LexUZ sharhi
Mazkur qaror O‘zbekiston Respublikasi Prezidentining 2021-yil 18-oktabrdagi PF-6325-sonli “O‘zbekiston Respublikasi Prezidentining va O‘zbekiston Respublikasi Hukumatining ayrim hujjatlarini o‘z kuchini yo‘qotgan deb hisoblash to‘g‘risida”gi Farmoniga asosan o‘z kuchini yo‘qotgan.
Aholidan naqd pul mablag‘larini qabul qilishni va hisobga olishni yanada yaxshilash, soliqlar va boshqa to‘lovlar to‘liq yig‘ilishini hamda ularning budjetga tushushini ta’minlash, shuningdek, pul muomalasini mustahkamlash va banklarning pul tushumini inkassatsiya faoliyatini takomillashtirish maqsadida Vazirlar Mahkamasi qaror qiladi:
Oldingi tahrirga qarang.
1. Belgilab qo‘yilsinki, aholi bilan naqd pulda hisob-kitob qiluvchi xo‘jalik yurituvchi subyektlar:
barcha korxonalar va tashkilotlar (kichik biznes va xususiy tadbirkorlik subyektlaridan tashqari) — tushum respublikada belgilangan eng kam oylik ish haqining bir baravaridan ortiq bo‘lganda;
kichik biznes va xususiy tadbirkorlik subyektlari — tushum respublikada belgilangan eng kam oylik ish haqining yigirma baravaridan ortiq bo‘lganda naqd pul tushumini O‘zbekiston Respublikasi Markaziy bankining inkassatsiya xizmati orqali har kuni topshirishga majburdirlar.
Ko‘rsatib o‘tilgan miqdorlardan kam miqdordagi har kunlik naqd pul tushumiga ega bo‘lgan xo‘jalik yurituvchi subyektlar naqd pul tushumini O‘zbekiston Respublikasi Markaziy bankining inkassatsiya xizmati orqali yoki banklarning kunduzgi va kechki kassalariga mustaqil ravishda topshirish huquqiga ega.
(1-band O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qarori tahririda — O‘R QHT, 2011-y., 45-46-son, 470-modda)
Keyingi tahrirga qarang.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2016-yil 9-avgustdagi 254-sonli qaroriga asosan o‘z kuchini yo‘qotgan — O‘R QHT, 2016-y., 32-son, 390-modda)
3. Respublikaning tijorat banklariga aholi bilan hisob-kitob qiluvchi korxonalardan naqd pul mablag‘larining bank kassalariga o‘z vaqtida va to‘liq tushishini nazorat qilish tavsiya etilsin. Tushum ular tomonidan kechiktirib topshirilgan va to‘liq topshirilmagan hollarda tegishli chora ko‘rish uchun belgilangan tartibda soliq organlariga, pul-kredit siyosati komissiyalariga xabar qilsinlar.
Keyingi tahrirga qarang.
4. O‘zbekiston Respublikasi Davlat soliq qo‘mitasi tijorat banklari bilan birgalikda tushumdan ajratiladigan naqd pul mablag‘larini xarajat qilishning belgilangan cheklangan me’yorlariga, kassa qoldig‘i limitlariga rioya qilinishi, mulkchilik shakllaridan qat’i nazar, kunlik tushumga ega bo‘lgan tashkilotlar va korxonalar bo‘yicha tovarlar hamda ko‘rsatilgan xizmatlar uchun hisob-kitoblar ustidan nazoratni kuchaytirsin.
Keyingi tahrirga qarang.
5. O‘zbekiston Respublikasi Davlat soliq qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:
Keyingi tahrirga qarang.
Oldingi tahrirga qarang.
aholi bilan pulli hisob-kitoblarni amalga oshirishda fiskal xotiraga ega bo‘lgan nazorat-kassa mashinalarini qo‘llash tartibi to‘g‘risida nizom talablarining tegishli tashkilotlar tomonidan og‘ishmay bajarilishi ustidan doimiy nazoratni ta’minlasinlar;
(5-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 9-avgustdagi 254-sonli qarori tahririda — O‘R QHT, 2016-y., 32-son, 390-modda)
korxonalarda o‘rnatilgan, O‘zbekiston Respublikasi hududida foydalanish uchun tavsiya etiladigan nazorat-kassa mashinalari Davlat reyestriga kirmagan nazorat-kassa mashinalarining foydalanish muddati 1998-yil 31-dekabrda tugashi munosabati bilan ularni ushbu reyestrga kiritilgan nazorat-kassa mashinalari bilan to‘liq almashtirishning aniq tadbirlarini va jadvallarini ishlab chiqsinlar. 1999-yil 1-yanvardan boshlab nazorat-kassa mashinalarini o‘z vaqtida almashtirishni ta’minlamagan korxonalar faoliyatini belgilangan tartibda to‘xtatib qo‘ysinlar.
6. Pul-kredit siyosati bo‘yicha respublika komissiyasiga, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga, O‘zbekiston Respublikasi Davlat soliq qo‘mitasiga pul-kredit siyosati bo‘yicha hududiy komissiyalarga, tumanlar, shaharlar hokimliklari va mahalliy soliq organlariga kassa intizomining buzilishi, tushumni kechiktirib topshirish va topshirmaslik hollari hamda yuridik shaxslar o‘rtasida naqd mablag‘lar bilan o‘zaro hisob-kitob qilinishi bo‘yicha tijorat banklari tomonidan taqdim etilgan materiallarni o‘z vaqtida ko‘rib chiqish va qonunchilikda belgilangan choralarni qo‘llash majburiyatini yuklasinlar.
Keyingi tahrirga qarang.
7. “O‘zavtotrans” davlat korporatsiyasi va “Toshshaharyo‘lovchitrans” davlat “O‘zeltexsanoat” uyushmasi va O‘zbekiston Respublikasi Davlat soliq qo‘mitasi bilan birgalikda yo‘lovchi tashuvchi yengil avtomobillarni, ularning kimga qarashliligidan qat’i nazar, hisoblagichlar-taksometrlar bilan ta’minlash va ularni qo‘llash tartibini bir oy muddatda ishlab chiqsinlar.
8. O‘zbekiston Respublikasi Moliya vazirligi, Davlat soliq qo‘mitasi va boshqa vazirliklar va idoralar o‘zlarining me’yoriy hujjatlarini bir oy muddatda mazkur qarorga muvofiqlashtirsinlar.