“O‘zbekiston Respublikasining Belgilarni xalqaro ro‘yxatdan o‘tkazish to‘g‘risidagi Madrid bitimiga doir Bayonnomaga (Madrid, 1989-yil 27-iyun)” qo‘shilishi haqida”gi O‘zbekiston Respublikasi Qonunini bajarish yuzasidan Vazirlar Mahkamasi qaror qiladi:
1. Belgilarni xalqaro ro‘yxatdan o‘tkazish to‘g‘risidagi Madrid bitimiga doir Bayonnomaga (Madrid, 1989-yil 27-iyun) muvofiq belgilarni xalqaro ro‘yxatdan o‘tkazishda O‘zbekiston Respublikasi norezidentlaridan undiriladigan yakka tartibdagi bojlar stavkalari ilovaga muvofiq tasdiqlansin.
Oldingi tahrirga qarang.
2. Belgilansinki, O‘zbekiston Respublikasi Adliya vazirligining Intellektual mulkni rivojlantirish jamg‘armasiga tushadigan yakka tartibdagi boj mablag‘lari quyidagi tartibda taqsimlanadi:
78 foizi — Ilm-fanni moliyalashtirish va innovatsiyalarni qo‘llab-quvvatlash jamg‘armasi hisobvarag‘iga;
20 foizi — Adliya vazirligining moddiy-texnika bazasini mustahkamlashda hamda sanoat obyektlarini va intellektual mulkning boshqa turlarini huquqiy muhofaza qilish sohasida xalqaro tashkilotlarda qatnashganlik uchun a’zolik badallarini to‘lashda ulardan foydalanish uchun (kamida 50 foizi), shuningdek xodimlarni moddiy rag‘batlantirish uchun O‘zbekiston Respublikasi Adliya vazirligining Intellektual mulkni rivojlantirish jamg‘armasida qoldiriladi.
(2-band O‘zbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik ma’lumotlari milliy bazasi, 14.07.2022-y., 09/22/385/0643-son)
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
Boj kodi | Bojning nomi | Stavkalar (AQSh dollari) |
1. | Belgining xalqaro ro‘yxatdan o‘tkazilishi natijasida paydo bo‘ladigan muhofaza qilishni yoyish to‘g‘risidagi arizada O‘zbekiston Respublikasi ko‘rsatilganligi uchun, shuningdek hududiy kengaytirish to‘g‘risidagi arizada O‘zbekiston Respublikasi ko‘rsatilganligi uchun: | |
1.1. | belgilarni ro‘yxatdan o‘tkazish maqsadlari uchun tovarlar va xizmatlar xalqaro tasnifining bir klassi uchun | 1200 |
1.2. | bir klassdan ortiq bo‘lgan tovarlar va xizmatlarning har bir qo‘shimcha klassi uchun: | 120 |
2. | Jamoa belgisi xalqaro ro‘yxatdan o‘tkazilishi natijasida paydo bo‘ladigan muhofaza qilish yoyilishi to‘g‘risidagi arizada O‘zbekiston Respublikasi ko‘rsatilganligi uchun, shuningdek hududiy kengaytirish to‘g‘risidagi arizada O‘zbekiston Respublikasi ko‘rsatilganligi uchun: | |
2.1. | belgilarni ro‘yxatdan o‘tkazish maqsadlari uchun tovarlar va xizmatlar xalqaro tasnifining bir klassi uchun | 1800 |
2.2. | bir klassdan ortiq bo‘lgan tovarlar va xizmatlarning har bir qo‘shimcha klassi uchun | 180 |
3. | Ko‘rsatib o‘tilgan Bayonnomaga muvofiq ro‘yxatdan o‘tkazilgan belgining xalqaro ro‘yxatdan o‘tkazilganligi uzaytirilganligi uchun: | |
3.1. | belgilarni ro‘yxatdan o‘tkazish maqsadlari uchun tovarlar va xizmatlar xalqaro tasnifining bir klassi uchun | 600 |
3.2. | bir klassdan ortiq bo‘lgan tovarlar va xizmatlarning har bir qo‘shimcha klassi uchun | 60 |
4. | Ko‘rsatib o‘tilgan Bayonnomaga muvofiq ro‘yxatdan o‘tkazilgan jamoa belgisi xalqaro ro‘yxatdan o‘tkazilganligi uzaytirilganligi uchun: | |
4.1. | belgilarni ro‘yxatdan o‘tkazish maqsadlari uchun tovarlar va xizmatlar xalqaro tasnifining bir klassi uchun | 1200 |
4.2. | bir klassdan ortiq bo‘lgan tovarlar va xizmatlarning har bir qo‘shimcha klassi uchun | 120 |
Oldingi tahrirga qarang.
(ilova O‘zbekiston Respublikasi Vazirlar Mahkamasining 2017-yil 9-oktabrdagi 810-sonli qaroriga asosan izoh bilan to‘ldirilgan — Qonun hujjatlari ma’lumotlari milliy bazasi, 12.10.2017-y., 09/17/810/0095)