O‘zbekiston Respublikasi Prezidentining “Toshkent tibbiyot akademiyasini tashkil etish to‘g‘risida” 2005-yil 19-iyuldagi PF–3629-son Farmonini bajarish yuzasidan hamda yuqori malakali tibbiyot kadrlari tayyorlashni tashkil etishni takomillashtirish va uning sifatini oshirish maqsadida Vazirlar Mahkamasi qaror qiladi:
1. Toshkent tibbiyot akademiyasining boshqaruv va xizmat ko‘rsatuvchi xodimlarining cheklangan soni 1006 nafar, shu jumladan boshqaruv xodimlari 103 nafar bo‘lgan tashkiliy tuzilmasi ilovaga muvofiq tasdiqlansin.
Toshkent tibbiyot akademiyasi rektoriga, zarurat bo‘lganda, Akademiya tuzilmasiga xodimlarning belgilangan cheklangan umumiy soni doirasida o‘zgartirishlar kiritish huquqi berilsin.
Keyingi tahrirga qarang.
aholiga tibbiy yordam ko‘rsatishni sifat jihatidan yaxshilash maqsadida yuqori malakali tibbiyot kadrlari tayyorlashni ta’minlash va sog‘liqni saqlash tizimi tuzilmasini takomillashtirishda qatnashish;
ilg‘or ta’lim texnologiyalarini keng joriy etish asosida o‘quv jarayonini tashkil etishni yangi mazmun bilan to‘ldirish;
bo‘lajak tibbiyot mutaxassislarini o‘qitishni ular davolash amaliyotining aniq ko‘nikmalarini egallab olishi bilan birgalikda ta’minlash;
tibbiyot kadrlari tayyorlashning istiqbolli yo‘nalishlarini belgilash, atrof muhitdagi ekologik o‘zgarishlarni hisobga olgan holda vrachlar faoliyatida profilaktika yo‘nalishini shakllantirish;
tibbiyot kadrlari tayyorlash, ularni qayta tayyorlash va ularning malakasini oshirish bo‘yicha respublikadagi yetakchi ta’lim muassasasi sifatida, shuningdek tibbiyot, sog‘liqni saqlash, sog‘lom turmush tarzini shakllantirish sohasida ilmiy tadqiqotlar o‘tkazish bo‘yicha mamlakatning tibbiyot oliy o‘quv yurtlarini muvofiqlashtirish va ularga metodik rahbarlik qilish;
tibbiyot pedagogika kadrlarida vatanparvar fuqaro tuyg‘ularini, yuksak professionalizm va ma’naviy-axloqiy fazilatlarni shakllantirgan holda ularni tayyorlash, qayta tayyorlash va malakasini oshirish;
tibbiyot kadrlari tayyorlash bo‘yicha Vatanimizdagi va xorijdagi ilg‘or tajribani hisobga olish va tizimlashtirish hamda uni respublikaning oliy tibbiyot ta’limi tizimiga joriy etish.
3. Birinchi Toshkent davlat tibbiyot institutining Urganch filiali va Ikkinchi Toshkent davlat tibbiyot institutining Farg‘ona filiali Toshkent tibbiyot akademiyasining tegishli filiallariga qayta nomlansin.
4. Belgilansinki, Toshkent tibbiyot akademiyasi hamda tegishli ravishda uning Urganch va Farg‘ona filiallari:
Birinchi Toshkent davlat tibbiyot instituti, Ikkinchi Toshkent davlat tibbiyot instituti, Birinchi Toshkent davlat tibbiyot instituti Urganch filiali va Ikkinchi Toshkent davlat tibbiyot instituti Farg‘ona filialining huquqlari, majburiyatlari va tuzilgan shartnomalarining;
Birinchi Toshkent davlat tibbiyot instituti, Ikkinchi Toshkent davlat tibbiyot instituti, Birinchi Toshkent davlat tibbiyot instituti Urganch filiali va Ikkinchi Toshkent davlat tibbiyot instituti Farg‘ona filialining balansida bo‘lgan mol-mulkning huquqiy vorislari hisoblanadi.
5. O‘zbekiston Respublikasi Sog‘liqni saqlash vazirligi, Toshkent tibbiyot akademiyasi rektori bir hafta muddatda Akademiyaning asosiy vazifalaridan va faoliyati yo‘nalishlaridan kelib chiqib Ilmiy kengashni shakllantirsin. Ilmiy kengash mamlakatda tibbiyot sohasida tayyorlanadigan mutaxassislar va olimlarning darajasi va sifatini oshirish ishida yetakchi tuzilma sifatida Akademiyani tashkil etish va shakllantirish jarayonida rektoratga muhim tayanch bo‘lishi kerak.
Toshkent tibbiyot akademiyasi va uning filiallari faoliyati joriy yilda Birinchi va Ikkinchi Toshkent davlat tibbiyot institutlari va ularning filiallariga ajratilgan budjet mablag‘lari doirasida moliyalashtirilishini ta’minlasin;
tugatilayotgan Birinchi va Ikkinchi Toshkent davlat tibbiyot institutlari va ularning filiallari professor-o‘qituvchilar tarkibining umumiy sonini saqlab qolsin.
7. O‘zbekiston Respublikasi Sog‘liqni saqlash vazirligi (F.Nazirov) Toshkent tibbiyot akademiyasi rahbariyati bilan birgalikda bir oy muddatda Akademiya ustavini ishlab chiqsin va belgilangan tartibda tasdiqlasin.
davolash fakulteti hamda Oliy hamshiralik ishi fakulteti tugatilgan Ikkinchi Toshkent davlat tibbiyot instituti korpuslarida;
stomatologiya, tibbiy-profilaktika va tibbiy-pedagogika fakultetlari sobiq Birinchi Toshkent davlat tibbiyot instituti korpuslarida joylashtirilsin.
Toshkent shahar hokimligi (A.To‘xtayev) Toshkent tibbiyot akademiyasi hududlari o‘rtasida avtobus yo‘nalishini tashkil etsin. Yo‘nalish talabalar yotoqxonalariga tutashib ketgan ko‘chalar bo‘ylab o‘tishini nazarda tutilsin.
qabul komissiyalari faoliyatida biror-bir ta’magirlik va poraxo‘rlik hollarini, abituriyentlarning Akademiyaga tanish-bilishchilik va boshqa subyektiv sabablar bilan kirishini istisno etish uchun qo‘shimcha chora-tadbirlar ko‘rsinlar;
klinik bazalarning respublika va shahar davolash-profilaktika va sanitariya muassasalarida joylashishini hisobga olgan holda kafedralarning soni, tarkibi va joylashtirilishini bir oy muddatda maqbullashtirsinlar, bunda ularning takrorlanishi va parallel mavjud bo‘lishi istisno etilsin;
Toshkent tibbiyot akademiyasi va uning filiallari professor-o‘qituvchilar tarkibini belgilangan tartibda tanlov asosida tanlab olsinlar.
10. Toshkent shahar, Forobiy ko‘chasi, 2-uy Toshkent tibbiyot akademiyasining yuridik manzili etib belgilansin.
11. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S.Qosimov zimmasiga yuklansin.
Keyingi tahrirga qarang.