LexUZ sharhi
Mazkur qaror O‘zbekiston Respublikasi Mehnat va aholini ijtimoiy muhofaza qilish vazirligi, O‘zbekiston Respublikasi Xalq ta’limi vazirligi, O‘zbekiston Respublikasi Vazirlar Mahkamasi huzuridagi Davlat test markazining 2012-yil 18-maydagi 01-05/1377, 24, 19-Q/B-sonli “Xalq ta’limi xodimlari asosiy lavozimlarining malaka tavsiflarini tasdiqlash to‘g‘risida”gi qarori va unga o‘zgartirish va qo‘shimchalarni o‘z kuchini yo‘qotgan deb topish haqida”gi qaroriga (ro‘yxat raqami 1541-3, 31.05.2012-y.) asosan o‘z kuchini yo‘qotgan.
Ta’lim muassasalarida faoliyat ko‘rsatayotgan iste’dodli, o‘z kasbiga sodiq pedagog xodimlar mehnatini rag‘batlantirish maqsadida O‘zbekiston Respublikasi Mehnat va aholini ijtimoiy muhofaza qilish vazirligi, Xalq ta’limi vazirligi va Vazirlar Mahkamasi huzuridagi Davlat test markazi qaror qiladi:
1. O‘zbekiston Respublikasi Mehnat va aholini ijtimoiy muhofaza qilish vazirligi, Xalq ta’limi vazirligi va Vazirlar Mahkamasi huzuridagi Davlat test markazining 2005-yil 30-dekabrdagi 105, 42, 01-357-sonli qarori bilan tasdiqlangan “Xalq ta’limi xodimlari asosiy lavozimlarining malaka tavsiflari”ga (2006-yil 18-yanvar, ro‘yxat raqami 1541 — O‘zbekiston Respublikasi qonun hujjatlari to‘plami, 2006-yil, 3-son, 20-modda) ilovaga muvofiq o‘zgartirish va qo‘shimchalar kiritilsin.
2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgach kuchga kiradi.
Mehnat va aholini ijtimoiy muhofaza qilish vazirligi, Xalq ta’limi vazirligi, Davlat test markazining 2009-yil 22-maydagi 21-Q/Q, 5/7, 15/QQ-15-1-QQ-son qaroriga
ILOVA
ILOVA
1. 4-bandning “v” kichik bandi va 8-bandning “v” kichik bandidagi “1-” soni “ikkinchi” so‘zi bilan almashtirilsin.
“k) o‘quvchilarning tartib-intizomi va davomati, tarbiyaviy ishlar samaradorligining nazoratini amalga oshiradi;
l) san’atkorlar, jamoat arboblari, urush va mehnat faxriylari bilan uchrashuvlar va ijodiy kechalar o‘tkazilishini tashkil qiladi;
m) huquq-tartibot va fuqarolarning o‘z-o‘zini boshqarish organlari bilan o‘quvchilar o‘rtasida huquqbuzarlikning oldini olish masalalari bo‘yicha hamkorlik qiladi”.
“Bundan tashqari, pedagogika fani va amaliyoti, boshqaruv psixologiyasining jahon va mamlakat miqyosidagi erishilgan yutuqlari, o‘quvchilarni vatanparvarlik, xalqimiz va vatanimiz — O‘zbekiston Respublikasi tarixini hurmat qilish ruhida ma’naviy-ma’rifiy tarbiyalash usullarini bilishi lozim”.