LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 27-apreldagi 243-sonli “Xalq ta’limi tizimidagi tashkilotlarning budjetdan tashqari jamg‘armalari mablag‘larini shakllantirish va ulardan foydalanish tartibi to‘g‘risidagi nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi umumta’lim maktablarini axborotlashtirish” loyihasini amalga oshirish uchun Koreya Respublikasi Hukumati tomonidan beriladigan imtiyozli kreditdan samarali foydalanish chora-tadbirlari to‘g‘risida” 2006-yil 27-martdagi PQ-312-son qarorini bajarish yuzasidan Vazirlar Mahkamasi qaror qiladi:
1. O‘zbekiston Respublikasi Xalq ta’limi vazirligi huzurida Xalq ta’limi sohasida axborot-kommunikatsiya texnologiyalarini rivojlantirish markazi (keyingi o‘rinlarda Markaz deb ataladi) tashkil etilsin, unga “O‘zbekiston Respublikasi umumta’lim maktablarini axborotlashtirish” loyihasini amalga oshirish, shu jumladan kredit mablag‘laridan O‘zbekiston Respublikasi Hukumati bilan Koreya Respublikasining Eksport-import banki o‘rtasidagi kredit bitimi talablariga muvofiq foydalanilishini nazorat qilish va hisobga olish funksiyalari yuklansin.
(1-band O‘zbekiston Respublikasi Vazirlar Mahkamasining 2019-yil 30-sentabrdagi 822-sonli qarori tahririda — Qonun hujjatlari ma’lumotlari milliy bazasi, 30.09.2019-y., 09/19/822/3840-son)
ilgari ishlab chiqilgan ta’lim beradigan elektron resurslarni va boshqa tillardagi nashrlarni O‘zbekiston Respublikasida o‘qitiladigan tillarga moslashtirish va mahalliylashtirish;
kompyuter asbob-uskunalaridan, axborot-kommunikatsiya texnologiyalari bo‘yicha ta’lim beradigan resurslar va treninglardan foydalanish samaradorligini tadqiq qilish, tahlil etish hamda monitoringini olib borish;
xalq ta’limi xodimlari va o‘qituvchilarni qayta tayyorlash hamda ularning malakasini oshirish institutlari xodimlari uchun trening kurslarini ishlab chiqish va ularni o‘tkazish;
axborot-ta’lim veb-portali joylashtiriladigan servyer maydonchasini tashkil etish, qo‘llab-quvvatlash va boshqarish;
O‘zbekiston Respublikasi Xalq ta’limi vazirligi tomonidan belgilangan tizimda axborot-kommunikatsiyani rivojlantirishga qaratilgan boshqa vazifalar.
(2-band O‘zbekiston Respublikasi Vazirlar Mahkamasining 2019-yil 30-sentabrdagi 822-sonli qaroriga asosan xatboshi bilan to‘ldirilgan — Qonun hujjatlari ma’lumotlari milliy bazasi, 30.09.2019-y., 09/19/822/3840-son)
Markazning xodimlarining cheklangan umumiy soni, shu jumladan Respublika ta’lim markazi xodimlarini 8 nafarga hamda Xalq ta’limi vazirligi markaziy apparati xodimlari sonini 1 nafarga qisqartirish hisobiga 23 nafardan iborat tuzilmasi 1-ilovaga muvofiq;
Oldingi tahrirga qarang.
(3-bandning uchinchi xatboshisi O‘zbekiston Respublikasi Vazirlar Mahkamasining 2016-yil 27-iyundagi 214-sonli qaroriga asosan o‘z kuchini yo‘qotgan — O‘R QHT, 2016-y., 26-son, 316-modda)
4. O‘zbekiston Respublikasi Xalq ta’limi vaziriga Markazning tasdiqlangan tuzilmasiga yuklangan vazifalarga muvofiq, xodimlarining belgilangan soni va ish haqi fondi doirasida o‘zgartirishlar kiritish huquqi berilsin.
Markazni ta’lim beradigan elektron multimedia dasturlarini ishlab chiqish, joriy etish va ulardan foydalanish sohasidagi yuqori malakali mutaxassislar, shuningdek, loyihani samarali amalga oshirishni kafolatlovchi boshqa mutaxassislar bilan butlash chora-tadbirlarini ko‘rsin.
6. Toshkent shahar hokimligi O‘zbekiston Respublikasi Xalq ta’limi vazirligi bilan kelishgan holda Markazni joylashtirish uchun bir oy muddatda bino ajratsin.
7. O‘zbekiston Respublikasi Moliya vazirligi Markazning ta’minoti uchun 2006-yilga tasdiqlangan budjet parametrlari doirasida zarur mablag‘lar ajratsin, 2007-yildan boshlab esa Davlat budjeti parametrlarida mablag‘larni nazarda tutsin.
Oldingi tahrirga qarang.
(8-band O‘zbekiston Respublikasi Vazirlar Mahkamasining 2018-yil 5-iyuldagi 507-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 06.07.2018-y., 09/18/507/1465-son)
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari R.S. Azimov va R.S. Qosimov zimmasiga yuklansin.
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2016-yil 27-iyundagi 214-sonli qaroriga asosan o‘z kuchini yo‘qotgan — O‘R QHT, 2016-y., 26-son, 316-modda)