O‘zbekiston Respublikasining “Pochta aloqasi to‘g‘risida”gi Qonuniga (O‘zbekiston Respublikasi qonun hujjatlari to‘plami, 2009-yil, 17-son, 209-modda) muvofiq O‘zbekiston aloqa va axborotlashtirish agentligi hamda O‘zbekiston Respublikasi Madaniyat va sport ishlari vazirligi qaror qiladilar:
1. Pochta to‘lovining davlat belgilari davlat kolleksiyasi to‘g‘risidagi nizom ilovaga muvofiq tasdiqlansin.
2. Ushbu qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
O‘zbekiston aloqa va axborotlashtirish agentligi va O‘zbekiston Respublikasi Madaniyat va sport ishlari vazirligining 2010-yil 13-yanvardagi 10-8/125 va 1-QQ-son qaroriga
ILOVA
ILOVA
Ushbu Nizom O‘zbekiston Respublikasining “Pochta aloqasi to‘g‘risida”gi (O‘zbekiston Respublikasi qonun hujjatlari to‘plami, 2009-yil, 17-son, 209-modda) va “Muzeylar to‘g‘risida”gi (O‘zbekiston Respublikasi qonun hujjatlari to‘plami, 2008-yil, 37-38-son, 364-modda) qonunlariga muvofiq Pochta to‘lovining davlat belgilari davlat kolleksiyasining tarkibi, maqsadi, uni shakllantirish, hisobga olish va saqlash tartibini belgilaydi.
1. Pochta to‘lovining davlat belgilari davlat kolleksiyasi O‘zbekiston Respublikasida nashr qilingan pochta to‘lovining davlat belgilarini tizimli yig‘ishni o‘z ichiga oladi.
2. Pochta to‘lovining davlat belgilari davlat kolleksiyasini shakllantirish O‘zbekiston aloqa va axborotlashtirish agentligi tomonidan amalga oshiriladi.
Keyingi tahrirga qarang.
3. Pochta to‘lovining davlat belgilari davlat kolleksiyasini saqlash joyi O‘zbekiston aloqa va axborotlashtirish agentligining buyrug‘i bilan aniqlanadi.
Keyingi tahrirga qarang.
4. Pochta to‘lovining davlat belgilari davlat kolleksiyasi O‘zbekiston Respublikasida nashr qilingan pochta to‘lovining davlat belgilarini ommaviy taqdim etish maqsadida yaratiladi.
o‘z tarkibi bilan pochta to‘lovining davlat belgilarini rivojlantirish tarixi va zamonaviy holatini har tomonlama aks ettirish;
O‘zbekiston Respublikasining tarixi, madaniyati, iqtisodiyoti va ijtimoiy hayotini rivojlantirish sohasidagi eng muhim voqealarni pochta to‘lovining davlat belgilari vositasida targ‘ib qilish;
pochta to‘lovi davlat belgilarining, shu jumladan xorijda ko‘rgazmaga qo‘yiladigan pochta to‘lovi davlat belgilarining ekspozitsiyasi va ko‘chma ko‘rgazmalarini yaratish;
pochta rivojlanishi va pochta to‘lovi davlat belgilarining tarixi bo‘yicha ilmiy-tadqiqot ishlarini aloqa va axborotlashtirish sohasining tashkilotlari, boshqa idoralar hamda Respublika filateliya jamiyati mutaxassislari, ilmiy xodimlari tomonidan bajarish.
markalangan nashrlar: O‘zbekiston Respublikasining markalangan pochta konvertlari, pochta varaqchalari.
8. Pochta to‘lovining davlat belgilari davlat kolleksiyasining asosiy fondi quyidagilar uchun mo‘ljallangan:
O‘zbekiston Respublikasida nashr etilgan pochta to‘lovining davlat belgilarini to‘plash, saqlash va doimiy faoliyat yurituvchi ekspozitsiyani yaratish.
9. Yordamchi fond ham asosiy fondga kirgan qismlarni o‘z ichiga oladi va quyidagilar uchun mo‘ljallangan:
pochta to‘lovi davlat belgilarining tarixi masalalari, zamonaviy holati va pochta muomalasi bo‘yicha foto- va kinomateriallarni tayyorlash.
10. Yordamchi fond materiallaridan foydalanish uchun ruxsatnoma tegishli so‘rovnoma bo‘yicha O‘zbekiston aloqa va axborotlashtirish agentligi tomonidan beriladi.
Keyingi tahrirga qarang.
11. Pochta to‘lovining davlat belgilari davlat kolleksiyasini shakllantirish O‘zbekiston aloqa va axborotlashtirish agentligining buyrug‘iga muvofiq quyidagi yo‘llar bilan:
Keyingi tahrirga qarang.
1992-yildan nashr etilgan pochta to‘lovining davlat belgilarini “O‘zbekiston pochtasi” ochiq aksiyadorlik jamiyati (OAJ) arxiv zaxirasidan berish;
Keyingi tahrirga qarang.
alohida qiymatga ega bo‘lgan kolleksiyalarni va alohida pochta to‘lovining davlat belgilarini sotib olish;
kolleksiya nusxalarini sotib olish, shuningdek O‘zbekiston Respublikasi fuqarolari bilan filateliya almashinuvi yordamida amalga oshiriladi.
12. Pochta to‘lovining davlat belgilari davlat kolleksiyasini yangi nashr etilgan pochta to‘lovining davlat belgilari bilan to‘ldirish tashkilotlar va jismoniy shaxslardan sotib olish, shuningdek filateliya almashinuvi yo‘li bilan “O‘zbekiston pochtasi” OAJ mablag‘lari, kolleksiyalar va pochta to‘lovining davlat belgilarini kolleksionerlar tomonidan ixtiyoriy ravishda berish, homiylar tomonidan qo‘llab-quvvatlash va qonun hujjatlarida taqiqlanmagan boshqa manbalar hisobidan amalga oshiriladi.
Keyingi tahrirga qarang.
13. Pochta to‘lovining davlat belgilari davlat kolleksiyasini saqlash davlat saqlash xonalarida arxiv va hujjatli fondlarni saqlash uchun belgilangan sharoitlarda, shuningdek O‘z DSt 1129:2007 “Pochta markalari. Texnik shartlar” davlat standartining talablariga muvofiq ta’minlanadi.
Keyingi tahrirga qarang.
14. Pochta to‘lovining davlat belgilarini hisobga olish O‘zbekiston aloqa va axborotlashtirish agentligining pochta to‘lovining davlat belgilarini muomalaga kiritish to‘g‘risidagi buyrug‘i bilan biriktirilgan identifikatsiya raqami bo‘yicha amalga oshiriladi.
Keyingi tahrirga qarang.
Pochta to‘lovining davlat belgilari davlat kolleksiyasini hisobga olish uchun pochta to‘lovining davlat belgilari to‘g‘risidagi barcha asosiy ma’lumotlar: identifikatsiya raqami, nomi, nominali, rangi, turi, o‘lchami, perforatsiyalash usuli, varaqdagi markalar miqdori, adadi, rassom yoki dizaynerning familiyasini o‘z ichiga olishi kerak bo‘lgan katalogli varaqchalar yuritiladi.
15. Pochta to‘lovining davlat belgilari davlat kolleksiyasi fondlarida har yili qonun hujjatlarida belgilangan tartibda inventarizatsiya ishlari o‘tkaziladi.
Keyingi tahrirga qarang.
16. O‘zbekiston aloqa va axborotlashtirish agentligining buyrug‘i bilan Pochta to‘lovining davlat belgilari davlat kolleksiyasini saqlash joyi etib belgilangan tashkilot qonun hujjatlariga muvofiq uning fizik saqlanganligi va xavfsizligini ta’minlash, kolleksiyaga kiradigan predmetlar bilan bog‘liq bo‘lgan hisobga olish hujjatlarini yuritish va saqlash uchun javobgar bo‘ladi.
Keyingi tahrirga qarang.
17. Ushbu Nizom O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi va “O‘zbekiston pochtasi” ochiq aksiyadorlik jamiyati bilan kelishilgan.