O‘zbekiston Respublikasi Havo kodeksining (O‘zbekiston Respublikasi Oliy Kengashi Axborotnomasi, 1993-y., 6-son, 247-modda) 74-moddasiga muvofiq buyuraman:
1. Muntazam xalqaro parvozlarni bajarish uchun O‘zbekiston Respublikasi fuqaro aviatsiyasi tashuvchilarini tayinlash tartibi to‘g‘risidagi nizom ilovaga muvofiq tasdiqlansin.
2. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
O‘zbekiston Respublikasi Parvozlar xavfsizligini nazorat qilish davlat inspeksiyasi boshlig‘ining 2009-yil 28-dekabrdagi 144-son buyrug‘iga
ILOVA
ILOVA
Mazkur Nizom O‘zbekiston Respublikasi Havo kodeksining 74-moddasiga muvofiq muntazam xalqaro parvozlarni bajarish uchun O‘zbekiston Respublikasi fuqaro aviatsiyasi tashuvchilarini tayinlash tartibini belgilaydi.
tayinlash — kelishilgan qatnovdan foydalanish va ma’lum yo‘nalishda yo‘lovchilarning (yuklarning) muntazam xalqaro havo tashuvlarini bajarish uchun ruxsatnoma;
tayinlangan tashuvchi — O‘zbekiston Respublikasi havo qatnovi to‘g‘risidagi xalqaro shartnoma (keyingi o‘rinlarda xalqaro shartnoma deb yuritiladi) shartlariga muvofiq muntazam xalqaro havo tashuvlarini amalga oshirish uchun O‘zbekiston Respublikasi tomonidan tayinlangan tashuvchi.
Oldingi tahrirga qarang.
2. O‘zbekiston Respublikasi fuqaro aviatsiyasi tashuvchisining ma’lum yo‘nalishdagi muntazam xalqaro parvozlari O‘zbekiston Respublikasi Transport vazirligi huzuridagi Fuqaro aviatsiyasi agentligi (keyingi o‘rinlarda “O‘zaviatsiya” agentligi deb yuritiladi) tomonidan tayinlangandan so‘ng amalga oshiriladi.
(2-band O‘zbekiston Respublikasi transport vazirining 2023-yil 23-iyundagi 11-sonli buyrug‘i (ro‘yxat raqami 2075-1, 14.07.2023-y.) tahririda — Qonunchilik ma’lumotlari milliy bazasi, 17.07.2023-y., 10/23/2075-1/0480-son)
3. Tayinlash majburiy shart hisoblanib, tegishli shartnoma kuchga kirgandan so‘ng amalga oshiriladi.
4. Tayinlash tashuvchiga ustun egalik qilish va uning faoliyati ustidan haqiqiy nazorat olib borish O‘zbekiston Respublikasining jismoniy yoki yuridik shaxslariga tegishli bo‘lgan holdagina ko‘rib chiqiladi.
Oldingi tahrirga qarang.
5. Tayinlash uchun tashuvchi “O‘zaviatsiya” agentligiga mazkur Nizomning ilovasida keltirilgan shakl bo‘yicha arizani quyidagi hujjatlarni ilova qilgan holda taqdim etadi:
(5-bandning birinchi xatboshisi O‘zbekiston Respublikasi transport vazirining 2023-yil 23-iyundagi 11-sonli buyrug‘i (ro‘yxat raqami 2075-1, 14.07.2023-y.) tahririda — Qonunchilik ma’lumotlari milliy bazasi, 17.07.2023-y., 10/23/2075-1/0480-son)
xalqaro havo yo‘nalishlari bo‘yicha yo‘lovchilarni (yuklarni) tashish faoliyatini amalga oshirish huquqi uchun litsenziya nusxasi.
Oldingi tahrirga qarang.
6. “O‘zaviatsiya” agentligi taqdim etilgan hujjatlarni ko‘rib chiqadi, ularning ishonchliligini tekshirishni amalga oshiradi, shuningdek tayinlashni maqsadga muvofiqligi yuzasidan manfaatdor vazirlik va idoralar bilan kelishadi.
(6-band O‘zbekiston Respublikasi transport vazirining 2023-yil 23-iyundagi 11-sonli buyrug‘i (ro‘yxat raqami 2075-1, 14.07.2023-y.) tahririda — Qonunchilik ma’lumotlari milliy bazasi, 17.07.2023-y., 10/23/2075-1/0480-son)
Oldingi tahrirga qarang.
7. O‘zbekiston Respublikasining asosiy tashuvchisi foydalanayotgan yo‘nalishlarda boshqa tashuvchilarning xalqaro parvozlarni bajarishi shu tashuvchi bilan oldindan kelishilgandan so‘ng “O‘zaviatsiya” agentligi tomonidan ko‘rib chiqiladi.
(7-band O‘zbekiston Respublikasi transport vazirining 2023-yil 23-iyundagi 11-sonli buyrug‘i (ro‘yxat raqami 2075-1, 14.07.2023-y.) tahririda — Qonunchilik ma’lumotlari milliy bazasi, 17.07.2023-y., 10/23/2075-1/0480-son)
8. Tashuvlarga yetarli darajada talab bo‘lganda bir qatnovdan bir qancha tayinlangan tashuvchilar, agar bu xalqaro shartnomalarga zid bo‘lmasa foydalanishlari mumkin.
9. Bir qatnovga tayinlashni berish to‘g‘risida bir necha tashuvchilardan ariza tushgan hollarda afzallik quyidagi tashuvchilarga beriladi:
Fuqaro aviatsiyasi xalqaro tashkiloti (IKAO) tavsiyalariga maksimal mos bo‘lgan havo kemalaridan foydalanuvchilarga.
Oldingi tahrirga qarang.
10. Tayinlash uchun ariza kelib tushgan kundan boshlab “O‘zaviatsiya” agentligi tomonidan 20 ish kuni davomida ko‘rib chiqiladi.
(10-band O‘zbekiston Respublikasi transport vazirining 2023-yil 23-iyundagi 11-sonli buyrug‘i (ro‘yxat raqami 2075-1, 14.07.2023-y.) tahririda — Qonunchilik ma’lumotlari milliy bazasi, 17.07.2023-y., 10/23/2075-1/0480-son)
Oldingi tahrirga qarang.
11. Tayinlash to‘g‘risida ijobiy qaror qabul qilingan taqdirda “O‘zaviatsiya” agentligi xorijiy davlatni tayinlangan tashuvchi to‘g‘risida xabardor qilish uchun O‘zbekiston Respublikasi Tashqi ishlar vazirligiga xat yuboradi. Tayinlashni berish rad etilgan taqdirda “O‘zaviatsiya” agentligi ariza beruvchiga asoslangan javobni jo‘natadi.
(11-band O‘zbekiston Respublikasi transport vazirining 2023-yil 23-iyundagi 11-sonli buyrug‘i (ro‘yxat raqami 2075-1, 14.07.2023-y.) tahririda — Qonunchilik ma’lumotlari milliy bazasi, 17.07.2023-y., 10/23/2075-1/0480-son)
tashuvchi tomonidan xalqaro shartnomalar, O‘zbekiston Respublikasi Havo kodeksi va O‘zbekiston Respublikasi fuqaro aviatsiyasi faoliyatini tartibga soluvchi boshqa normativ-huquqiy hujjatlari qoidalari buzilganda olti oygacha bo‘lgan muddatga to‘xtatiladi;
tashuvchi tomonidan xalqaro shartnomalar, O‘zbekiston Respublikasi Havo kodeksi va O‘zbekiston Respublikasi fuqaro aviatsiyasi faoliyatini tartibga soluvchi boshqa normativ-huquqiy hujjatlari qoidalari muntazam ravishda yoki bir marotaba qo‘pol ravishda buzilganda, tayinlash uchun taqdim etilgan hujjatlarning amal qilish muddati tugaganda, shuningdek tayinlash to‘xtatilgan muddat davomida tashuvchi aniqlangan qoidabuzilishlarni bartaraf qilmasa tugatiladi;
14. Tashuvchi tayinlashning to‘xtatilishi, tugatilishi yoki bekor qilinishi to‘g‘risidagi qabul qilingan qarorga O‘zbekiston Respublikasi qonunchiligiga muvofiq shikoyat qilish huquqiga ega.
15. Mazkur Nizom O‘zbekiston Respublikasi Tashqi ishlar vazirligi, Milliy xavfsizlik xizmati, Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi va “O‘zbekiston havo yo‘llari” Milliy aviakompaniyasi bilan kelishilgan.
Muntazam xalqaro parvozlarni bajarish uchun O‘zbekiston Respublikasi fuqaro aviatsiyasi tashuvchilarini tayinlash tartibi to‘g‘risidagi nizomga
ILOVA
ILOVA
Oldingi tahrirga qarang.
O‘zbekiston Respublikasi Transport vazirligi huzuridagi Fuqaro aviatsiyasi agentligi direktoriga | |
F.I.O. | |
| |
____________________________________________________ aviakompaniyasi | |
(to‘liq nomlanishi) | |
__________________________________________________________ ga asosan | |
(O‘zbekiston Respublikasi xalqaro shartnomasining to‘liq nomi) | |
___________________________________________________ yo‘nalishi bo‘yicha | |
muntazam yo‘lovchi (yuk) tashuvlarini amalga oshirish uchun kelishilgan qatnovdan foydalanishga tayinlashni so‘raydi. | |
Ilova:_____________________ | |
|
|
M.O‘. |
(ilova O‘zbekiston Respublikasi transport vazirining 2023-yil 23-iyundagi 11-sonli buyrug‘i (ro‘yxat raqami 2075-1, 14.07.2023-y.) tahririda — Qonunchilik ma’lumotlari milliy bazasi, 17.07.2023-y., 10/23/2075-1/0480-son)