LexUZ sharhi
Mazkur qaror O‘zbekiston Respublikasi Prezidentining 2017-yil 27-iyundagi PF-5097-sonli “O‘zbekiston Respublikasi Prezidentining ayrim hujjatlariga o‘zgartish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida”gi Farmoniga asosan o‘z kuchini yo‘qotgan.
Umumiy foydalaniladigan avtomobil yo‘llarini loyihalashtirish, qurish va rekonstruksiya qilish tartibini takomillashtirish, shuningdek Respublika yo‘l fondi hisobidan yo‘l tarmog‘ining ekspluatatsiya qilish va pudratchi tashkilotlari faoliyatini moliyalashtirishni maqbullashtirish maqsadida:
Umumiy foydalaniladigan yo‘llarni loyihalashtirish, qurish va rekonstruksiya qilish tartibi to‘g‘risidagi nizom 1-ilovaga* muvofiq;
* 1-ilova rus tilidagi matnda berilgan.
O‘zbekiston Respublikasi Moliya vazirligi huzuridagi Respublika yo‘l fondining yangilangan nizomi 2-ilovaga* muvofiq;
* 2-ilova rus tilidagi matnda berilgan.
O‘zbekiston Respublikasi Moliya vazirligi huzuridagi Respublika yo‘l fondi daromadlari shakllanishi va mablag‘larini sarflash tartibi to‘g‘risidagi yangilangan nizom 3-ilovaga* muvofiq tasdiqlansin.
* 3-ilova rus tilidagi matnda berilgan.
2. O‘zbekiston Respublikasi Moliya vazirligi huzuridagi Respublika yo‘l fondi “O‘zavtoyo‘l” DAK, Davarxitektqurilish va Qoraqalpog‘iston Respublikasi Vazirlar Kengashi va viloyatlar hokimliklari huzuridagi yagona buyurtmachi xizmatlari bilan birgalikda umumiy foydalaniladigan avtomobil yo‘llarini loyihalashtirish, qurish va rekonstruksiya qilishning belgilangan tartibiga qat’iy amal qilinishini, ko‘rsatilgan maqsadlarga ajratilgan mablag‘lardan oqilona va samarali foydalanishni ta’minlasin.
O‘zbekiston Respublikasi Moliya vazirligi Respublika yo‘l fondining avtomobil yo‘llarini qurish, rekonstruksiya qilish, ta’mirlash va ekspluatatsiya qilishga ajratilgan mablag‘laridan maqsadli va oqilona sarflanish ustidan qat’iy nazorat o‘rnatsin.
3. O‘zbekiston Respublikasi Vazirlar Mahkamasining “O‘zavtoyo‘l” davlat-aksiyadorlik kompaniyasi va O‘zbekiston Respublikasi Moliya vazirligi huzuridagi Respublika yo‘l jamg‘armasi faoliyatini tashkil etish masalalari to‘g‘risida” 2003-yil 21-avgustdagi 361-sonli qarorining 7-bandidagi 2, 3 va 5-xatboshilari hamda mazkur qarorning 5, 6 va 8-ilovalari o‘z kuchini yo‘qotgan deb hisoblansin.
4. O‘zbekiston Respublikasi Adliya vazirligi bir oy muddatda qonun hujjatlariga mazkur qarordan kelib chiqadigan o‘zgartish va qo‘shimchalar bo‘yicha Vazirlar Mahkamasiga takliflar kiritsin.
5. Mazkur qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.