LexUZ sharhi
Ushbu qarorning 3, 5-bandlari hamda ilovaning 4, 5, 6-bandlariga O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan o‘zgartirishlar kiritilgan. Qarorning rus tilidagi matniga qarang.
Qayd etilsinki, qayta-qayta ko‘rsatmalar va topshiriqlar berilayotganligiga qaramay, qiymat va moddiy balanslarning tayyorlanayotgan loyihalari sifati va asoslanishiga O‘zbekiston Respublikasi Vazirlar Mahkamasining komplekslari, axborot-tahlil departamentlari, tegishli vazirliklar, idoralar va xo‘jalik birlashmalari rahbarlari tomonidan zarur darajada e’tibor berilmayapti.
Ishlarning bunday ahvoli 2006-yilga neft va gaz kondensati, tabiiy gaz, neft mahsulotlari resurslari va ularni taqsimlash balanslarini tasdiqlashda asosli tanbehlar berilishiga, shuningdek, 2006-yilda paxta tolasi ishlab chiqarish va yetkazib berish balansini ko‘rib chiqish cho‘zilib ketishiga olib keldi.
Qiymat va moddiy balanslarning tasdiqlangan parametrlari bajarilishi ustidan nazorat qilish rasmiyatchilik tusini olmoqda, ularning bajarilishiga to‘sqinlik qilayotgan sabablarni aniqlash uchun iqtisodiyot tarmoqlaridagi ishlarning ahvoli yetarlicha tahlil qilinmayapti, mavjud muammolarni bartaraf etish yuzasidan tezkorlik bilan zarur chora-tadbirlar ko‘rilishi ta’minlanmayapti.
Ko‘rsatib o‘tilgan kamchiliklarni tugatish, balanslar loyihalari sifatli tayyorlanishi uchun mansabdor shaxslarning mas’uliyatini oshirish, qiymat va moddiy balanslarning tasdiqlangan parametrlari bajarilishining samarali monitoringi olib borilishini ta’minlash maqsadida Vazirlar Mahkamasi qaror qiladi:
1. 2006-yilga neft va gaz kondensati, tabiiy gaz, neft mahsulotlari resurslari va ularni taqsimlash, paxta tolasi ishlab chiqarish va yetkazib berish balanslari loyihalari sifatli ishlab chiqilishi ta’minlanmaganligi uchun:
Yoqilg‘i-energetika kompleksi, kimyo, metallurgiya va mashinasozlik masalalari axborot-tahlil departamenti mudiri R. M. Mamadaliyevga hamda Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamenti mudiri vazifasini bajaruvchi O‘. I. Barnoyevga, Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamenti mudirining o‘rinbosari vazifasini bajaruvchi R. Sh. Akbarxo‘jayevga ko‘rsatib o‘tilsin;
“O‘zbekneftgaz” milliy-xolding kompaniyasi raisi A. A. Azizov, “O‘zpaxtasanoat” uyushmasi raisi E. 3. Zikriyoyev, Iqtisodiyot vazirining birinchi o‘rinbosari O‘. O‘. Rozuqulov, Iqtisodiyot vazirining o‘rinbosari A. X. Salimov qat’iy ogohlantirilsin.
2. 2006-yilga neft va gaz kondensati, tabiiy gaz, neft mahsulotlari resurslari va ularni taqsimlash, paxta tolasi ishlab chiqarish va yetkazib berish balanslari loyihalarini ishlab chiqishda yo‘l qo‘yilgan kamchiliklar uchun Yoqilg‘i-energetika kompleksi, kimyo, metallurgiya va mashinasozlik masalalari axborot tahlil departamentining yetakchi mutaxassisi 3. 3. Abrorovga, Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamentining bosh mutaxassisi T. A. Yo‘ldoshevga hayfsan berilsin.
qiymat va moddiy balanslarning tasdiqlangan parametrlari bajarilishining yil choragi va oylik jadvallar asosidagi monitoringini olib borish;
jadvallarga muvofiq qiymat va moddiy balanslarning tasdiqlangan ko‘rsatkichlari bajarilishi har oyda O‘zbekiston Respublikasi Vazirlar Mahkamasi komplekslari rahbarlari tomonidan ko‘rib chiqilishi va ularni so‘zsiz bajarish yuzasidan tegishli chora-tadbirlar ko‘rish, shuningdek, tegishli vazirliklar, idoralar va xo‘jalik birlashmalari rahbarlari va mansabdor shaxslariga nisbatan javobgarlik chora-tadbirlarini belgilash;
jadvallarga muvofiq balanslarning tasdiqlangan parametrlari bajarilishini yilning har choragida (zarurat bo‘lganda — har oyda) O‘zbekiston Respublikasi Vazirlar Mahkamasi Prezidiumida ko‘rib chiqish tartibi joriy etilsin.
4. O‘zbekiston Respublikasi Vazirlar Mahkamasi komplekslari rahbarlari Iqtisodiyot vazirligi bilan birgalikda bir hafta muddatda qiymat va moddiy balanslar parametrlari yil choragida va har oyda bajarilishining jadvallari ishlab chiqilishi va tasdiqlanishini ta’minlasinlar.
5. O‘zbekiston Respublikasi Iqtisodiyot vazirligi (Rozuqulov) manfaatdor vazirliklar, idoralar va xo‘jalik birlashmalari bilan birgalikda:
qiymat va moddiy balanslarning tasdiqlangan parametrlari bajarilishi to‘g‘risidagi tahliliy axborot qoloqlikning aniq sabablari ko‘rsatilgan holda, shuningdek, mavjud muammolarni hal etishga doir takliflar bilan birgalikda O‘zbekiston Respublikasi Vazirlar Mahkamasiga har oyda hisobot oyidan keyingi oyning 10-kunigacha va har chorakda hisobot choragidan keyingi oyning 20-kunigacha kiritilishini ta’minlasin.
6. Qiymat va moddiy balanslarning tasdiqlangan parametrlari bajarilishining yil choragi va oylik jadvallar asosidagi monitoringini olib borish tartibi to‘g‘risidagi nizom ilovaga muvofiq tasdiqlansin.
7. Belgilansinki, tegishli vazirliklar, idoralar va xo‘jalik birlashmalari rahbarlari, O‘zbekiston Respublikasi Vazirlar Mahkamasining tegishli axborot-tahlil departamentlari mudirlari va mas’ul xodimlari qiymat va moddiy balanslarning tasdiqlangan parametrlari jadvallarga muvofiq o‘z vaqtida bajarilishi uchun shaxsan javob beradilar.
Oldingi tahrirga qarang.
8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari va O‘zbekiston Respublikasi Vazirlar Mahkamasi Ijro etuvchi apparatining boshqaruvchisi S.X. Bekenov zimmasiga yuklansin.
(8-band O‘zbekiston Respublikasi Vazirlar Mahkamasining 2008-yil 20-maydagi 100-sonli qarori tahririda — O‘R QHT, 2008-y., 20-21-son, 175-modda)
1. Mazkur Nizom qiymat va moddiy balanslarning tasdiqlangan parametrlari bajarilishining yil choragi va oylik jadvallar asosidagi monitoringini olib borish tartibini belgilaydi.
2. Qiymat yoki moddiy balans tasdiqlangan kundan boshlab bir hafta muddatda O‘zbekiston Respublikasi Iqtisodiyot vazirligi manfaatdor vazirliklar, idoralar va xo‘jalik birlashmalari bilan birgalikda yil choragi va oylar bo‘yicha balans parametrlari bajarilishi jadvalini ishlab chiqadi va kelishish uchun O‘zbekiston Respublikasi Vazirlar Mahkamasining tegishli Axborot-tahlil departamentiga taqdim etadi va u keyinchalik tegishli Kompleks rahbari tomonidan tasdiqlanadi.
3. O‘zbekiston Respublikasi Vazirlar Mahkamasining axborot tahlil departamentlari jadval tasdiqlangan kundan boshlab ikki kun muddatda uni O‘zbekiston Respublikasi Iqtisodiyot vazirligiga hamda tegishli vazirliklar, idoralar va xo‘jalik birlashmalariga — balansni ijro etuvchilarga yuboradi.
yil choragi va oylik jadvallarga muvofiq qiymat va moddiy balanslarning tasdiqlangan parametrlari o‘z vaqtida bajarilishini ta’minlaydilar;
har oyda hisobot oyidan keyingi oyning 5-kunigacha va har chorakda hisobot choragidan keyingi oyning 15-kunigacha O‘zbekiston Respublikasi Iqtisodiyot vazirligiga qoloqlik sabablarini batafsil ko‘rsatgan, mavjud muammolarni va ularni hal etishga doir takliflarni bayon etgan holda qiymat va moddiy balanslarning tasdiqlangan parametrlari jadvalga muvofiq bajarilishi to‘g‘risida batafsil axborot taqdim etadilar.
vazirliklar, idoralar va xo‘jalik birlashmalarining qiymat va moddiy balanslarning tasdiqlangan parametrlari choraklik va oylik jadvallarga muvofiq bajarilishi to‘g‘risidagi axborotini har oyda umumlashtiradi va tahlil qiladi, prognoz bajarilishiga to‘sqinlik qilayotgan mavjud muammolarni aniqlaydi, ularni bartaraf etish yuzasidan takliflarni ishlab chiqadi;
oylik jadvallar bajarilishini o‘rganib chiqish natijalari bo‘yicha hisobot oyidan keyingi oyning 10-kunigacha, shuningdek, yil choraklari jadvallari bajarilishini o‘rganib chiqish natijalari bo‘yicha hisobot choragidan keyingi oyning 20-kunigacha bo‘lgan muddatda qoloqlikning aniq sabablarini, shuningdek, mavjud muammolarni hal etishga doir takliflarni ko‘rsatgan holda O‘zbekiston Respublikasi Vazirlar Mahkamasining tegishli Axborot-tahlil departamentiga batafsil axborot kiritadi.
O‘zbekiston Respublikasi Iqtisodiyot vazirligi tomonidan taqdim etilgan axborotni ko‘rib chiqadi va tahlil etadi;
har oyning 15-kunigacha bo‘lgan muddatda O‘zbekiston Respublikasi Vazirlar Mahkamasi komplekslarining tegishli rahbarlari ko‘rib chiqishi uchun qiymat va moddiy balanslarning tasdiqlangan parametrlari oylik jadvallarga muvofiq bajarilishi to‘g‘risidagi materiallar tayyorlanishini va kiritilishini ta’minlaydi;
qiymat va moddiy balanslarning tasdiqlangan parametrlari bajarilishidagi qoloqlikning sabablari O‘zbekiston Respublikasi Vazirlar Mahkamasi komplekslari rahbarlarining ko‘rsatmalari bo‘yicha tegishli vazirliklar, idoralar va xo‘jalik birlashmalarining rahbarlari va mansabdor shaxslari ishtirokida muhokama qilinishini tashkil etadi;
yil choragi jadvallari (zarurat bo‘lganda — oylik jadvallar) bajarilishi to‘g‘risidagi materiallarni O‘zbekiston Respublikasi Vazirlar Mahkamasining Prezidiumida ko‘rib chiqish uchun tayyorlaydi;
qiymat va moddiy balanslarning tasdiqlangan parametrlari bajarilishida qoloqlikka yo‘l qo‘yayotgan vazirliklar, idoralar va xo‘jalik birlashmalari rahbarlari O‘zbekiston Respublikasi Vazirlar Mahkamasi Prezidiumining majlisida ishtirok etishini ta’minlaydi.
7. Qiymat va moddiy balanslarning tasdiqlangan parametrlari O‘zbekiston Respublikasi Vazirlar Mahkamasi Kompleksi Rahbari huzuridagi kengashlarda va O‘zbekiston Respublikasi Prezidiumi majlislarida ko‘rib chiqilishi natijalari bo‘yicha tasdiqlangan parametrlar so‘zsiz bajarilishini ta’minlash yuzasidan tegishli chora-tadbirlar ko‘riladi, tegishli vazirliklar, idoralar va xo‘jalik birlashmalari rahbarlari va mansabdor shaxslarining javobgarligi darajasi belgilanadi.