LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘rta maxsus, kasb-hunar ta’limi muassasalarining o‘quv-metodik ta’minotini va ularni boshqarishni takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Markaziy banki, Oliy va o‘rta maxsus ta’lim vazirligining O‘rta maxsus, kasb-hunar ta’limi markazi, Farg‘ona, Surxondaryo viloyatlari va Toshkent shahar hokimliklarining O‘zbekiston Respublikasi Markaziy bankiga qarashli Toshkent bank hisob-kredit kollejini, Marg‘ilon va Termiz bank kollejlarini 2010-yil 1-yanvardan boshlab O‘rta maxsus, kasb-hunar ta’limi markazining tegishli hududiy boshqarmalari ixtiyoriga berish to‘g‘risidagi taklifiga rozilik berilsin.
2. Toshkent shahar, Farg‘ona va Surxondaryo viloyatlari hokimliklari O‘rta maxsus, kasb-hunar ta’limi markazining tegishli hududiy boshqarmalari ixtiyoriga berilayotgan bank kollejlarini belgilangan tartibda qabul qilish va ularning ta’sis hujjatlariga tegishli o‘zgartirishlar kiritish yuzasidan 2010-yil 1-yanvargacha zarur tadbirlarni amalga oshirsinlar.
3. O‘zbekiston Respublikasi Moliya vazirligi 2010-yildan boshlab har yili O‘zbekiston Respublikasi Davlat budjeti loyihasini tuzishda Toshkent bank hisob-kredit kolleji, Marg‘ilon va Termiz bank kollejlari ta’minotiga zarur budjetdan ajratiladigan mablag‘larni nazarda tutsin.
(3-band O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
berilayotgan kollejlarni moliyalashtirish, tegishli Farg‘ona va Surxondaryo viloyatlari va Toshkent shahar mahalliy budjetlarida o‘rta maxsus, kasb-hunar ta’limi tizimi uchun nazarda tutilayotgan mablag‘lar doirasida, O‘rta maxsus, kasb-hunar ta’limi markazining tegishli hududiy boshqarmalari orqali amalga oshiriladi;
(4-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
O‘zbekiston Respublikasi Markaziy banki va uning hududiy bo‘linmalari, tijorat banklari ko‘rsatib o‘tilgan bank kollejlarining moddiy-texnika bazasini mustahkamlashda, o‘qituvchilarining tajriba orttirishini va o‘quvchilarining amaliyot o‘tashini tashkil etishda, shuningdek bitiruvchilarini ishga joylashtirishda ko‘maklashadilar.
5. O‘zbekiston Respublikasi Markaziy banki, Oliy va o‘rta maxsus ta’lim vazirligining O‘rta maxsus, kasb-hunar ta’limi markazi O‘zbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda:
qonun hujjatlariga ushbu qarordan kelib chiquvchi o‘zgartirish va qo‘shimchalar yuzasidan O‘zbekiston Respublikasi Vazirlar Mahkamasiga takliflar kiritsinlar;
6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S.Qosimov zimmasiga yuklansin.