Tadbirkorlikni yanada rivojlantirish uchun qulay shart-sharoitlar yaratish, tadbirkorlik faoliyatini amalga oshirishda ruxsatnomalar olish tartibotlarini takomillashtirish va soddalashtirish maqsadida Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Vazirliklar va idoralar bir oy muddatda idoraviy normativ-huquqiy hujjatlar ushbu qarorga muvofiqlashtirilishini ta’minlasinlar.
3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 2004-yil 6-iyuldagi 318-son qarori (O‘zbekiston Respublikasi QT, 2004-y., 7-son, 63-modda) bilan tasdiqlangan Mahsulotlarni sertifikatlashtirish tartibi to‘g‘risidagi nizomda:
“O‘zbekiston Respublikasi Sog‘liqni saqlash vazirligi tomonidan ruxsatnoma berish uch ish kunidan ortiq bo‘lmagan muddatda amalga oshiriladi. Laboratoriya sinovlarini o‘tkazish xarajatlarini qoplash uchun O‘zbekiston Respublikasi Sog‘liqni saqlash vazirligi tomonidan belgilanadigan va O‘zbekiston Respublikasi Moliya vazirligida deklaratsiyalangan tariflar bo‘yicha, biroq bir turdagi mahsulot bo‘yicha eng kam oylik ish haqining besh baravaridan ortiq bo‘lmagan summada to‘lov undiriladi”;
“O‘z faoliyatini qishloq joylarda amalga oshirayotgan tadbirkorlik subyektlari tomonidan ishlab chiqarilayotgan mahsulotlarni sinovdan o‘tkazishda to‘lov bir turdagi mahsulot bo‘yicha eng kam oylik ish haqining uch baravaridan ortiq bo‘lmagan summada undiriladi”;
v) 9-bandning birinchi jumlasiga “ishlab chiqarish obyektini” so‘zlaridan keyin “saqlash shart-sharoitlarini” so‘zlari qo‘shilsin;
“11. Veterinariya va fitosanitariya xulosalari olinishi hisobga olingan holda gigiyenik sertifikatni rasmiylashtirish va berish muddati tegishli sinov metodlari uchun normativ hujjatlarda nazarda tutilgan muddatlarga qarab belgilanadi”;
“eng kam oylik ish haqining 10 baravaridan” so‘zlari “bir turdagi mahsulot bo‘yicha eng kam oylik ish haqining besh baravaridan” so‘zlari bilan almashtirilsin;
“O‘z faoliyatini qishloq joylarda amalga oshirayotgan tadbirkorlik subyektlariga gigiyenik sertifikat berishda to‘lov bir turdagi mahsulot bo‘yicha eng kam oylik ish haqining uch baravaridan ortiq bo‘lmagan summada undiriladi”;
“Chetdan olib kelinayotgan mahsulotga gigiyenik sertifikat mahsulotning yaroqlilik davriga, yaroqlilik muddatiga ega bo‘lmagan mahsulotga esa — muddati ko‘rsatilmasdan beriladi”.
2. Vazirlar Mahkamasining “Elektr va issiqlik energiyasidan foydalanish qoidalarini tasdiqlash to‘g‘risida” 2005-yil 27-yanvardagi 32-son qarorida (O‘zbekiston Respublikasi QT, 2005-y., 1-son, 4-modda):
“Tadbirkorlik subyektlarini elektr tarmoqlariga ulash uchun texnik shartlar tadbirkorlik subyektlarining yoxud tuman (shahar) arxitektura va qurilish boshqarmasi (bo‘limi)ning buyurtmasiga ko‘ra uch kundan ortiq bo‘lmagan muddatda beriladi”;
b) 2-ilova (Issiqlik energiyasidan foydalanish qoidalari)ning 22-bandiga quyidagi mazmundagi o‘n beshinchi xatboshi qo‘shilsin:
“Tadbirkorlik subyektlarini issiqlik tarmoqlariga ulash uchun texnik shartlar tadbirkorlik subyektlarining yoxud tuman (shahar) arxitektura va qurilish boshqarmasi (bo‘limi)ning buyurtmasiga ko‘ra uch kunda ortiq bo‘lmagan muddatda, dastlabki shartlar berilmasdan beriladi”;
Keyingi tahrirga qarang.