Ўзбекистон Республикаси Қонунчилик маълумотлари миллий базаси

Kонституциявий ҳуқуқ. Энциклопедик луғат

БАРБАДОС

Кариб денгизининг Вест-Индия қисмидаги оролда жойлашган давлат. 1966 йил 30 ноябрда унга мустақиллик берилган. Британия Ҳамдўстлигининг аъзоси. Пойтахти - Бриджтаун шаҳри.

Маъмурий бўлиниши - 11 та туман (париш) дан иборат.

Конституцияси 1966 йил 30 ноябрда кучга кирган.

Британия Қироличаси генерал-губернаторни тайинлайди.

Парламенти икки палатали бўлиб, Сенат (5 йилга генерал-губернатор тайинлайдиган 21 сенатор, бундан 12 нафари бош вазирнинг, икки нафари муҳолифат етакчисининг тавсиясига биноан, етти нафари генерал-губернаторнинг ўз ихтиёрича тайинланади) ва 5 йил муддатга сайланадиган 28 депутатдан ташкил топадиган Мажлис Палатасидан иборат.

Гарчи бош вазирни расман генерал-губернатор тайинласа-да, парламентда кўпчиликни ташкил этувчи партия етакчиси ҳукуматни тузади.