LexUZ sharhi
Mazkur buyruq O‘zbekiston Respublikasi “O‘zarxiv” agentligi direktorining 2021-yil 6-sentabrdagi 316-sonli “Mulkchilik shakllaridan qat’iy nazar korxonalar, muassasalar, tashkilotlarining doimiy harakatdagi Ekspert komissiya (EK)si to‘g‘risida namunaviy nizom, shuningdek unga o‘zgartirishlarni o‘z kuchini yo‘qotgan deb topish haqida”gi buyrug‘iga (ro‘yxat raqami 897-3, 11.09.2021-y.) asosan o‘z kuchini yo‘qotgan.
O‘zbekiston Respublikasining “Arxivlar to‘g‘risida”gi Qonuni hamda O‘zbekiston Respublikasi Vazirlar Mahkamasining “O‘zbekiston Respublikasida arxiv ishini boshqarishni yanada takomillashtirish to‘g‘risida”gi 2004-yil 3-fevraldagi 49-sonli qaroriga muvofiq buyuraman:
1. Mulkchilik shakllaridan qat’i nazar korxonalar, muassasalar, tashkilotlarning doimiy harakatdagi Ekspert komissiyasi (EK) to‘g‘risidagi namunaviy nizomning (2000-yil 21-fevral, ro‘yxat raqami 897 — Me’yoriy hujjatlar axborotnomasi 2004-y., 4-son) 1.4-bandi quyidagi tahrirda bayon etilsin:
“1.4 EK o‘z faoliyatida O‘zbekiston Respublikasining “Arxivlar to‘g‘risida”gi Qonuni hamda boshqa qonun hujjatlariga asoslanadi.”.
2. Ushbu buyruq O‘zbekiston Respublikasi Adliya vazirligida davlat ro‘yxatidan o‘tkazilgandan so‘ng o‘n kun o‘tgach kuchga kiradi.