LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 2-sentabrdagi 692-sonli “O‘zbekiston Respublikasi Parvozlar xavfsizligini nazorat qilish davlat inspeksiyasi to‘g‘risidagi nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Davlat boshqaruvi respublika organlari tizimini takomillashtirish to‘g‘risida” 2003-yil 9-dekabrdagi PF-3358-son Farmonini bajarish yuzasidan hamda fuqaro va eksperimental aviatsiya faoliyatini davlat tomonidan tartibga solish tizimini yanada takomillashtirish, havo qatnoviga xizmat ko‘rsatishni, parvozlar xavfsizligini tekshirish va nazorat qilishni tashkil etish, aviatsiya faoliyati sohasida sertifikatlashtirish tartib-qoidalarini maqbullashtirish maqsadida Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Prezidentining 2017-yil 17-iyuldagi PQ–3136-sonli qaroriga asosan o‘z kuchini yo‘qotgan)
Oldingi tahrirga qarang.
(2-bandning ikkinchi xatboshisi O‘zbekiston Respublikasi Prezidentining 2017-yil 17-iyuldagi PQ-3136-sonli qaroriga asosan chiqarilgan)
O‘zbekiston Respublikasi Parvozlar xavfsizligini nazorat qilish davlat inspeksiyasi to‘g‘risidagi nizom 2-ilovaga muvofiq;
3. O‘zbekiston Respublikasi Parvozlar xavfsizligini nazorat qilish davlat inspeksiyasi boshlig‘iga “Davavianazorat” inspeksiyasi tuzilmasiga zarurat bo‘lganda xodimlarning belgilangan cheklangan soni va ta’minotga xarajatlar smetasi doirasida o‘zgartirishlar kiritishga ruxsat berilsin.
4. O‘zbekiston Respublikasi Hukumatining 3-ilovaga muvofiq qarorlari o‘z kuchini yo‘qotgan deb hisoblansin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.F. Fayzullayev zimmasiga yuklansin.
Oldingi tahrirga qarang.
(1-ilova O‘zbekiston Respublikasi Prezidentining 2017-yil 17-iyuldagi PQ–3136-sonli qaroriga asosan o‘z kuchini yo‘qotgan)
1. O‘zbekiston Respublikasi Parvozlar xavfsizligini nazorat qilish davlat inspeksiyasi (keyingi o‘rinlarda matnda “Davavianazorat” inspeksiyasi” deb yuritiladi) fuqaro va eksperimental aviatsiya faoliyati, havo kemalari ekspluatantlari, aviatsiya korxonalari va tashkilotlari tomonidan havo kemalari qatnovlari xavfsizligini ta’minlovchi belgilangan qoidalar va normalarga rioya etilishi ustidan davlat nazorati sohasidagi siyosatni olib borish bo‘yicha O‘zbekiston Respublikasi aviatsiya ma’muriyati funksiyasini amalga oshiruvchi davlat organi hisoblanadi.
“Davavianazorat” inspeksiyasi o‘z faoliyatida O‘zbekiston Respublikasi Vazirlar Mahkamasiga hisobot beradi.
2. “Davavianazorat” inspeksiyasi o‘z faoliyatida O‘zbekiston Respublikasi Konstitutsiyasi va qonunlariga, Oliy Majlisning qarorlari va boshqa hujjatlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga hamda mazkur Nizomga amal qiladi.
3. “Davavianazorat” inspeksiyasi o‘z faoliyatini davlat boshqaruvining boshqa organlari, huquqni muhofaza qilish organlari, mahalliy davlat hokimiyat organlari, jamoat birlashmalari va boshqa tashkilotlar bilan o‘zaro hamkorlikda amalga oshiradi.
4. “Davavianazorat” inspeksiyasining moddiy-texnika ta’minoti, shuningdek xodimlar mehnatiga haq to‘lash olingan litsenziyalarga (sertifikatlarga) muvofiq aviatsiya faoliyatini amalga oshirishdan yuridik shaxslar tomonidan olinayotgan daromadlardan majburiy to‘lovlar hisobiga amalga oshiriladi. Majburiy to‘lovlar miqdori “Davavianazorat” inspeksiyasining joriy yilga O‘zbekiston Respublikasi Moliya vazirligi bilan kelishilgan xarajatlar smetasi doirasida yuridik shaxslarning o‘tgan yilgi daromadlariga mutanosib ravishda belgilanadi.
(4-band O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
5. “Davavianazorat” inspeksiyasi yuridik shaxs hisoblanadi, O‘zbekiston Respublikasining Davlat gerbi tasviri tushirilgan va o‘z nomi yozilgan muhrga ega bo‘ladi.
parvozlar xavfsizligini ta’minlash bo‘yicha fuqaro aviatsiyasi faoliyati sohasidagi qonun hujjatlarida belgilangan tartibda sertifikatlashtirish ishlarini tashkil etish va ta’minlash;
parvozlar xavfsizligini ta’minlash, fuqaro havo kemalari davlat ro‘yxatidan o‘tkazish bo‘yicha normativ va qoidalarni ishlab chiqish hamda takomillashtirish;
(6-bandning to‘rtinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
o‘z vakolatlari doirasida havo qatnoviga xizmat ko‘rsatish tashkil etilishi va O‘zbekiston Respublikasining havo hududidan foydalanish ustidan nazorat qilish;
(6-bandning oltinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
(6-bandning yettinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
fuqaro va eksperimental havo kemalari bilan yuz bergan aviatsiya halokati va baxtsiz hodisalarni surishtirish;
aeroportlarda havo tashuvlarini amalga oshirish bilan bog‘liq havo kemalariga xizmat ko‘rsatish bo‘yicha faoliyatni litsenziyalashni tashkil etish;
(6-bandning to‘qqizinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
xalqaro tashkilotlarda O‘zbekiston Respublikasi fuqaro aviatsiyasi manfaatlarini ifodalash, “Davavianazorat” inspeksiyasi vakolatlariga tegishli bo‘lgan masalalar bo‘yicha boshqa davlatlarning aviatsiya ma’muriyatlari va tuzilmalari bilan o‘zaro aloqa qilish hamda hamkorlikni ta’minlash.
7. “Davavianazorat” inspeksiyasi o‘ziga yuklangan vazifalarni bajarish uchun quyidagi funksiyalarni amalga oshiradi:
parvozlarni tashkil etish, ta’minlash va bajarish qoidalari, fuqaro havo kemalaridan foydalanish va ularga texnik xizmat ko‘rsatish qoidalari;
(7-bandning “a” kichik bandi ikkinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
fuqaro havo kemalarini ishlab chiqarish qoidalari (ulardan foydalanish jarayonida ushbu kemalarning parvozlari xavfsizligiga ta’sir qiluvchi ishlab chiqarish nuqsonlari aniqlangan taqdirda);
fuqaro va eksperimental aviatsiya aerodromlaridan, birgalikda foydalaniladigan (joylashgan) aerodromlardan fuqaro havo kemalari qatnovlari xavfsizligini ta’minlashga oid qismi yuzasidan foydalanish qoidalari, shuningdek yer ustidagi asbob-uskunalardan foydalanish qoidalari;
fuqaro havo kemalari parvozlari xavfsizligini ta’minlashga tegishli qismi yuzasidan (xodimlarni tekshirish va ularni ishga qo‘yish ham shu jumlaga kiradi) aviatsiya xodimlarini tayyorlash qoidalari;
aviatsiya xavfsizligini ta’minlash normalari, qoidalari va tartib-qoidalari, shuningdek boshqa normativ hujjatlardagi aviatsiya qoidalari;
havo kemalari ekspluatantlarini sertifikatlashtirish, aviatsiya texnikasiga texnika xizmati ko‘rsatishni tashkil etish;
(7-bandning “b” kichik bandi ikkinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
fuqaro va eksperimental aviatsiya aerodromlarini, birgalikda foydalaniladigan (joylashgan) aerodromlarni, aviatsiya xodimlarini, fuqaro aviatsiyasining aviatsiya o‘quv markazlarini sertifikatlashtirish;
(7-bandning “b” kichik bandi uchinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
faoliyati parvozlar xavfsizligini ta’minlash bilan bevosita bog‘liq bo‘lgan fuqaro aviatsiyasining boshqa obyektlari va subyektlarini sertifikatlashtirish (tegishli sertifikatlar yoki guvohnomalar berilgan holda);
(7-bandning “b” kichik bandi to‘rtinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
fuqaro aviatsiyasi obyektlariga xorijiy sertifikatlarni, xorijiy davlatlarning aviatsiya mutaxassislariga berilgan sertifikatlarni (guvohnomalarni) e’tirof etish;
v) fuqaro havo kemalarining uchishga yaroqliligi normalarini, fuqaro va eksperimental aviatsiya aerodromlari foydalanishga yaroqliligi normalarini, shuningdek:
(7-bandning “v” kichik bandi ikkinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
fuqaro va eksperimental aviatsiya aerodromlarini, birgalikda foydalaniladigan (joylashgan) aerodromlarni sertifikatlashtirish;
(7-bandning “v” kichik bandi uchinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
fuqaro aviatsiyasi aviatsiya o‘quv markazlarini, shuningdek faoliyati parvozlar xavfsizligini ta’minlash bilan bevosita bog‘liq bo‘lgan fuqaro aviatsiyasining boshqa obyektlari va subyektlarini sertifikatlashtirish;
parvozlarni tashkil etish va ta’minlash, fuqaro va eksperimental havo kemalaridan uchishda va texnik maqsadlarda foydalanishni tashkil etish, fuqaro havo kemalari davlat ro‘yxatidan o‘tkazish, havo qatnovini tashkil etish, parvozlarni aerodrom bilan ta’minlash;
(7-bandning “v” kichik bandi beshinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
aviatsiya xodimlarini kasb faoliyatiga qo‘yish tartibi to‘g‘risidagi normativ hujjatlarni ishlab chiqadi;
g) o‘z vakolatlari doirasida havo qatnovini hamda O‘zbekiston Respublikasining havo hududidan foydalanish qoidalariga rioya etilishi ustidan davlat nazoratini belgilangan tartibda tashkil etadi va amalga oshiradi;
g1) havo transporti sohasida tashuvchilarning yo‘lovchilar hayoti, sog‘lig‘i va (yoki) mol-mulkiga zarar yetkazganlik uchun qonunda belgilangan o‘z fuqarolik javobgarligini majburiy sug‘urta qilish bo‘yicha majburiyati bajarilishini nazorat qilishni amalga oshiradi;
(7-band O‘zbekiston Respublikasi Vazirlar Mahkamasining 2015-yil 15-sentabrdagi 266-sonli qaroriga asosan “g1” kichik band bilan to‘ldirilgan — O‘R QHT, 2015-y., 37-son, 487-modda)
LexUZ sharhi
e) xorijiy davlatlarning ekspluatantlari tomonidan O‘zbekiston Respublikasiga muntazam qatnovlar bajarilishi uchun foydalanish ruxsatnomalari beradi va havo transporti orqali xavfli yuklar, qurol-yaroq, harbiy texnika, harbiy mol-mulk, portlovchi moddalar va buyumlar, shuningdek harbiy kontingentlar tranzitini amalga oshirish uchun xulosalar beradi;
(7-bandning “j” kichik bandi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
z) fuqaro havo kemalari davlat ro‘yxatidan o‘tkazilganligi to‘g‘risidagi guvohnomalarni va fuqaro havo kemasi nusxasiga uchishga yaroqlilik sertifikatlarini belgilangan tartibda beradi;
(7-bandning “z” kichik bandi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
i) eksperimental havo kemalarining davlat hisobini yuritadi va belgilangan tartibda eksperimental havo kemalarini davlat hisobiga olinganligi to‘g‘risida guvohnoma beradi;
(7-bandning “k” kichik bandi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
Oldingi tahrirga qarang.
(7-bandning “l” kichik bandi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan chiqarilgan — O‘R QHT, 2012-y., 44-son, 507-modda)
m) O‘zbekiston Respublikasining fuqaro va eksperimental aviatsiyasi havo kemalari hamda xorijiy davlatlarning fuqaro aviatsiyasi bilan O‘zbekiston Respublikasi hududida yuz bergan aviatsiya halokati va baxtsiz hodisani tekshirishni tashkil etadi va amalga oshiradi;
n) O‘zbekiston Respublikasi havo kemalari bilan boshqa davlatlar hududida yuz bergan aviatsiya halokati va baxtsiz hodisalarni tekshirishda belgilangan tartibda ishtirok etadi;
o) aviatsiya halokati va baxtsiz hodisa materiallarini belgilangan tartibda tegishli organlarga taqdim etadi;
p) aeroportlarda havo tashuvlarini amalga oshirish bilan bog‘liq havo kemalariga xizmat ko‘rsatish bo‘yicha faoliyatni litsenziyalashni tashkil etadi;
(7-bandning “p” kichik bandi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
r) parvozlar xavfsizligini ta’minlash, normativ-huquqiy bazani, havo kemalaridan uchishda va texnik maqsadlarda foydalanishni takomillashtirish, havo navigatsiyasi, havo qatnovini tashkil etish, fuqaro aviatsiyasi inspektorlar tarkibi tayyorgarligini takomillashtirish, aviatsiya halokati va baxtsiz hodisani tekshirish masalalari bo‘yicha xalqaro tashkilotlar, konferensiyalar va seminarlar ishida ishtirok etadi.
8. “Davavianazorat” inspeksiyasi o‘ziga yuklangan vazifalar va funksiyalarni bajarish uchun quyidagi huquqlarga ega bo‘ladi:
o‘z vakolatlari doirasida havo kemalari ekspluatantlari, aviatsiya korxonalari va tashkilotlarining, shuningdek, agar xalqaro bitimda o‘zgacha hol nazarda tutilmagan bo‘lsa, O‘zbekistonga muntazam parvozlarni amalga oshiruvchi xorijiy ekspluatantlarning fuqaro va eksperimental aviatsiya havo kemalari parvozlari xavfsizligini ta’minlash bilan bog‘liq faoliyatini belgilangan tartibda tekshirish;
tegishli vazirliklar, idoralar, korxonalar va tashkilotlardan, yuridik va jismoniy shaxslardan “Davavianazorat” inspeksiyasiga yuklangan vazifalarni bajarish uchun zarur bo‘lgan masalalar bo‘yicha ma’lumotlar va materiallarni qonun hujjatlariga muvofiq talab qilish va olish;
uchish ishlarini tashkil etish va havo qatnoviga xizmat ko‘rsatishda, fuqaro va eksperimental aviatsiyaning havo kemalaridan uchishda va texnik foydalanishda aniqlangan qoida buzishlarni bartaraf etish, ko‘rilayotgan chora-tadbirlar to‘g‘risida axborot taqdim etish muddati ko‘rsatilgan holda parvozlarni ta’minlash, aviatsiya xodimlarining kasb tayyorgarligi to‘g‘risida ijro etish uchun ko‘rsatmalar kiritish;
parvozlar xavfsizligiga tahdid solayotgan kamchiliklar aniqlanganda havo kemalari ekspluatantlarining sertifikatlari amal qilishini, fuqaro havo kemasi nusxasiga uchishga yaroqlilik sertifikatlari amal qilishini, fuqaro va eksperimental aviatsiya aerodromlarining muvofiqlik sertifikatlari amal qilishini, fuqaro aviatsiyasi mutaxassislarining guvohnomalari amal qilishini belgilangan tartibda to‘xtatib turish;
(8-bandning oltinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
havo transporti sohasida tashuvchilarning yo‘lovchilar hayoti, sog‘lig‘i va (yoki) mol-mulkiga zarar yetkazganlik uchun qonunda belgilangan o‘z fuqarolik javobgarligini majburiy sug‘urta qilish bo‘yicha majburiyati bajarilmaganligi uchun aybdor shaxslarni qonun hujjatlarida nazarda tutilgan javobgarlikka tortish haqida sud organlariga taqdimnomalar kiritish;
(8-band O‘zbekiston Respublikasi Vazirlar Mahkamasining 2015-yil 15-sentabrdagi 266-sonli qaroriga asosan yettinchi xatboshi bilan to‘ldirilgan — O‘R QHT, 2015-y., 37-son, 487-modda)
LexUZ sharhi
vazirliklar va idoralarga zarur ishlarni bajarishni, fuqaro va eksperimental aviatsiyaning havo kemalari bilan yuz bergan aviatsiya halokati va baxtsiz hodisani tekshirish jarayonida surishtirish, sinash va o‘rganishni belgilangan tartibda topshirish;
“Davavianazorat” inspeksiyasi vakolatlariga kiritilgan masalalar bo‘yicha boshqa davlatlarning tegishli tashkilotlari bilan belgilangan tartibda aloqa qilish va o‘z vakolatiga tegishli bo‘lgan O‘zbekiston Respublikasining xalqaro shartnomalari bajarilishini ta’minlash;
ichki va xalqaro havo yo‘llarida qatnovlarni amalga oshirishda “Davavianazorat” inspeksiyasi mutaxassislarini belgilangan tartibda havo kemalari ekipajlari tarkibiga tekshiruvchilar sifatida kiritish, shuningdek sinov uchishlari va bir joydan boshqa joyga ko‘chirishda va aviatsiya ishlarining boshqa turlarida O‘zbekiston Respublikasi ekspluatantining havo kemalari ekipajlari tarkibida parvozlarni bajarish.
Sertifikatlashtirish va doimiy nazorat qilish, fuqaro aviatsiyasi xalqaro tashkilotining standartlari va tavsiya etilayotgan amaliyotiga muvofiqligini nazorat qilish bo‘yicha havo kemasi ekipaji tarkibiga kiritilgan “Davavianazorat” inspeksiyasi mutaxassislarining faoliyati bilan bog‘liq xarajatlar havo kemalari ekspluatantlari tomonidan qoplanadi.
“Davavianazorat” inspeksiyasi O‘zbekiston Respublikasi qonun hujjatlariga muvofiq boshqa huquqlarga ega bo‘lishi mumkin.
“Davavianazorat” inspeksiyasi xodimlari “Xo‘jalik yurituvchi subyektlar faoliyatini davlat tomonidan nazorat qilish to‘g‘risida” O‘zbekiston Respublikasi Qonuniga muvofiq nazoratni amalga oshirishda, o‘z vakolatlari doirasida xizmat guvohnomasini ko‘rsatgan holda havo kemalari ekspluatantlariga, fuqaro va eksperimental aviatsiya sohasidagi faoliyatni amalga oshirayotgan korxonalar va tashkilotlarga belgilangan tartibda to‘siqsiz kirishga haqlidirlar.
9. “Davavianazorat” inspeksiyasi o‘ziga yuklangan vazifalar samarali bajarilishi uchun javob beradi.
“Davavianazorat” inspeksiyasi mansabdor shaxslarining xatti-harakatlari ustidan qonun hujjatlariga muvofiq shikoyat qilinadi.
10. “Davavianazorat” inspeksiyasining mansabdor shaxslari o‘z xizmat majburiyatlari zarur darajada bajarilmaganligi uchun qonun hujjatlarida belgilangan tartibda javob beradi.
11. “Davavianazorat” inspeksiyasiga O‘zbekiston Respublikasi Prezidenti tomonidan lavozimga tasdiqlanadigan va lavozimdan ozod etiladigan boshliq boshchilik qiladi.
Boshliqning belgilangan tartibda O‘zbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan bir nafar o‘rinbosari bo‘ladi.
(11-band O‘zbekiston Respublikasi Vazirlar Mahkamasining 2010-yil 5-iyundagi 108-sonli qarori tahririda — O‘R QHT, 2010-y., 23-son, 138-modda)
yakkaboshchilik asosida “Davavianazorat” inspeksiyasi faoliyatiga umumiy rahbarlikni amalga oshiradi va “Davavianazorat” inspeksiyasiga yuklangan vazifalar va funksiyalar bajarilishi uchun shaxsan javob beradi;
“Davavianazorat” inspeksiyasi tuzilmasiga o‘zgartirishlar kiritadi, xodimlarning belgilangan umumiy soni doirasida “Davavianazorat” inspeksiyasining shtat jadvalini, shuningdek Moliya vazirligi bilan kelishgan holda “Davavianazorat” inspeksiyasining xarajatlari smetasini tasdiqlaydi;
“Davavianazorat” inspeksiyasi xodimlarini belgilangan tartibda lavozimga tayinlaydi va lavozimdan ozod qiladi.
13. “Davavianazorat” inspeksiyasini qayta tashkil etish va tugatish qonun hujjatlarida belgilangan tartibda amalga oshiriladi.
1. Vazirlar Mahkamasining “O‘zbekiston havo transporti ekspluatantlarini sertifikatsiya qilish to‘g‘risida” 1993-yil 5-oktabrdagi 481-son qarori.
2. Vazirlar Mahkamasining “O‘zbekiston Respublikasi Parvozlar xavfsizligini nazorat qilish davlat inspeksiyasini tashkil etish to‘g‘risida” 1998-yil 16-iyundagi 255-son qarorining 2, 3, 4 va 10-bandlari, shuningdek mazkur qarorga 1 va 2-ilovalar.
3. Vazirlar Mahkamasining “O‘zbekiston Respublikasi Hukumatining ayrim qarorlariga qo‘shimcha va o‘zgartirishlar kiritish to‘g‘risida” 2002-yil 1-may 150-son qaroriga ilovaning 8-bandi (O‘zbekiston Respublikasi QT, 2002-y., 5-son, 23 modda).
4. Vazirlar Mahkamasining “Transport sohasidagi faoliyatning ayrim turlarini litsenziyalash to‘g‘risidagi nizomlarni tasdiqlash haqida” 2003-yil 21-avgust 360-son qaroriga 9-ilovaning II bo‘limi 1-bandi “a” va “v” kichik bandlari (O‘zbekiston Respublikasi QT, 2003-y., 8-son, 73 modda).