LexUZ sharhi
Mazkur qaror O‘zbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Sug‘urta xizmatlari bozorini yanada isloh qilish va rivojlantirish chora-tadbirlari to‘g‘risida” 2007-yil 10-apreldagi PQ-618-son qaroriga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Vazirlar Mahkamasining “Sug‘urta xizmatlari bozorini yanada rivojlantirish chora-tadbirlari to‘g‘risida” 2002-yil 27-noyabrdagi 413-son qarorining 1 va 2-bandlari (O‘zbekiston Respublikasi QT, 2002-y., 11-son, 72-modda) o‘z kuchini yo‘qotgan deb hisoblansin.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 1992-yil 23-noyabrdagi 553-son qarori (O‘zbekiston Respublikasi QT, 1992-y., 12-son, 37-modda) bilan tasdiqlangan O‘zbekiston Respublikasi Moliya vazirligi haqidagi nizomning 9-bandida:
yigirmanchi xatboshidagi “soliq maslahatchisi malaka sertifikatini olish uchun malaka imtihoni” so‘zlari “soliq maslahatchisi va aktuariy malaka sertifikatlarini olish uchun malaka imtihoni” so‘zlari bilan almashtirilsin;
yigirma birinchi xatboshidagi “soliq maslahatchisi malaka sertifikatini olish huquqi uchun malaka imtihoni” so‘zlari “soliq maslahatchisi va aktuariy malaka sertifikatlarini olish huquqi uchun malaka imtihonlari” so‘zlari bilan almashtirilsin;
Keyingi tahrirga qarang.
2. Vazirlar Mahkamasining 1999-yil 5-fevraldagi 54-son qarori (O‘zbekiston Respublikasi QT, 1999-y., 2-son, 9-modda) bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi to‘g‘risidagi nizomga 1-ilovada:
1.10-bandga “mol-mulkni sug‘urta qilish va hayotni uzoq muddatli sug‘urta qilish bo‘yicha sug‘urta mukofotlari bundan mustasno” so‘zlari qo‘shilsin;
“1.21. Xodimlarning ixtiyoriy sug‘urtasiga va ishlab chiqarish jarayoni bilan bog‘liq bo‘lmagan ixtiyoriy sug‘urtaning boshqa turlariga qonun hujjatlarida belgilangan normalardan ortiqcha xarajatlar, mol-mulkni sug‘urta qilish va hayotni uzoq muddatli sug‘urta qilish bo‘yicha sug‘urta mukofotlari xarajatlari bundan mustasno”.
3. Vazirlar Mahkamasining 2003-yil 20-avgustdagi 357-son qarori (O‘zbekiston Respublikasi QT, 2003-y., 8-son, 72-modda) bilan tasdiqlangan Tadbirkorlik subyektlarini davlat ro‘yxatidan o‘tkazish, hisobga qo‘yish va ruxsat beruvchi hujjatlarni rasmiylashtirish tartibi to‘g‘risidagi nizom 2-bandining ikkinchi xatboshidagi “va sug‘urta tashkilotlari” so‘zlari “tashkilotlar, sug‘urtalovchilar va sug‘urta brokerlari” so‘zlari bilan almashtirilsin.
Keyingi tahrirga qarang.