T/R

Tadbir nomi

Amalga oshirish mexanizmi

Bajarish muddati

Masʼullar

1.

Migratsiya sohasidagi munosabatlarni tartibga soluvchi amaldagi normativ-huquqiy hujjatlarni xatlovdan oʻtkazish.

1. Ichki va tashqi migratsiya sohasidagi munosabatlarni tartibga soluvchi amaldagi normativ-huquqiy hujjatlarni toʻliq xatlovdan oʻtkazish.

2. Xatlov natijalariga koʻra normativ-huquqiy hujjatlarda aniqlangan boʻshliqlar va oʻzaro nomuvofiqliklarni oʻrganish.

3. Oʻrganish natijalarida aniqlangan muammolar va kamchiliklarni bartaraf etish boʻyicha takliflarni oʻz ichiga olgan tahliliy maʼlumotnoma tayyorlash.

2024 yil may

Adliya vazirligi,

Ichki ishlar vazirligi,

Tashqi ishlar vazirligi,

Kambagʻallikni qisqartirish va bandlik vazirligi,

Tashqi mehnat migratsiyasi agentligi

2.

Migratsiya sohasidagi joriy holat va mavjud muammolarni oʻrganish.

1. Oʻzbekiston Respublikasiga kelgan chet el fuqarolari, fuqaroligi boʻlmagan shaxslar haqidagi statistik maʼlumotlarni quyidagi toifalar boʻyicha oʻrganish:

Oʻzbekiston Respublikasi hududida boʻlib turgan chet el fuqarolari va fuqaroligi boʻlmagan shaxslarning sonini migratsiya maqsadi va davlatlar ulushi boʻyicha tasniflash;

maʼlum bir davr mobaynida chet el fuqarolari va fuqaroligi boʻlmagan shaxslar tomonidan Oʻzbekiston Respublikasi hududida sodir qilingan maʼmuriy huquqbuzarlik va jinoyatlar sonini aniqlash.

2. Ichki migratsiya jarayonlarida qatnashayotgan fuqarolarning sonini migratsiya maqsadi va viloyatlar ulushi boʻyicha tasniflash.

3. Ichki migratsiya jarayonlarida yuzaga kelayotgan muammolarni aniqlash, ularning yuzaga kelish sabablarini oʻrganib, oldini olish boʻyicha takliflar ishlab chiqish.

4. Natijalari boʻyicha tahliliy maʼlumotnoma tayyorlash.

2024-yil iyun

Ichki ishlar vazirligi,

Kambagʻallikni qisqartirish va bandlik vazirligi,

Tashqi ishlar vazirligi,

Statistika agentligi,

Davlat xavfsizligi xizmati,

Bosh prokuratura

3.

Oʻzbekiston Respublikasi fuqarolarining tashqi mehnat migratsiyasi sohasidagi muammolarini oʻrganish.

1. Xorijdagi Oʻzbekiston Respublikasi fuqarolari sonini migratsiya maqsadi va davlatlardagi ulushi boʻyicha tasniflash;

2. Tashqi migratsiya jarayonlarida yuzaga kelayotgan muammolarni aniqlash, ularning yuzaga kelish sabablarini oʻrganib, oldini olish boʻyicha takliflar ishlab chiqish.

3. Migrantlar orqali mamlakatimizga yuborilayotgan pul oʻtkazmalari miqdorini aniqlash.

4. Natijalari boʻyicha tahliliy maʼlumotnoma tayyorlash.

2024-yil iyun

Kambagʻallikni qisqartirish va bandlik vazirligi,

Tashqi mehnat migratsiyasi agentligi,

Tashqi ishlar vazirligi,

Ichki ishlar vazirligi,

Iqtisodiyot va moliya vazirligi,

Davlat xavfsizligi xizmati,

Bosh prokuratura

4.

Oʻzbekiston Respublikasi fuqarolarining xorijda noqonuniy (nolegal) maqomda boʻlishi va uning salbiy oqibatlari bilan bogʻliq muammolarni oʻrganish.

1. Oʻzbekistondan xorijga vaqtinchalik ishlash uchun ketgan va noqonuniy maqomda boʻlgan fuqarolarga oid maʼlumotlar toʻplash va tahlil etish hamda bunda quyidagi holatlarga eʼtibor qaratish:

noqonuniy maqomda ishlash bilan bogʻliq xalqaro va milliy qonunchilikni oʻrganish;

noqonuniy maqomda boʻlish sabablari;

noqonuniy maqomda boʻlishning huquqiy oqibatlari;

noqonuniy maqomda boʻlishning oldini olishga qaratilgan choralarning samaradorligi.

2. Oʻrganish natijasida noqonuniy maqomda boʻlishning oldini olish va uning natijasida yuzaga kelishi mumkin boʻlgan salbiy holatlarni bartaraf etishga qaratilgan takliflarni oʻz ichiga olgan tahliliy maʼlumotnoma tayyorlash.

2024-yil iyul

Kambagʻallikni qisqartirish va bandlik vazirligi,

Tashqi mehnat migratsiyasi agentligi,

Tashqi ishlar vazirligi,

Davlat xavfsizligi xizmati,

Ichki ishlar vazirligi,

Adliya vazirligi,

Bosh prokuratura

5.

Mehnat migratsiyasi jarayonlarida qatnashadigan fuqarolar haqida maʼlumotni shakllantirish.

1. Mamlakatdagi ishsiz aholi sonini aniqlash va ularni yoshi, jinsi, maʼlumoti va mutaxassisligi boʻyicha tasniflash.

2. Oliy va professional taʼlim turlarini har yili tamomlayotgan bitiruvchilarning mehnat bozorida joylashishini tahlil qilish. Bunda eʼtiborni bitiruvchilarning yashash hududi boʻyicha rasmiy yoki norasmiy ishga joylashishi, yashash hududidagi viloyatdan tashqari respublikaning boshqa hududlarida rasmiy yoki norasmiy ravishda ishga joylashishi, xorijiy davlatlarga mehnat migranti sifatida ishga ketishi, shuningdek ishsiz qolishiga qaratish.

2024-yil iyul

Kambagʻallikni qisqartirish

va bandlik vazirligi,

Oliy taʼlim, fan va innovatsiyalar vazirligi,

Statistika agentligi,

Ichki ishlar vazirligi

6.

Mamlakatimiz va xorijiy davlatlar mehnat bozorida talab etilayotgan malakali mutaxassislar zaxirasini shakllantirish.

1. Mamlakatimiz va xorijiy davlatlar mehnat bozorida talab etilayotgan malakali mutaxassislar roʻyxatini aniqlash.

2. Malakali mutaxassislarni oʻqitish va tayyorlash boʻyicha aniq mexanizmlarni yaratish boʻyicha takliflar ishlab chiqish.

2024-yil iyul

Kambagʻallikni qisqartirish va bandlik vazirligi,

Oliy taʼlim, fan va innovatsiyalar vazirligi,

Iqtisodiyot va moliya vazirligi

7.

Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasi doirasida erishilishi koʻzda tutilayotgan maqsadlarni aniqlash va ularga erishishning asosiy yoʻnalishlarini belgilash.

1. Xorijiy davlatlarning migratsiya siyosatini oʻrganish, bunda asosiy eʼtiborni erishilgan yutuqlar va yoʻl qoʻyilgan kamchiliklarga qaratish.

2. Oʻrganish natijalarini chuqur tahlil qilgan holda Oʻzbekistonning migratsiya strategiyasi doirasida amalga oshirilishi lozim boʻlgan ishlarni belgilash, strategiya doirasida erishilishi kerak boʻlgan maqsadlarni ishlab chiqish.

3. Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasi maqsadlariga erishishni taʼminlovchi ustuvor vazifalarni belgilash.

2024 yil avgust

Vazirlar Mahkamasi,

Ichki ishlar vazirligi,

Kambagʻallikni qisqartirish va bandlik vazirligi,

Tashqi ishlar vazirligi,

Adliya vazirligi,

Iqtisodiyot va moliya vazirligi,

Bosh prokuratura,

Strategik islohotlar agentligi,

manfaatdor vazirlik va idoralar

8.

Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasidan kutilayotgan natijalarni tahlil qilish.

1. Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasini amalga oshirishdan kutilayotgan asosiy natijalarning roʻyxatini shakllantirish.

2. Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasidan kutilayotgan natijalarga erishish imkoniyatlarini oʻrganish.

2024 yil avgust

Vazirlar Mahkamasi,

Ichki ishlar vazirligi,

Kambagʻallikni qisqartirish va bandlik vazirligi,

Tashqi ishlar vazirligi,

Adliya vazirligi,

Iqtisodiyot va moliya vazirligi,

Bosh prokuratura,

Strategik islohotlar agentligi,

manfaatdor vazirlik va idoralar

9.

Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasini amalga oshirish, monitoring qilish va moliyalashtirish mexanizmini ishlab chiqish.

1. Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasini amalga oshirish va monitoring qilishda ishtirok etadigan davlat hokimiyati va boshqaruv organlarini belgilash.

2. Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasining amalga oshirilishini monitoring qilish tizimini ishlab chiqish.

3. Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasining amalga oshirilishini moliyalashtirish manbalarini belgilash.

4. Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasining amalga oshirilishini muhokama qilish tizimini joriy etish.

2024 yil sentabr

Vazirlar Mahkamasi,

Ichki ishlar vazirligi,

Kambagʻallikni qisqartirish va bandlik vazirligi,

Tashqi ishlar vazirligi,

Bosh prokuratura,

Iqtisodiyot va moliya vazirligi,

manfaatdor vazirlik va idoralar

10.

Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasining loyihasini xalqaro standartlarga muvofiq ishlab chiqish.

1. Migratsiya boʻyicha xalqaro tashkilot (IOM) — BMT migratsiya agentligi bilan muzokaralar olib borish;

2024 yil may

Tashqi ishlar vazirligi,

Ichki ishlar vazirligi,

Kambagʻallikni qisqartirish va bandlik vazirligi,

Adliya vazirligi,

Bosh prokuratura,

manfaatdor vazirlik va idoralar

2. Migratsiya boʻyicha xalqaro tashkilot (IOM) — BMT migratsiya agentligining texnik koʻmagida Strategiya loyihasini xalqaro standartlar va Migratsiya boʻyicha global pakt maqsadlariga muvofiqlashtirish;

2024 yil iyul

3. Migratsiya boʻyicha xalqaro tashkilot (IOM) — BMT migratsiya agentligining texnik koʻmagida Strategiyani amalga oshirish boʻyicha “yoʻl xaritasi”ni ishlab chiqish.

2024 yil oktabr

11.

Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasini qabul qilish.

1. Oʻzbekiston Respublikasining migratsiya siyosati yoʻnalishida 2030-yilgacha boʻlgan strategiyasi loyihasini ishlab chiqish.

2024 yil sentabr

Vazirlar Mahkamasi,

Ichki ishlar vazirligi,

Tashqi ishlar vazirligi,

Davlat xavfsizlik xizmati,

Kambagʻallikni qisqartirish va bandlik vazirligi,

Adliya vazirligi,

Strategik islohotlar agentligi,

Iqtisodiyot va moliya vazirligi,

Bosh prokuratura,

manfaatdor vazirlik va idoralar

2. Loyihani kelishish uchun manfaatdor davlat organlari va tashkilotlariga yuborish, shuningdek jamoatchilik muhokamasiga qoʻyish.

2024 yil oktabr

3. Loyiha boʻyicha bildirilgan takliflar va fikrlarni umumlashtirish hamda tahlil qilish.

4. Bildirilgan takliflar va fikrlardan kelib chiqqan holda yakuniy strategiya loyihasini tayyorlash.

2024 yil noyabr