Ўзбекистон Республикаси Ҳукумати ва Украина Ҳукумати, бундан кейин «Томонлар» деб аталувчилар,
жиноятчилик, хусусан, унинг уюшган шакллари ривожланишининг миқёслари ва тамойилларидан ташвишланиб,
кишилар ҳаёти, ҳуқуқи ва эрки, обрўйи ва қадр-қиммати, жамият ва давлат манфаатларига тажовуз қилишдан пухта ҳимоя қилишни таъминлашга интилишдан келиб чиқиб,
умум тан олинган инсон ҳуқуқлари ва эркинликларига амал қилиш борасида халқаро ҳамкорликнинг аҳамиятига алоҳида эътибор бериб,
Бирлашган Миллатлар Ташкилотининг ва Мустақил Давлатлар Ҳамдўстлигининг жиноятчиликнинг олдини олиш ва жиноий одил судлов амалга ошириш борасидаги ҳужжатлари қоидаларини ҳисобга олиб,
1993 йил 22 январда қабул қилинган фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисидаги Конвенцияни, шунингдек, 1993 йил 12 мартда МДҲ ҳукуматлари бошлиқлари Кенгаши қарори билан тасдиқланган Мустақил Давлатлар Ҳамдўстлигига аъзо давлатлар ҳудудида уюшган жиноятчилик ва жиноятнинг бошқа хавфли турларига қарши кураш бўйича қўшма тадбирлар Дастурини эътиборга олиб,
1992 йил 25 августда қабул қилинган Ўзбекистон Республикаси ва Украина ўртасида давлатлараро муносабатлар асослари, дўстлик ва ҳамкорлик тўғрисидаги Шартнома ҳамда 1995 йил 20 июндаги ўзбек-украин ҳамкорлигини кенгайтириш ва чуқурлаштириш тўғрисидаги Декларация қоидаларига таяниб,
1. Томонлар ўзларининг марказий мутасадди идоралари орқали ушбу Битим қоидаларига мувофиқ равишда ва ўз давлатлари қонунчилиги ҳамда халқаро мажбуриятларига амал қилган ҳолда жиноятчиликка қарши кураш бўйича ҳамкорлик қиладилар.
Ўзбекистон Республикаси учун — Давлат солиқ қўмитаси, Адлия вазирлиги, Ички ишлар вазирлиги, Прокуратура, Миллий хавфсизлик хизмати;
Украина учун — Бош Прокуратура, Ички ишлар вазирлиги, Хавфсизлик хизмати, Давлат божхона қўмитаси, Украина давлат чегарасини ҳимоя қилиш ишлари бўйича давлат қўмитаси ҳисобланади.
4. Томонлардан ҳар бири иккинчи Томонни ўз марказий мутасадди идоралари рўйхати ўзгарганлиги ҳақида хабардор қилиб боради.
5. Марказий мутасадди идоралар ушбу Битимни бажариш мақсадида бир-бирлари билан бевосита мулоқот ўрнатадилар. Агар манфаатдор марказий мутасадди идоралар шу тартиб ҳақида ўзаро келишсалар. Ушбу Битимда кўзда тутилган ҳамкорлик тадбирлари маҳаллий даражада ҳам олиб борилиши мумкин.
1. Томонлар жиноятни олдини олиш, аниқлаш, тўхтатиш ва очиш, хусусан, қуйидаги хатти-ҳаракатлар бўйича ҳамкорлик қиладилар:
шахс ҳаёти, саломатлиги, эрки ва қадр-қимматига қарши қаратилган, шунингдек, мулкка қарши куч ишлатиб қилинган жиноятлар;
қонунсиз равишда қурол, ўқ-дори, портловчи ва заҳарли моддалар, шунингдек, радиоактив ашёлар ишлатиш;
гиёҳвандлик воситалари ва психотроп моддалар, шунингдек, уларни ишлаб чиқариш жараёнида фойдаланиладиган моддаларни ишлаб чиқариш ва улардан фойдаланиш;
иқтисод соҳасидаги жиноятлар, шу жумладан, валюта бойликлари билан қонунсиз операциялар, қонунсиз халқаро молиявий ва экспорт операциялари, жиноий фаолиятдан топилган даромадларни қонунлаштириш, сохта пул белгилари ва молиявий ҳужжатлар, қимматбаҳо қоғозлар ва бенақд тўлов воситалари ясаш ва ўтказиш;
паспорт-виза ишлари, келиш, кетиш, транзит поездлар ва хорижий фуқаролар ҳамда фуқаролиги бўлмаган шахслар туришини назорат қилиш;
жиноятчиликка қарши кураш манфаатларига хизмат қиладиган, шу жумладан, ахборий тизимлар, алоқа воситалари ва махсус техника бўйича илмий тадқиқотларни амалга ошириш.
Ушбу Битимнинг 2-моддаси қоидаларини ҳаётга татбиқ этиш мақсадида Томонлар марказий идоралари, жумладан, қуйидаги шаклларда ҳамкорликлар олиб борадилар:
тайёрланаётган ёхуд содир этилган жиноятлар ва уларга алоқадор жисмоний ва ҳуқуқий шахслар ҳамда ташкилотлар ҳақида қизиқиш уйғотувчи ахборотлар алмашлаш;
қонунсиз тарзда муомалада бўлган гиёҳванд воситалар ва психотроп моддаларнинг янги турлари, уларни ишлаб чиқариш технологияси ва бунда ишлатиладиган моддалар, шунингдек гиёҳванд восита ва психотроп моддаларни тадқиқ этиш ҳамда аниқлашнинг янги усуллари тўғрисида ахборотлар алмашиш;
тартиб рақами ёки махсус белгиси мавжуд предметлар, шу жумладан, автонақлиёт ва ўқ отар қурол, шунингдек, тартиб рақамли қимматбаҳо қоғоз ва паспортлар (шахс гувоҳномаси)ни излаш;
иш тажрибаси билан алмашиш, шу жумладан, стажировкалар, машваратлар, семинарлар ва ўқув курслари ўтказиш;
қонунчилик ва бошқа меъёрий-ҳуқуқий актлар алмашиш, ўқув ва тадрижий адабиётларга эга бўлиш соҳасида ўзаро ёрдамлашиш;
1. Ушбу Битим доирасида ҳамкорлик Томонлар мутасадди идораларининг ёрдам кўрсатиш ҳақида сўровлари асосида олиб борилади.
2. Ёрдам кўрсатиш ҳақидаги сўров ёзма равишда жўнатилади. Шошилинч ҳолатларда сўровлар телетайп, телефакс, телеграф орқали юборилиши мумкин, бироқ улар ўн кун ичида ёзма равишда тасдиқланиши керак.
Ёрдам кўрсатиш ҳақида сўровнинг ҳақиқийлиги ёки мазмунига шубҳа туғилса, унинг тасдиғи сўралиши мумкин.
в) ишга алоқадор шахслар исми ва насаби, фуқаролиги, уларнинг яшаш ва қўним жойи, шунингдек бошқа маълумотлар.
4. Жўнатилган ёки ёзма шаклда тасдиқланган ёрдам кўрсатиш ҳақида сўров сўраётган мутасадди идора раҳбари ёки унинг муовини тарафидан имзоланади ва ушбу Битим 1-моддаси 5-бандида кўзда тутилган тартибда жўнатилади.
1. Агар сўров олган Томон сўровни бажариш унинг давлати манфаатларига зиён етказади ёхуд унинг қонунчилигига ёки халқаро мажбуриятларига зид келади деб ҳисобласа, ушбу Битим доирасида ёрдам кўрсатиш бутунлай ёки қисман рад этилади.
2. Агар сўров келишига сабаб бўлган хатти-ҳаракат сўров олган Томон давлатида амалда бўлган қонунчилик бўйича жиноят ҳисобланмаса, ёрдам кўрсатиш рад этилиши мумкин.
3. Сўровни бажаришни рад этиш ҳақида қарор қабул қилинган тақдирда сўров юборган Томон рад этишнинг сабаблари кўрсатилган ҳолда хабардор қилиниши керак.
1. Агар сўровни бажариш сўров олган идора компетенциясига кирмаса, бу идора уни тезда мутасадди идорага жўнатади ва бундан сўров юборган Томонни хабардор қилади.
2. Эҳтиёж туғилгудек бўлса, сўров олган Томон сўровни бажариш учун зарур деб ҳисобланган тақдирда қўшимча маълумотлар сўраш ҳуқуқига эга.
3. Сўров олган Томон марказий мутасадди идоралари сўровнинг тез, имкон қадар тўла ва сифатли бажарилишини таъминловчи барча чора-тадбирлар кўради.
Сўровни бажаришга халақит қиладиган ёки уни жиддий тўхтатиб турадиган вазиятлар юзага келса, бу ҳақда зудлик билан сўров юборган мутасадди идора хабардор қилинади.
4. Сўровни бажаришда сўров олган Томон давлати қонунчилиги қўлланади, лекин сўров юборган Томон илтимосига кўра, агар сўров олган Томон давлати қонунчилиги ёки унинг халқаро мажбуриятларига зид келмаса, сўров юборган Томон давлати қонунчилиги қўлланиши мумкин.
5. Агар сўров олган Томон сўровни бажариш жиноий қидирув ёки бошқа ўз давлатида амалга оширилаётган бошқа ишларга халақит қилади деб ҳисобласа, у сўровни бажаришни тўхтатиб туриши ёки уни сўров юборган Томон мутасадди идоралари билан машваратлар ўтказганидан кейин муайянлашадиган шартларга риоя қилинган тақдирдагина бажаришини билдириши мумкин. Агар сўров юборган Томон шундай шартлар асосида ёрдам берилишига кўнса, бу шартларга амал қилишни зиммасига олиши керак.
6. Сўров олган Томон, сўров юборган Томон илтимос қилгудек бўлса, сўров ва унинг мазмунини махфий тутишнинг барча чора-тадбирларини кўради. Агар сўровни махфий тутмасдан бажаришнинг иложи бўлмаса, сўров олган Томон мутасадди идораси бу ҳақда сўров юборган Томон мутасадди идорасини хабардор қилади ва у сўровни ана шундай шароитда бажариш керакми-йўқлигини ҳал этади.
7. Сўров юборган Томон мутасадди идораси илтимос қилган тақдирда сўров олган Томон мутасадди идораси уни сўровнинг бажарилиши қандай бораётгани ҳақида хабардор қилади.
8. Сўров олган Томон мутасадди идораси имкон қадар қисқа муддатда сўров юборган Томон мутасадди идорасини сўровнинг бажарилиши натижалари ҳақида хабардор қилади.
1. Сўров олган Томон сўров юборган Томонга сўров олган Томон мутасадди идораси билан олдиндан келишиб олмай туриб ушбу Битимга мувофиқ олинган сўров натижаларидан сўровда қайд этилган мақсадлардан бошқа мақсадларда фойдаланмаслик ҳақида илтимос билан мурожаат қилиши мумкин. Бундай холларда сўров юборган Томон сўровни бажариш натижаларидан фойдаланишда кўрсатилган чекланишга амал қилади.
2. Сўров олган томон сўров юборган Томонга ушбу Битимга мувофиқ олинган сўровни бажариш натижаларини ёймаслик ёки фақат у билан ўзаро келишилган шарт-шароитлардагина фойдаланиш ҳақида илтимос билан мурожаат қилиши мумкин. Агар сўров юборган Томон сўровни бажариш натижаларини шу шарт билан қабул қилса, у ана шу шартларга имкони қадар амал қилишга интилиши лозим.
3. Ушбу модда мазмуни, агар сўров юборган Томон давлати қонунчилигида албатта шундай иш кўриш кўзда тутилган бўлса, сўровни бажариш натижаларидан фойдаланиш ёки ошкор қилишни ман этмайди. Сўров юборган Томон сўров олган Томонни олдиндан ана шундай фойдаланиш ва ошкор қилиш мумкинлиги ва мўлжалланаётганлиги ҳақида хабардор қилади.
1. Томонлар ўз давлатлари қонунчилиги ва ўз имкониятлари доирасида ҳар қандай учинчи Томон билан қонунсиз равишда предмет ва нарсалар билан муомалада бўлган шахсларни топиш ва уларни жиноий қидирув мақсадида битим ва шартномаларни ичига олган ҳолда муомалада бўлиши таъқиқланган предмет ва нарсаларни икки тарафлама шартнома асосида назорат қилинувчи жўнатмалар усулидан фойдаланишни кўзда тутадиган зарур чора-тадбирлар кўрадилар.
2. Иккала Томон мутасадди идоралари тарафидан назорат қилинувчи жўнатмалар усулини қўллаш ҳақида қарор ҳар бир алоҳида ҳодисада жамоат тартибини сақлашни ҳисобга олган ҳолда, зарурат туғилса, молиявий шартномалар ва Томонлар қабул қилган юрисдикция бўйича ўзаро тушуниш ҳам инобатга олиниши мумкин.
3. Назорат қилинувчи жўнатмалар имзоланган шартномаларга мувофиқ, шу жумладан, хар қандай учинчи томон иштирокида ўтказиладиган қонунсиз предмет ва нарсалар партиялари қўлга олиниши ва жиноят-процессуал қонунчиликка асосан қайта жўнатиш учун уни тўлиқ ёки қисман ушлаб қолиниши ёхуд тўла ёки қисман алмаштирилиши мумкин.
Томонлар ўз давлатлари қонунчилиги асосида тегишли ҳолатларда шахслар хавфсизлигини, зарурат туғилиб қолган ҳолатларда кўрсатмалари ёки хатти-ҳаракатлари уюшган жиноятчи гуруҳлар фаолиятидан хабардор қилиш ёки унга қўшилиш ёхуд жиноий ишларни қидириш ёки кўриб чиқиш учун муҳим аҳамиятга эга бўлган уларнинг яқин қариндошлари хавфсизлигини таъминлашнинг хам ўзаро келишилган чора-тадбирларини кўрадилар.
Ушбу Битимни амалга ошириш мақсадида манфаатдор Томонлар марказий мутасадди идоралари муассасалараро битимлар тузишлари мумкин.
1. Агар ҳар бир муайян ҳодиса учун бошқа тартиб келишиб олинмаган бўлса, Томонлар ушбу Битимни амалга ошириш жараёнида зарур бўладиган харажатларни мустақил равишда ўзлари тўлайдилар.
2. Томонлар, зарурат туғилгудек бўлса, бир-бирларига беминнат ёрдам қиладилар, жумладан, жиноятчиликка қарши кураш бўйича муайян вазифаларни ҳал этиш учун зарур ускуна ва ашёлар етказиб берадилар.
Томонлар мутасадди идоралари ушбу Битим асосида ҳамкорликни амалга оширишда ўзбек, украин тилларидан унинг рус тилидаги, таржимани амалга оширган органнинг имзоси ва муҳри билан тасдиқланган таржимасидан фойдаланадилар.
1. Томонлар ёки уларнинг марказий мутасадди идоралари вакиллари, зарурат туғилгудек бўлса, ушбу Битим асосидаги ҳамкорликларни мустаҳкамлаш ва самарадорлигини ошириш масалаларини кўриб чиқиш мақсадида иш юзасидан учрашувлар ва машваратлар ўтказадилар.
2. Томонлар ва уларнинг марказий мутасадди идоралари ушбу Битим қоидаларини талқин этиш ва кўллаш билан боғлиқ барча баҳсли масалаларни машваратлар ва музокаралар йўли билан ҳал этадилар.
Ушбу Битим қоидалари Томонларнинг ўзлари аъзо бўлган бошқа халқаро Шартномалар бўйича ҳуқуқ ва мажбуриятларига дахл қилмайди.
Ушбу Битим имзоланган кундан бошлаб кучга киради ва Томонлардан бири уни тўхтатиш нияти борлиги ҳақида ёзма равишда иккинчи Томоннинг билдиришномасини олган кунидан кейин олти ой ўтганигача амал қилади.
Тошкент шаҳрида 1995 йил 20 июнда икки нусхада, ҳар бири ўзбек, украин ва рус тилларида тузилди, бунда барча матнлар бир хил кучга эга.