O‘zbekiston Respublikasining “O‘zbekiston Respublikasining Markaziy banki to‘g‘risida”gi Qonunining 7, 9 va 17-moddalariga muvofiq, O‘zbekiston Respublikasi Markaziy banki Boshqaruvi qaror qiladi:
1. O‘zbekiston Respublikasi hududida xorijiy davlatlarning banklari vakolatxonalarini akkreditatsiya qilish tartibi to‘g‘risidagi nizom ilovaga muvofiq tasdiqlansin.
2. Mazkur qaror kuchga kirgan kundan boshlab O‘zbekiston Respublikasi Markaziy banki Boshqaruvi tomonidan 1996-yil 20-iyulda 241-son bilan tasdiqlangan “O‘zbekiston Respublikasi hududida chet el banklari vakolatxonalarini ochish, ularni ro‘yxatdan o‘tkazish va akkreditatsiyalash tartibi to‘g‘risida”gi nizom (1999-yil 16-yanvar, ro‘yxat raqami 598) o‘z kuchini yo‘qotgan deb hisoblansin.
3. Ushbu qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin amalga kiritilsin.
Ushbu Nizom O‘zbekiston Respublikasining “O‘zbekiston Respublikasining Markaziy banki to‘g‘risida”, “Banklar va bank faoliyati to‘g‘risida” va “Valyutani tartibga solish to‘g‘risida”gi qonunlariga muvofiq O‘zbekiston Respublikasi hududida xorijiy davlatlarning banklari vakolatxonalarini akkreditatsiya qilish tartibini belgilaydi.
xorijiy davlatning banki (keyingi o‘rinlarda — Bank) xorijiy davlat hududida ro‘yxatga olingan va u joylashgan hamda ro‘yxatga olingan joydagi bank nazorati organi tomonidan berilgan bank faoliyatini amalga oshirish huquqini beruvchi litsenziyaga ega bank;
xorijiy davlatning banki vakolatxonasi (keyingi o‘rinlarda — Vakolatxona) — O‘zbekiston Respublikasi hududida joylashgan, O‘zbekiston Respublikasi hududida uning akkreditatsiya qilinganligi haqida O‘zbekiston Respublikasi Markaziy bankining sertifikatiga ega bo‘lgan, bank va boshqa tijorat faoliyati bilan shug‘ullanish huquqisiz Bank manfaatlarini ko‘zlab ish yuritadigan alohida Bank bo‘linmasi;
vakolatxonani akkreditatsiya qilish — xorijiy davlatning banki O‘zbekiston Respublikasi Markaziy bankidan O‘zbekiston Respublikasi hududida o‘z Vakolatxonasini ochish va uning faoliyat olib borishi uchun ruxsat berish;
akkreditatsiya to‘g‘risida sertifikat (keyingi o‘rinlarda — Sertifikat) — O‘zbekiston Respublikasi Markaziy banki tomonidan Vakolatxona akkreditatsiya qilinganligini tasdiqlovchi yozma hujjat.
2. Vakolatxona O‘zbekiston Respublikasi bank sohasidagi iqtisodiy vaziyatni va holatni o‘rganish maqsadida, maslahat berish, O‘zbekiston Respublikasida Bank manfaatlarini ifodalash, kredit tashkilotlari bilan aloqalarni mustahkamlash va kengaytirish hamda xalqaro hamkorlikni rivojlantirish uchun Bank tomonidan tashkil etiladi.
3. O‘zbekiston Respublikasi Markaziy banki O‘zbekiston Respublikasida Bankning Vakolatxonasini akkreditatsiya qilish masalasini Bank ariza taqdim etganda ko‘rib chiqadi. Bunda, Bank o‘zining davlatida kamida besh yil mobaynida faoliyat ko‘rsatayotgan, bank tizimida yaxshi obro‘-e’tiborga va mustahkam moliyaviy holatga ega bo‘lib, ushbu ma’lumotlar Bankni ro‘yxatdan o‘tkazgan davlatning bank nazorati organi tomonidan tasdiqlanishi lozim.
Oldingi tahrirga qarang.
(4-band O‘zbekiston Respublikasi Markaziy banki boshqaruvining 2022-yil 6-yanvardagi 31/8-sonli qaroriga (ro‘yxat raqami 1883-1, 14.01.2022-y.) asosan o‘z kuchini yo‘qotgan — Qonunchilik ma’lumotlari milliy bazasi, 14.01.2022-y., 10/22/1883-1/0025-son)
5. O‘zbekiston Respublikasida o‘z vakolatxonasini ochish istagini bildirgan Bank O‘zbekiston Respublikasi Markaziy bankiga quyidagi hujjatlarni taqdim etadi:
Bankning O‘zbekiston Respublikasi banklari bilan amaliy va boshqa turdagi aloqalar, Vakolatxona tomonidan bajarilishiga ko‘maklashishni ko‘zda tutadigan shartnoma va bitimlar to‘g‘risida batafsil ma’lumotlar;
e) Bankning yillik hisobotlari, jumladan, auditorlik firmasi tomonidan tasdiqlangan, oxirgi uch moliya yili uchun yig‘ma balansi hamda foyda va zararlar to‘g‘risidagi hisoboti;
j) Vakolatxona ochish yuzasidan muzokaralar olib boruvchi shaxsga Bankning vakolatli organi tomonidan berilgan ishonchnoma;
z) Bankning boshqaruv organlari tuzilmasi to‘g‘risida axborot bilan birga Bank to‘g‘risida ma’lumotnoma;
k) Vakolatxona ofisi uchun binoni ijaraga olish to‘g‘risidagi shartnoma yoki bino egasining binoni ijaraga berishga tayyorligini tasdiqlovchi (ijara shartlari va muddatini ko‘rsatgan holda) kafolat xati.
Oldingi tahrirga qarang.
6. Agar ushbu Nizomning 5-bandida ko‘rsatib o‘tilgan hujjatlarning ayrimlari Bank mamlakatining qonunchilik hujjatlarida nazarda tutilmagan bo‘lsa, Bank O‘zbekiston Respublikasi Markaziy bankiga Bank ta’sis etilgan mamlakatning vakolatli organining yoxud O‘zbekiston Respublikasidagi diplomatik vakolatxonasining bu haqidagi tasdiqnomasini taqdim etadi.
(6-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Oldingi tahrirga qarang.
(7-band O‘zbekiston Respublikasi Markaziy banki boshqaruvining 2022-yil 6-yanvardagi 31/8-sonli qarori (ro‘yxat raqami 1883-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/1883-1/0025-son)
8. Offshor hududlarda ro‘yxatga olingan Banklarga O‘zbekiston Respublikasida Vakolatxona ochish taqiqlanadi.
9. O‘zbekiston Respublikasi Markaziy banki Vakolatxonani akkreditatsiya qilish (akkreditatsiyaning amal qilish muddatini uzaytirish yoki akkreditatsiya qilishni rad etish) to‘g‘risidagi qarorni ariza va unga ilova qilingan hujjatlar qabul qilingan vaqtdan boshlab bir oy muddat ichida qabul qiladi.
10. Quyidagilar Vakolatxonani akkreditatsiya qilishni yoki akkreditatsiyaning amal qilish muddatini uzaytirishni rad etish uchun asos bo‘ladi:
Oldingi tahrirga qarang.
(10-bandning “b” kichik bandi O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
11. Vakolatxonaga akkreditatsiya qilish to‘g‘risidagi sertifikat berilgan kundan boshlab, u akkreditatsiya qilingan hisoblanadi.
Oldingi tahrirga qarang.
12. Vakolatxonani akkreditatsiya qilish to‘g‘risida qaror qabul qilingan kundan boshlab bir ish kunidan kechiktirmay Vakolatxonaga akkreditatsiya qilinganligi to‘g‘risidagi sertifikat beriladi.
(12-band O‘zbekiston Respublikasi Markaziy banki boshqaruvining 2022-yil 6-yanvardagi 31/8-sonli qarori (ro‘yxat raqami 1883-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/1883-1/0025-son)
Oldingi tahrirga qarang.
13. Akkreditatsiya qilinganligi to‘g‘risida sertifikat berilganda O‘zbekiston Respublikasi hududida akkreditatsiya qilingan xorijiy davlatlarning banklari vakolatxonalarini ro‘yxatga olish kitobida qayd etiladi hamda ushbu axborot O‘zbekiston Respublikasi Markaziy bankining veb-saytida e’lon qilinadi.
(13-band O‘zbekiston Respublikasi Markaziy banki boshqaruvining 2022-yil 6-yanvardagi 31/8-sonli qarori (ro‘yxat raqami 1883-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/1883-1/0025-son)
14. Vakolatxona akkreditatsiya qilinganligi to‘g‘risidagi sertifikatni olgandan keyin qonunchilikda belgilangan muddatda, Vakolatxona joylashgan hududdagi soliq organlarida hisobda turishi va uning hisobga qo‘yilgani to‘g‘risida O‘zbekiston Respublikasi Markaziy bankiga ma’lumotnoma taqdim etishga majburdir.
15. Vakolatxona ko‘pi bilan 3 yil muddatga akkreditatsiya qilinadi. Akkreditatsiya qilish muddatini uzaytirish zarurati tug‘ilgan taqdirda, Vakolatxona O‘zbekiston Respublikasi Markaziy bankiga akkreditatsiyani amal qilish muddati tugashidan 1 oy oldin xabar berishi shart.
16. O‘zbekiston Respublikasi hududida vakolatxonaga ega bo‘lgan Bank qayta tashkil etilganda, tugatilganda yoki nomi o‘zgarganda hamda Vakolatxonaning joylashgan manzili o‘zgargan taqdirda, Vakolatxona O‘zbekiston Respublikasi Markaziy bankiga bu haqda ikki hafta muddatda ma’lum qilishi shart.
17. Vakolatxonani akkreditatsiya qilish muddatini uzaytirish uchun Bank O‘zbekiston Respublikasi Markaziy bankiga quyidagi hujjatlarni topshiradi:
Oldingi tahrirga qarang.
b) Bank tomonidan Vakolatxona boshlig‘iga berilgan vakolatlar hamda uning pasporti (identifikatsiya ID-kartasi) ma’lumotlari to‘liq ko‘rsatilgan holda berilgan ishonchnoma (O‘zbekiston Respublikasi Markaziy bankiga ilgari berilgan ishonchnomaning muddati o‘tgan taqdirda);
(17-bandning “b” kichik bandi O‘zbekiston Respublikasi Markaziy banki boshqaruvining 2022-yil 6-yanvardagi 31/8-sonli qarori (ro‘yxat raqami 1883-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/1883-1/0025-son)
v) o‘z pochta manzilini yozma ravishda tasdiqlovchi hujjat (ijara shartnomasi nusxasini ilova qilgan holda).
18. Vakolatxona rahbarini akkreditatsiya qilish uchun Bank O‘zbekiston Respublikasi Markaziy bankiga vakolatli shaxs tomonidan imzolangan yozma ariza beradi.
19. Vakolatxona rahbarini akkreditatsiya qilish uchun berilgan arizaga quyidagi hujjatlar ilova qilinadi:
a) Bank tomonidan tayinlangan shaxsning vakolati, huquq va majburiyatlari ko‘rsatilgan holda, notarial tasdiqlangan ishonchnoma;
Oldingi tahrirga qarang.
(19-bandning “g” kichik bandi O‘zbekiston Respublikasi Markaziy banki boshqaruvining 2022-yil 6-yanvardagi 31/8-sonli qarori (ro‘yxat raqami 1883-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/1883-1/0025-son)
20. Markaziy bank tomonidan Vakolatxona rahbariga shaxsiy akkreditatsiya kartochkasini berish ariza berilgan kundan boshlab o‘n ish kuni mobaynida amalga oshiriladi.
21. Vakolatxona boshlig‘ining akkreditatsiya muddatini uzaytirish zaruriyati tug‘ilgan taqdirda, Bank ushbu Nizomning 19-bandida ko‘rsatilgan hujjatlarni taqdim qiladi.
22. Vakolatxona ish faoliyatini O‘zbekiston Respublikasining qonunchiligi talablariga va Vakolatxona to‘g‘risidagi Nizomga muvofiq amalga oshiradi.
23. Vakolatxona o‘z faoliyatini tasdiqlangan Vakolatxona to‘g‘risidagi nizomda belgilangan vakolatlar doirasida uni tashkil qilgan Bank nomidan amalga oshiradi va u yuridik shaxs hisoblanmaydi hamda bank yoki boshqa tijorat faoliyati bilan shug‘ullanish huquqiga ega emas.
25. Vakolatxona o‘z faoliyatini amalga oshirish uchun O‘zbekiston Respublikasining rezident banklaridan birida bank hisobvarag‘ini ochadi.
26. Vakolatxona boshlig‘i Bankning ishonchnomasi hamda O‘zbekiston Respublikasi Markaziy banki tomonidan berilgan akkreditatsiya kartochkasi asosida faoliyat yurituvchi Vakolatxona rahbari hisoblanadi.
27. Vakolatxona O‘zbekiston Respublikasi Markaziy bankiga bir yilda ikki marta o‘z faoliyati to‘g‘risida hisobot taqdim etadi (joriy yilning 15-iyuligacha birinchi yarim yillik uchun, kelgusi yilning 15-yanvarigacha yillik).
b) Bankning O‘zbekiston Respublikasi hududida amalga oshirayotgan asosiy loyihalari bo‘yicha muddati, hajmi va hamkorlari ko‘rsatilgan holda qisqacha tavsifnoma;
v) O‘zbekiston Respublikasining Markaziy banki va tijorat banklari bilan hamkorliklari to‘g‘risida ma’lumotlar;
g) hisobot davrida Bank xodimlarining O‘zbekiston Respublikasiga tashriflari to‘g‘risida ma’lumotlar;
29. Vakolatxona boshlig‘i xodimlar shtatining o‘zgarishi hamda Vakolatxona faoliyati bilan bog‘liq favqulodda hodisalar to‘g‘risida O‘zbekiston Respublikasi Markaziy bankini o‘z vaqtida xabardor qiladi.
30. Vakolatxona O‘zbekiston Respublikasining mehnat qonunchiligida belgilangan tartibda O‘zbekiston Respublikasining fuqarolarini hamda chet el fuqarolarini ishga qabul qilish huquqiga ega.
Vakolatxonani tashkil etgan Bankning vakolatli organi qaroriga muvofiq hamda O‘zbekiston Respublikasi Markaziy bankiga majburiy ravishda xabar bergan holda;
akkreditatsiya muddati tugaganda, agar Bank bu muddatni uzaytirish to‘g‘risida iltimos bilan murojaat qilmagan bo‘lsa.
bank operatsiyalari va tasdiqlangan nizomda ko‘zda tutilmagan boshqa faoliyat turlari bilan shug‘ullanilsa;
36. Vakolatxona faoliyati Bank qaroriga asosan tugatilgan taqdirda, Vakolatxona ikki hafta muddat ichida O‘zbekiston Respublikasi Markaziy bankiga Vakolatxona tugatilishi to‘g‘risida Bank qarorining nusxasini va akkreditatsiya hujjatlarini taqdim etadi.
Oldingi tahrirga qarang.
37. O‘zbekiston Respublikasi Markaziy banki Vakolatxona faoliyati tugatilganligi munosabati bilan O‘zbekiston Respublikasi hududida akkreditatsiya qilingan xorijiy davlatlarning banklari vakolatxonalarini ro‘yxatga olish kitobidan chiqarilganligi to‘g‘risida Bankka va uning Vakolatxonasiga xabar beradi hamda ushbu axborotni O‘zbekiston Respublikasi Markaziy bankining veb-saytida e’lon qiladi.
(37-band O‘zbekiston Respublikasi Markaziy banki boshqaruvining 2022-yil 6-yanvardagi 31/8-sonli qarori (ro‘yxat raqami 1883-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/1883-1/0025-son)
O‘zbekiston Respublikasi hududida xorijiy davlatlarning banklari vakolatxonalarini akkreditatsiya qilish tartibi to‘g‘risida Nizomga
ILOVA
ILOVA
AKKREDITATSIYA TO‘G‘RISIDAGI SERTIFIKAT | ||
1. Ushbu akkreditatsiya to‘g‘risidagi sertifikat __________________________ | ||
(bank nomi) | ||
Vakolatxonasini ochilishi va faoliyat olib borishi uchun huquq berilganligini tasdiqlaydi. 2. Vakolatxona boshlig‘i vakolatlari __________________________________ bankning ishonchnomasi hamda Markaziy bank bergan akkreditatsiya guvohnomasi bilan tasdiqlanadi. Ushbu hujjatlar bir yo‘la ko‘rsatilganda yuridik kuchga ega. 3. Vakolatxona O‘zbekiston Respublikasi Markaziy banki tomonidan 20___ yil ___ _______ da ___-son bilan akkreditatsiya qilingan. 4. Vakolatxona _____________________________________________ bank nomidan va uning manfaatlarini ko‘zlab, bank hamda boshqa tijorat faoliyati bilan shug‘ullanish huquqisiz vakillik vazifalarini bajaradi. 5. Sertifikat 20___ yil ___ _______ da berildi va 20___yil ___ _________ gacha (ko‘pi bilan uch yillik muddat ko‘rsatiladi) amal qiladi. | ||
O‘zbekiston Respublikasi Markaziy banki raisi o‘rinbosari |