi 1 va 2-ilovalarga kiritilgan beg‘araz texnik ko‘mak (grantlar) loyihalarini puxta ishlab chiqish va ularni amalga oshirish jarayoni samarali muvofiqlashtirilishini, shuningdek grant mablag‘laridan maqsadli foydalanilishi ustidan tizimli nazoratni ta’minlasin.
8. O‘zbekiston Respublikasi Moliya vazirligiga O‘zbekiston Respublikasi Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligi bilan kelishgan holda, zaruriyat bo‘lganda, 2-ilovaga kiritilgan loyihalar ro‘yxatlari va parametrlariga o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritishga ruxsat berilsin.
9. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov va O‘zbekiston Respublikasi Bosh vazirining o‘rinbosari E.M.G‘aniyev zimmasiga yuklansin.