24.07.2006 yilda ro‘yxatdan o‘tgan, ro‘yxat raqami 1608
Hujjat kuchini yo‘qotgan 05.09.2020
 LexUZ sharhi
O‘zbekiston Respublikasi “Baholash faoliyati to‘g‘risida”gi Qonuniga, O‘zbekiston Respublikasi Prezidentining 2006-yil 26-apreldagi PQ–335-sonli “O‘zbekiston Respublikasi Davlat mulki qo‘mitasi faoliyatini takomillashtirishga doir chora-tadbirlar to‘g‘risida”gi qaroriga hamda Vazirlar Mahkamasining 2003-yil 8-maydagi 210-sonli “Baholash faoliyatini litsenziyalash to‘g‘risida”gi qaroriga muvofiq O‘zbekiston Respublikasi Davlat mulkini boshqarish davlat qo‘mitasi qaror qiladi:
Mazkur Mulkni baholash milliy standarti “Ssuda, garov va qarz majburiyatlarini ta’minlash uchun baholash” (5-son MBMS) O‘zbekiston Respublikasining “Baholash faoliyati to‘g‘risida”gi Qonuni asosida ishlab chiqilgan bo‘lib, O‘zbekiston Respublikasidagi baholash faoliyatining normativ tartibga solinishi elementi hisoblanadi.
Moliyaviy hisobot uchun aktivlarni baholashdan farqlanuvchi mulkni baholashda 5-son MBMS 3-bandida keltirilgan ta’rifdagi “aktiv” atamasini Baholovchilar tomonidan odatda “mulk” atamasiga almashtiriladi. Bu moliyaviy hisobot uchun o‘tkaziladigan hamda korxona buxgalteriya hisobi hujjatlarida aks ettiriladigan aktivlarga tegishli bo‘lgan baholashlarni topshiriqlarning boshqa baholash turlaridan farqlashga yordam beradi.